ໂດຍ: ສ.ບຸດປະຊາ
ບ້ານນໍ້າໂມ້ ເມືອງອານຸວົງ ແຂວງໄຊສົມບູນ ເປັນ 1 ໃນຈໍານວນ 8 ບ້ານ ຂອງເມືອງອານຸວົງທີ່ນອນຢູ່ໃນຂົງເຂດຂອງການຊ່ວຍຊຸກຍູ້ສົ່ງເສີມດ້ານການຜະລິດກະສິກຳ ແລະ ຊີວິດການເປັນຢູ່ຍືນຍົງ ຂອງບໍລິສັດ ພູເບ້ຍ ມາຍນິງ ຊຶ່ງໂຄງການນີ້ມີຊື່ວ່າ “ໂຄງການປັບປຸງຊີວິດການເປັນຢູ່ ແບບຍືນຍົງ”ຫຼື (SLP) ທີ່ໄດ້ເລີ່ມມາແຕ່ປີ 2008 ແລະ ມາຮອດປັດຈຸບັນ ກໍໄດ້ສ້າງອາຊີບ, ສ້າງລາຍຮັບ ໃຫ້ຄອບຄົວຂອງປະຊາຊົນ ທີ່ເຂົ້າຮ່ວມໂຄງການ ໄດ້ມີລາຍຮັບທີ່ໝັ້ນຄົງ ມີຄວາມຍືນຍົງໃນອານາຄົດ. ດັ່ງຄອບຄົວຂອງ ທ່ານ ບົວເກດ ແກ້ວສິວົງພັນ ແລະ ຄອບຄົວຂອງ ທ່ານ ນາງ ປ້ອມ ຈັນທະລາທີ່ເຂົ້າຮ່ວມໂຄງການດັ່ງກ່າວ.
ທ່ານ ອຸດົມໄຊ ທໍາມະວົງ ຫົວໜ້າສູນບໍລິການເຕັກນິກກະສິກຳ ແລະ ປ່າໄມ້ ແຂວງໄຊສົມບູນ ໃນນາມຜູ້ປະສານງານໂຄງການ ໄດ້ກ່າວວ່າ: ບ້ານນໍ້າໂມ້ ມີປະຊາຊົນເຂົ້າຮ່ວມໂຄງການນີ້ 67 ຄອບຄົວ, ໃນນີ້ມີ 22 ຄອບຄົວ ທີ່ໄດ້ຮັບຄັດເລືອກໃນການສົ່ງເສີມປູກຜັກເຮືອນຮົ່ມ. ປັດຈຸບັນ, ປະຊາຊົນບ້ານນໍ້າໂມ້ ກໍຄືຄອບຄົວຜູ້ເຂົ້າຮ່ວມໂຄງການ ກຳລັງໄດ້ຮັບການສະໜັບສະໜູນ ໃນການສ້າງເຮືອນຮົ່ມ ທີ່ແໜ້ນໜາ-ຖາວອນ ຈໍານວນ 30 ກວ່າຫຼັງ ຜ່ານຮູບແບບທຶນສົມທົບ ເພື່ອໃຫ້ເກີດມີສ່ວນຮ່ວມຢ່າງແທ້ຈິງ ແລະ ເຮັດແທ້ທໍາຈິງ ກັບການຮ່ວມໂຄງການ ໂດຍສະເພາະບໍລິສັດໄດ້ສະໜອງ ຜ້າຢາງ, ຜ້າກັນແສງ, ສະໜອງດ້ານເຕັກນິກ-ວິຊາການຕ່າງໆ ເປັນຕົ້ນ ເຕັກນິກການປູກພືດຜັກໃນເຮືອນຮົ່ມ, ການເຮັດຝຸ່ນໝັກ, ການປ້ອງກັນພະຍາດແມງໄມ້ໃຫ້ປະຊາຊົນທີ່ຮ່ວມໂຄງການຢ່າງເປັນປົກກະຕິ ເພື່ອສ້າງເປັນຄອບຄົວຕົວແບບ ສ້າງຄວາມຍືນຍົງພາຍຫຼັງທີ່ ພູເບ້ຍ ມາຍນິງ ທະຍອຍປິດບໍ່, ທັງນີ້ ກໍເພື່ອໃຫ້ປະຊາຊົນໄດ້ມີລາຍຮັບທີ່ໝັ້ນຄົງ ໃນການຂາຍພືດຜັກ ທີ່ໂຄງການໄດ້ຊຸກຍູ້ສົ່ງເສີມ. ຂະນະທີ່, ການຕິດຕາມຊຸກຍູ້ ກໍແມ່ນໄດ້ລົງພື້ນທີ່ເປັນປົກກະຕິ ໃນແຕ່ລະບ້ານທີ່ຮ່ວມໂຄງການ ບໍ່ຫຼຸດເດືອນລະ 2 ຄັ້ງ ບາງບ້ານກໍຫຼາຍກວ່ານັ້ນ ຖ້າມີຄວາມຈໍາເປັນ. ສ່ວນດ້ານລາຍຮັບ, ສຳລັບຄອບຄົວທີ່ເຮັດແທ້ທໍາຈິງ ກໍມີລາຍຮັບທີ່ໝັ້ນຄົງ ໂດຍສະເລ່ຍແລ້ວ ບາງຄອບຄົວ ໄດ້ 2-3 ລ້ານກີບ/ເດືອນ, ບາງຄອບຄົວໄດ້ຫຼາຍກວ່າ 5 ລ້ານກີບ/ເດືອນ ແລະ ມີບາງເດືອນທີ່ໄດ້ຫຼາຍກວ່ານັ້ນ.
ທ່ານ ບົວເກດ ແກ້ວສິວົງພັນ ປະຊາຊົນບ້ານນໍ້າໂມ້ ໄດ້ກ່າວວ່າ: ຄອບຄົວຂອງຕົນໄດ້ເຂົ້າຮ່ວມໂຄງການນີ້ມາແຕ່ປີ 2009 ໂດຍເປັນການຊຸກຍູ້ຂອງບໍລິສັດ ພູເບ້ຍ ມາຍນິງ ຮ່ວມກັບທຶນສົມທົບຫຼັກທີ່ຄອບຄົວຕົນເອງລົງມືເຮັດ ຊຶ່ງບໍລິສັດໄດ້ສະໜອງດ້ານເຕັກນິກ-ວິຊາການຕ່າງໆ ແລະ ມີອຸປະກອນ ເປັນຕົ້ນການສ້າງເຮືອນຮົ່ມ ກໍໄດ້ຮັບເຕັກນິກ-ວິຊາການ, ໄດ້ຮັບຜ້າຢາງ, ຜ້າບັງແສງ, ໄດ້ຮັບກາເບື້ອງ 40 ແຜ່ນ ໃນການເຮັດຄອກລ້ຽງສັດ. ສະເພາະດ້ານການປູກຝັງ ແມ່ນໄດ້ປູກຜັກກາດຂາວ, ຜັກກາດຊອມ, ຫອມປ້ອມ, .... ຊຶ່ງຕະຫຼາດຫຼັກແມ່ນສະຫນອງໃຫ້ແກ່ພູເບ້ຍ ແລະ ຍັງໄປຂາຍຢູ່ຕະຫຼາດທົ່ວໄປ ພ້ອມທັງຂາຍໃຫ້ຊາວບ້ານ ແລະ ບ້ານອ້ອມຂ້າງທີ່ມາຊື້. ປັດຈຸບັນ ມີລາຍຮັບຕໍ່າສຸດແມ່ນ 5 ແສນກີບ/ອາທິດ, ບາງອາທິດກໍຫຼາຍກວ່ານັ້ນ, ສະເລ່ຍແລ້ວ ລາຍຮັບບໍ່ຫຼຸດ 2 ລ້ານກີບ/ເດືອນ. ນັບແຕ່ຮ່ວມໂຄງການມາ, ຊີວິດການເປັນຢູ່ຂອງຄອບຄົວດີຂຶ້ນ.
ທ່ານ ບົວເກດ ແກ້ວສິວົງພັນ ກ່າວອີກວ່າ: ຜ່ານມາຍັງເຮັດເປັນປະຖົມປະຖານ ຍັງບໍ່ທັນຮູ້ດ້ານເຕັກນິກ ພາຍຫຼັງຮ່ວມໂຄງການນີ້ ມີພະນັກງານມາສົ່ງເສີມແນະນໍາຫຼາຍຢ່າງ ທັງວິທີເຮັດຝຸ່ນ ແລະ ອື່ນໆ ເພື່ອເຮັດກະສິກຳສະອາດ, ບໍ່ໃສ່ປຸ໋ຍ, ບໍ່ໃຊ້ຢາຂ້າຫຍ້າ.... ປັດຈຸັນກໍຢາກສະເໜີໃຫ້ຊ່ວຍຕື່ມ ໂດຍເພີ່ມການຊ່ວຍເຫຼືອດ້ານເຮືອນຮົ່ມທີ່ຢາກເຮັດເປັນໂຄງເຫຼັກ ລວມເຖິງລະບົບນໍ້າ ຖເຫາກຂະຫຍາຍເນື້ອທີ່ການຜະລິດອອກຕື່ມອາດບໍ່ພຽງພໍຊຶ່ງປັດຈຸບັນກຳລັງປູກພືດໃນເນື້ອທີ່ພຽງ 4 ໄລ່, ໃນຂະນະທີ່ເນື້ອທີ່ດິນຂອງຕົນເອງມີຫຼາຍກວ່າ 2 ເຮັກຕາຈຶ່ງຢາກຂະຫຍາຍເນື້ອທີ່ເພີ່ມຂຶ້ນອີກແຕ່ກັງວົນເລື່ອງນ້ຳອາດບໍ່ພຽງພໍ.
ຂະນະທີ່, ທ່ານ ນາງ ປ້ອມ ຈັນທະລາ ປະຊາຊົນບ້ານນໍ້າໂມ້ ກ່າວໃຫ້ຮູ້ວ່າ: ຄອບຄົວຂອງຕົນໄດ້ເລີ່ມເຂົ້າຮ່ວມໂຄງການນີ້ມາແຕ່ປີ 2017 ຊຶ່ງໄດ້ປູກຜັກຮູບແບບກະສິກຳສະອາດ ໃນເຮືອນຮົ່ມ ໂດຍປູກຕາມຄວາມຕ້ອງການຂອງບໍລິສັດ ພູເບ້ຍ ຊຶ່ງກ່ອນເຂົ້າຮ່ວມໂຄງການ ແມ່ນເຮັດຕາມມີຕາມເກີດ ແຕ່ເມື່ອໄດ້ເຂົ້າຮ່ວມໂຄງການ ກໍໄດ້ຮັບການຊຸກຍູ້ສົ່ງເສີມ ກໍ່ສ້າງເຮືອນຮົ່ມໃນຮູບແບບມີສ່ວນຮ່ວມ ເຮັດໃຫ້ເກີດມີຄວາມຕັ້ງໃຈປູກພືດຜັກຂາຍເປັນອາຊີບເນື່ອງຈາກວ່າມີບໍລິສັດພູເບ້ຍຮັບຊື້ຜົນຜະລິດຊຶ່ງປັດຈຸບັນຄອບຄົວຂອງຕົນເອງມີລາຍຮັບຕໍ່າສຸດ7-8 ແສນກີບ/ອາທິດ, ສູງສຸດປະມານເກືອບ 2 ລ້ານກີບ, ສະເລ່ຍ 5-6 ລ້ານກີບ/ເດືອນ ເຮັດໃຫ້ຄອບຄົວມີລາຍຮັບທີ່ໝັ້ນຄົງຊຶ່ງຄອບຄົວຂອງຕົນໄດ້ສຸມໃສ່ປູກຜັກ ທີ່ໃຊ້ເວລາສັ້ນປະມານ 15-20 ວັນ ກໍສາມາດເກັບກູ້ຜົນຜະລິດຂາຍໄດ້, ພຽງແຕ່ໃຫ້ເອົາໃຈໃສ່ ດຸໝັ່ນບົວລະບັດຮັກສາ, ໃສ່ຝຸ່ນທໍາມະຊາດ ຊຶ່ງເຮັດໃນເນື້ອທີ່ການຜະລິດປະມານ 1 ໄລ່ ເຮັດໄດ້ຕະຫຼອດປີ. ນອກນີ້, ພູເບ້ຍ ມາຍນິງ ກໍບໍ່ໄດ້ຫ້າມໃນການຊອກຫາຕະຫຼາດນອກເພື່ອຂາຍອອກສ້າງລາຍຮັບ ຫາກໄດ້ລາຄາດີກວ່າ, ສາມາດຂາຍໃນຕະຫຼາດທົ່ວໄປ ຫຼື ຂາຍໃຫ້ຜູ້ທີ່ມາຊື້ໄດ້ເລີຍ.ປັດຈຸບັນ,ຢາກສະເໜີຂໍການສະໜັບສະໜູນລະບົບນໍ້າສະປຣິງເກີ້ຈາກບໍລິສັດ ເພື່ອເພີ່ມພູນການຜະລິດ ເນື່ອງຈາກຍັງມີແຜນຂະຫຍາຍເນື້ອທີ່ການຜະລິດອອກຕື່ມ.
ໂຄງການນີ້, ໃນໄລຍະຕົ້ນ 5 ບ້ານເປົ້າໝາຍ ອ້ອມຂ້າງພື້ນທີ່ການດຳເນີນງານຂອງບໍລິສັດ ຄື: ບ້ານນໍ້າຍອນ, ນໍ້າໂມ້, ນໍ້າຈັ້ງ, ທົ່ງຮັກ ແລະ ບ້ານທົ່ງຄູນ ແລະ ໄດ້ຂະຫຍາຍການຊ່ວຍເຫຼືອຊຸກຍູ້ສົ່ງເສີມ ໄປຍັງ 3 ບ້ານ ນອກພື້ນທີ່ ຊື່ງມີຄື: ບ້ານອ່າວເໜືອ, ອ່າວກາງ ແລະ ບ້ານອ່າວໃຕ້. ມາຮອດປັດຈຸບັນ, ໂຄງການໄດ້ສ້າງລາຍຮັບໝັ້ນຄົງແກ່ຄອບຄົວຂອງປະຊາຊົນ ຜູ້ເຂົ້າຮ່ວມໂຄງການດັ່ງກ່າວ ຜູ້ທີ່ເຮັດແທ້ທໍາຈິງ ຊຶ່ງນີ້ກໍເປັນໜຶ່ງມໍລະດົກ ທີ່ສ້າງຄວາມຍືນຍົງໃນການປັບປຸງຊີວິດການເປັນຢູ່ ໃຫ້ປະຊາຊົນມີອາຊີບ, ມີລາຍຮັບ ແລະ ຫຼຸດຜ່ອນຄວາມທຸກຍາກຂອງປະຊາຊົນ ກາຍເປັນຄອບຄົວທີ່ມີລາຍຮັບຫມັ້ນຄົງມີຄວາມຜາສຸກ.
ບ້ານນໍ້າໂມ້ ເມືອງອານຸວົງ ແຂວງໄຊສົມບູນ ເປັນ 1 ໃນຈໍານວນ 8 ບ້ານ ຂອງເມືອງອານຸວົງທີ່ນອນຢູ່ໃນຂົງເຂດຂອງການຊ່ວຍຊຸກຍູ້ສົ່ງເສີມດ້ານການຜະລິດກະສິກຳ ແລະ ຊີວິດການເປັນຢູ່ຍືນຍົງ ຂອງບໍລິສັດ ພູເບ້ຍ ມາຍນິງ ຊຶ່ງໂຄງການນີ້ມີຊື່ວ່າ “ໂຄງການປັບປຸງຊີວິດການເປັນຢູ່ ແບບຍືນຍົງ”ຫຼື (SLP) ທີ່ໄດ້ເລີ່ມມາແຕ່ປີ 2008 ແລະ ມາຮອດປັດຈຸບັນ ກໍໄດ້ສ້າງອາຊີບ, ສ້າງລາຍຮັບ ໃຫ້ຄອບຄົວຂອງປະຊາຊົນ ທີ່ເຂົ້າຮ່ວມໂຄງການ ໄດ້ມີລາຍຮັບທີ່ໝັ້ນຄົງ ມີຄວາມຍືນຍົງໃນອານາຄົດ. ດັ່ງຄອບຄົວຂອງ ທ່ານ ບົວເກດ ແກ້ວສິວົງພັນ ແລະ ຄອບຄົວຂອງ ທ່ານ ນາງ ປ້ອມ ຈັນທະລາທີ່ເຂົ້າຮ່ວມໂຄງການດັ່ງກ່າວ.
ທ່ານ ອຸດົມໄຊ ທໍາມະວົງ ຫົວໜ້າສູນບໍລິການເຕັກນິກກະສິກຳ ແລະ ປ່າໄມ້ ແຂວງໄຊສົມບູນ ໃນນາມຜູ້ປະສານງານໂຄງການ ໄດ້ກ່າວວ່າ: ບ້ານນໍ້າໂມ້ ມີປະຊາຊົນເຂົ້າຮ່ວມໂຄງການນີ້ 67 ຄອບຄົວ, ໃນນີ້ມີ 22 ຄອບຄົວ ທີ່ໄດ້ຮັບຄັດເລືອກໃນການສົ່ງເສີມປູກຜັກເຮືອນຮົ່ມ. ປັດຈຸບັນ, ປະຊາຊົນບ້ານນໍ້າໂມ້ ກໍຄືຄອບຄົວຜູ້ເຂົ້າຮ່ວມໂຄງການ ກຳລັງໄດ້ຮັບການສະໜັບສະໜູນ ໃນການສ້າງເຮືອນຮົ່ມ ທີ່ແໜ້ນໜາ-ຖາວອນ ຈໍານວນ 30 ກວ່າຫຼັງ ຜ່ານຮູບແບບທຶນສົມທົບ ເພື່ອໃຫ້ເກີດມີສ່ວນຮ່ວມຢ່າງແທ້ຈິງ ແລະ ເຮັດແທ້ທໍາຈິງ ກັບການຮ່ວມໂຄງການ ໂດຍສະເພາະບໍລິສັດໄດ້ສະໜອງ ຜ້າຢາງ, ຜ້າກັນແສງ, ສະໜອງດ້ານເຕັກນິກ-ວິຊາການຕ່າງໆ ເປັນຕົ້ນ ເຕັກນິກການປູກພືດຜັກໃນເຮືອນຮົ່ມ, ການເຮັດຝຸ່ນໝັກ, ການປ້ອງກັນພະຍາດແມງໄມ້ໃຫ້ປະຊາຊົນທີ່ຮ່ວມໂຄງການຢ່າງເປັນປົກກະຕິ ເພື່ອສ້າງເປັນຄອບຄົວຕົວແບບ ສ້າງຄວາມຍືນຍົງພາຍຫຼັງທີ່ ພູເບ້ຍ ມາຍນິງ ທະຍອຍປິດບໍ່, ທັງນີ້ ກໍເພື່ອໃຫ້ປະຊາຊົນໄດ້ມີລາຍຮັບທີ່ໝັ້ນຄົງ ໃນການຂາຍພືດຜັກ ທີ່ໂຄງການໄດ້ຊຸກຍູ້ສົ່ງເສີມ. ຂະນະທີ່, ການຕິດຕາມຊຸກຍູ້ ກໍແມ່ນໄດ້ລົງພື້ນທີ່ເປັນປົກກະຕິ ໃນແຕ່ລະບ້ານທີ່ຮ່ວມໂຄງການ ບໍ່ຫຼຸດເດືອນລະ 2 ຄັ້ງ ບາງບ້ານກໍຫຼາຍກວ່ານັ້ນ ຖ້າມີຄວາມຈໍາເປັນ. ສ່ວນດ້ານລາຍຮັບ, ສຳລັບຄອບຄົວທີ່ເຮັດແທ້ທໍາຈິງ ກໍມີລາຍຮັບທີ່ໝັ້ນຄົງ ໂດຍສະເລ່ຍແລ້ວ ບາງຄອບຄົວ ໄດ້ 2-3 ລ້ານກີບ/ເດືອນ, ບາງຄອບຄົວໄດ້ຫຼາຍກວ່າ 5 ລ້ານກີບ/ເດືອນ ແລະ ມີບາງເດືອນທີ່ໄດ້ຫຼາຍກວ່ານັ້ນ.
ທ່ານ ບົວເກດ ແກ້ວສິວົງພັນ ປະຊາຊົນບ້ານນໍ້າໂມ້ ໄດ້ກ່າວວ່າ: ຄອບຄົວຂອງຕົນໄດ້ເຂົ້າຮ່ວມໂຄງການນີ້ມາແຕ່ປີ 2009 ໂດຍເປັນການຊຸກຍູ້ຂອງບໍລິສັດ ພູເບ້ຍ ມາຍນິງ ຮ່ວມກັບທຶນສົມທົບຫຼັກທີ່ຄອບຄົວຕົນເອງລົງມືເຮັດ ຊຶ່ງບໍລິສັດໄດ້ສະໜອງດ້ານເຕັກນິກ-ວິຊາການຕ່າງໆ ແລະ ມີອຸປະກອນ ເປັນຕົ້ນການສ້າງເຮືອນຮົ່ມ ກໍໄດ້ຮັບເຕັກນິກ-ວິຊາການ, ໄດ້ຮັບຜ້າຢາງ, ຜ້າບັງແສງ, ໄດ້ຮັບກາເບື້ອງ 40 ແຜ່ນ ໃນການເຮັດຄອກລ້ຽງສັດ. ສະເພາະດ້ານການປູກຝັງ ແມ່ນໄດ້ປູກຜັກກາດຂາວ, ຜັກກາດຊອມ, ຫອມປ້ອມ, .... ຊຶ່ງຕະຫຼາດຫຼັກແມ່ນສະຫນອງໃຫ້ແກ່ພູເບ້ຍ ແລະ ຍັງໄປຂາຍຢູ່ຕະຫຼາດທົ່ວໄປ ພ້ອມທັງຂາຍໃຫ້ຊາວບ້ານ ແລະ ບ້ານອ້ອມຂ້າງທີ່ມາຊື້. ປັດຈຸບັນ ມີລາຍຮັບຕໍ່າສຸດແມ່ນ 5 ແສນກີບ/ອາທິດ, ບາງອາທິດກໍຫຼາຍກວ່ານັ້ນ, ສະເລ່ຍແລ້ວ ລາຍຮັບບໍ່ຫຼຸດ 2 ລ້ານກີບ/ເດືອນ. ນັບແຕ່ຮ່ວມໂຄງການມາ, ຊີວິດການເປັນຢູ່ຂອງຄອບຄົວດີຂຶ້ນ.
ທ່ານ ບົວເກດ ແກ້ວສິວົງພັນ ກ່າວອີກວ່າ: ຜ່ານມາຍັງເຮັດເປັນປະຖົມປະຖານ ຍັງບໍ່ທັນຮູ້ດ້ານເຕັກນິກ ພາຍຫຼັງຮ່ວມໂຄງການນີ້ ມີພະນັກງານມາສົ່ງເສີມແນະນໍາຫຼາຍຢ່າງ ທັງວິທີເຮັດຝຸ່ນ ແລະ ອື່ນໆ ເພື່ອເຮັດກະສິກຳສະອາດ, ບໍ່ໃສ່ປຸ໋ຍ, ບໍ່ໃຊ້ຢາຂ້າຫຍ້າ.... ປັດຈຸັນກໍຢາກສະເໜີໃຫ້ຊ່ວຍຕື່ມ ໂດຍເພີ່ມການຊ່ວຍເຫຼືອດ້ານເຮືອນຮົ່ມທີ່ຢາກເຮັດເປັນໂຄງເຫຼັກ ລວມເຖິງລະບົບນໍ້າ ຖເຫາກຂະຫຍາຍເນື້ອທີ່ການຜະລິດອອກຕື່ມອາດບໍ່ພຽງພໍຊຶ່ງປັດຈຸບັນກຳລັງປູກພືດໃນເນື້ອທີ່ພຽງ 4 ໄລ່, ໃນຂະນະທີ່ເນື້ອທີ່ດິນຂອງຕົນເອງມີຫຼາຍກວ່າ 2 ເຮັກຕາຈຶ່ງຢາກຂະຫຍາຍເນື້ອທີ່ເພີ່ມຂຶ້ນອີກແຕ່ກັງວົນເລື່ອງນ້ຳອາດບໍ່ພຽງພໍ.
ຂະນະທີ່, ທ່ານ ນາງ ປ້ອມ ຈັນທະລາ ປະຊາຊົນບ້ານນໍ້າໂມ້ ກ່າວໃຫ້ຮູ້ວ່າ: ຄອບຄົວຂອງຕົນໄດ້ເລີ່ມເຂົ້າຮ່ວມໂຄງການນີ້ມາແຕ່ປີ 2017 ຊຶ່ງໄດ້ປູກຜັກຮູບແບບກະສິກຳສະອາດ ໃນເຮືອນຮົ່ມ ໂດຍປູກຕາມຄວາມຕ້ອງການຂອງບໍລິສັດ ພູເບ້ຍ ຊຶ່ງກ່ອນເຂົ້າຮ່ວມໂຄງການ ແມ່ນເຮັດຕາມມີຕາມເກີດ ແຕ່ເມື່ອໄດ້ເຂົ້າຮ່ວມໂຄງການ ກໍໄດ້ຮັບການຊຸກຍູ້ສົ່ງເສີມ ກໍ່ສ້າງເຮືອນຮົ່ມໃນຮູບແບບມີສ່ວນຮ່ວມ ເຮັດໃຫ້ເກີດມີຄວາມຕັ້ງໃຈປູກພືດຜັກຂາຍເປັນອາຊີບເນື່ອງຈາກວ່າມີບໍລິສັດພູເບ້ຍຮັບຊື້ຜົນຜະລິດຊຶ່ງປັດຈຸບັນຄອບຄົວຂອງຕົນເອງມີລາຍຮັບຕໍ່າສຸດ7-8 ແສນກີບ/ອາທິດ, ສູງສຸດປະມານເກືອບ 2 ລ້ານກີບ, ສະເລ່ຍ 5-6 ລ້ານກີບ/ເດືອນ ເຮັດໃຫ້ຄອບຄົວມີລາຍຮັບທີ່ໝັ້ນຄົງຊຶ່ງຄອບຄົວຂອງຕົນໄດ້ສຸມໃສ່ປູກຜັກ ທີ່ໃຊ້ເວລາສັ້ນປະມານ 15-20 ວັນ ກໍສາມາດເກັບກູ້ຜົນຜະລິດຂາຍໄດ້, ພຽງແຕ່ໃຫ້ເອົາໃຈໃສ່ ດຸໝັ່ນບົວລະບັດຮັກສາ, ໃສ່ຝຸ່ນທໍາມະຊາດ ຊຶ່ງເຮັດໃນເນື້ອທີ່ການຜະລິດປະມານ 1 ໄລ່ ເຮັດໄດ້ຕະຫຼອດປີ. ນອກນີ້, ພູເບ້ຍ ມາຍນິງ ກໍບໍ່ໄດ້ຫ້າມໃນການຊອກຫາຕະຫຼາດນອກເພື່ອຂາຍອອກສ້າງລາຍຮັບ ຫາກໄດ້ລາຄາດີກວ່າ, ສາມາດຂາຍໃນຕະຫຼາດທົ່ວໄປ ຫຼື ຂາຍໃຫ້ຜູ້ທີ່ມາຊື້ໄດ້ເລີຍ.ປັດຈຸບັນ,ຢາກສະເໜີຂໍການສະໜັບສະໜູນລະບົບນໍ້າສະປຣິງເກີ້ຈາກບໍລິສັດ ເພື່ອເພີ່ມພູນການຜະລິດ ເນື່ອງຈາກຍັງມີແຜນຂະຫຍາຍເນື້ອທີ່ການຜະລິດອອກຕື່ມ.
ໂຄງການນີ້, ໃນໄລຍະຕົ້ນ 5 ບ້ານເປົ້າໝາຍ ອ້ອມຂ້າງພື້ນທີ່ການດຳເນີນງານຂອງບໍລິສັດ ຄື: ບ້ານນໍ້າຍອນ, ນໍ້າໂມ້, ນໍ້າຈັ້ງ, ທົ່ງຮັກ ແລະ ບ້ານທົ່ງຄູນ ແລະ ໄດ້ຂະຫຍາຍການຊ່ວຍເຫຼືອຊຸກຍູ້ສົ່ງເສີມ ໄປຍັງ 3 ບ້ານ ນອກພື້ນທີ່ ຊື່ງມີຄື: ບ້ານອ່າວເໜືອ, ອ່າວກາງ ແລະ ບ້ານອ່າວໃຕ້. ມາຮອດປັດຈຸບັນ, ໂຄງການໄດ້ສ້າງລາຍຮັບໝັ້ນຄົງແກ່ຄອບຄົວຂອງປະຊາຊົນ ຜູ້ເຂົ້າຮ່ວມໂຄງການດັ່ງກ່າວ ຜູ້ທີ່ເຮັດແທ້ທໍາຈິງ ຊຶ່ງນີ້ກໍເປັນໜຶ່ງມໍລະດົກ ທີ່ສ້າງຄວາມຍືນຍົງໃນການປັບປຸງຊີວິດການເປັນຢູ່ ໃຫ້ປະຊາຊົນມີອາຊີບ, ມີລາຍຮັບ ແລະ ຫຼຸດຜ່ອນຄວາມທຸກຍາກຂອງປະຊາຊົນ ກາຍເປັນຄອບຄົວທີ່ມີລາຍຮັບຫມັ້ນຄົງມີຄວາມຜາສຸກ.
