ເພື່ອຮອງຮັບໃຫ້ແກ່ການເປີດປີທ່ອງທ່ຽວລາວ 2024 ເມືອງຫີນບູນ ແຂວງຄຳມ່ວນ ໄດ້ເລັ່ງໃສ່ການທ່ອງ ທ່ຽວທາງດ້ານທຳມະຊາດເປັນຫຼັກ ເນື່ອງຈາກວ່າແຫຼ່ງທ່ອງທ່ຽວຫຼາຍແຫ່ງພາຍໃນເມືອງ ຍັງຄົງຄວາມອຸດົມສົມບູນ ທາງດ້ານທຳມະຊາດ ແລະ ຊີວະນາໆພັນ, ອີກດ້ານໜຶ່ງເຫັນວ່ານັກທ່ອງທ່ຽວທັງພາຍໃນ ແລະ ຕ່າງປະເທດແມ່ນ ຫັນມານິຍົມຊົມຊອບການທ່ອງທ່ຽວແບບອະນຸລັກທຳມະຊາດເປັນສ່ວນໃຫຍ່ໃນປັດຈຸບັນ.
ທ່ານ ຄຳສິງ ອໍລະວັນ ເຈົ້າເມືອງໆຫີນບູນ ໄດ້ລາຍງານໃຫ້ຮູ້ກ່ຽວກັບການກະກຽມຄວາມພ້ອມເພື່ອຮອງຮັບ ໃຫ້ແກ່ການເປີດປີທ່ອງທ່ຽວລາວ 2024 ຂອງເມືອງເມື່ອບໍ່ດົນມານີ້ວ່າ: ທົ່ວເມືອງຫີນບູນ ມີສະຖານທີ່ທ່ອງທ່ຽວທັງ ໝົດ 13 ແຫ່ງ. ໃນນີ້ແຫຼ່ງທ່ອງທ່ຽວທາງວັດທະນະທຳ 3 ແຫ່ງ, ທຳມະຊາດ 8 ແຫ່ງ ແລະ ທາງປະຫວັດສາດ 2 ແຫ່ງ. ໃນໄລຍະຜ່ານມາໄດ້ມອບໃຫ້ຜູ້ຊີ້ນຳວຽກງານວັດທະນະທຳ-ສັງຄົມຂອງເມືອງເອົາໃຈໃສ່ຊຸກຍູ້ຂະແໜງການທີ່ ກ່ຽວຂ້ອງຂັ້ນເມືອງ, ການຈັດຕັ້ງບ້ານ ແລະ ຜູ້ປະກອບການດ້ານການບໍລິການທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ ໄດ້ມີການກະກຽມຄວາມພ້ອມ ເປັນຕົ້ນ ການປັບປຸງສະຖານທີ່ບໍລິການຕ່າງໆໃຫ້ມີຄວາມສະອາດ, ສວຍງາມເພື່ອຮອງຮັບ ແລະ ດຶງດູດນັກທ່ອງທ່ຽວທີ່ເຂົ້າມາທ່ຽວຊົມພາຍໃນເມືອງ. ໂດຍອີງໃສ່ເງື່ອນໄຂ ແລະ ສິ່ງເອື້ອຍອຳນວຍຄວາມສະດວກ ສະເພາະປີທ່ອງທ່ຽວລາວ 2024 ເມືອງຫີນບູນຈະເລັ່ງໃສ່ການທ່ອງທ່ຽວທາງທຳ ມະຊາດເປັນຫຼັກ ເປັນຕົ້ນ ແຫຼ່ງທ່ອງທ່ຽວຂຸນກອງແລງ ບ້ານນາຄື, ວັງນໍ້າຕົກສາຍນໍ້າປະກັນ ບ້ານນາທານ, ຖໍ້າ ກວນໄນ ບ້ານອິນແປງ ແລະ ຕາດຄອນແກ້ວ ບ້ານນາໂພ. ຊຶ່ງໃນ 4 ຈຸດນີ້ແມ່ນແຫຼ່ງທ່ອງທ່ຽວທາງທຳມະຊາດ ຍັງຄົງຄວາມອຸດົມສົມບູນ ແລະ ມີຄວາມສວຍງາມ ຊຶ່ງນັກທ່ອງທ່ຽວທີ່ເຂົ້າມາທ່ຽວຊົມນອກຈາກຈະໄດ້ສຳຜັດກັບ ບັນຍາກາດທີ່ມີຄວາມສົດຊື່ນແລ້ວ ຍັງມີຫຼາຍກິດຈະກຳຄອຍໃຫ້ບໍລິການເປັນຕົ້ນ ກິດຈະກຳອາບນໍ້າ-ລອຍນໍ້າທີ່ ໃສເຢັນ, ລ່ອງກົງເບັງຕາມສາຍນໍ້າກອງແລງ, ນໍ້າປະກັນ, ຍ່າງທ່ຽວຊົມທຳມະຊາດພາຍໃນຖໍ້າ, ຂີ່ເຮືອລອດຖໍ້າ, ຕັ້ງແຄັ້ມ-ກິນເຂົ້າປ່າຕາມທຳມະຊາດ ແລະ ອື່ນໆ.
ໃນປີ 2023 ຜ່ານມາມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມເມືອງຫີນບູນ ທັງໝົດ 7.500 ເທື່ອຄົນ ແລະ ໃນປີ 2024 ຄາດວ່າຈະມີນັກທ່ອງທ່ຽວບໍ່ຕໍ່າກວ່າ 9.600 ເທື່ອຄົນ. ສະນັ້ນ, ຮຽກຮ້ອງ ມາຍັງການຈັດຕັ້ງແຕ່ລະຂັ້ນ, ພະນັກງານ-ລັດຖະກອນ ຕະຫຼອດຮອດພໍ່ແມ່ປະຊາຊົນທຸກຊັ້ນຄົນ ຈົ່ງພ້ອມກັນ ເປັນເຈົ້າພາບທີ່ດີ ເພື່ອຕ້ອນຮັບນັກທ່ອງທ່ຽວທີ່ເຂົ້າມາພັກຜ່ອນ ແລະ ທ່ຽວຊົມເມືອງຫີນບູນ, ຮຽກຮ້ອງມາຍັງຜູ້ປະ ກອບການດ້ານການທ່ອງທ່ຽວ ຈົ່ງໄດ້ກະກຽມຄວາມພ້ອມຮອບດ້ານ, ປັບປຸງສະຖານທີ່ທ່ອງທ່ຽວໃຫ້ມີຄວາມສະອາດ, ສວຍງາມ, ເປັນລະບຽບຮຽບຮ້ອຍ, ການນຸ່ງຖືຂອງພະນັກງານຕ້ອນຮັບໃຫ້ຖືກຕ້ອງຕາມຮີດຄອງປະເພນີ ແລະ ເປັນ ເອກະລັກຂອງແຕ່ລະທ້ອງຖິ່ນ, ປັບປຸງຂອດການບໍລິການໃຫ້ມີຄວາມປະທັບໃຈ ເພື່ອສ້າງແຮງບັນດານໃຈ ແລະ ດຶງດູດນັກທ່ອງທ່ຽວເຂົ້າມາທ່ຽວຊົມເມືອງຫີນບູນໃຫ້ບັນລຸ ແລະ ລື່ນຄາດໝາຍທີ່ວາງໄວ້.
ຂ່າວ-ພາບ: ກອງຄຳ
ທ່ານ ຄຳສິງ ອໍລະວັນ ເຈົ້າເມືອງໆຫີນບູນ ໄດ້ລາຍງານໃຫ້ຮູ້ກ່ຽວກັບການກະກຽມຄວາມພ້ອມເພື່ອຮອງຮັບ ໃຫ້ແກ່ການເປີດປີທ່ອງທ່ຽວລາວ 2024 ຂອງເມືອງເມື່ອບໍ່ດົນມານີ້ວ່າ: ທົ່ວເມືອງຫີນບູນ ມີສະຖານທີ່ທ່ອງທ່ຽວທັງ ໝົດ 13 ແຫ່ງ. ໃນນີ້ແຫຼ່ງທ່ອງທ່ຽວທາງວັດທະນະທຳ 3 ແຫ່ງ, ທຳມະຊາດ 8 ແຫ່ງ ແລະ ທາງປະຫວັດສາດ 2 ແຫ່ງ. ໃນໄລຍະຜ່ານມາໄດ້ມອບໃຫ້ຜູ້ຊີ້ນຳວຽກງານວັດທະນະທຳ-ສັງຄົມຂອງເມືອງເອົາໃຈໃສ່ຊຸກຍູ້ຂະແໜງການທີ່ ກ່ຽວຂ້ອງຂັ້ນເມືອງ, ການຈັດຕັ້ງບ້ານ ແລະ ຜູ້ປະກອບການດ້ານການບໍລິການທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ ໄດ້ມີການກະກຽມຄວາມພ້ອມ ເປັນຕົ້ນ ການປັບປຸງສະຖານທີ່ບໍລິການຕ່າງໆໃຫ້ມີຄວາມສະອາດ, ສວຍງາມເພື່ອຮອງຮັບ ແລະ ດຶງດູດນັກທ່ອງທ່ຽວທີ່ເຂົ້າມາທ່ຽວຊົມພາຍໃນເມືອງ. ໂດຍອີງໃສ່ເງື່ອນໄຂ ແລະ ສິ່ງເອື້ອຍອຳນວຍຄວາມສະດວກ ສະເພາະປີທ່ອງທ່ຽວລາວ 2024 ເມືອງຫີນບູນຈະເລັ່ງໃສ່ການທ່ອງທ່ຽວທາງທຳ ມະຊາດເປັນຫຼັກ ເປັນຕົ້ນ ແຫຼ່ງທ່ອງທ່ຽວຂຸນກອງແລງ ບ້ານນາຄື, ວັງນໍ້າຕົກສາຍນໍ້າປະກັນ ບ້ານນາທານ, ຖໍ້າ ກວນໄນ ບ້ານອິນແປງ ແລະ ຕາດຄອນແກ້ວ ບ້ານນາໂພ. ຊຶ່ງໃນ 4 ຈຸດນີ້ແມ່ນແຫຼ່ງທ່ອງທ່ຽວທາງທຳມະຊາດ ຍັງຄົງຄວາມອຸດົມສົມບູນ ແລະ ມີຄວາມສວຍງາມ ຊຶ່ງນັກທ່ອງທ່ຽວທີ່ເຂົ້າມາທ່ຽວຊົມນອກຈາກຈະໄດ້ສຳຜັດກັບ ບັນຍາກາດທີ່ມີຄວາມສົດຊື່ນແລ້ວ ຍັງມີຫຼາຍກິດຈະກຳຄອຍໃຫ້ບໍລິການເປັນຕົ້ນ ກິດຈະກຳອາບນໍ້າ-ລອຍນໍ້າທີ່ ໃສເຢັນ, ລ່ອງກົງເບັງຕາມສາຍນໍ້າກອງແລງ, ນໍ້າປະກັນ, ຍ່າງທ່ຽວຊົມທຳມະຊາດພາຍໃນຖໍ້າ, ຂີ່ເຮືອລອດຖໍ້າ, ຕັ້ງແຄັ້ມ-ກິນເຂົ້າປ່າຕາມທຳມະຊາດ ແລະ ອື່ນໆ.
ໃນປີ 2023 ຜ່ານມາມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມເມືອງຫີນບູນ ທັງໝົດ 7.500 ເທື່ອຄົນ ແລະ ໃນປີ 2024 ຄາດວ່າຈະມີນັກທ່ອງທ່ຽວບໍ່ຕໍ່າກວ່າ 9.600 ເທື່ອຄົນ. ສະນັ້ນ, ຮຽກຮ້ອງ ມາຍັງການຈັດຕັ້ງແຕ່ລະຂັ້ນ, ພະນັກງານ-ລັດຖະກອນ ຕະຫຼອດຮອດພໍ່ແມ່ປະຊາຊົນທຸກຊັ້ນຄົນ ຈົ່ງພ້ອມກັນ ເປັນເຈົ້າພາບທີ່ດີ ເພື່ອຕ້ອນຮັບນັກທ່ອງທ່ຽວທີ່ເຂົ້າມາພັກຜ່ອນ ແລະ ທ່ຽວຊົມເມືອງຫີນບູນ, ຮຽກຮ້ອງມາຍັງຜູ້ປະ ກອບການດ້ານການທ່ອງທ່ຽວ ຈົ່ງໄດ້ກະກຽມຄວາມພ້ອມຮອບດ້ານ, ປັບປຸງສະຖານທີ່ທ່ອງທ່ຽວໃຫ້ມີຄວາມສະອາດ, ສວຍງາມ, ເປັນລະບຽບຮຽບຮ້ອຍ, ການນຸ່ງຖືຂອງພະນັກງານຕ້ອນຮັບໃຫ້ຖືກຕ້ອງຕາມຮີດຄອງປະເພນີ ແລະ ເປັນ ເອກະລັກຂອງແຕ່ລະທ້ອງຖິ່ນ, ປັບປຸງຂອດການບໍລິການໃຫ້ມີຄວາມປະທັບໃຈ ເພື່ອສ້າງແຮງບັນດານໃຈ ແລະ ດຶງດູດນັກທ່ອງທ່ຽວເຂົ້າມາທ່ຽວຊົມເມືອງຫີນບູນໃຫ້ບັນລຸ ແລະ ລື່ນຄາດໝາຍທີ່ວາງໄວ້.
ຂ່າວ-ພາບ: ກອງຄຳ
