ເພື່ອເປັນການສ້າງຂະບວນການຂໍ່ານັບຮັບຕ້ອນວັນປະຫວັດສາດທີ່ສຳຄັນຕ່າງໆຂອງຊາດ ຂອງກອງທັບໃຫ້ເປັນຂະບວນຟົດຟື້ນ. ເມື່ອບໍ່ດົນມານີ້, ຂະແໜງຊາວໜຸ່ມກອງພັນໃຫຍ່ 202 ທີ່ຂຶ້ນກັບກອງພົນທີ 2 ໄດ້ປຸກລະດົມ ແລະ ນຳພາສະມາຊິກຊາວໜຸ່ມຈາກໜ່ວຍຊາວໜຸ່ມຢູ່ບັນດາອົງການ ແລະ ກົມກອງ, ຮາກຖານອ້ອມຂ້າງກອງພັນໃຫຍ່ຂອງຕົນຈຳນວນ 120 ສະຫາຍ ຈັດກິດຈະກຳອອກແຮງງານລວມຖາງຫຍ້າ, ຖາງປ່າຕາມສອງຝາກທາງ ແລະ ຂຸດດິນຖົມບວກ, ຖົມຂຸມຕາມເສັ້ນທາງມີຄວາມຍາວ 3 ກິໂລແມັດ.ອະນາໄມດ້ວຍຄວາມຫ້າວຫັນ ແລະ ມີຄວາມຮັບຜິດຊອບສູງ ເພື່ອເຮັດໃຫ້ຖະໜົນຫົນທາງຂອບເຂດຮັບຜິດຊອບມີຄວາມສະອາດງາມຕາ, ເປັນລະບຽບຮຽບຮ້ອຍ ແລະ ມີຄວາມສະດວກໃນການສັນຈອນໄປ-ມາໃຫ້ທ່ວງທັນກັບສະພາບການ ທັງເປັນການສ້າງຜົນງານຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີທີ່ຈະມາເຖິງນີ້ ໃຫ້ເປັນຂະບວນການຟົດຟື້ນກວ້າງຂວາງຢ່າງຕໍ່ເນື່ອງ.

ຂ່າວ-ພາບ: ຄຳຊາຍ ກວ່າງຄຸນສີ