ທ່ານ ສົມສົດ ແສງອາພອນ ກໍາມະການພັກແຂວງ ເລຂາພັກເມືອງ ເຈົ້າເມືອງທ່າພະບາດ ແຂວງບໍລິຄໍາໄຊ ກ່າວວ່າ: ໃນປີ 2023 ການນໍາຂອງເມືອງໄດ້ສືບຕໍ່ນໍາພາກໍາລັງປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ) ເຄື່ອນໄຫວຢ່າງຕັ້ງໜ້າໃນການປະຕິບັດວຽກງານວິຊາສະເພາະຂອງຕົນ ເຮັດໃຫ້ທົ່ວເມືອງມີຄວາມສະຫງົບ,ຄວາມເປັນລະບຽບຮຽບຮ້ອຍໂດຍພື້ນຖານ.
ກອງບັນຊາການທະຫານເມືອງ ໄດ້ຕັ້ງໜ້າສູ້ຊົນຕາມແຜນງານ, ໂຄງການຂອງຕົນໃນການສ້າງບ້ານປ້ອງກັນຊາດໃນປີ 2023 ນີ້, ລົງປະເມີນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 14 ບ້ານ, ມາຮອດປັດຈຸບັນທົ່ວເມືອງມີບ້ານປ້ອງກັນຊາດທັງໝົດ 22 ບ້ານ ກວມເອົາ 84,61% ຂອງບ້ານທັງໝົດ. ຈັດກໍາລັງຕິດ ຕາມປ້ອງກັນການນໍາລົງເຄື່ອນໄຫວວຽກງານຢູ່ພາຍໃນເມືອງປ້ອງກັນຂົວ ແລະ ເສັ້ນທາງຫຼວງເລກທີ 13 ໃຕ້ໄດ້ 12 ຄັ້ງ, ອອກເຄື່ອນໄຫວສາລະເວຂອບເຂດຈຸດຫຼໍ່ແຫຼມໄດ້ 11 ຄັ້ງສາມາດຢຶດຂອງກາງໄດ້: ລົດຊີ້ງ 2 ຄັນ, ຈັກສະຕີນ 3 ຫົວ, ຈັກວີນ 2 ຫົວ, ໄມ້ 22 ຕັບ, ປືນແກັບ 7 ກະບອກ, ເປີດຊຸດອົບຮົມຫັດແອບການເມືອງ, ການທະຫານໃຫ້ກໍາລັງກອງຫຼອນເຂດພະບາດໄດ້ 1 ຄັ້ງ, ປັບປຸງກໍາລັງກອງຫຼອນບ້ານໄດ້ 3 ບ້ານຄື: ບ້ານຫາດໄຄ້,ບ້ານເລົ່າຄາ ແລະ ບ້ານນາແຄນ, ເປີດຊຸດອົບຮົມ-ຫັດແອບການສ້າງບ້ານປ້ອມໝັ້ນສູ້ຮົບໄດ້ 1 ບ້ານຄື: ບ້ານຫາດໄຄ້.
ກອງບັນຊາການ ປກສ ເມືອງໄດ້ປະກາດສ້າງຄອບຄົວ ແລະ ບ້ານປ້ອງກັນຄວາມສະຫງົບດີໄດ້ 24 ບ້ານເທົ່າກັບ 92,30%; ມີຄະດີເກີດຂຶ້ນ 118 ເລື່ອງ, ກັກຜູ້ຖືກຫາໄດ້ 98 ຄົນ, ມ້າງຄະດີຢາເສບຕິດໄດ້ທັງໝົດ 39 ລາຍ, ກັກຜູ້ຖືກຫາ 57 ຄົນ, ຢຶດຂອງກາງ: ຢາເສບຕິດ (ຢາບ້າ) ຈໍານວນ 5.294 ເມັດ, ປືນປະດິດ 1 ກະບອກໃບກະທ້ອມ 12,9 ກິໂລ, ຢາແກ້ໄອຈໍານວນ 29 ຂວດ; ອຸບັດເຫດເກີດຂຶ້ນທັງໝົດ 58 ລາຍ, ໄດ້ຮັບບາດເຈັບທັງໝົດ 106 ຄົນ, ເສຍຊີວິດ 14 ຄົນ; ອັກຄີໄພເກີດຂຶ້ນ 6 ເລື່ອງ, ຜົນເສຍຫາຍເຮືອນ 1 ຫຼັງ, ສວນຢາງພາລາ 2 ສວນ.
ສໍາລັບປີ 2024 ຈະມາເຖິງນີ້, ເມືອງຈະສືບຕໍ່ມອບໃບຢັ້ງຢືນຄອບຄົວ ແລະ ບ້ານປ້ອງກັນຊາດເຂັ້ມແຂງທີ່ຍັງເຫຼືອ 4 ບ້ານໃຫ້ສໍາເລັດ, ສ້າງແຜນອອກເຄື່ອນໄຫວຕາມຂອບເຂດຮັບຜິດຊອບ ແລະ ຂອບເຂດຊາຍແດນເຊື່ອມຕໍ່ບັນດາຈຸດຫຼໍ່ແຫຼມເມືອງຕໍ່ເມືອງ, ກຽມພ້ອມປ້ອງກັນ ແລະ ຊ່ວຍເຫຼືອການເກີດໄພພິບັດທີ່ອາດຈະເກີດຂຶ້ນ,ຈັດຕັ້ງອົບຮົມ-ຫັດແອບການເມືອງ, ການທະຫານໃຫ້ກອງຫຼອນໃຫ້ໄດ້ 2 ຊຸດ, ລົງປັບປຸງກໍາລັງກອງຫຼອນບ້ານໃຫ້ໜັກແໜ້ນເຂັ້ມແຂງ, ສືບຕໍ່ສ້າງແຜນອົບຮົມ-ຫັດແອບວຽກງານປ້ອງກັນຊາດ, ການສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນຂອບເຂດທົ່ວເມືອງໃຫ້ໄດ້ຢ່າງຕໍ່ເນື່ອງ. ສ່ວນວຽກງານປ້ອງກັນຄວາມສະຫງົບຈະສຸມໃສ່ຈັດຕັ້ງປະຕິບັດ 5 ຄາດໝາຍ, 4 ບຸກທະລຸ, 6 ແຜນການ ແລະ 19 ໂຄງການທີ່ຄະນະພັກ-ຄະນະບັນຊາໄດ້ກໍານົດໄວ້ຕິດພັນກັບການແກ້ໄຂບັນຫາປະກົດການຫຍໍ້ທໍ້ຕ່າງໆ ເປັນຕົ້ນແມ່ນການແກ້ໄຂບັນຫາ 4 ເຖື່ອນ, ລົງກໍ່ສ້າງຮາກຖານເຂດຈຸດສຸມຂອງເມືອງ.
ຂ່າວ: ຕະວິນຍານ
ກອງບັນຊາການທະຫານເມືອງ ໄດ້ຕັ້ງໜ້າສູ້ຊົນຕາມແຜນງານ, ໂຄງການຂອງຕົນໃນການສ້າງບ້ານປ້ອງກັນຊາດໃນປີ 2023 ນີ້, ລົງປະເມີນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 14 ບ້ານ, ມາຮອດປັດຈຸບັນທົ່ວເມືອງມີບ້ານປ້ອງກັນຊາດທັງໝົດ 22 ບ້ານ ກວມເອົາ 84,61% ຂອງບ້ານທັງໝົດ. ຈັດກໍາລັງຕິດ ຕາມປ້ອງກັນການນໍາລົງເຄື່ອນໄຫວວຽກງານຢູ່ພາຍໃນເມືອງປ້ອງກັນຂົວ ແລະ ເສັ້ນທາງຫຼວງເລກທີ 13 ໃຕ້ໄດ້ 12 ຄັ້ງ, ອອກເຄື່ອນໄຫວສາລະເວຂອບເຂດຈຸດຫຼໍ່ແຫຼມໄດ້ 11 ຄັ້ງສາມາດຢຶດຂອງກາງໄດ້: ລົດຊີ້ງ 2 ຄັນ, ຈັກສະຕີນ 3 ຫົວ, ຈັກວີນ 2 ຫົວ, ໄມ້ 22 ຕັບ, ປືນແກັບ 7 ກະບອກ, ເປີດຊຸດອົບຮົມຫັດແອບການເມືອງ, ການທະຫານໃຫ້ກໍາລັງກອງຫຼອນເຂດພະບາດໄດ້ 1 ຄັ້ງ, ປັບປຸງກໍາລັງກອງຫຼອນບ້ານໄດ້ 3 ບ້ານຄື: ບ້ານຫາດໄຄ້,ບ້ານເລົ່າຄາ ແລະ ບ້ານນາແຄນ, ເປີດຊຸດອົບຮົມ-ຫັດແອບການສ້າງບ້ານປ້ອມໝັ້ນສູ້ຮົບໄດ້ 1 ບ້ານຄື: ບ້ານຫາດໄຄ້.
ກອງບັນຊາການ ປກສ ເມືອງໄດ້ປະກາດສ້າງຄອບຄົວ ແລະ ບ້ານປ້ອງກັນຄວາມສະຫງົບດີໄດ້ 24 ບ້ານເທົ່າກັບ 92,30%; ມີຄະດີເກີດຂຶ້ນ 118 ເລື່ອງ, ກັກຜູ້ຖືກຫາໄດ້ 98 ຄົນ, ມ້າງຄະດີຢາເສບຕິດໄດ້ທັງໝົດ 39 ລາຍ, ກັກຜູ້ຖືກຫາ 57 ຄົນ, ຢຶດຂອງກາງ: ຢາເສບຕິດ (ຢາບ້າ) ຈໍານວນ 5.294 ເມັດ, ປືນປະດິດ 1 ກະບອກໃບກະທ້ອມ 12,9 ກິໂລ, ຢາແກ້ໄອຈໍານວນ 29 ຂວດ; ອຸບັດເຫດເກີດຂຶ້ນທັງໝົດ 58 ລາຍ, ໄດ້ຮັບບາດເຈັບທັງໝົດ 106 ຄົນ, ເສຍຊີວິດ 14 ຄົນ; ອັກຄີໄພເກີດຂຶ້ນ 6 ເລື່ອງ, ຜົນເສຍຫາຍເຮືອນ 1 ຫຼັງ, ສວນຢາງພາລາ 2 ສວນ.
ສໍາລັບປີ 2024 ຈະມາເຖິງນີ້, ເມືອງຈະສືບຕໍ່ມອບໃບຢັ້ງຢືນຄອບຄົວ ແລະ ບ້ານປ້ອງກັນຊາດເຂັ້ມແຂງທີ່ຍັງເຫຼືອ 4 ບ້ານໃຫ້ສໍາເລັດ, ສ້າງແຜນອອກເຄື່ອນໄຫວຕາມຂອບເຂດຮັບຜິດຊອບ ແລະ ຂອບເຂດຊາຍແດນເຊື່ອມຕໍ່ບັນດາຈຸດຫຼໍ່ແຫຼມເມືອງຕໍ່ເມືອງ, ກຽມພ້ອມປ້ອງກັນ ແລະ ຊ່ວຍເຫຼືອການເກີດໄພພິບັດທີ່ອາດຈະເກີດຂຶ້ນ,ຈັດຕັ້ງອົບຮົມ-ຫັດແອບການເມືອງ, ການທະຫານໃຫ້ກອງຫຼອນໃຫ້ໄດ້ 2 ຊຸດ, ລົງປັບປຸງກໍາລັງກອງຫຼອນບ້ານໃຫ້ໜັກແໜ້ນເຂັ້ມແຂງ, ສືບຕໍ່ສ້າງແຜນອົບຮົມ-ຫັດແອບວຽກງານປ້ອງກັນຊາດ, ການສ້າງບ້ານປ້ອມໝັ້ນ, ກຸ່ມບ້ານສູ້ຮົບຕິດລຽນຂອບເຂດທົ່ວເມືອງໃຫ້ໄດ້ຢ່າງຕໍ່ເນື່ອງ. ສ່ວນວຽກງານປ້ອງກັນຄວາມສະຫງົບຈະສຸມໃສ່ຈັດຕັ້ງປະຕິບັດ 5 ຄາດໝາຍ, 4 ບຸກທະລຸ, 6 ແຜນການ ແລະ 19 ໂຄງການທີ່ຄະນະພັກ-ຄະນະບັນຊາໄດ້ກໍານົດໄວ້ຕິດພັນກັບການແກ້ໄຂບັນຫາປະກົດການຫຍໍ້ທໍ້ຕ່າງໆ ເປັນຕົ້ນແມ່ນການແກ້ໄຂບັນຫາ 4 ເຖື່ອນ, ລົງກໍ່ສ້າງຮາກຖານເຂດຈຸດສຸມຂອງເມືອງ.
ຂ່າວ: ຕະວິນຍານ
