ເພື່ອກະກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ການນຳເມືອງຫີນບູນ ແຂວງຄຳມ່ວນໄດ້ເຄື່ອນໄຫວຊຸກຍູ້ພໍ່ແມ່ປະຊາຊົນ, ຜູ້ປະກອບການທຸລະກິດທ່ອງທ່ຽວ, ສະຖານທີ່ທ່ອງທ່ຽວພາຍໃນເມືອງໃຫ້ມີການປັບປຸງສະຖານທີ່ໂຮງແຮມ, ເຮືອນພັກ, ຮ້ານອາຫານ, ແຫຼ່ງທ່ອງທ່ຽວ, ສິ່ງອຳນວຍຄວາມສະດວກຕ່າງໆ ເພື່ອຮອງຮັບໃຫ້ແກ່ການເປີດປີທ່ອງທ່ຽວລາວ 2024.
ທ່ານ ນິກອນ ຄຸດມະນີ ຮອງເຈົ້າເມືອງຫີນບູນ ຜູ້ຊີ້ນຳຂົງເຂດວຽກງານວັດທະນະທຳ-ສັງຄົມເມືອງໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ: ເມືອງຫີນບູນມີແຫຼ່ງທ່ອງທ່ຽວທັງໝົດ 13 ແຫ່ງ, ໃນນັ້ນແຫຼ່ງທ່ອງທ່ຽວວັດທະນະທຳມີ 3 ແຫ່ງປະກອບມີ: ທາດຫົວນາ ບ້ານຫົວນາ, ຖໍ້າພະ ບ້ານທ່າໝີ ແລະ ພະອົງແສນ ບ້ານນາຄື, ແຫຼ່ງທ່ອງທ່ຽວທາງທຳມະຊາດມີ8 ແຫ່ງຄື: ຂຸນກອງແລງ ບ້ານນາຄື, ຂຸນນໍ້າປະກັນ ບ້ານບວມລູ, ຖໍ້າກວນໄນ ບ້ານອິນແປງ, ຕາດຄອນແກ້ວ ບ້ານນາໂພ, ຂຸນແຂ້ ບ້ານທ່າໝີ, ວັງນໍ້າຕົກສາຍນໍ້າປະກັນ ບ້ານນາທານ, ໜອງມິນ ບ້ານບໍ່ແໜ່ງ, ຖໍ້າປ່ອງ ບ້ານບົງ ແລະ ແຫຼ່ງທ່ອງທ່ຽວທາງປະຫວັດສາດມີ2 ແຫ່ງຄື: ໂບດທີ່ເປັນສະຖາປັດຕະຍະກຳສະໄໝອານານິຄົມຝະລັ່ງຢູ່ບໍ່ໂພນຕິີ້ວ ແລະ ເຮືອນຂອງທ່ານ ບຸນອູ້ມ ບ້ານໜອງຊື່ນ.
ເພື່ອເປັນການກະກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ທາງເມືອງໄດ້ຊຸກຍູ້ຂະແໜງການທີ່ກ່ຽວຂ້ອງຂັ້ນເມືອງ, ການຈັດຕັ້ງບ້ານ ແລະ ຜູ້ປະກອບການດ້ານການບໍລິການທ່ອງທ່ຽວ, ສະຖານທີ່ພັກ, ຮ້ານອາຫານໄດ້ມີການປັບປຸງສະຖານທີ່ບໍລິການຕ່າງໆໃຫ້ມີຄວາມສວຍງາມ, ເປັນລະບຽບຮຽບຮ້ອຍ ພ້ອມທັງຊຸກຍູ້ອຳນາດການປົກຄອງບ້ານ, ພໍ່ແມ່ປະຊາຊົນໃຫ້ມີການອະນຸລັກ, ປົກປັກຮັກສາຊີວະນາໆພັນໃນຂອບເຂດແຫຼ່ງທ່ອງທ່ຽວ ເພື່ອໃຫ້ມີຄວາມອຸດົມສົມບູນທາງດ້ານທຳມະຊາດ. ເວົ້າສະເພາະເຂດບ້ານນາຄືມີແຫຼ່ງທ່ອງທ່ຽວພະອົງແສນ ຊຶ່ງເປັນສະຖານທີ່ສັກກາລະບູຊາ ເຕົ້າໂຮມຈິດໃຈຂອງພໍ່ແມ່ປະຊາຊົນ ແລະ ມີແຫຼ່ງທ່ອງທ່ຽວຂຸນກອງແລງ ເປັນແຫຼ່ງທ່ອງທ່ຽວທີ່ມີຊື່ສຽງໂດ່ງດັງມາແຕ່ດົນນານ ຊຶ່ງໄດ້ຮັບການສຳປະທານເພື່ອພັດທະນາໂດຍບໍລິສັດ ອິນທຣາ ໂຄໂປເລຊັ່ນ ຈຳກັດ ແຫຼ່ງທ່ອງທ່ຽວດັ່ງກ່າວນອນຢູ່ໃນເປົ້າໝາຍຂອງແຂວງທີ່ໄດ້ກຳນົດໃຫ້ເປັນແຫຼ່ງທ່ອງທ່ຽວເປີດໃໝ່ເພື່ອຕ້ອນຮັບປີທ່ອງທ່ຽວລາວ 2024ມາຮອດປັດຈຸບັນໂຄງການມີຄວາມຄືບໜ້າແລ້ວ 70-80% ໂດຍທາງການນໍາເມືອງໄດ້ລົງຊຸກຍູ້ຕິດຕາມ ເພື່ອເຮັດໃຫ້ໂຄງການສືບຕໍ່ພັດທະນາ ແລະ ສຳເລັດຕາມແຜນການ ພ້ອມເປີດໃຫ້ບໍລິການຕາມເປົ້າໝາຍທີ່ວາງໄວ້.ນອກນັ້ນຍັງໄດ້ຊຸກຍູ້ອຳນາດການປົກຄອງ ແລະ ພໍ່ແມ່ປະຊາຊົນບ້ານນາຄືເອົາໃຈໃສ່ປົກປັກຮັກສາປ່າໄມ້ ແລະ ອະນຸລັກສັດປ່ານາໆພັນໃນເຂດໂຄງການ ພ້ອມກັນປະກອບສ່ວນ ໃຫ້ການຊ່ວຍເຫຼືອໂຄງການໃນດ້ານຕ່າງໆ ເພື່ອຮ່ວມກັນເປັນເຈົ້າພາບທີ່ດີໃນການຕ້ອນຮັບນັກທ່ອງທ່ຽວ, ປຸກລະດົມປະຊາຊົນຊາວໜຸ່ມພາຍໃນບ້ານເຂົ້າເຮັດວຽກບໍລິການຢູ່ໃນໂຄງການ ເພື່ອສ້າງວຽກເຮັດງານທຳ ພ້ອມກັນສົ່ງເສີມການຜະລິດກະສິກຳ ຕອບສະໜອງໃຫ້ແກ່ໂຄງການລວມເຖິງການສົ່ງເສີມຜະລິດຕະພັນຂອງທ້ອງຖິ່ນທີ່ມີຢູ່ແລ້ວໃຫ້ໄດ້ຮັບການພັດທະນາຍິ່ງຂຶ້ນ ແລະ ຄົ້ນຄິດຜະລິດຕະພັນອັນໃໝ່ອອກມາຈຳໜ່າຍໃຫ້ແກ່ນັກທ່ອງທ່ຽວ ເພື່ອເປັນການສ້າງອາຊີບທີ່ໝັ້ນຄົງ ສ້າງລາຍຮັບເຂົ້າສູ່ຄອບຄົວປະກອບສ່ວນພັດທະນາຄອບຄົວໃຫ້ມີຊີວິດການເປັນຢູ່ນັບມື້ດີຂຶ້ນ.
ຂ່າວ-ພາບ:ກອງຄຳ
ທ່ານ ນິກອນ ຄຸດມະນີ ຮອງເຈົ້າເມືອງຫີນບູນ ຜູ້ຊີ້ນຳຂົງເຂດວຽກງານວັດທະນະທຳ-ສັງຄົມເມືອງໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ: ເມືອງຫີນບູນມີແຫຼ່ງທ່ອງທ່ຽວທັງໝົດ 13 ແຫ່ງ, ໃນນັ້ນແຫຼ່ງທ່ອງທ່ຽວວັດທະນະທຳມີ 3 ແຫ່ງປະກອບມີ: ທາດຫົວນາ ບ້ານຫົວນາ, ຖໍ້າພະ ບ້ານທ່າໝີ ແລະ ພະອົງແສນ ບ້ານນາຄື, ແຫຼ່ງທ່ອງທ່ຽວທາງທຳມະຊາດມີ8 ແຫ່ງຄື: ຂຸນກອງແລງ ບ້ານນາຄື, ຂຸນນໍ້າປະກັນ ບ້ານບວມລູ, ຖໍ້າກວນໄນ ບ້ານອິນແປງ, ຕາດຄອນແກ້ວ ບ້ານນາໂພ, ຂຸນແຂ້ ບ້ານທ່າໝີ, ວັງນໍ້າຕົກສາຍນໍ້າປະກັນ ບ້ານນາທານ, ໜອງມິນ ບ້ານບໍ່ແໜ່ງ, ຖໍ້າປ່ອງ ບ້ານບົງ ແລະ ແຫຼ່ງທ່ອງທ່ຽວທາງປະຫວັດສາດມີ2 ແຫ່ງຄື: ໂບດທີ່ເປັນສະຖາປັດຕະຍະກຳສະໄໝອານານິຄົມຝະລັ່ງຢູ່ບໍ່ໂພນຕິີ້ວ ແລະ ເຮືອນຂອງທ່ານ ບຸນອູ້ມ ບ້ານໜອງຊື່ນ.
ເພື່ອເປັນການກະກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ທາງເມືອງໄດ້ຊຸກຍູ້ຂະແໜງການທີ່ກ່ຽວຂ້ອງຂັ້ນເມືອງ, ການຈັດຕັ້ງບ້ານ ແລະ ຜູ້ປະກອບການດ້ານການບໍລິການທ່ອງທ່ຽວ, ສະຖານທີ່ພັກ, ຮ້ານອາຫານໄດ້ມີການປັບປຸງສະຖານທີ່ບໍລິການຕ່າງໆໃຫ້ມີຄວາມສວຍງາມ, ເປັນລະບຽບຮຽບຮ້ອຍ ພ້ອມທັງຊຸກຍູ້ອຳນາດການປົກຄອງບ້ານ, ພໍ່ແມ່ປະຊາຊົນໃຫ້ມີການອະນຸລັກ, ປົກປັກຮັກສາຊີວະນາໆພັນໃນຂອບເຂດແຫຼ່ງທ່ອງທ່ຽວ ເພື່ອໃຫ້ມີຄວາມອຸດົມສົມບູນທາງດ້ານທຳມະຊາດ. ເວົ້າສະເພາະເຂດບ້ານນາຄືມີແຫຼ່ງທ່ອງທ່ຽວພະອົງແສນ ຊຶ່ງເປັນສະຖານທີ່ສັກກາລະບູຊາ ເຕົ້າໂຮມຈິດໃຈຂອງພໍ່ແມ່ປະຊາຊົນ ແລະ ມີແຫຼ່ງທ່ອງທ່ຽວຂຸນກອງແລງ ເປັນແຫຼ່ງທ່ອງທ່ຽວທີ່ມີຊື່ສຽງໂດ່ງດັງມາແຕ່ດົນນານ ຊຶ່ງໄດ້ຮັບການສຳປະທານເພື່ອພັດທະນາໂດຍບໍລິສັດ ອິນທຣາ ໂຄໂປເລຊັ່ນ ຈຳກັດ ແຫຼ່ງທ່ອງທ່ຽວດັ່ງກ່າວນອນຢູ່ໃນເປົ້າໝາຍຂອງແຂວງທີ່ໄດ້ກຳນົດໃຫ້ເປັນແຫຼ່ງທ່ອງທ່ຽວເປີດໃໝ່ເພື່ອຕ້ອນຮັບປີທ່ອງທ່ຽວລາວ 2024ມາຮອດປັດຈຸບັນໂຄງການມີຄວາມຄືບໜ້າແລ້ວ 70-80% ໂດຍທາງການນໍາເມືອງໄດ້ລົງຊຸກຍູ້ຕິດຕາມ ເພື່ອເຮັດໃຫ້ໂຄງການສືບຕໍ່ພັດທະນາ ແລະ ສຳເລັດຕາມແຜນການ ພ້ອມເປີດໃຫ້ບໍລິການຕາມເປົ້າໝາຍທີ່ວາງໄວ້.ນອກນັ້ນຍັງໄດ້ຊຸກຍູ້ອຳນາດການປົກຄອງ ແລະ ພໍ່ແມ່ປະຊາຊົນບ້ານນາຄືເອົາໃຈໃສ່ປົກປັກຮັກສາປ່າໄມ້ ແລະ ອະນຸລັກສັດປ່ານາໆພັນໃນເຂດໂຄງການ ພ້ອມກັນປະກອບສ່ວນ ໃຫ້ການຊ່ວຍເຫຼືອໂຄງການໃນດ້ານຕ່າງໆ ເພື່ອຮ່ວມກັນເປັນເຈົ້າພາບທີ່ດີໃນການຕ້ອນຮັບນັກທ່ອງທ່ຽວ, ປຸກລະດົມປະຊາຊົນຊາວໜຸ່ມພາຍໃນບ້ານເຂົ້າເຮັດວຽກບໍລິການຢູ່ໃນໂຄງການ ເພື່ອສ້າງວຽກເຮັດງານທຳ ພ້ອມກັນສົ່ງເສີມການຜະລິດກະສິກຳ ຕອບສະໜອງໃຫ້ແກ່ໂຄງການລວມເຖິງການສົ່ງເສີມຜະລິດຕະພັນຂອງທ້ອງຖິ່ນທີ່ມີຢູ່ແລ້ວໃຫ້ໄດ້ຮັບການພັດທະນາຍິ່ງຂຶ້ນ ແລະ ຄົ້ນຄິດຜະລິດຕະພັນອັນໃໝ່ອອກມາຈຳໜ່າຍໃຫ້ແກ່ນັກທ່ອງທ່ຽວ ເພື່ອເປັນການສ້າງອາຊີບທີ່ໝັ້ນຄົງ ສ້າງລາຍຮັບເຂົ້າສູ່ຄອບຄົວປະກອບສ່ວນພັດທະນາຄອບຄົວໃຫ້ມີຊີວິດການເປັນຢູ່ນັບມື້ດີຂຶ້ນ.
ຂ່າວ-ພາບ:ກອງຄຳ
