ພິທີສະເຫຼີມສະຫຼອງວັນສ້າງຕັ້ງເມືອງວິລະບູລີ ຄົບຮອບ 30 ປີ ຂຶ້ນຢ່າງຄຶກຄື້ນທີ່ສະໜາມກິລາຂອງເມືອງ ໃນວັນທີ 23 ທັນວາ ຜ່ານມາ, ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ທ່ານ ພົທ ແສງນວນ ໄຊຍະລາດ ປະທານສະຫະພັນນັກຮົບເກົ່າແຫ່ງຊາດລາວ, ທ່ານ ວາລິຍະ ສີຈັນທອງທິບ ກໍາມະການພັກແຂວງ ເລຂາພັກເມືອງ ເຈົ້າເມືອງວິລະບູລີ, ມີອະດີດການນໍາເມືອງວິລະບູລີ, ສິລະປິນແຫ່ງຊາດ, ນັກຮົບແຂ່ງຂັນ, ຜູ້ອໍານວຍການໃຫຍ່ບໍລິສັດລ້ານຊ້າງ ມິເນໂຣນ ຈໍາກັດ ແລະ ມີການນໍາຈາກເມືອງໃກ້ຄຽງ, ພະແນກການອ້ອມຂ້າງແຂວງ, ຫ້ອງການອ້ອມຂ້າງເມືອງ, ນັກທຸລະກິດ ແລະ ປະຊາຊົນຊາວເມືອງວິລະບູລີ.
ໃນພິທີ, ກໍໄດ້ມີຂະບວນການເດີນສວນສະໜາມຢ່າງຍິ່ງໃຫຍ່ ຂອງບັນດາກ້ອນກໍາລັງ ຈໍານວນ 14 ກ້ອນກໍາລັງ, ມີຈໍານວນພົນ 1.403 ຄົນ. ຕໍ່ມາ, ທ່ານ ວາລິຍະ ສີຈັນທອງທິບ ໄດ້ຂຶ້ນກ່າວບົດປາໄສ ຕໍ່ພິທີໂຮມຊຸມນຸມສະເຫຼີມສະຫຼອງວັນດັ່ງກ່າວ ຊຶ່ງໄດ້ຫວນຄືນມູນເຊື້ອ, ປະຫວັດສາດ, ຜົນງານ ແລະ ໄຊຊະນະ ທີ່ຊາວເມືອງວິລະບູລີ ຍາດມາໄດ້ ຊຶ່ງໃນລະຫວ່າງສະຕະວັດທີ 19 ຜ່ານມາ ເມືອງວັງ-ອ່າງຄຳ ໄດ້ຖືກຮຸກຮານ ເເລະ ເປັນຫົວເມືອງຂຶ້ນຂອງສັກດີນາຕ່າງດ້າວ. ປະຊາຊົນໄດ້ຖືກກົດຂີ່ຂູດຮີດ, ເສຍຊ່ວຍບັນນາການ, ບ້ານເຮືອນຖືກເຜົາ, ຖືກບີບບັງຄັບ ພ້ອມທັງຖືກກວາດຕ້ອນ ໃຫ້ປະປ່ອຍບ້ານເກີດເມືອງນອນຂອງຕົນ. ພາກັນໄປຕັ້ງຖິ່ນຖານບ້ານເຮືອນ ຢູ່ຫຼາຍບ່ອນພາຍໃນປະເທດ ແລະ ປະເທດອ້ອມຂ້າງໃກ້ຄຽງ. ຕໍ່ມາໃນຊຸມປີ 1970 ກອງປະຊຸມໃຫຍ່ຂອງອົງຄະນະພັກແຂວງສະຫວັນນະເຂດ ຄັ້ງທີ I ໄດ້ຈັດຂຶ້ນທີ່ ຖໍ້າຜາຫຼວງ ເຂດບ້ານຕໍເຮືອ ແລະ ໃນຊຸມປີ 1972 ກໍໄດ້ມີກອງປະຊຸມເລືອກຕັ້ງເອົາຄະນະບໍລິຫານງານພັກເມືອງເຂດນາຍົມ ແລະ ເຂດອ່າງຄໍາຂຶ້ນຢູ່ເຂດນາຍົມ. ປະຊາຊົນຊາວເມືອງວິລະບູລີ ເປັນຜູ້ທີ່ມີນໍ້າໃຈຮັກຊາດ ອັນສູງສົ່ງ, ມີມານະຈິດປະຕິວັດຕໍ່ສູ້ດ້ວຍມູນເຊື້ອອັນພິລະອາດຫານ. ຜ່ານຂະບວນວິວັດແຫ່ງການຕໍ່ສູ້ ຕ້ານກັບຈັກກະພັດລ່າເມືອງຂຶ້ນ ມີຕາແສງ, ບ້ານ ແລະ ບຸກຄົນຈໍານວນໜຶ່ງ ກາຍເປັນວິລະຊົນແຫ່ງຊາດ. ນອກນີ້, ບາງສະຫາຍຍັງໄດ້ຮັບນາມມະຍົດເປັນນັກຮົບແຂ່ງຂັນ ພ້ອມກັນນີ້, ກໍມີບ້ານທີ່ໄດ້ຮັບຫຼຽນໄຊອິດສະຫຼະ ຊັ້ນ II ຈໍານວນ 3 ບ້ານ ສໍາລັບເມືອງນາຍົມ ກໍໄດ້ຮັບການປະດັບຫຼຽນໄຊອິດສະຫຼະ ຊັ້ນ III. ນອກຈາກນັ້ນ, ລູກຫຼານຂອງຊາວເມືອງວິລະບູລີ ແມ່ນໄດ້ຮັບການອົບຮົມບົ່ມສອນ ຈາກຂະບວນການປະຕິວັດ, ບັນດາທ່ານເຫຼົ່ານັ້ນ ໄດ້ກາຍເປັນປັນຍາຊົນ ແລະ ການນໍາໃນຫຼາຍຂະແໜງການຂອງສູນກາງ ແລະ ທ້ອງຖິ່ນ.
ພາຍຫຼັງປະເທດຊາດໄດ້ຮັບການປົດປ່ອຍ ແລະ ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975. ເມືອງວິລະບູລີ ເວລານັ້ນ ຍັງເປັນສ່ວນໜຶ່ງຂອງເມືອງພີນ ແລະ ເມືອງເຊໂປນ. ດ້ວຍຄວາມຮຽກຮ້ອງຕ້ອງການ ລວມທັງຄວາມເໝາະສົມຂອງສະພາບການຕົວຈິງ; ໃນປີ 1992 ນາຍົກລັດຖະມົນຕີ ແຫ່ງ ສປປ ລາວ ໄດ້ອອກດໍາລັດ ສະບັບເລກທີ 24/ນຍ, ລົງວັນທີ 16 ເມສາ 1992 ວ່າດ້ວຍການສ້າງຕັ້ງເມືອງວິລະບູລີ ແລະ ໄດ້ປະກາດສ້າງຕັ້ງຂຶ້ນຢ່າງເປັນທາງການໃນວັນທີ 7 ພຶດສະພາ 1993.
ຕະຫຼອດໄລຍະ 30 ປີແຫ່ງການປົກປັກຮັກສາ ແລະ ສ້າງສາພັດທະນາເມືອງວິລະບູລີ ໄດ້ຮັບການຍ້ອງຍໍຜົນງານຈາກພັກ-ລັດ ໃນນາມກົມກອງ, ບຸກຄົນ ໃນແຕ່ລະໄລຍະ. ອັນພົ້ນເດັ່ນ ມີບັນດາກົມກອງ ແລະ ບຸກຄົນ ໄດ້ຮັບຫຼຽນໄຊແຮງງານ ຊັ້ນ I, II, III ລວມຈໍານວນ 375 ໜ່ວຍ, ຫຼຽນກາແຮງງານ 244 ແລະ ໃບຍ້ອງຍໍອື່ນໆ. ໂຄງປະກອບທາງດ້ານເສດຖະກິດໄດ້ດໍາເນີນໄປຖືກທິດ ແລະ ຂະຫຍາຍຕົວຕໍ່ເນື່ອງ; ລວມຍອດຜະລິດຕະພັນພາຍໃນ (GDP) ບັນລຸໄດ້ 422,15 ຕື້ກີບ, ລາຍໄດ້ສະເລ່ຍຕໍ່ຫົວຄົນ 9.361.165 ກີບ/ຄົນ/ປີ. ລະບົບພື້ນຖານໂຄງລ່າງ ໄດ້ຮັບການພັດທະນາດີຂຶ້ນເປັນກ້າວໆ; ສາມາດລຶບລ້າງຄອບຄົວທຸກຍາກໄດ້ 6.314 ຄອບຄົວ, ລົບລ້າງບ້ານທຸກຍາກໄດ້ 57 ບ້ານ, ສ້າງຄອບຄົວພັດທະນາໄດ້ 5.957 ຄອບຄົວ ແລະ ສ້າງບ້ານພັດທະນາໄດ້ 7 ບ້ານ. ມາຮອດປັດຈຸບັນ, ໂຕເລກບ້ານພົ້ນທຸກ ກວມເອົາ 78,08% ຊຶ່ງສາມາດບັນລຸໂຕເລກເປົ້າໝາຍ ຕາມສະພາໄດ້ຮັບຮອງ ແລະ ສາມາດຮັບຮອງເມືອງວິລະບູລີ ເປັນເມືອງພົ້ນທຸກໄດ້.
(ຂ່າວ-ພາບ: ວິລະບູລີ)
ໃນພິທີ, ກໍໄດ້ມີຂະບວນການເດີນສວນສະໜາມຢ່າງຍິ່ງໃຫຍ່ ຂອງບັນດາກ້ອນກໍາລັງ ຈໍານວນ 14 ກ້ອນກໍາລັງ, ມີຈໍານວນພົນ 1.403 ຄົນ. ຕໍ່ມາ, ທ່ານ ວາລິຍະ ສີຈັນທອງທິບ ໄດ້ຂຶ້ນກ່າວບົດປາໄສ ຕໍ່ພິທີໂຮມຊຸມນຸມສະເຫຼີມສະຫຼອງວັນດັ່ງກ່າວ ຊຶ່ງໄດ້ຫວນຄືນມູນເຊື້ອ, ປະຫວັດສາດ, ຜົນງານ ແລະ ໄຊຊະນະ ທີ່ຊາວເມືອງວິລະບູລີ ຍາດມາໄດ້ ຊຶ່ງໃນລະຫວ່າງສະຕະວັດທີ 19 ຜ່ານມາ ເມືອງວັງ-ອ່າງຄຳ ໄດ້ຖືກຮຸກຮານ ເເລະ ເປັນຫົວເມືອງຂຶ້ນຂອງສັກດີນາຕ່າງດ້າວ. ປະຊາຊົນໄດ້ຖືກກົດຂີ່ຂູດຮີດ, ເສຍຊ່ວຍບັນນາການ, ບ້ານເຮືອນຖືກເຜົາ, ຖືກບີບບັງຄັບ ພ້ອມທັງຖືກກວາດຕ້ອນ ໃຫ້ປະປ່ອຍບ້ານເກີດເມືອງນອນຂອງຕົນ. ພາກັນໄປຕັ້ງຖິ່ນຖານບ້ານເຮືອນ ຢູ່ຫຼາຍບ່ອນພາຍໃນປະເທດ ແລະ ປະເທດອ້ອມຂ້າງໃກ້ຄຽງ. ຕໍ່ມາໃນຊຸມປີ 1970 ກອງປະຊຸມໃຫຍ່ຂອງອົງຄະນະພັກແຂວງສະຫວັນນະເຂດ ຄັ້ງທີ I ໄດ້ຈັດຂຶ້ນທີ່ ຖໍ້າຜາຫຼວງ ເຂດບ້ານຕໍເຮືອ ແລະ ໃນຊຸມປີ 1972 ກໍໄດ້ມີກອງປະຊຸມເລືອກຕັ້ງເອົາຄະນະບໍລິຫານງານພັກເມືອງເຂດນາຍົມ ແລະ ເຂດອ່າງຄໍາຂຶ້ນຢູ່ເຂດນາຍົມ. ປະຊາຊົນຊາວເມືອງວິລະບູລີ ເປັນຜູ້ທີ່ມີນໍ້າໃຈຮັກຊາດ ອັນສູງສົ່ງ, ມີມານະຈິດປະຕິວັດຕໍ່ສູ້ດ້ວຍມູນເຊື້ອອັນພິລະອາດຫານ. ຜ່ານຂະບວນວິວັດແຫ່ງການຕໍ່ສູ້ ຕ້ານກັບຈັກກະພັດລ່າເມືອງຂຶ້ນ ມີຕາແສງ, ບ້ານ ແລະ ບຸກຄົນຈໍານວນໜຶ່ງ ກາຍເປັນວິລະຊົນແຫ່ງຊາດ. ນອກນີ້, ບາງສະຫາຍຍັງໄດ້ຮັບນາມມະຍົດເປັນນັກຮົບແຂ່ງຂັນ ພ້ອມກັນນີ້, ກໍມີບ້ານທີ່ໄດ້ຮັບຫຼຽນໄຊອິດສະຫຼະ ຊັ້ນ II ຈໍານວນ 3 ບ້ານ ສໍາລັບເມືອງນາຍົມ ກໍໄດ້ຮັບການປະດັບຫຼຽນໄຊອິດສະຫຼະ ຊັ້ນ III. ນອກຈາກນັ້ນ, ລູກຫຼານຂອງຊາວເມືອງວິລະບູລີ ແມ່ນໄດ້ຮັບການອົບຮົມບົ່ມສອນ ຈາກຂະບວນການປະຕິວັດ, ບັນດາທ່ານເຫຼົ່ານັ້ນ ໄດ້ກາຍເປັນປັນຍາຊົນ ແລະ ການນໍາໃນຫຼາຍຂະແໜງການຂອງສູນກາງ ແລະ ທ້ອງຖິ່ນ.
ພາຍຫຼັງປະເທດຊາດໄດ້ຮັບການປົດປ່ອຍ ແລະ ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975. ເມືອງວິລະບູລີ ເວລານັ້ນ ຍັງເປັນສ່ວນໜຶ່ງຂອງເມືອງພີນ ແລະ ເມືອງເຊໂປນ. ດ້ວຍຄວາມຮຽກຮ້ອງຕ້ອງການ ລວມທັງຄວາມເໝາະສົມຂອງສະພາບການຕົວຈິງ; ໃນປີ 1992 ນາຍົກລັດຖະມົນຕີ ແຫ່ງ ສປປ ລາວ ໄດ້ອອກດໍາລັດ ສະບັບເລກທີ 24/ນຍ, ລົງວັນທີ 16 ເມສາ 1992 ວ່າດ້ວຍການສ້າງຕັ້ງເມືອງວິລະບູລີ ແລະ ໄດ້ປະກາດສ້າງຕັ້ງຂຶ້ນຢ່າງເປັນທາງການໃນວັນທີ 7 ພຶດສະພາ 1993.
ຕະຫຼອດໄລຍະ 30 ປີແຫ່ງການປົກປັກຮັກສາ ແລະ ສ້າງສາພັດທະນາເມືອງວິລະບູລີ ໄດ້ຮັບການຍ້ອງຍໍຜົນງານຈາກພັກ-ລັດ ໃນນາມກົມກອງ, ບຸກຄົນ ໃນແຕ່ລະໄລຍະ. ອັນພົ້ນເດັ່ນ ມີບັນດາກົມກອງ ແລະ ບຸກຄົນ ໄດ້ຮັບຫຼຽນໄຊແຮງງານ ຊັ້ນ I, II, III ລວມຈໍານວນ 375 ໜ່ວຍ, ຫຼຽນກາແຮງງານ 244 ແລະ ໃບຍ້ອງຍໍອື່ນໆ. ໂຄງປະກອບທາງດ້ານເສດຖະກິດໄດ້ດໍາເນີນໄປຖືກທິດ ແລະ ຂະຫຍາຍຕົວຕໍ່ເນື່ອງ; ລວມຍອດຜະລິດຕະພັນພາຍໃນ (GDP) ບັນລຸໄດ້ 422,15 ຕື້ກີບ, ລາຍໄດ້ສະເລ່ຍຕໍ່ຫົວຄົນ 9.361.165 ກີບ/ຄົນ/ປີ. ລະບົບພື້ນຖານໂຄງລ່າງ ໄດ້ຮັບການພັດທະນາດີຂຶ້ນເປັນກ້າວໆ; ສາມາດລຶບລ້າງຄອບຄົວທຸກຍາກໄດ້ 6.314 ຄອບຄົວ, ລົບລ້າງບ້ານທຸກຍາກໄດ້ 57 ບ້ານ, ສ້າງຄອບຄົວພັດທະນາໄດ້ 5.957 ຄອບຄົວ ແລະ ສ້າງບ້ານພັດທະນາໄດ້ 7 ບ້ານ. ມາຮອດປັດຈຸບັນ, ໂຕເລກບ້ານພົ້ນທຸກ ກວມເອົາ 78,08% ຊຶ່ງສາມາດບັນລຸໂຕເລກເປົ້າໝາຍ ຕາມສະພາໄດ້ຮັບຮອງ ແລະ ສາມາດຮັບຮອງເມືອງວິລະບູລີ ເປັນເມືອງພົ້ນທຸກໄດ້.
(ຂ່າວ-ພາບ: ວິລະບູລີ)
