ແຂວງຫົວພັນໄດ້ຈັດພິທີປະກາດເປັນແຂວງຢຸດຕິການຖ່າຍຊະຊາຍຂຶ້ນໃນວັນທີ 22 ທັນວາຜ່ານມາທີ່ສະໜາມກິລາແຂວງ ໂດຍມີທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີທ່ານ ຄຳແພງ ໄຊສົມແພງ ເຈົ້າແຂວງຫົວພັນ, ມີການນຳຈາກ 17 ແຂວງທົ່ວປະເທດ ພ້ອມດ້ວຍມວນຊົນເຂົ້າຮ່ວມ.
ທ່ານ ວິລະພອນ ພົມວົງສີ ຫົວໜ້າພະແນກສາທາລະນະສຸກແຂວງ ກ່າວວ່າ: ທົ່ວແຂວງມີ 54.369 ຄົວເຮືອນ ໃນນີ້, ຄົວເຮືອນທີ່ມີວິດຖ່າຍເປັນຂອງຕົນເອງ 52.669 ຄົວເຮືອນ ເທົ່າກັບ 96.8%, ຄົວເຮືອນທີ່ຍັງໃຊ້ວິດຖ່າຍຮ່ວມນໍາພີ່ນ້ອງມີທັງໝົດ 636 ຄົວເຮືອນ ເທົ່າກັບ 1,16%, ໂຮງຮຽນປະຖົມ, ມັດທະຍົມຕົ້ນ ແລະ ມັດທະຍົມປາຍຈຳນວນ 644 ແຫ່ງ, ມີວິດຖ່າຍຊົມໃຊ້ 100% ພ້ອມນີ້ 10 ເມືອງທົ່ວແຂວງໄດ້ຮັບຮອງເປັນເມືອງຢຸດຕິການຖ່າຍຊະຊາຍສຳເລັດ ຜ່ານການປະເມີນຜົນຕົວຈິງເຫັນວ່າຄົບຖ້ວນຕາມມາດຖານ ແລະ ເງື່ອນໄຂ ເພື່ອຮັບຮອງເປັນແຂວງຢຸດຕິການຖ່າຍຊະຊາຍ. ຄຽງຄູ່ກັນນີ້ກໍຍັງມີຂໍ້ຄົງຄ້າງທີ່ຈະໄດ້ສືບຕໍ່ປັບປຸງແກ້ໄຂໃນຕໍ່ໜ້າເປັນຕົ້ນ ຄະນະກຳມະການຮັບຜິດຊອບຂັ້ນບ້ານ ເຖິງວ່າໄດ້ຮັບການຝຶກອົບຮົມ ແລະ ແຕ່ງຕັ້ງແລ້ວກໍຕາມ ແຕ່ຍັງມີບາງບ້ານບໍ່ທັນໄດ້ເຄື່ອນໄຫວຕາມສິດ, ໜ້າທີ່ ແລະ ພາລະບົດບາດຂອງຕົນຢ່າງເຕັມເມັດເຕັມໜ່ວຍ ເຮັດໃຫ້ການຊີ້ນໍາຊ່ວຍເຫຼືອປະຊາຊົນຍັງບໍ່ທັນໄດ້ດີ, ຄວາມເປັນເຈົ້າການຂອງອໍານາດການປົກຄອງ ແລະ ປະຊາຊົນບັນດາເຜົ່າຈໍານວນໜຶ່ງໃນການສ້າງຂະບວນການອະນາໄມ 3 ສະອາດ, ການຮັກສາສິ່ງແວດລ້ອມ ແລະ ຄວາມຕື່ນຕົວເປັນເຈົ້າການໃນການຮັກສາສຸຂະພາບໃນຊຸມຊົນຕົນເອງຍັງເຮັດບໍ່ທັນໄດ້ດີ ແລະ ຊີວິດການເປັນຢູ່ແບບທໍາມະຊາດບໍ່ທັນຖືກຫຼັກສຸຂະອະນາໄມ.
ສຳລັບທິດທາງແຜນການໃນຕໍ່ໜ້າຈະສືບຕໍ່ລົງໂຄສະນາວຽກງານສຸຂະສຶກສາໃຫ້ແກ່ປະຊາຊົນບັນດາເຜົ່າຮັບຮູ້ ແລະ ເຂົ້າໃຈຢ່າງທົ່ວເຖິງ ໂດຍຖືເອົາການປ້ອງກັນພະຍາດ ແລະ ສົ່ງເສີມສຸຂະພາບເປັນຕົ້ນຕໍ, ການປິ່ນປົວເປັນສຳຄັນ ແລະ ຍຸດທະສາດຕາມ 8 ແຜນງານຂອງກະຊວງສາທາລະນະສຸກວາງອອກຢ່າງເປັນຮູບປະທຳ, ສືບຕໍ່ປັບປຸງຕາໜ່າງສາທາລະນະສຸກແຕ່ລະຂັ້ນໃຫ້ມີຄວາມເຂັ້ມແຂງ ເພື່ອຮັບປະກັນການບໍລິການສຸຂະພາບໃຫ້ປະຊາຊົນຕາມນະໂຍບາຍ 5 ດີ 1 ພໍໃຈຂອງກະຊວງສາທາລະນະສຸກວາງອອກ ເພື່ອຮັກສານາມມະຍົດແຂວງຫົວພັນເປັນແຂວງຢຸດຕິການຖ່າຍຊະຊາຍໃຫ້ມີຄວາມຍືນຍົງຕະຫຼອດໄປ.
ໃນພິທີໄດ້ຜ່ານຂໍ້ຕົກລົງຂອງລັດຖະມົນຕີກະຊວງສາທາລະນະສຸກ ສະບັບເລກທີ 4032 ລົງວັນທີ 11 ທັນວາ 2023 ວ່າດ້ວຍການຢັ້ງຢືນ ແລະ ຮັບຮອງເອົາແຂວງຫົວພັນເປັນແຂວງຢຸດຕິການຖ່າຍຊະຊາຍ ແຂວງທີ 4 ຂອງ ສປປ ລາວ ເປັນກຽດມອບໃບຢັ້ງຢືນໂດຍທ່ານ ບຸນແຝງ ພູມມະໄລສິດ ແລະ ຕາງໜ້າຮັບໂດຍທ່ານ ຄຳແພງ ໄຊສົມແພງ ພ້ອມນີ້ຍັງໄດ້ມອບໃບຍ້ອງຍໍໃຫ້ກົມກອງ, ບຸກຄົນທີ່ມີຜົນງານດີເດັ່ນຕາມລຳດັບ.
ຂ່າວ: ໄມຄຳ, ພາບ:ສີອຳພອນ
ທ່ານ ວິລະພອນ ພົມວົງສີ ຫົວໜ້າພະແນກສາທາລະນະສຸກແຂວງ ກ່າວວ່າ: ທົ່ວແຂວງມີ 54.369 ຄົວເຮືອນ ໃນນີ້, ຄົວເຮືອນທີ່ມີວິດຖ່າຍເປັນຂອງຕົນເອງ 52.669 ຄົວເຮືອນ ເທົ່າກັບ 96.8%, ຄົວເຮືອນທີ່ຍັງໃຊ້ວິດຖ່າຍຮ່ວມນໍາພີ່ນ້ອງມີທັງໝົດ 636 ຄົວເຮືອນ ເທົ່າກັບ 1,16%, ໂຮງຮຽນປະຖົມ, ມັດທະຍົມຕົ້ນ ແລະ ມັດທະຍົມປາຍຈຳນວນ 644 ແຫ່ງ, ມີວິດຖ່າຍຊົມໃຊ້ 100% ພ້ອມນີ້ 10 ເມືອງທົ່ວແຂວງໄດ້ຮັບຮອງເປັນເມືອງຢຸດຕິການຖ່າຍຊະຊາຍສຳເລັດ ຜ່ານການປະເມີນຜົນຕົວຈິງເຫັນວ່າຄົບຖ້ວນຕາມມາດຖານ ແລະ ເງື່ອນໄຂ ເພື່ອຮັບຮອງເປັນແຂວງຢຸດຕິການຖ່າຍຊະຊາຍ. ຄຽງຄູ່ກັນນີ້ກໍຍັງມີຂໍ້ຄົງຄ້າງທີ່ຈະໄດ້ສືບຕໍ່ປັບປຸງແກ້ໄຂໃນຕໍ່ໜ້າເປັນຕົ້ນ ຄະນະກຳມະການຮັບຜິດຊອບຂັ້ນບ້ານ ເຖິງວ່າໄດ້ຮັບການຝຶກອົບຮົມ ແລະ ແຕ່ງຕັ້ງແລ້ວກໍຕາມ ແຕ່ຍັງມີບາງບ້ານບໍ່ທັນໄດ້ເຄື່ອນໄຫວຕາມສິດ, ໜ້າທີ່ ແລະ ພາລະບົດບາດຂອງຕົນຢ່າງເຕັມເມັດເຕັມໜ່ວຍ ເຮັດໃຫ້ການຊີ້ນໍາຊ່ວຍເຫຼືອປະຊາຊົນຍັງບໍ່ທັນໄດ້ດີ, ຄວາມເປັນເຈົ້າການຂອງອໍານາດການປົກຄອງ ແລະ ປະຊາຊົນບັນດາເຜົ່າຈໍານວນໜຶ່ງໃນການສ້າງຂະບວນການອະນາໄມ 3 ສະອາດ, ການຮັກສາສິ່ງແວດລ້ອມ ແລະ ຄວາມຕື່ນຕົວເປັນເຈົ້າການໃນການຮັກສາສຸຂະພາບໃນຊຸມຊົນຕົນເອງຍັງເຮັດບໍ່ທັນໄດ້ດີ ແລະ ຊີວິດການເປັນຢູ່ແບບທໍາມະຊາດບໍ່ທັນຖືກຫຼັກສຸຂະອະນາໄມ.
ສຳລັບທິດທາງແຜນການໃນຕໍ່ໜ້າຈະສືບຕໍ່ລົງໂຄສະນາວຽກງານສຸຂະສຶກສາໃຫ້ແກ່ປະຊາຊົນບັນດາເຜົ່າຮັບຮູ້ ແລະ ເຂົ້າໃຈຢ່າງທົ່ວເຖິງ ໂດຍຖືເອົາການປ້ອງກັນພະຍາດ ແລະ ສົ່ງເສີມສຸຂະພາບເປັນຕົ້ນຕໍ, ການປິ່ນປົວເປັນສຳຄັນ ແລະ ຍຸດທະສາດຕາມ 8 ແຜນງານຂອງກະຊວງສາທາລະນະສຸກວາງອອກຢ່າງເປັນຮູບປະທຳ, ສືບຕໍ່ປັບປຸງຕາໜ່າງສາທາລະນະສຸກແຕ່ລະຂັ້ນໃຫ້ມີຄວາມເຂັ້ມແຂງ ເພື່ອຮັບປະກັນການບໍລິການສຸຂະພາບໃຫ້ປະຊາຊົນຕາມນະໂຍບາຍ 5 ດີ 1 ພໍໃຈຂອງກະຊວງສາທາລະນະສຸກວາງອອກ ເພື່ອຮັກສານາມມະຍົດແຂວງຫົວພັນເປັນແຂວງຢຸດຕິການຖ່າຍຊະຊາຍໃຫ້ມີຄວາມຍືນຍົງຕະຫຼອດໄປ.
ໃນພິທີໄດ້ຜ່ານຂໍ້ຕົກລົງຂອງລັດຖະມົນຕີກະຊວງສາທາລະນະສຸກ ສະບັບເລກທີ 4032 ລົງວັນທີ 11 ທັນວາ 2023 ວ່າດ້ວຍການຢັ້ງຢືນ ແລະ ຮັບຮອງເອົາແຂວງຫົວພັນເປັນແຂວງຢຸດຕິການຖ່າຍຊະຊາຍ ແຂວງທີ 4 ຂອງ ສປປ ລາວ ເປັນກຽດມອບໃບຢັ້ງຢືນໂດຍທ່ານ ບຸນແຝງ ພູມມະໄລສິດ ແລະ ຕາງໜ້າຮັບໂດຍທ່ານ ຄຳແພງ ໄຊສົມແພງ ພ້ອມນີ້ຍັງໄດ້ມອບໃບຍ້ອງຍໍໃຫ້ກົມກອງ, ບຸກຄົນທີ່ມີຜົນງານດີເດັ່ນຕາມລຳດັບ.
ຂ່າວ: ໄມຄຳ, ພາບ:ສີອຳພອນ
