ກອງປະຊຸມຝຶກອົບຮົມຍົກສູງຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ກ່ຽວກັບການຕິດຕາມ, ກວດກາຂົງເຂດວຽກງານຍຸຕິທຳ, ການປະເມີນການຈັດຕັ້ງປະຕິບັດກົດໝາຍແລະ ວຽກງານຂອງອົງການກວດສອບ ຈັດຂຶ້ນໃນວັນທີ 18 ທັນວານີ້ທີ່ແຂວງຄໍາມ່ວນໂດຍການເປັນປະທານຂອງທ່ານ ນາງສູນທອນ ໄຊຍະຈັກ ຮອງປະທານສະພາແຫ່ງຊາດ, ໂດຍມີບັນດາທ່ານສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງຄໍາມ່ວນ, ສະຫວັນນະເຂດແລະ ສາລະວັນເຂົ້າຮ່ວມ.
ກອງປະຊຸມດັ່ງກ່າວ ດໍາເນີນເປັນເວລາ 2 ວັນ (18-19/12/2023) ຊຶ່ງບັນດາທ່ານຜູ້ແທນທີ່ເຂົ້າຮ່ວມ ຈະໄດ້ສຸມໃສ່ຄົ້ນຄວ້າໃນ 3 ຫົວຂໍ້ ຄື: 1. ການຕິດຕາມກວດກາຂອງສະພາແຫ່ງຊາດແລະ ສະພາປະຊາຊົນຂັ້ນແຂວງ ຕໍ່ກັບການເຄື່ອນໄຫວຂອງອົງການກວດສອບແຫ່ງລັດ ແລະອົງການກວດກາແຫ່ງລັດ ສະເໜີໂດຍທ່ານ ລີເບີ ລີບົວປາວ ປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, 2. ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ ສະເໜີໂດຍທ່ານ ພອນແກ້ວ ຕົ້ນວໍລະຈິດ ຫົວໜ້າກົມຕິດຕາມກວດກາ, ໂຄສະນາແລະ ຕີຄວາມໝາຍກົດໝາຍ, ກຳມາທິການກົດໝາຍ, 3. ການຕິດຕາມກວດກາຂົງເຂດວຽກງານຍຸຕິທໍາສະເໜີໂດຍ ທ່ານ ນາງ ກັນທິນາ ປ້ານອິນຫວນ, ຫົວໜ້າກົມຕິດຕາມກວດກາວຽກງານຍຸຕິທໍາ, ກໍາມາທິການຍຸຕິທຳ.
ຈຸດປະສົງຂອງກອງປະຊຸມຝຶກອົບຮົມຄັ້ງນີ້ກໍເພື່ອຍົກສູງຂີດຄວາມສາມາດ ໃຫ້ແກ່ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນຂັ້ນແຂວງ ໄດ້ຮັບຮູ້, ເຂົ້າໃຈແລະ ມີຄວາມຊໍານານ ໃນດ້ານທັກສະການຕິດຕາມກວດກາ ຂຶ້ນຕື່ມ ທັງເປັນເວທີໃຫ້ບັນດາທ່ານໄດ້ແລກປ່ຽນບົດຮຽນ ແລະ ປະສົບການ ໃນການປະຕິບັດວຽກງານດັ່ງກ່າວທີ່ຕິດພັນກັບການປະຕິບັດພາລະບົດບາດ, ສິດໜ້າທີ່ຂອງສະພາແຫ່ງຊາດ, ສະພາປະຊາຊົນແຂວງ ໃຫ້ນັບມື້ ນັບມີປະສິດທິພາບ ແລະປະສິດທິຜົນດີຍິ່ງໆຂຶ້ນ.
ໃນໂອກາດກ່າວເປີດກອງປະຊຸມ ທ່ານ ນາງສູນທອນ ໄຊຍະຈັກໄດ້ມີຄໍາເຫັນໃນບາງຕອນວ່າ:ເນື່ອງຈາກເນື້ອໃນທີ່ນໍາມາແລກປ່ຽນໃນກອງປະຊຸມແມ່ນສໍາຄັນຫຼາຍ, ແຕ່ເວລາມີຈໍາກັດ ຈຶ່ງຂໍສະເໜີມາຍັງບັນດາທ່ານຜູ້ແທນທີ່ເຂົ້າຮ່ວມຈົ່ງພ້ອມກັນສຸມສະຕິປັນຍາ ແລະ ນໍາໃຊ້ເວລາອັນມີຄຸນຄ່ານີ້ ເຂົ້າໃນການຄົ້ນຄວ້າ ແລະແລກປ່ຽນບົດຮຽນເຊິ່ງກັນ ແລະ ກັນ ໃຫ້ເລິກເຊິ່ງ, ສາມາດນໍາເອົາບົດຮຽນໄປຈັດຕັ້ງຜັນຂະຫຍາຍເຂົ້າໃນການປະຕິບັດພາລະບົດບາດຂອງຕົນໃຫ້ດີຂຶ້ນ, ບັນດາທ່ານວິທະຍາກອນ ກໍ່ລ້ວນແຕ່ແມ່ນບັນດາທ່ານ ທີ່ເຄີຍໄດ້ເຮັດວຽກຢູ່ສະພາມາຫຼາຍສະໄໝແລ້ວຫວັງຢ່າງຍິ່ງວ່າ ບັນດາທ່ານຜູ້ແທນ ຈະຍົກສູງຄວາມຮັບຜິດຊອບຂອງຕົນເພື່ອປະກອບສ່ວນເຮັດໃຫ້ກອງປະຊຸມປະສົບຜົນສໍາເລັດເປັນຢ່າງດີ.
(ຂ່າວ-ພາບ: ກອງຄຳ) 2322 6776
ກອງປະຊຸມດັ່ງກ່າວ ດໍາເນີນເປັນເວລາ 2 ວັນ (18-19/12/2023) ຊຶ່ງບັນດາທ່ານຜູ້ແທນທີ່ເຂົ້າຮ່ວມ ຈະໄດ້ສຸມໃສ່ຄົ້ນຄວ້າໃນ 3 ຫົວຂໍ້ ຄື: 1. ການຕິດຕາມກວດກາຂອງສະພາແຫ່ງຊາດແລະ ສະພາປະຊາຊົນຂັ້ນແຂວງ ຕໍ່ກັບການເຄື່ອນໄຫວຂອງອົງການກວດສອບແຫ່ງລັດ ແລະອົງການກວດກາແຫ່ງລັດ ສະເໜີໂດຍທ່ານ ລີເບີ ລີບົວປາວ ປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, 2. ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ ສະເໜີໂດຍທ່ານ ພອນແກ້ວ ຕົ້ນວໍລະຈິດ ຫົວໜ້າກົມຕິດຕາມກວດກາ, ໂຄສະນາແລະ ຕີຄວາມໝາຍກົດໝາຍ, ກຳມາທິການກົດໝາຍ, 3. ການຕິດຕາມກວດກາຂົງເຂດວຽກງານຍຸຕິທໍາສະເໜີໂດຍ ທ່ານ ນາງ ກັນທິນາ ປ້ານອິນຫວນ, ຫົວໜ້າກົມຕິດຕາມກວດກາວຽກງານຍຸຕິທໍາ, ກໍາມາທິການຍຸຕິທຳ.
ຈຸດປະສົງຂອງກອງປະຊຸມຝຶກອົບຮົມຄັ້ງນີ້ກໍເພື່ອຍົກສູງຂີດຄວາມສາມາດ ໃຫ້ແກ່ສະມາຊິກສະພາແຫ່ງຊາດ ແລະສະມາຊິກສະພາປະຊາຊົນຂັ້ນແຂວງ ໄດ້ຮັບຮູ້, ເຂົ້າໃຈແລະ ມີຄວາມຊໍານານ ໃນດ້ານທັກສະການຕິດຕາມກວດກາ ຂຶ້ນຕື່ມ ທັງເປັນເວທີໃຫ້ບັນດາທ່ານໄດ້ແລກປ່ຽນບົດຮຽນ ແລະ ປະສົບການ ໃນການປະຕິບັດວຽກງານດັ່ງກ່າວທີ່ຕິດພັນກັບການປະຕິບັດພາລະບົດບາດ, ສິດໜ້າທີ່ຂອງສະພາແຫ່ງຊາດ, ສະພາປະຊາຊົນແຂວງ ໃຫ້ນັບມື້ ນັບມີປະສິດທິພາບ ແລະປະສິດທິຜົນດີຍິ່ງໆຂຶ້ນ.
ໃນໂອກາດກ່າວເປີດກອງປະຊຸມ ທ່ານ ນາງສູນທອນ ໄຊຍະຈັກໄດ້ມີຄໍາເຫັນໃນບາງຕອນວ່າ:ເນື່ອງຈາກເນື້ອໃນທີ່ນໍາມາແລກປ່ຽນໃນກອງປະຊຸມແມ່ນສໍາຄັນຫຼາຍ, ແຕ່ເວລາມີຈໍາກັດ ຈຶ່ງຂໍສະເໜີມາຍັງບັນດາທ່ານຜູ້ແທນທີ່ເຂົ້າຮ່ວມຈົ່ງພ້ອມກັນສຸມສະຕິປັນຍາ ແລະ ນໍາໃຊ້ເວລາອັນມີຄຸນຄ່ານີ້ ເຂົ້າໃນການຄົ້ນຄວ້າ ແລະແລກປ່ຽນບົດຮຽນເຊິ່ງກັນ ແລະ ກັນ ໃຫ້ເລິກເຊິ່ງ, ສາມາດນໍາເອົາບົດຮຽນໄປຈັດຕັ້ງຜັນຂະຫຍາຍເຂົ້າໃນການປະຕິບັດພາລະບົດບາດຂອງຕົນໃຫ້ດີຂຶ້ນ, ບັນດາທ່ານວິທະຍາກອນ ກໍ່ລ້ວນແຕ່ແມ່ນບັນດາທ່ານ ທີ່ເຄີຍໄດ້ເຮັດວຽກຢູ່ສະພາມາຫຼາຍສະໄໝແລ້ວຫວັງຢ່າງຍິ່ງວ່າ ບັນດາທ່ານຜູ້ແທນ ຈະຍົກສູງຄວາມຮັບຜິດຊອບຂອງຕົນເພື່ອປະກອບສ່ວນເຮັດໃຫ້ກອງປະຊຸມປະສົບຜົນສໍາເລັດເປັນຢ່າງດີ.
(ຂ່າວ-ພາບ: ກອງຄຳ) 2322 6776
