ໃນຕອນເຊົ້າວັນທີ 21 ທັນວານີ້, ທີ່ສະໂມສອນຫ້ອງວ່າການແຂວງໄຊຍະບູລີ ໄດ້ຈັດກອງປະຊຸມອົງການປົກຄອງແຂວງ ເປີດກວ້າງຄັ້ງທີ II ຂຶ້ນ, ໂດຍການເປັນປະທານຂອງ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ເຂົ້າຮ່ວມມີ 2 ຫົວໜ້າກອງບັນຊາການ(ປກຊ-ປກສ), ມີຫົວໜ້າ, ຮອງຫົວໜ້າພະແນກການ, ກົມກອງອ້ອມຂ້າງແຂວງ, ມີເຈົ້າເມືອງ ແລະ ພະນັກງານຫຼັກແຫຼ່ງຈາກ 11 ເມືອງເຂົ້າຮ່ວມໂດຍຜ່ານລະບົບວີດີໂອທາງໄກ.
ໃນກອງປະຊຸມທ່ານ ພົງສະຫວັນ ສິດທະວົງ ໄດ້ກ່າວວ່າ: ກອງປະຊຸມຄັ້ງນີ້ ຈະໄດ້ຄົ້ນຄວ້າຊອກຫາສາເຫດຈຸດດີ, ຈຸດອ່ອນ, ຂໍ້ຄົງຄ້າງ ແລະ ວິທີການແກ້ໄຂໃນຕໍ່ໜ້າ, ປັບປຸງເຮັດໃຫ້ມີຜົນໄດ້ຮັບດີຂຶ້ນກວ່າເກົ່າເປັນຕົ້ນ ສິ່ງຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ ຍັງບໍ່ທັນໄດ້ຮັບການແກ້ໄຂໃຫ້ມີຄວາມສະຫງົບໄດ້ເຊັ່ນ: ບັນຫາການຄ້າ-ຂາຍຢາເສບຕິດ, ຂີ້ລັກ-ງັດແງະ, ລັກຊັບພົນລະເມືອງ, ລັກລອບນໍາເຂົ້າພາຫະນະບໍ່ຖືກຕ້ອງ, ອຸບັດຕິເຫດຕາມທ້ອງຖະໜົນ ແລະ ອື່ນໆ ຊຶ່ງເປັນສິ່ງທ້າທາຍ ແລະ ເປັນໄພຂົ່ມຂູ່ ຕໍ່ການນໍາພາຂອງອົງການປົກຄອງແຂວງພວກເຮົາ, ພ້ອມນີ້ຜູ້ແທນກອງປະຊຸມຈະໄດ້ເອກະພາບກັນກໍານົດທິດທາງ, ວຽກງານຈຸດສຸມ, ຄາດໝາຍສູ້ຊົນແຕ່ລະດ້ານ ໃນປີ 2024 ຕິດພັນກັບ 2 ວາລະແຫ່ງຊາດ, ພ້ອມກັນຄົ້ນຄວ້າປຶກສາຫາລືເນື້ອໃນສຳຄັນຄື: ວາລະທີ1: ສະຫຼຸບຕີລາຄາກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງໄຊຍະບູລີ ປະຈຳປີ 2023 ແລະ ທິດທາງແຜນວຽກຈຸດສຸມ ປີ 2024 ແລະ ວາລະທີ 2: ລາຍງານກ່ຽວກັບການແກ້ໄຂບັນຫາເຄັ່ງຮ້ອນທາງດ້ານເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ຈາກນັ້ນ ກອງປະຊຸມຈະໄດ້ປະກອບຄໍາຄິດ-ຄໍາເຫັນ ເພື່ອເຮັດໃຫ້ກອງປະຊຸມມີເນື້ອໃນຄົບຖ້ວນສົມບູນເລິກເຊິ່ງ,ສັງລວມໃຫ້ໄດ້ບັນຫາພົ້ນເດັ່ນ ແລະ ບັນຫາທີ່ຍັງຄົງຄ້າງ ເພື່ອພ້ອມກັນສືບຕໍ່ປັບປຸງແກ້ໄຂໃນຕໍ່ໜ້າໃຫ້ໄດ້ຮັບຜົນດີກວ່າເກົ່າ, ພ້ອມທັງຮຽກຮ້ອງມາຍັງບັນດາທ່ານຜູ້ແທນກອງປະຊຸມ ຈົ່ງໄດ້ເຊີດຊູຄວາມຮັບຜິດຊອບຂອງຕົນໃຫ້ສູງ ແນໃສ່ສ້າງປະໂຫຍດສູງສຸດໃຫ້ແກ່ກອງປະຊຸມ ເພື່ອເຮັດໃຫ້ກອງປະຊຸມຄັ້ງນີ້ ໄດ້ດໍາເນີນຕາມແຜນ ແລະມີຜົນສໍາເລັດຕາມຈຸດປະສົງຄາດໝາຍວາງໄວ້ຢ່າງຈົບງາມ,ໃນກອງປະຊຸມ ທ່ານ ພອນສະຫວັນ ໄຊສົມພັນ ຫົວໜ້າຫ້ອງວ່າການແຂວງກໍໄດ້ຂຶ້ນຜ່ານຮ່າງບົດສະຫຼຸບຫຍໍ້ການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງປະຈຳປີ 2023ແລະ ທິດທາງແຜນວຽກຈຸດສຸມປີ 2024 ຊຶ່ງໄດ້ຍົກໃຫ້ເຫັນວຽກງານທີ່ພົ້ນເດັ່ນຂອງບັນດາຂະແໜງການ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ກອງປະຊຸມແມ່ນດໍາເນີນເປັນເວລາ 2 ວັນຈຶ່ງສໍາເລັດ.
(ຂ່າວ-ພາບ: ອຸ່ນເຮືອນ ໂພທິລັກໄຊຍະບູລີ)22126933
ໃນກອງປະຊຸມທ່ານ ພົງສະຫວັນ ສິດທະວົງ ໄດ້ກ່າວວ່າ: ກອງປະຊຸມຄັ້ງນີ້ ຈະໄດ້ຄົ້ນຄວ້າຊອກຫາສາເຫດຈຸດດີ, ຈຸດອ່ອນ, ຂໍ້ຄົງຄ້າງ ແລະ ວິທີການແກ້ໄຂໃນຕໍ່ໜ້າ, ປັບປຸງເຮັດໃຫ້ມີຜົນໄດ້ຮັບດີຂຶ້ນກວ່າເກົ່າເປັນຕົ້ນ ສິ່ງຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ ຍັງບໍ່ທັນໄດ້ຮັບການແກ້ໄຂໃຫ້ມີຄວາມສະຫງົບໄດ້ເຊັ່ນ: ບັນຫາການຄ້າ-ຂາຍຢາເສບຕິດ, ຂີ້ລັກ-ງັດແງະ, ລັກຊັບພົນລະເມືອງ, ລັກລອບນໍາເຂົ້າພາຫະນະບໍ່ຖືກຕ້ອງ, ອຸບັດຕິເຫດຕາມທ້ອງຖະໜົນ ແລະ ອື່ນໆ ຊຶ່ງເປັນສິ່ງທ້າທາຍ ແລະ ເປັນໄພຂົ່ມຂູ່ ຕໍ່ການນໍາພາຂອງອົງການປົກຄອງແຂວງພວກເຮົາ, ພ້ອມນີ້ຜູ້ແທນກອງປະຊຸມຈະໄດ້ເອກະພາບກັນກໍານົດທິດທາງ, ວຽກງານຈຸດສຸມ, ຄາດໝາຍສູ້ຊົນແຕ່ລະດ້ານ ໃນປີ 2024 ຕິດພັນກັບ 2 ວາລະແຫ່ງຊາດ, ພ້ອມກັນຄົ້ນຄວ້າປຶກສາຫາລືເນື້ອໃນສຳຄັນຄື: ວາລະທີ1: ສະຫຼຸບຕີລາຄາກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງໄຊຍະບູລີ ປະຈຳປີ 2023 ແລະ ທິດທາງແຜນວຽກຈຸດສຸມ ປີ 2024 ແລະ ວາລະທີ 2: ລາຍງານກ່ຽວກັບການແກ້ໄຂບັນຫາເຄັ່ງຮ້ອນທາງດ້ານເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ຈາກນັ້ນ ກອງປະຊຸມຈະໄດ້ປະກອບຄໍາຄິດ-ຄໍາເຫັນ ເພື່ອເຮັດໃຫ້ກອງປະຊຸມມີເນື້ອໃນຄົບຖ້ວນສົມບູນເລິກເຊິ່ງ,ສັງລວມໃຫ້ໄດ້ບັນຫາພົ້ນເດັ່ນ ແລະ ບັນຫາທີ່ຍັງຄົງຄ້າງ ເພື່ອພ້ອມກັນສືບຕໍ່ປັບປຸງແກ້ໄຂໃນຕໍ່ໜ້າໃຫ້ໄດ້ຮັບຜົນດີກວ່າເກົ່າ, ພ້ອມທັງຮຽກຮ້ອງມາຍັງບັນດາທ່ານຜູ້ແທນກອງປະຊຸມ ຈົ່ງໄດ້ເຊີດຊູຄວາມຮັບຜິດຊອບຂອງຕົນໃຫ້ສູງ ແນໃສ່ສ້າງປະໂຫຍດສູງສຸດໃຫ້ແກ່ກອງປະຊຸມ ເພື່ອເຮັດໃຫ້ກອງປະຊຸມຄັ້ງນີ້ ໄດ້ດໍາເນີນຕາມແຜນ ແລະມີຜົນສໍາເລັດຕາມຈຸດປະສົງຄາດໝາຍວາງໄວ້ຢ່າງຈົບງາມ,ໃນກອງປະຊຸມ ທ່ານ ພອນສະຫວັນ ໄຊສົມພັນ ຫົວໜ້າຫ້ອງວ່າການແຂວງກໍໄດ້ຂຶ້ນຜ່ານຮ່າງບົດສະຫຼຸບຫຍໍ້ການຈັດຕັ້ງປະຕິບັດວຽກງານທີ່ພົ້ນເດັ່ນຂອງອົງການປົກຄອງແຂວງປະຈຳປີ 2023ແລະ ທິດທາງແຜນວຽກຈຸດສຸມປີ 2024 ຊຶ່ງໄດ້ຍົກໃຫ້ເຫັນວຽກງານທີ່ພົ້ນເດັ່ນຂອງບັນດາຂະແໜງການ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ, ກອງປະຊຸມແມ່ນດໍາເນີນເປັນເວລາ 2 ວັນຈຶ່ງສໍາເລັດ.
(ຂ່າວ-ພາບ: ອຸ່ນເຮືອນ ໂພທິລັກໄຊຍະບູລີ)22126933
