ເນື່ອງໃນໂອກາດປີໃໝ່ສາກົນ 2024 ຈະມາເຖິງ.ໃນຕອນບ່າຍ ຂອງວັນທີ 18 ທັນວາ 2023 ຜູ້ຕາງໜ້າບໍລິສັດ ລາວໂທລະຄົມມະນາຄົມ ມະຫາຊົນ ນຳໂດຍ ທ່ານ ເດຊານົນ ບູຣະນະປີນ ຮັກສາການ ຫົວໜ້າພະແນກການຕະຫຼາດໄດ້ນຳເອົາກະຕ່າຂອງຂັວນ ມາອວຍພອນ ໜັງສືພິມປະຊາຊົນ ຊຶ່ງຮັບໂດຍ ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຫົວໜ້າບັນນາທິການໃຫຍ່ໜັງສືພິມປະຊາຊົນ.
    ໂອກາດດັ່ງກ່າວ, ທ່ານ ວັນໄຊ ຕະວິນຍານ ໄດ້ສະແດງຄວາມຂອບໃຈເປັນຢ່າງຍິ່ງຕໍ່ ທ່ານ ເດຊານົນ ບູຣະນະປີນ ທີ່ໄດ້ຕາງໜ້າບໍລິສັດ ລາວໂທລະຄົມມະນາຄົມ ມະຫາຊົນ  ມາອວຍພອນ ໜັງສືພິມປະຊາຊົນ ແລະ ຂໍອວຍພອນ ໃຫ້ບໍລິສັດຈົ່ງມີຄວາມຈະເລີນກ້າວໜ້າຂຶ້ນເລື້ອຍໆ ແລະ ອວຍພອນໃຫ້ຄະນະອຳນວຍການ, ຜູ້ບໍລິຫານ, ຕະຫຼອດຮອດພະນັກງານ ໃນບໍລິສັດຈົ່ງມີສຸຂະພາບແຂງແຮງ, ຄວາມສຸກກາຍສະບາຍດີຕະຫຼອດໄປ. 

ຂ່າວ, ພາບ: ພັດ ລໍວັນໄຊ