ຕາມການໃຫ້ສໍາພາດຂອງທ່ານ ສົມສະຫວາດ ນາມອິນທາ ຮອງຫົວໜ້າພະແນກຖະແຫຼງຂ່າວ, ວັດທະ
ນະທໍາ ແລະ ທ່ອງທ່ຽວແຂວງຫຼວງນໍ້າທາ ທັງເປັນຫົວໜ້າກອງເລຂາເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ໃນວັນທີ 26 ທັນວາ ນີ້ວ່າ: ການກະກຽມເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາມາຮອດປັດຈຸບັນມີຄວາມພ້ອມ 100%, ພາຍຫຼັງທີ່ລັດຖະບານໄດ້ມີນະໂຍບາຍໃຫ້ຈັດປີທ່ອງທ່ຽວລາວ 2024 ອົງການປົກຄອງແຂວງໄດ້ແຕ່ງຕັ້ງຄະນະຮັບຜິດຊອບ ແລະ ຈັດກອງປະຊຸມປຶກສາຫາລືວຽກງານທີ່ກ່ຽວຂ້ອງ ເພື່ອຮັບຮອງກິດຈະກໍາທີ່ຕິດພັນກັບງານບຸນປະເພນີຂອງປະຊາຊົນບັນດາເຜົ່າ ແລະ ວາງແຜນການເຄື່ອນໄຫວຕະຫຼອດປີ 2024.
ການເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາຈະບໍ່ໄດ້ຈັດເປັນງານສະເພາະ ແຕ່ຈະສົ່ງເສີມການພັດທະນາໂຄ່ງລ່າງພື້ນຖານຂະໜາດນ້ອຍຢູ່ສະຖານທີ່ທ່ອງທ່ຽວ, ສົ່ງເສີມການຕະຫຼາດການທ່ອງທ່ຽວ, ຍົກລະດັບຄຸນນະພາບການບໍລິການຂອງທຸລະກິດທ່ອງທ່ຽວ ແລະ ຊຸກຍູ້ການຈັດງານບຸນປະເພນີຂອງປະຊາຊົນບັນດາເຜົ່າ
ທີ່ເຄີຍຈັດຕັ້ງຜ່ານມາ. ທົ່ວແຂວງມີທັງໝົດ 15 ກິດຈະກໍາ, ໃນນີ້ກິດຈະກຳລະດັບຊາດມີ 1 ກິດຈະກໍາ, ລະດັບແຂວງ 5 ກິດຈະກໍາ, ລະດັບເມືອງ 9 ກິດຈະກໍາເປັນຕົ້ນ ກິດຈະກໍາລະດັບຊາດແມ່ນງານບຸນນະມັດສະການພະທາດຫຼວງຈຽງຕຶງ (ເມືອງສິງ) ຈັດຂຶ້ນໃນວັນທີ 15-16 ພະຈິກ 2024, ເມືອງຫຼວງນໍ້າທາມີ 5 ກິດຈະກໍາຄື: ງານບຸນເຜົ່າໄຕດໍາ ເຂດບ້ານທົ່ງດີ, ເທດສະການດົນຕີນໍ້າທາ, ງານບຸນນະມັດສະການພະທາດປຸມປຸກ, ງານບຸນຊ່ວງເຮືອປະຈໍາປີ 2024 ແລະ ບຸນນະມັດສະການພະທາດຫຼວງນໍ້າທາປີ 2024, ເມືອງສິງມີ 3 ກິດຈະກໍາ, ນອກຈາກກິດຈະກໍາລະດັບຊາດແລ້ວ, ມີບຸນປາງເມືອງທົ່ວເມືອງສິງ ແລະ ງານບຸນບັ້ງໄຟຫຼືບຸນປອຍເຜົ່າໄຕລື້, ເມືອງວຽງພູຄາມີ 2 ກິດຈະກໍາຄື: ບຸນກິນຈຽງເຜົ່າຢັ້ງ ແລະ ບຸນຊ່ວງເຮືອປະຈໍາປີ 2024, ເມືອງລອງມີ 2 ກິດຈະກໍາຄື: ງານບຸນປາງເມືອງທົ່ວເມືອງລອງ ແລະ ບຸນກິນຈຽງເຜົ່າອາຄາທົ່ວເມືອງລອງ, ເມືອງນາແລມີ 2 ກິດຈະກໍາຄື: ງານບຸນຊ່ວງເຮືອປະຈໍາປີ 2024 ແລະ ງານບຸນເກຣິ ຫຼືບຸນປົດນຶມເມືອງນາແລ ແລະ ເຂດພັດທະນາເສດຖະ ກິດພິເສດບໍ່ເຕ່ນແດນງາມມີ 1 ກິດຈະກໍາຄື: ບຸນປີໃໝ່ລາວ ພສ 2566.
ທ່ານກ່າວໃຫ້ຮູ້ຕື່ມອີກວ່າ: ສ່ວນກິດຈະກໍາໃຫຍ່ອີກອັນໜຶ່ງ ແມ່ນເທດສະການດົນຕີນໍ້າທາຈັດໂດຍບໍລິ
ສັດນໍ້າດີພັດທະນາຈໍາກັດຜູ້ດຽວ ຮ່ວມກັບຄະນະຮັບຜິດຊອບປີທ່ອງທ່ຽວລາວ 2024, ນອກຈາກເທດສະການດົນ
ຕີລະຫວ່າງປະເທດແລ້ວ, ຍັງມີກິດຈະກໍາທາງດ້ານວັດທະນະທໍາ, ການແຂ່ງຂັນກິລາບານເຕະມິດຕະພາບລາວ-ຈີນ-ຫວຽດ, ແລ່ນຮາບມາລາທອນ, ແຂ່ງຂັນຂີ່ລົດຖີບ, ກິລາກະຕໍ້ຫວາຍ ແລະ ກິດຈະກໍາປິ່ນອ້ອມເຊັ່ນ: ການສະ ແດງພາລາມໍເຕີ, ຂີ່ບອນລູນ, ຕະຫຼາດນັດ ແລະ ອື່ນໆ ຊຶ່ງຈະຈັດຂຶ້ນໃນລະຫວ່າງວັນທີ 18-24 ກຸມພາ 2024 ທີ່ທົ່ງນາບ້ານນໍ້າດີ ເມືອງ ແລະ ແຂວງຫຼວງນໍ້າທາ.
ສໍາລັບພິທີເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາໄດ້ຈັດຂຶ້ນໃນວັນທີ 26 ທັນວາ 2023 ຮ່ວມກັບງານບຸນນະມັດສະການພະທາດຫຼວງນໍ້າທາ. ສ່ວນການຫ້າງຫາກະກຽມມາຮອດມື້ນີ້ແມ່ນສຳເລັດ 100%.
ໂອກາດນີ້, ທ່ານ ສົມສະຫວາດ ນາມອິນທາ ໄດ້ຮຽກຮ້ອງມາຍັງທຸກອົງການຈັດຕັ້ງທົ່ວສັງຄົມ ຈົ່ງພ້ອມກັນສະໜັບສະໜູນ ແລະ ເຂົ້າຮ່ວມກິດຈະກໍາຕ່າງໆພ້ອມທັງຊຸກຍູ້, ສົ່ງເສີມຂະບວນການຕ່າງໆໃຫ້ມີບັນຍາກາດຟົດຟື້ນມ່ວນຊື່ນ.
ຂ່າວ-ພາບ: ສົມພອນ ຂຸນດາວົງ
ນະທໍາ ແລະ ທ່ອງທ່ຽວແຂວງຫຼວງນໍ້າທາ ທັງເປັນຫົວໜ້າກອງເລຂາເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ໃນວັນທີ 26 ທັນວາ ນີ້ວ່າ: ການກະກຽມເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາມາຮອດປັດຈຸບັນມີຄວາມພ້ອມ 100%, ພາຍຫຼັງທີ່ລັດຖະບານໄດ້ມີນະໂຍບາຍໃຫ້ຈັດປີທ່ອງທ່ຽວລາວ 2024 ອົງການປົກຄອງແຂວງໄດ້ແຕ່ງຕັ້ງຄະນະຮັບຜິດຊອບ ແລະ ຈັດກອງປະຊຸມປຶກສາຫາລືວຽກງານທີ່ກ່ຽວຂ້ອງ ເພື່ອຮັບຮອງກິດຈະກໍາທີ່ຕິດພັນກັບງານບຸນປະເພນີຂອງປະຊາຊົນບັນດາເຜົ່າ ແລະ ວາງແຜນການເຄື່ອນໄຫວຕະຫຼອດປີ 2024.
ການເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາຈະບໍ່ໄດ້ຈັດເປັນງານສະເພາະ ແຕ່ຈະສົ່ງເສີມການພັດທະນາໂຄ່ງລ່າງພື້ນຖານຂະໜາດນ້ອຍຢູ່ສະຖານທີ່ທ່ອງທ່ຽວ, ສົ່ງເສີມການຕະຫຼາດການທ່ອງທ່ຽວ, ຍົກລະດັບຄຸນນະພາບການບໍລິການຂອງທຸລະກິດທ່ອງທ່ຽວ ແລະ ຊຸກຍູ້ການຈັດງານບຸນປະເພນີຂອງປະຊາຊົນບັນດາເຜົ່າ
ທີ່ເຄີຍຈັດຕັ້ງຜ່ານມາ. ທົ່ວແຂວງມີທັງໝົດ 15 ກິດຈະກໍາ, ໃນນີ້ກິດຈະກຳລະດັບຊາດມີ 1 ກິດຈະກໍາ, ລະດັບແຂວງ 5 ກິດຈະກໍາ, ລະດັບເມືອງ 9 ກິດຈະກໍາເປັນຕົ້ນ ກິດຈະກໍາລະດັບຊາດແມ່ນງານບຸນນະມັດສະການພະທາດຫຼວງຈຽງຕຶງ (ເມືອງສິງ) ຈັດຂຶ້ນໃນວັນທີ 15-16 ພະຈິກ 2024, ເມືອງຫຼວງນໍ້າທາມີ 5 ກິດຈະກໍາຄື: ງານບຸນເຜົ່າໄຕດໍາ ເຂດບ້ານທົ່ງດີ, ເທດສະການດົນຕີນໍ້າທາ, ງານບຸນນະມັດສະການພະທາດປຸມປຸກ, ງານບຸນຊ່ວງເຮືອປະຈໍາປີ 2024 ແລະ ບຸນນະມັດສະການພະທາດຫຼວງນໍ້າທາປີ 2024, ເມືອງສິງມີ 3 ກິດຈະກໍາ, ນອກຈາກກິດຈະກໍາລະດັບຊາດແລ້ວ, ມີບຸນປາງເມືອງທົ່ວເມືອງສິງ ແລະ ງານບຸນບັ້ງໄຟຫຼືບຸນປອຍເຜົ່າໄຕລື້, ເມືອງວຽງພູຄາມີ 2 ກິດຈະກໍາຄື: ບຸນກິນຈຽງເຜົ່າຢັ້ງ ແລະ ບຸນຊ່ວງເຮືອປະຈໍາປີ 2024, ເມືອງລອງມີ 2 ກິດຈະກໍາຄື: ງານບຸນປາງເມືອງທົ່ວເມືອງລອງ ແລະ ບຸນກິນຈຽງເຜົ່າອາຄາທົ່ວເມືອງລອງ, ເມືອງນາແລມີ 2 ກິດຈະກໍາຄື: ງານບຸນຊ່ວງເຮືອປະຈໍາປີ 2024 ແລະ ງານບຸນເກຣິ ຫຼືບຸນປົດນຶມເມືອງນາແລ ແລະ ເຂດພັດທະນາເສດຖະ ກິດພິເສດບໍ່ເຕ່ນແດນງາມມີ 1 ກິດຈະກໍາຄື: ບຸນປີໃໝ່ລາວ ພສ 2566.
ທ່ານກ່າວໃຫ້ຮູ້ຕື່ມອີກວ່າ: ສ່ວນກິດຈະກໍາໃຫຍ່ອີກອັນໜຶ່ງ ແມ່ນເທດສະການດົນຕີນໍ້າທາຈັດໂດຍບໍລິ
ສັດນໍ້າດີພັດທະນາຈໍາກັດຜູ້ດຽວ ຮ່ວມກັບຄະນະຮັບຜິດຊອບປີທ່ອງທ່ຽວລາວ 2024, ນອກຈາກເທດສະການດົນ
ຕີລະຫວ່າງປະເທດແລ້ວ, ຍັງມີກິດຈະກໍາທາງດ້ານວັດທະນະທໍາ, ການແຂ່ງຂັນກິລາບານເຕະມິດຕະພາບລາວ-ຈີນ-ຫວຽດ, ແລ່ນຮາບມາລາທອນ, ແຂ່ງຂັນຂີ່ລົດຖີບ, ກິລາກະຕໍ້ຫວາຍ ແລະ ກິດຈະກໍາປິ່ນອ້ອມເຊັ່ນ: ການສະ ແດງພາລາມໍເຕີ, ຂີ່ບອນລູນ, ຕະຫຼາດນັດ ແລະ ອື່ນໆ ຊຶ່ງຈະຈັດຂຶ້ນໃນລະຫວ່າງວັນທີ 18-24 ກຸມພາ 2024 ທີ່ທົ່ງນາບ້ານນໍ້າດີ ເມືອງ ແລະ ແຂວງຫຼວງນໍ້າທາ.
ສໍາລັບພິທີເປີດປີທ່ອງທ່ຽວລາວ 2024 ທີ່ແຂວງຫຼວງນໍ້າທາໄດ້ຈັດຂຶ້ນໃນວັນທີ 26 ທັນວາ 2023 ຮ່ວມກັບງານບຸນນະມັດສະການພະທາດຫຼວງນໍ້າທາ. ສ່ວນການຫ້າງຫາກະກຽມມາຮອດມື້ນີ້ແມ່ນສຳເລັດ 100%.
ໂອກາດນີ້, ທ່ານ ສົມສະຫວາດ ນາມອິນທາ ໄດ້ຮຽກຮ້ອງມາຍັງທຸກອົງການຈັດຕັ້ງທົ່ວສັງຄົມ ຈົ່ງພ້ອມກັນສະໜັບສະໜູນ ແລະ ເຂົ້າຮ່ວມກິດຈະກໍາຕ່າງໆພ້ອມທັງຊຸກຍູ້, ສົ່ງເສີມຂະບວນການຕ່າງໆໃຫ້ມີບັນຍາກາດຟົດຟື້ນມ່ວນຊື່ນ.
ຂ່າວ-ພາບ: ສົມພອນ ຂຸນດາວົງ
