ໂດຍ: ສ.ບຸດປະຊາ
ບໍລິສັດ ພູເບ້ຍ ມາຍນິງ ຈໍາກັດ ໄດ້ເອົາໃຈໃສ່ບໍາບັດ ແລະ ພື້ນຟູສິ່ງແວດລ້ອມພື້ນທີ່ດຳເນີນງານ ດ້ວຍຄວາມເອົາໃຈໃສ່ຢ່າງໃກ້ຊິດຕໍ່ສິ່ງແລດລ້ອມ ໂດຍນໍາໃຊ້ຫຼັກການຄຸ້ມຄອງຂອງສາກົນ ເພື່ອປົກປ້ອງສິ່ງແວດລ້ອມ ດຳເນີນຢ່າງສອດຄອງກັບແນວທາງນະໂຍບາຍຂອງພັກ-ລັດຖະບານ ໂດຍສະເພາະແມ່ນ ກົດໝາຍວ່າດ້ວຍແຮ່ທາດ ຊຶ່ງໃນມາດຕາ 6 ກໍຄື ຫຼັກການກ່ຽວກັບວຽກງານແຮ່ທາດ ຊຶ່ງໃນນີ້ກໍມີການຮັບປະກັນເຖິງການປົກປັກຮັກສາສິ່ງແວດລ້ອມ ໂດຍມາຮອດປັດຈຸບັນ ພູເບ້ຍ ມາຍນິງ ກໍສຳເລັດອີກເຂດຟື້ນຟູໜຶ່ງ ທີ່ເປັນແບບຢ່າງໃນຄວາມເອົາໃຈໃສ່ ຮັກສາສິ່ງແວດລ້ອມ ໂດຍສະເພາະເຂດພື້ນຟູກອງໝ່າແຮ່ເກົ່າ.
ການບໍາບັດ ແລະ ຟື້ນຟູ ແມ່ນໜຶ່ງໃນເປົ້າໝາຍທີ່ບໍລິສັດດັ່ງກ່າວນີ້ໃຫ້ຄວາມເອົາໃຈໃສ່ ແລະ ຖືສຳຄັນເປັນທີ່ສຸດ ຈະບໍ່ປະຖິ້ມໄວ້ໃຫ້ເປັນມົນລະພິດ ຊຶ່ງປະເດັນດັ່ງກ່າວນີ້ ທ່ານ ຫານ ຈັນທະວົງ ຮອງຜູ້ຈັດການພະແນກສິ່ງແວດລ້ອມ ບໍລິສັດ ພູເບ້ຍ ມາຍນິງ ຈໍາກັດ ກ່າວວ່າ: ເຂດໂຮງງານຜະລິດຄໍາ ເມື່ອປີ 2005 ທີ່ຕັ້ງຢູ່ບ້ານນໍ້າຍອນ ເມືອງອານຸວົງ ແຂວງໄຊສົມບູນ ໄດ້ຢຸດການຜະລິດ ໃນປີ 2010 ຊຶ່ງເມື່ອກ່ອນການຜະລິດຄໍາແມ່ນໃຊ້ສານໄຊຍະນາຍ ແຕ່ພາຍຫຼັງປິດໂຮງງານເກົ່ານີ້ແລ້ວ ກໍໄດ້ສືບຕໍ່ບໍາບັດຕາມແຜນການທັນທີ. ປັດຈຸບັນ, ສາມາດບໍາບັດສຳເລັດໃນພື້ນທີ່ຕ່າງໆ ໃນນີ້ກໍມີກອງແຮ່ເກົ່າໃນເມື່ອກ່ອນ ຫຼື ກອງໝ່າແຮ່ເກົ່າໃນປັດຈຸບັນມີເນື້ອທີ່ປະມານ 30ກວ່າເຮັກຕາ ຊຶ່ງໄດ້ຮັບການບໍາບັດສະກັດສານດັ່ງກ່າວສຳເລັດ ຕາມເຕັກນິກວິທະຍາສາດ ຈົນໝົດໄປ ໂດຍໃນປີ 2018 ກໍໄດ້ມີການປັບພື້ນທີ່ ລະບົບການຟື້ນຟູຕາມເຕັກນິກ ແລະ ປັບປຸງລະບົບລະບາຍນໍ້າຕ່າງໆ, ນໍາເອົາດິນທໍາມະຊາດມາປົກຄຸມ 1 ແມັດ, ພື້ນທີ່ດິນກອງໝ່າແຮ່ເກົ່າໄດ້ຮັບການປັບຮູບຮ່າງເປັນລານຄືນໃໝ່.
ພື້ນທີ່ດັ່ງກ່າວ ແມ່ນກັບມາຢູ່ໃນລະດັບມາດຕະຖານສິ່ງແວດລ້ອມ ບໍ່ມີສານດັ່ງກ່າວ, ນໍ້າທີ່ໄຫຼຜ່ານອອກຈາກພື້ນທີ່ນີ້ ກໍຢູ່ໃນເກນມາດຕະຖານຄຸນນະພາບນໍ້າທົ່ວໄປທຸກຢ່າງ. ກ່ອນໜ້ານີ້, ໃນປີ 2019 ກໍໄດ້ມີການປູກຫຍ້າ ໂດຍຈະບໍ່ໄດ້ປູກຕົ້ນໄມ້ໃສ່ເພາະພື້ນທີ່ນີ້ ໄດ້ມອບຄືນໃຫ້ແກ່ລັດຖະບານ ກໍຄືແຂວງໄຊສົມບູນ ໂດຍໄດ້ໃຫ້ທະຫານແຂວງ ໄດ້ນໍາໃຊ້ໃນການຝຶກແອບຕ່າງໆ. ພື້ນທີ່ກອງໝ່າແຮ່ເກົ່ານີ້, ມີຫຍ້າຂຶ້ນຂຽວງາມ ແລະ ມີສັດລ້ຽງຂອງປະຊາຊົນ ຂຶ້ນມາກິນຫຍ້າໄດ້ຢ່າງປອດໄພ.
ທ່ານ ຫານ ຈັນທະວົງ ຍັງກ່າວໃຫ້ຮູ້ຕື່ມວ່າ: ບໍລິສັດ ຍັງສືບຕໍ່ຟື້ນຟູເຂດພື້ນທີ່ຍັງເຫຼືອ ຊຶ່ງມີແຕ່ເຂດພື້ນທີ່ດິນທາມ ຊຶ່ງມີໜອງບໍາບັດນໍ້າແບບທໍາມະຊາດໃນເມື່ອກ່ອນ ແມ່ນໄດ້ຮັບການບໍາບັດສຳເລັດແລ້ວ ແລະ ກຳລັງສືບຕໍ່ຟື້ນຟູ ໂດຍປະຕິບັດຕາມແຜນການ ຊຶ່ງປັດຈຸບັນພື້ນທີ່ດິນທາມ ກໍາລັງຢູ່ໃນໄລຍະສຶກສາຄວາມເປັນໄປໄດ້ ວ່າຈະຟື້ນຟູໄປໃນທິດທາງໃດ.
ນີ້ເປັນຕົວຢ່າງໜຶ່ງ, ເມື່ອເວລາທີ່ສຳເລັດໃນການຂຸດຄົ້ນ, ຜະລິດບໍແຮ່ ແລ້ວຈະມີການບໍາບັດ ແລະ ຟື້ນຟູສິ່ງແວດລ້ອມ ຊຶ່ງໂຮງງານຂຸດຄົ້ນ-ປຸງແຕ່ງ ທອງ-ຄໍາ ພູຄໍາ ທີ່ກຳລັງດຳເນີນຢູ່ ກໍຈະຄ້າຍໆກັນ ຕ່າງແຕ່ວ່າການຜະລິດຢູ່ນີ້ ນັບແຕ່ປິດໂຮງງານເກົ່າມາຮອດປັດຈຸບັນບໍ່ໄດ້ໃຊ້ສານໄຊຍະນາຍ ແມ່ນນໍາໃຊ້ເຕັກນິກໃໝ່ແບບຈັບການຟູລອຍຂອງແຮ່. ບໍລິສັດ ມີເປົ້າໝາຍໃນດ້ານການບໍາບັດ ແລະ ພື້ນຟູ ໂດຍບໍ່ປະໄວ້ໃຫ້ເປັນມົນລະພິດ ຕໍ່ສິ່ງແວດລ້ອມ ໂດຍຕ້ອງມີການບໍາບັດໃຫ້ໄດ້ຕາມມາເຕະຖານສິ່ງແວດລ້ອມ ແລ້ວຈຶ່ງເລີ່ມພື້ນຟູ ຊຶ່ງຂຶ້ນກັບແຜນປິດບໍ່ ທີ່ບໍລິສັດໄດ້ສົ່ງໃຫ້ກັບພາກລັດ ແລະ ຟື້ນຟູໄປຕາມຈຸດປະສົງທີ່ລັດຈະນໍາໃຊ້ພື້ນທີ່ດັ່ງກ່າວ.
ບໍລິສັດ ພູເບ້ຍ ມາຍນິງ ຈໍາກັດ ໄດ້ເອົາໃຈໃສ່ບໍາບັດ ແລະ ພື້ນຟູສິ່ງແວດລ້ອມພື້ນທີ່ດຳເນີນງານ ດ້ວຍຄວາມເອົາໃຈໃສ່ຢ່າງໃກ້ຊິດຕໍ່ສິ່ງແລດລ້ອມ ໂດຍນໍາໃຊ້ຫຼັກການຄຸ້ມຄອງຂອງສາກົນ ເພື່ອປົກປ້ອງສິ່ງແວດລ້ອມ ດຳເນີນຢ່າງສອດຄອງກັບແນວທາງນະໂຍບາຍຂອງພັກ-ລັດຖະບານ ໂດຍສະເພາະແມ່ນ ກົດໝາຍວ່າດ້ວຍແຮ່ທາດ ຊຶ່ງໃນມາດຕາ 6 ກໍຄື ຫຼັກການກ່ຽວກັບວຽກງານແຮ່ທາດ ຊຶ່ງໃນນີ້ກໍມີການຮັບປະກັນເຖິງການປົກປັກຮັກສາສິ່ງແວດລ້ອມ ໂດຍມາຮອດປັດຈຸບັນ ພູເບ້ຍ ມາຍນິງ ກໍສຳເລັດອີກເຂດຟື້ນຟູໜຶ່ງ ທີ່ເປັນແບບຢ່າງໃນຄວາມເອົາໃຈໃສ່ ຮັກສາສິ່ງແວດລ້ອມ ໂດຍສະເພາະເຂດພື້ນຟູກອງໝ່າແຮ່ເກົ່າ.
ການບໍາບັດ ແລະ ຟື້ນຟູ ແມ່ນໜຶ່ງໃນເປົ້າໝາຍທີ່ບໍລິສັດດັ່ງກ່າວນີ້ໃຫ້ຄວາມເອົາໃຈໃສ່ ແລະ ຖືສຳຄັນເປັນທີ່ສຸດ ຈະບໍ່ປະຖິ້ມໄວ້ໃຫ້ເປັນມົນລະພິດ ຊຶ່ງປະເດັນດັ່ງກ່າວນີ້ ທ່ານ ຫານ ຈັນທະວົງ ຮອງຜູ້ຈັດການພະແນກສິ່ງແວດລ້ອມ ບໍລິສັດ ພູເບ້ຍ ມາຍນິງ ຈໍາກັດ ກ່າວວ່າ: ເຂດໂຮງງານຜະລິດຄໍາ ເມື່ອປີ 2005 ທີ່ຕັ້ງຢູ່ບ້ານນໍ້າຍອນ ເມືອງອານຸວົງ ແຂວງໄຊສົມບູນ ໄດ້ຢຸດການຜະລິດ ໃນປີ 2010 ຊຶ່ງເມື່ອກ່ອນການຜະລິດຄໍາແມ່ນໃຊ້ສານໄຊຍະນາຍ ແຕ່ພາຍຫຼັງປິດໂຮງງານເກົ່ານີ້ແລ້ວ ກໍໄດ້ສືບຕໍ່ບໍາບັດຕາມແຜນການທັນທີ. ປັດຈຸບັນ, ສາມາດບໍາບັດສຳເລັດໃນພື້ນທີ່ຕ່າງໆ ໃນນີ້ກໍມີກອງແຮ່ເກົ່າໃນເມື່ອກ່ອນ ຫຼື ກອງໝ່າແຮ່ເກົ່າໃນປັດຈຸບັນມີເນື້ອທີ່ປະມານ 30ກວ່າເຮັກຕາ ຊຶ່ງໄດ້ຮັບການບໍາບັດສະກັດສານດັ່ງກ່າວສຳເລັດ ຕາມເຕັກນິກວິທະຍາສາດ ຈົນໝົດໄປ ໂດຍໃນປີ 2018 ກໍໄດ້ມີການປັບພື້ນທີ່ ລະບົບການຟື້ນຟູຕາມເຕັກນິກ ແລະ ປັບປຸງລະບົບລະບາຍນໍ້າຕ່າງໆ, ນໍາເອົາດິນທໍາມະຊາດມາປົກຄຸມ 1 ແມັດ, ພື້ນທີ່ດິນກອງໝ່າແຮ່ເກົ່າໄດ້ຮັບການປັບຮູບຮ່າງເປັນລານຄືນໃໝ່.
ພື້ນທີ່ດັ່ງກ່າວ ແມ່ນກັບມາຢູ່ໃນລະດັບມາດຕະຖານສິ່ງແວດລ້ອມ ບໍ່ມີສານດັ່ງກ່າວ, ນໍ້າທີ່ໄຫຼຜ່ານອອກຈາກພື້ນທີ່ນີ້ ກໍຢູ່ໃນເກນມາດຕະຖານຄຸນນະພາບນໍ້າທົ່ວໄປທຸກຢ່າງ. ກ່ອນໜ້ານີ້, ໃນປີ 2019 ກໍໄດ້ມີການປູກຫຍ້າ ໂດຍຈະບໍ່ໄດ້ປູກຕົ້ນໄມ້ໃສ່ເພາະພື້ນທີ່ນີ້ ໄດ້ມອບຄືນໃຫ້ແກ່ລັດຖະບານ ກໍຄືແຂວງໄຊສົມບູນ ໂດຍໄດ້ໃຫ້ທະຫານແຂວງ ໄດ້ນໍາໃຊ້ໃນການຝຶກແອບຕ່າງໆ. ພື້ນທີ່ກອງໝ່າແຮ່ເກົ່ານີ້, ມີຫຍ້າຂຶ້ນຂຽວງາມ ແລະ ມີສັດລ້ຽງຂອງປະຊາຊົນ ຂຶ້ນມາກິນຫຍ້າໄດ້ຢ່າງປອດໄພ.
ທ່ານ ຫານ ຈັນທະວົງ ຍັງກ່າວໃຫ້ຮູ້ຕື່ມວ່າ: ບໍລິສັດ ຍັງສືບຕໍ່ຟື້ນຟູເຂດພື້ນທີ່ຍັງເຫຼືອ ຊຶ່ງມີແຕ່ເຂດພື້ນທີ່ດິນທາມ ຊຶ່ງມີໜອງບໍາບັດນໍ້າແບບທໍາມະຊາດໃນເມື່ອກ່ອນ ແມ່ນໄດ້ຮັບການບໍາບັດສຳເລັດແລ້ວ ແລະ ກຳລັງສືບຕໍ່ຟື້ນຟູ ໂດຍປະຕິບັດຕາມແຜນການ ຊຶ່ງປັດຈຸບັນພື້ນທີ່ດິນທາມ ກໍາລັງຢູ່ໃນໄລຍະສຶກສາຄວາມເປັນໄປໄດ້ ວ່າຈະຟື້ນຟູໄປໃນທິດທາງໃດ.
ນີ້ເປັນຕົວຢ່າງໜຶ່ງ, ເມື່ອເວລາທີ່ສຳເລັດໃນການຂຸດຄົ້ນ, ຜະລິດບໍແຮ່ ແລ້ວຈະມີການບໍາບັດ ແລະ ຟື້ນຟູສິ່ງແວດລ້ອມ ຊຶ່ງໂຮງງານຂຸດຄົ້ນ-ປຸງແຕ່ງ ທອງ-ຄໍາ ພູຄໍາ ທີ່ກຳລັງດຳເນີນຢູ່ ກໍຈະຄ້າຍໆກັນ ຕ່າງແຕ່ວ່າການຜະລິດຢູ່ນີ້ ນັບແຕ່ປິດໂຮງງານເກົ່າມາຮອດປັດຈຸບັນບໍ່ໄດ້ໃຊ້ສານໄຊຍະນາຍ ແມ່ນນໍາໃຊ້ເຕັກນິກໃໝ່ແບບຈັບການຟູລອຍຂອງແຮ່. ບໍລິສັດ ມີເປົ້າໝາຍໃນດ້ານການບໍາບັດ ແລະ ພື້ນຟູ ໂດຍບໍ່ປະໄວ້ໃຫ້ເປັນມົນລະພິດ ຕໍ່ສິ່ງແວດລ້ອມ ໂດຍຕ້ອງມີການບໍາບັດໃຫ້ໄດ້ຕາມມາເຕະຖານສິ່ງແວດລ້ອມ ແລ້ວຈຶ່ງເລີ່ມພື້ນຟູ ຊຶ່ງຂຶ້ນກັບແຜນປິດບໍ່ ທີ່ບໍລິສັດໄດ້ສົ່ງໃຫ້ກັບພາກລັດ ແລະ ຟື້ນຟູໄປຕາມຈຸດປະສົງທີ່ລັດຈະນໍາໃຊ້ພື້ນທີ່ດັ່ງກ່າວ.
