ແຂວງຫຼວງນໍ້າທາໄດ້ຈັດພິທີສະເຫຼີມສະຫຼອງບຸນນະມັດສະການພະທາດຫຼວງນໍ້າທາ ແລະ ເປີດປີທ່ອງທ່ຽວລາວ 2024 ຂຶ້ນໃນວັນທີ 26 ທັນວາຜ່ານມານີ້ ໂດຍມີພະອາຈານ ບຸນທໍາ ບຸນວົງ ປະທານອົງການພຸດທະສາສະໜາສໍາພັນລາວແຂວງຫຼວງນໍ້າທາ, ມີທ່ານ ຄໍາຟອງ ອິນມະນີ ປະທານສະພາປະຊາຊົນແຂວງ, ມີຮອງເຈົ້າແຂວງ, ກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກ-ຮອງຫົວໜ້າ, ແຂກຖຶກເຊີນກ່ຽວຂ້ອງເຂົ້າຮ່ວມ.
ໃນພິທີຊາວພຸດທະສາສະນິກະຊົນ 9 ບ້ານພາຍໃນເທດສະບານແຂວງຫຼວງນໍ້າທາ ໄດ້ພ້ອມກັນແຫ່ຜາສາດເຜີ້ງຂຶ້ນອ້ອມພະທາດແລ້ວຖວາຍ ຕີກອງໂຮມຢູ່ທີ່ເດີນພະທາດຫຼວງນໍ້າທາ ແລະ ໄດ້ສູດປະລິຕະມຸງຄຸນ. ຈາກນັ້ນ, ທ່ານ ສີວິໄລ ປັນແກ້ວ ຮອງເຈົ້າແຂວງ ໄດ້ລາຍງານສະພາບການກະກຽມການຈັດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ຊຶ່ງໄດ້ຮັບຮອງເອົາກິດຈະກໍາທີ່ຕິດພັນກັບງານບຸນປະເພນີຂອງປະຊາຊົນບັນດາເຜົ່າ ແລະ ວາງແຜນການເຄື່ອນ ໄຫວຕະຫຼອດປີ 2024. ທົ່ວແຂວງປະກອບມີ 15 ກິດຈະກໍາ, ໃນນີ້ກິດຈະກຳລະດັບຊາດມີ 1 ກິດຈະກໍາ, ລະດັບແຂວງມີ 5 ກິດຈະກໍາ, ລະດັບເມືອງ 9 ກິດຈະກໍາ. ການຈັດປີທ່ອງທ່ຽວລາວ 2024 ຢູ່ຂັ້ນແຂວງ, ເມືອງ ແລະ ຂັ້ນບ້ານຂອງແຂວງຫຼວງນໍ້າທາໄດ້ຖືເອົາວັນທີ 26 ທັນວາຜ່ານມາ ເປັນມື້ຈັດພີທີເປີດປີທ່ອງທ່ຽວລາວ 2024 ຢ່າງເປັນທາງການຮ່ວມກັບງານບຸນນະມັດສະການພະທາດຫຼວງນໍ້າທາ.
ທ່ານ ຄໍາຟອງ ອີນມະນີ ກ່າວວ່າ: ພິທີເປີດປີທ່ອງທ່ຽວລາວໃນຄັ້ງນີ້ເປັນຄັ້ງທີ 4 ລັດຖະບານໄດ້ຖືເອົາການເປີດປີທ່ອງທ່ຽວລາວ ເປັນເຫດການໜຶ່ງທີ່ມີຄວາມໝາຍຄວາມສໍາຄັນ ສະແດງໃຫ້ເຫັນເຖີງຄວາມພ້ອມພຽງຮຽງໜ້າກັນ ໃນການເປັນເຈົ້າພາບທີ່ດີເພື່ອຕ້ອນຮັບນັກທ່ອງທ່ຽວທີ່ມາຈາກທົ່ວທຸກມູມໂລກ. ຖືເອົາການເປີດປີທ່ອງທ່ຽວລາວເປັນບັ້ນໂຄ ສະນາການທ່ອງທ່ຽວຢ່າງກວ້າງຂວາງ, ເປັນການພັດທະນາຮອບດ້ານ ແລະ ເຊື່ອມໂຍງຂອງທຸກຂະແໜງການໃນທົ່ວປະເທດ ຍົກສູງກໍາລັງແຮງສັງລວມຂອງຊາດຮ່ວມມືກັບພາກພື້ນ ແລະ ສາກົນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງຊາດ; ອຳນວຍຄວາມສະດວກ ແລະ ດຶງດູດນັກທ່ອງທ່ຽວເຂົ້າມາທ່ຽວລາວນັບມື້ນັບເພີ່ມຂຶ້ນ ປະກອບສ່ວນສ້າງວຽກເຮັດງານທຳໃຫ້ແກ່ສັງຄົມ, ສ້າງລາຍຮັບມາສູ່ປະເທດຊາດໃຫ້ໄດ້ຕາມຄາດໝາຍທີ່ວາງໄວ້.
ທ່ານກ່າວຕື່ມອີກວ່າ: ແຂວງຫຼວງນໍ້າທາແມ່ນແຂວງໜຶ່ງທີ່ມີຊັບພະຍາກອນທຳມະຊາດທີ່ອຸດົມສົມບູນ, ມີພູມອາກາດເອື້ອອໍານວຍເໝາະແກ່ການຜະລິດກະສິກຳເຊັ່ນ: ການປູກເຂົ້າ, ປູກພືດເປັນສິນຄ້າ ແລະ ການລ້ຽງສັດໂດຍສະເພາະແມ່ນປ່າສະຫງວນແຫ່ງຊາດນ້ຳຫ້າ, ອຸທິຍານມໍລະດົກອາຊຽນ, ມີພາສາປາກເວົ້າ ແລະ ວັດທະນະທຳຫຼາຍເຜົ່າມີດ່ານສາກົນ ແລະ ທ້ອງຖິ່ນ, ມີສະໜາມບິນ, ເສັ້ນທາງອະນຸພາກພື້ນ ແລະ ເສັ້ນທາງລົດໄຟລາວ-ຈີນຜ່ານ, ມີສະ ຖານທີ່ທ່ອງທ່ຽວທາງທຳມະຊາດ, ວັດທະນະທຳ ແລະ ປະຫວັດສາດ, ມີນະໂຍບາຍສົ່ງເສີມການລົງທຶນຮູບແບບຕ່າງໆ ທີ່ເປັນເງື່ອນໄຂທີ່ສະດວກທີ່ສຸດ, ເປັນການເອກອ້າງ ແລະ ນໍາໃຊ້ກາລະໂອກາດດັ່ງກ່າວໂຄສະນາການທ່ອງທ່ຽວໃນບັ້ນປີທ່ອງທ່ຽວລາວ 2024 ໃຫ້ກວ້າງຂວາງ ເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວຢູ່ແຂວງ ນັບມື້ນັບເພີ່ມຂຶ້ນໃນແຕ່ລະປີ ທັງເປັນການສ້າງລາຍຮັບໃຫ້ແຂວງນັບມື້ນັບຫຼາຍຂຶ້ນ ແລະ ມີຄວາມຍືນຍົງ. ຊຶ່ງໄດ້ຖືເອົາການເປີດປີທ່ອງທ່ຽວລາວ 2024 ເປັນບັ້ນໂຄສະນາດ້ານວັດທະນະທໍາ, ຮີດຄອງປະເພນີອັນດີງາມຂອງຊາດລາວໃຫ້ໂລກໄດ້ຮັບຮູ້, ໄດ້ສໍາພັດຢ່າງກ້ວາງຂວາງ, ປະທັບໃຈ ແລະ ທ່ອງທ່ຽວຢ່າງສະບາຍໃຈໃຫ້ຄືກັບຢູ່ບ້ານຂອງຕົນ. ໂອກາດນີ້, ທ່ານປະທານພ້ອມຄະນະໄດ້ໃຫ້ກຽດຕັດແຖບຜ້າ, ລັ່ນຄອງ 9 ບາດ ເພື່ອເປັນການເປີດປີທ່ອງທ່ຽວລາວ 2024 ຢູ່ຂັ້ນແຂວງຢ່າງເປັນທາງການ ພ້ອມນັ້ນຜູ້ເຂົ້າຮ່ວມໄດ້ຊົມການສະແດງສິລະປະ-ວັນນະຄະດີ, ຊົມການຈູດດອກໄມ້ໄຟ 9 ດວງ ແລະ ປ່ອຍໂຄມໄຟ 99 ດອກດ້ວຍບັນຍາກາດຄືກຄື້ນມ່ວນຊື່ນ.
ຂ່າວ-ພາບ: ສົມພອນ ຂຸນດາວົງ
ໃນພິທີຊາວພຸດທະສາສະນິກະຊົນ 9 ບ້ານພາຍໃນເທດສະບານແຂວງຫຼວງນໍ້າທາ ໄດ້ພ້ອມກັນແຫ່ຜາສາດເຜີ້ງຂຶ້ນອ້ອມພະທາດແລ້ວຖວາຍ ຕີກອງໂຮມຢູ່ທີ່ເດີນພະທາດຫຼວງນໍ້າທາ ແລະ ໄດ້ສູດປະລິຕະມຸງຄຸນ. ຈາກນັ້ນ, ທ່ານ ສີວິໄລ ປັນແກ້ວ ຮອງເຈົ້າແຂວງ ໄດ້ລາຍງານສະພາບການກະກຽມການຈັດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ຊຶ່ງໄດ້ຮັບຮອງເອົາກິດຈະກໍາທີ່ຕິດພັນກັບງານບຸນປະເພນີຂອງປະຊາຊົນບັນດາເຜົ່າ ແລະ ວາງແຜນການເຄື່ອນ ໄຫວຕະຫຼອດປີ 2024. ທົ່ວແຂວງປະກອບມີ 15 ກິດຈະກໍາ, ໃນນີ້ກິດຈະກຳລະດັບຊາດມີ 1 ກິດຈະກໍາ, ລະດັບແຂວງມີ 5 ກິດຈະກໍາ, ລະດັບເມືອງ 9 ກິດຈະກໍາ. ການຈັດປີທ່ອງທ່ຽວລາວ 2024 ຢູ່ຂັ້ນແຂວງ, ເມືອງ ແລະ ຂັ້ນບ້ານຂອງແຂວງຫຼວງນໍ້າທາໄດ້ຖືເອົາວັນທີ 26 ທັນວາຜ່ານມາ ເປັນມື້ຈັດພີທີເປີດປີທ່ອງທ່ຽວລາວ 2024 ຢ່າງເປັນທາງການຮ່ວມກັບງານບຸນນະມັດສະການພະທາດຫຼວງນໍ້າທາ.
ທ່ານ ຄໍາຟອງ ອີນມະນີ ກ່າວວ່າ: ພິທີເປີດປີທ່ອງທ່ຽວລາວໃນຄັ້ງນີ້ເປັນຄັ້ງທີ 4 ລັດຖະບານໄດ້ຖືເອົາການເປີດປີທ່ອງທ່ຽວລາວ ເປັນເຫດການໜຶ່ງທີ່ມີຄວາມໝາຍຄວາມສໍາຄັນ ສະແດງໃຫ້ເຫັນເຖີງຄວາມພ້ອມພຽງຮຽງໜ້າກັນ ໃນການເປັນເຈົ້າພາບທີ່ດີເພື່ອຕ້ອນຮັບນັກທ່ອງທ່ຽວທີ່ມາຈາກທົ່ວທຸກມູມໂລກ. ຖືເອົາການເປີດປີທ່ອງທ່ຽວລາວເປັນບັ້ນໂຄ ສະນາການທ່ອງທ່ຽວຢ່າງກວ້າງຂວາງ, ເປັນການພັດທະນາຮອບດ້ານ ແລະ ເຊື່ອມໂຍງຂອງທຸກຂະແໜງການໃນທົ່ວປະເທດ ຍົກສູງກໍາລັງແຮງສັງລວມຂອງຊາດຮ່ວມມືກັບພາກພື້ນ ແລະ ສາກົນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງຊາດ; ອຳນວຍຄວາມສະດວກ ແລະ ດຶງດູດນັກທ່ອງທ່ຽວເຂົ້າມາທ່ຽວລາວນັບມື້ນັບເພີ່ມຂຶ້ນ ປະກອບສ່ວນສ້າງວຽກເຮັດງານທຳໃຫ້ແກ່ສັງຄົມ, ສ້າງລາຍຮັບມາສູ່ປະເທດຊາດໃຫ້ໄດ້ຕາມຄາດໝາຍທີ່ວາງໄວ້.
ທ່ານກ່າວຕື່ມອີກວ່າ: ແຂວງຫຼວງນໍ້າທາແມ່ນແຂວງໜຶ່ງທີ່ມີຊັບພະຍາກອນທຳມະຊາດທີ່ອຸດົມສົມບູນ, ມີພູມອາກາດເອື້ອອໍານວຍເໝາະແກ່ການຜະລິດກະສິກຳເຊັ່ນ: ການປູກເຂົ້າ, ປູກພືດເປັນສິນຄ້າ ແລະ ການລ້ຽງສັດໂດຍສະເພາະແມ່ນປ່າສະຫງວນແຫ່ງຊາດນ້ຳຫ້າ, ອຸທິຍານມໍລະດົກອາຊຽນ, ມີພາສາປາກເວົ້າ ແລະ ວັດທະນະທຳຫຼາຍເຜົ່າມີດ່ານສາກົນ ແລະ ທ້ອງຖິ່ນ, ມີສະໜາມບິນ, ເສັ້ນທາງອະນຸພາກພື້ນ ແລະ ເສັ້ນທາງລົດໄຟລາວ-ຈີນຜ່ານ, ມີສະ ຖານທີ່ທ່ອງທ່ຽວທາງທຳມະຊາດ, ວັດທະນະທຳ ແລະ ປະຫວັດສາດ, ມີນະໂຍບາຍສົ່ງເສີມການລົງທຶນຮູບແບບຕ່າງໆ ທີ່ເປັນເງື່ອນໄຂທີ່ສະດວກທີ່ສຸດ, ເປັນການເອກອ້າງ ແລະ ນໍາໃຊ້ກາລະໂອກາດດັ່ງກ່າວໂຄສະນາການທ່ອງທ່ຽວໃນບັ້ນປີທ່ອງທ່ຽວລາວ 2024 ໃຫ້ກວ້າງຂວາງ ເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວຢູ່ແຂວງ ນັບມື້ນັບເພີ່ມຂຶ້ນໃນແຕ່ລະປີ ທັງເປັນການສ້າງລາຍຮັບໃຫ້ແຂວງນັບມື້ນັບຫຼາຍຂຶ້ນ ແລະ ມີຄວາມຍືນຍົງ. ຊຶ່ງໄດ້ຖືເອົາການເປີດປີທ່ອງທ່ຽວລາວ 2024 ເປັນບັ້ນໂຄສະນາດ້ານວັດທະນະທໍາ, ຮີດຄອງປະເພນີອັນດີງາມຂອງຊາດລາວໃຫ້ໂລກໄດ້ຮັບຮູ້, ໄດ້ສໍາພັດຢ່າງກ້ວາງຂວາງ, ປະທັບໃຈ ແລະ ທ່ອງທ່ຽວຢ່າງສະບາຍໃຈໃຫ້ຄືກັບຢູ່ບ້ານຂອງຕົນ. ໂອກາດນີ້, ທ່ານປະທານພ້ອມຄະນະໄດ້ໃຫ້ກຽດຕັດແຖບຜ້າ, ລັ່ນຄອງ 9 ບາດ ເພື່ອເປັນການເປີດປີທ່ອງທ່ຽວລາວ 2024 ຢູ່ຂັ້ນແຂວງຢ່າງເປັນທາງການ ພ້ອມນັ້ນຜູ້ເຂົ້າຮ່ວມໄດ້ຊົມການສະແດງສິລະປະ-ວັນນະຄະດີ, ຊົມການຈູດດອກໄມ້ໄຟ 9 ດວງ ແລະ ປ່ອຍໂຄມໄຟ 99 ດອກດ້ວຍບັນຍາກາດຄືກຄື້ນມ່ວນຊື່ນ.
ຂ່າວ-ພາບ: ສົມພອນ ຂຸນດາວົງ
