ປີທ່ອງທ່ຽວລາວ 2024 ທີ່ແຂວງຫຼວງນໍ້າທາຈະໄດ້ຈັດຂຶ້ນໃນວັນທີ 26 ທັນວາ 2023 ພ້ອມກັບງານບຸນນະມັດສະການພະທາດຫຼວງນໍ້າທາ.
ທ່ານ ສີສຸພັນ ທໍາປັນຍາ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຫຼວງ ນໍ້າທາ ທັງເປັນຮອງຫົວໜ້າຄະນະຊີ້ນໍາການຈັດງານເປີດປີທ່ອງທ່ຽວລາວ 2024 ກ່າວວ່າ: ການເປີດປີທ່ອງທ່ຽວລາວ 2024 ຂອງແຂວງຫຼວງນໍ້າທາເປັນກິດຈະກໍາ ແລະ ຂະບວນການທີ່ສໍາຄັນທີ່ສຸດ ເພື່ອສົ່ງເສີມການທ່ອງທ່ຽວ ປົກປັກຮັກສາທໍາມະຊາດອັນສວຍສົດງົດງາມ, ອະນຸລັກ, ສົ່ງເສີມວັດທະນະທໍາທີ່ເປັນເອກະລັກ ແລະ ຮີດຄອງປະເພນີອັນດີງາມຂອງປະຊາຊົນບັນດາເຜົ່າຢູ່ບັນດາເມືອງທີ່ຂຶ້ນກັບແຂວງຫຼວງນໍ້າທາ. ນອກນັ້ນຍັງເປັນການສົ່ງ ເສີມຜະລິດຕະພັນທ່ອງທ່ຽວໃຫ້ມີຄວາມຫຼາກຫຼາຍ, ຍົກລະດັບຄຸນນະພາບການບໍລິການ, ໂຄສະນາເຜີຍແຜ່ຂໍ້ມູນຂ່າວສານເຂົ້າເຖິງກຸ່ມເປົ້າໝາຍ, ເຊື່ອມໂຍງກັບບັນດາເມືອງ, ແຂວງ ແລະ ປະເທດໃກ້ຄຽງ. ເປັນການສົ່ງເສີມກິດຈະກໍາບຸນປະເພນີ, ເທດສະການຕ່າງໆຢູ່ຂັ້ນແຂວງ, ເມືອງ, ບ້ານ ເເລະ ການມີສ່ວນຮ່ວມຂອງທຸກພາກ ສ່ວນ. ສົ່ງເສີມການທ່ອງທ່ຽວພາຍໃນ ແລະ ດຶງດູດນັກທ່ອງທ່ຽວສາກົນ ໂດຍສະເພາະນັກທ່ອງທ່ຽວຈາກ ສປ ຈີນໃຫ້ເຂົ້າມາທ່ຽວຢູ່ແຂວງຫຼວງນໍ້າທານັບມື້ນັບຫຼາຍຂຶ້ນ ແນໃສ່ສ້າງວຽກເຮັດງານທໍາໃຫ້ແກ່ສັງຄົມ ແລະ ສ້າງລາຍຮັບເງິນຕາເຂົ້າສູ່ປະເທດ ກໍຄືແຂວງຫຼວງນໍ້າທາໃຫ້ຫຼາຍຂຶ້ນ.
ການເປີດປີທ່ອງທ່ຽວລາວ 2024 ຢູ່ແຂວງຫຼວງນໍ້າທາປີນີ້ ຈະບໍ່ໄດ້ຈັດເປັນງານສະເພາະ ແຕ່ຈະເປັນການສົ່ງເສີມການພັດທະນາໂຄ່ງລ່າງພື້ນຖານຂະໜາດນ້ອຍ, ຕະຫຼາດການທ່ອງທ່ຽວ, ຍົກລະດັບຄຸນະພາບການບໍລິ ການ ແລະ ຊຸກຍູ້ການຈັດງານບຸນປະເພນີຂອງປະຊາຊົນບັນດາເຜົ່າທີ່ເຄີຍຈັດຕັ້ງຜ່ານມາ, ຊຶ່ງປີ 2024 ນີ້ປະ ກອບມີ 15 ກິດຈະກໍາ; ໃນນີ້ກິດຈະກໍາລະດັບຊາດມີ 1 ກິດຈະກໍາ, ລະດັບແຂວງ 5 ກິດຈະກໍາ ແລະ ລະດັບເມືອງ 9 ກິດຈະກໍາລະອຽດມີດັ່ງຕໍ່ໄປນີ້:
ກິດຈະກໍາລະດັບຊາດ ແມ່ນງານບຸນນະມັດສະການພະທາດຫຼວງຈຽງຕຶງ (ເມືອງສິງ) ຈັດຂຶ້ນໃນວັນທີ 15 ພະຈິກ 2024; ສະເພາະເມືອງຫຼວງນໍ້າທາມີ 5 ກິດຈະກໍາ, ໃນນັ້ນລະດັບລະດັບແຂວງ 4 ກິດຈະກໍາ, ລະ ດັບເມືອງ 1 ກິດຈະກໍາຄື: ງານບຸນເຜົ່າໄຕດໍາ 4 ບ້ານ ເຂດທົ່ງດີຈັດຂຶ້ນໃນລະຫວ່າງວັນທີ 16-17 ກຸມພາ 2024; ເທດສະການດົນຕຣີຫຼວງນໍ້າທາຈັດຂຶ້ນໃນລະຫວ່າງວັນທີ 22-24 ກຸມພາ 2024; ງານບຸນນະມັດສະການພະທາດປຸມປຸກຈັດຂຶ້ນໃນວັນທີ 24 ກຸມພາ 2024; ງານບຸນຊ່ວງເຮືອປະຈໍາປີ 2024 ຈັດຂຶ້ນໃນວັນທີ 17 ຕຸລາ 2024 ແລະ ບຸນນະມັດສະການພະທາດຫຼວງນໍ້າທາຈັດຂຶ້ນໃນວັນທີ 15 ທັນວາ 2024; ເມືອງສິງມີ 3 ກິດຈະກໍານອກຈາກກິດຈະກໍາລະດັບຊາດແລ້ວ ຍັງມີກິດຈະກໍາລະດັບເມືອງ 2 ກິດຈະກໍາຄື: ບຸນປາງເມືອງ ຈັດຂຶ້ນໃນວັນທີ 23 ມັງກອນ 2024 ແລະ ງານບຸນບັ້ງໄຟ ຫຼືບຸນປອຍຈັດຂຶ້ນໃນວັນທີ 28 ເມສາ 2024; ເມືອງວຽງພູຄາມີ 2 ກິດຈະກໍາ ເປັນກິດຈະກໍາລະດັບເມືອງຄື: ບຸນກິນຈຽງເຜົ່າຢັ້ງຈັດຂຶ້ນໃນລະຫວ່າງວັນທີ 28-30 ມັງກອນ 2024 ແລະ ບຸນຊ່ວງເຮືອປະຈໍາປີ 2024 ຈັດໃນລະຫວ່າງວັນທີ 29-30 ຕຸລາ 2024; ເມືອງລອງມີ 2 ກິດຈະກໍາ ເປັນກິດຈະກໍາລະດັບເມືອງຄື: ງານບຸນປາງເມືອງຈັດຂຶ້ນລະຫວ່າງເດືອນມັງກອນ-ກຸມພາ 2024 ແລະ ບຸນກິນຈຽງເຜົ່າອາຄາທົ່ວເມືອງລອງຈັດຂຶ້ນໃນເດືອນທັນວາ 2024; ເມືອງນາແລມີ 2 ກິດຈະກໍາ ເປັນກິດຈະກໍາລະດັບເມືອງຄື: ງານບຸນຊ່ວງເຮືອປະຈໍາປີ 2024 ຈັດຂຶ້ນໃນວັນທີ 29 ຕຸລາ 2024 ແລະ ງານບຸນເກີລ ຫຼືບຸນປົດນຶມ ເມືອງນາແລຈັດຂຶ້ນໃນວັນທີ 31 ທັນວາ 2024; ເຂດພັດທະນາບໍ່ເຕ່ນແດນງາມມີ 1 ກິດຈະກໍາ ເປັນກິດຈະກໍາລະດັບແຂວງຄື: ບຸນປີໃໝ່ລາວຈັດຂຶ້ນໃນລະຫວ່າງວັນທີ 14-16 ເມສາ 2024.
ທ່ານ ສີສຸພັນ ທໍາປັນຍາ ກ່າວຕື່ມວ່າ: ການທ່ອງທ່ຽວຢູ່ແຂວງຫຼວງນໍ້າທາພົ້ນເດັ່ນກວ່າໝູ່ແມ່ນການ ທ່ອງທ່ຽວທໍາມະຊາດ ແລະ ວັດທະນະທໍາ. ປີທ່ອງທ່ຽວລາວ 2024 ປີນີ້ແຂວງຫຼວງນໍ້າທາ ຄາດວ່າຈະດຶງດູດນັກທ່ອງທ່ຽວເຂົ້າມາບໍ່ໃຫ້ລຸດ 1.181.775 ເທື່ອຄົນ, ສ້າງລາຍຮັບເຂົ້າແຂວງໃຫ້ໄດ້ປະມານ 46.765.291 ລ້ານໂດລາ. ແຂວງຫຼວງນໍ້າທາໄດ້ເປີດປີທ່ອງທ່ຽວລາວຄືກັບແຂວງອື່ນໆມາແລ້ວ 3 ຄັ້ງຄື: ປີ 1999, ປີ 2012 ແລະ ປີ 2018, ໃນປີ 2010 ມີນັກທ່ອງທ່ຽວເຂົ້າມາຜ່ານ ແລະ ທ່ອງທ່ຽວຢູ່ແຂວງຫຼວງນໍ້າທາ 257.624 ຄົນ, ສ້າງລາຍຮັບ 2.254.392 ໂດລາ ແລະ ປີ 2020 ມີນັກທ່ອງທ່ຽວພຽງ 147.202 ຄົນ. ຍ້ອນການແຜ່ລະບາດຂອງພະ ຍາດໂຄວິດ-19, ປີ 2023 ພາຍຫຼັງສປປ ລາວ ເປີດປະເທດຕ້ອນຮັບນັກທ່ອງທ່ຽວຢ່າງເປັນທາງການ ຈໍານວນນັກທ່ອງທ່ຽວເພີ່ມຂຶ້ນເປັນ 798.993 ເທື່ອຄົນ, ສ້າງລາຍຮັບໄດ້ 31.193.392 ໂດລາ ແລະ ຄາດຄະເນວ່າໃນປີ 2025 ຈະມີນັກທ່ອງທ່ຽວເຖິງ 1.266.820 ເທື່ອຄົນ ແລະ ຈະສ້າງລາຍຮັບ 62.337.190 ກວ່າໂດລາ. ຂ່າວ: ວັນໄຊ ຕະວິນຍານ
ທ່ານ ສີສຸພັນ ທໍາປັນຍາ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຫຼວງ ນໍ້າທາ ທັງເປັນຮອງຫົວໜ້າຄະນະຊີ້ນໍາການຈັດງານເປີດປີທ່ອງທ່ຽວລາວ 2024 ກ່າວວ່າ: ການເປີດປີທ່ອງທ່ຽວລາວ 2024 ຂອງແຂວງຫຼວງນໍ້າທາເປັນກິດຈະກໍາ ແລະ ຂະບວນການທີ່ສໍາຄັນທີ່ສຸດ ເພື່ອສົ່ງເສີມການທ່ອງທ່ຽວ ປົກປັກຮັກສາທໍາມະຊາດອັນສວຍສົດງົດງາມ, ອະນຸລັກ, ສົ່ງເສີມວັດທະນະທໍາທີ່ເປັນເອກະລັກ ແລະ ຮີດຄອງປະເພນີອັນດີງາມຂອງປະຊາຊົນບັນດາເຜົ່າຢູ່ບັນດາເມືອງທີ່ຂຶ້ນກັບແຂວງຫຼວງນໍ້າທາ. ນອກນັ້ນຍັງເປັນການສົ່ງ ເສີມຜະລິດຕະພັນທ່ອງທ່ຽວໃຫ້ມີຄວາມຫຼາກຫຼາຍ, ຍົກລະດັບຄຸນນະພາບການບໍລິການ, ໂຄສະນາເຜີຍແຜ່ຂໍ້ມູນຂ່າວສານເຂົ້າເຖິງກຸ່ມເປົ້າໝາຍ, ເຊື່ອມໂຍງກັບບັນດາເມືອງ, ແຂວງ ແລະ ປະເທດໃກ້ຄຽງ. ເປັນການສົ່ງເສີມກິດຈະກໍາບຸນປະເພນີ, ເທດສະການຕ່າງໆຢູ່ຂັ້ນແຂວງ, ເມືອງ, ບ້ານ ເເລະ ການມີສ່ວນຮ່ວມຂອງທຸກພາກ ສ່ວນ. ສົ່ງເສີມການທ່ອງທ່ຽວພາຍໃນ ແລະ ດຶງດູດນັກທ່ອງທ່ຽວສາກົນ ໂດຍສະເພາະນັກທ່ອງທ່ຽວຈາກ ສປ ຈີນໃຫ້ເຂົ້າມາທ່ຽວຢູ່ແຂວງຫຼວງນໍ້າທານັບມື້ນັບຫຼາຍຂຶ້ນ ແນໃສ່ສ້າງວຽກເຮັດງານທໍາໃຫ້ແກ່ສັງຄົມ ແລະ ສ້າງລາຍຮັບເງິນຕາເຂົ້າສູ່ປະເທດ ກໍຄືແຂວງຫຼວງນໍ້າທາໃຫ້ຫຼາຍຂຶ້ນ.
ການເປີດປີທ່ອງທ່ຽວລາວ 2024 ຢູ່ແຂວງຫຼວງນໍ້າທາປີນີ້ ຈະບໍ່ໄດ້ຈັດເປັນງານສະເພາະ ແຕ່ຈະເປັນການສົ່ງເສີມການພັດທະນາໂຄ່ງລ່າງພື້ນຖານຂະໜາດນ້ອຍ, ຕະຫຼາດການທ່ອງທ່ຽວ, ຍົກລະດັບຄຸນະພາບການບໍລິ ການ ແລະ ຊຸກຍູ້ການຈັດງານບຸນປະເພນີຂອງປະຊາຊົນບັນດາເຜົ່າທີ່ເຄີຍຈັດຕັ້ງຜ່ານມາ, ຊຶ່ງປີ 2024 ນີ້ປະ ກອບມີ 15 ກິດຈະກໍາ; ໃນນີ້ກິດຈະກໍາລະດັບຊາດມີ 1 ກິດຈະກໍາ, ລະດັບແຂວງ 5 ກິດຈະກໍາ ແລະ ລະດັບເມືອງ 9 ກິດຈະກໍາລະອຽດມີດັ່ງຕໍ່ໄປນີ້:
ກິດຈະກໍາລະດັບຊາດ ແມ່ນງານບຸນນະມັດສະການພະທາດຫຼວງຈຽງຕຶງ (ເມືອງສິງ) ຈັດຂຶ້ນໃນວັນທີ 15 ພະຈິກ 2024; ສະເພາະເມືອງຫຼວງນໍ້າທາມີ 5 ກິດຈະກໍາ, ໃນນັ້ນລະດັບລະດັບແຂວງ 4 ກິດຈະກໍາ, ລະ ດັບເມືອງ 1 ກິດຈະກໍາຄື: ງານບຸນເຜົ່າໄຕດໍາ 4 ບ້ານ ເຂດທົ່ງດີຈັດຂຶ້ນໃນລະຫວ່າງວັນທີ 16-17 ກຸມພາ 2024; ເທດສະການດົນຕຣີຫຼວງນໍ້າທາຈັດຂຶ້ນໃນລະຫວ່າງວັນທີ 22-24 ກຸມພາ 2024; ງານບຸນນະມັດສະການພະທາດປຸມປຸກຈັດຂຶ້ນໃນວັນທີ 24 ກຸມພາ 2024; ງານບຸນຊ່ວງເຮືອປະຈໍາປີ 2024 ຈັດຂຶ້ນໃນວັນທີ 17 ຕຸລາ 2024 ແລະ ບຸນນະມັດສະການພະທາດຫຼວງນໍ້າທາຈັດຂຶ້ນໃນວັນທີ 15 ທັນວາ 2024; ເມືອງສິງມີ 3 ກິດຈະກໍານອກຈາກກິດຈະກໍາລະດັບຊາດແລ້ວ ຍັງມີກິດຈະກໍາລະດັບເມືອງ 2 ກິດຈະກໍາຄື: ບຸນປາງເມືອງ ຈັດຂຶ້ນໃນວັນທີ 23 ມັງກອນ 2024 ແລະ ງານບຸນບັ້ງໄຟ ຫຼືບຸນປອຍຈັດຂຶ້ນໃນວັນທີ 28 ເມສາ 2024; ເມືອງວຽງພູຄາມີ 2 ກິດຈະກໍາ ເປັນກິດຈະກໍາລະດັບເມືອງຄື: ບຸນກິນຈຽງເຜົ່າຢັ້ງຈັດຂຶ້ນໃນລະຫວ່າງວັນທີ 28-30 ມັງກອນ 2024 ແລະ ບຸນຊ່ວງເຮືອປະຈໍາປີ 2024 ຈັດໃນລະຫວ່າງວັນທີ 29-30 ຕຸລາ 2024; ເມືອງລອງມີ 2 ກິດຈະກໍາ ເປັນກິດຈະກໍາລະດັບເມືອງຄື: ງານບຸນປາງເມືອງຈັດຂຶ້ນລະຫວ່າງເດືອນມັງກອນ-ກຸມພາ 2024 ແລະ ບຸນກິນຈຽງເຜົ່າອາຄາທົ່ວເມືອງລອງຈັດຂຶ້ນໃນເດືອນທັນວາ 2024; ເມືອງນາແລມີ 2 ກິດຈະກໍາ ເປັນກິດຈະກໍາລະດັບເມືອງຄື: ງານບຸນຊ່ວງເຮືອປະຈໍາປີ 2024 ຈັດຂຶ້ນໃນວັນທີ 29 ຕຸລາ 2024 ແລະ ງານບຸນເກີລ ຫຼືບຸນປົດນຶມ ເມືອງນາແລຈັດຂຶ້ນໃນວັນທີ 31 ທັນວາ 2024; ເຂດພັດທະນາບໍ່ເຕ່ນແດນງາມມີ 1 ກິດຈະກໍາ ເປັນກິດຈະກໍາລະດັບແຂວງຄື: ບຸນປີໃໝ່ລາວຈັດຂຶ້ນໃນລະຫວ່າງວັນທີ 14-16 ເມສາ 2024.
ທ່ານ ສີສຸພັນ ທໍາປັນຍາ ກ່າວຕື່ມວ່າ: ການທ່ອງທ່ຽວຢູ່ແຂວງຫຼວງນໍ້າທາພົ້ນເດັ່ນກວ່າໝູ່ແມ່ນການ ທ່ອງທ່ຽວທໍາມະຊາດ ແລະ ວັດທະນະທໍາ. ປີທ່ອງທ່ຽວລາວ 2024 ປີນີ້ແຂວງຫຼວງນໍ້າທາ ຄາດວ່າຈະດຶງດູດນັກທ່ອງທ່ຽວເຂົ້າມາບໍ່ໃຫ້ລຸດ 1.181.775 ເທື່ອຄົນ, ສ້າງລາຍຮັບເຂົ້າແຂວງໃຫ້ໄດ້ປະມານ 46.765.291 ລ້ານໂດລາ. ແຂວງຫຼວງນໍ້າທາໄດ້ເປີດປີທ່ອງທ່ຽວລາວຄືກັບແຂວງອື່ນໆມາແລ້ວ 3 ຄັ້ງຄື: ປີ 1999, ປີ 2012 ແລະ ປີ 2018, ໃນປີ 2010 ມີນັກທ່ອງທ່ຽວເຂົ້າມາຜ່ານ ແລະ ທ່ອງທ່ຽວຢູ່ແຂວງຫຼວງນໍ້າທາ 257.624 ຄົນ, ສ້າງລາຍຮັບ 2.254.392 ໂດລາ ແລະ ປີ 2020 ມີນັກທ່ອງທ່ຽວພຽງ 147.202 ຄົນ. ຍ້ອນການແຜ່ລະບາດຂອງພະ ຍາດໂຄວິດ-19, ປີ 2023 ພາຍຫຼັງສປປ ລາວ ເປີດປະເທດຕ້ອນຮັບນັກທ່ອງທ່ຽວຢ່າງເປັນທາງການ ຈໍານວນນັກທ່ອງທ່ຽວເພີ່ມຂຶ້ນເປັນ 798.993 ເທື່ອຄົນ, ສ້າງລາຍຮັບໄດ້ 31.193.392 ໂດລາ ແລະ ຄາດຄະເນວ່າໃນປີ 2025 ຈະມີນັກທ່ອງທ່ຽວເຖິງ 1.266.820 ເທື່ອຄົນ ແລະ ຈະສ້າງລາຍຮັບ 62.337.190 ກວ່າໂດລາ. ຂ່າວ: ວັນໄຊ ຕະວິນຍານ
