ທ່ານ ພັອ ຄຳສິງ ນົນທະສອນ ຮອງຫົວໜ້າກອງບັນຊາການປ້ອງກັນຄວາມສະຫງົບ (ປກສ) ແຂວງຄຳມ່ວນ ທັງເປັນຫົວໜ້າອະນຸກຳມະການປ້ອງກັນຊາດ (ປກຊ) - ປ້ອງກັນຄວາມສະຫງົບ (ປກສ) ແລະ ຮັກສາສຸຂະພາບ ງານເປີດປີທ່ອງທ່ຽວລາວ 2024 ແຂວງຄຳມ່ວນ ໄດ້ໃຫ້ສຳພາດກ່ຽວກັບການຫ້າງຫາກະກຽມຄວາມພ້ອມງານດັ່ງກ່າວໃນວັນທີ 30 ມັງກອນ ນີ້ວ່າ: ສຳລັບອະນຸກຳມະການດັ່ງກ່າວແມ່ນໄດ້ແບ່ງອອກເປັນ 3 ພາກສ່ວນ ປະກອບມີກໍາລັງ ປກຊ-ປກສ ແລະ ພະແນກສາທາລະນະສຸກແຂວງ ຊຶ່ງພາກສ່ວນກອງບັນຊາການທະຫານແຂວງ ແມ່ນໄດ້ເຮັດໜ້າທີ່ຕາມພາລະບົດບາດໂດຍສະເພາະແມ່ນການປ້ອງກັນຄວາມປອດໄພຢູ່ວົງນອກ, ອະນຸຮັກສາສຸຂະພາບ ພະແນກສາທາລະນະສຸກແຂວງ ແມ່ນກະກຽມພະນັກງານແພດ-ໝໍ, ຢາປົວພະຍາດ ແລະ ພາຫະນະຮັບໃຊ້ເພື່ອໃຫ້ການບໍລິການໃນເວລາສຸກເສີນ. ສໍາລັບພາກສ່ວນກຳລັງ ປກສ ແມ່ນໄດ້ຈັດແບ່ງກຳລັງປ້ອງກັນທັງພາຍໃນງານ ແລະ ນອກງານໃນແຕ່ລະຈຸດ ພ້ອມທັງປະກອບດ້ານພາຫະນະ ວັດຖຸອຸປະກອນຮັບໃຊ້ຕ່າງໆ ເພື່ອເຮັດໜ້າທີ່ປ້ອງກັນແຂກການນຳຈາກສູນກາງ, ຈາກປະເທດເພື່ອນບ້ານ, ແຂກຈາກບັນດາແຂວງອ້ອມຂ້າງ ແລະ ປ້ອງກັນບັນດາປະຊາຊົນທີ່ເຂົ້າມາຮ່ວມພາຍໃນງານ ປະກອບກຳລັງເຂົ້າໃນການຈັດສັນທາງດ້ານພາຫະນະໃຫ້ມີຄວາມເປັນລະບຽບຮຽບຮ້ອຍ. ມາຮອດປັດຈຸບັນ ແມ່ນມີຄວາມພ້ອມຮອບດ້ານໃນການເຮັດ ໜ້າທີ່ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ.
ນອກຈາກວຽກງານດັ່ງກ່າວນີ້, ຄະນະພັກ, ຄະນະບັນຊາ ປກສ ແຂວງ ໄດ້ສົມທົບກັບກຳລັງປ້ອງກັນຊາດ ຕະຫຼອດເຖິງກຳລັງທ້ອງຖິ່ນ ປກສ ບ້ານ, ກອງຫຼອນບ້ານ, ອຳນາດການປົກຄອງບ້ານ ແລະ ປະຊາຊົນ ໄດ້ມີແຜນສືບຕໍ່ເຮັດວຽກງານປ້ອງກັນຄວາມສະຫງົບໃນ 3 ກິດຈະກໍາໃຫຍ່ຂອງແຂວງ ເພື່ອຕ້ອນຮັບປີທ່ອງທ່ຽວລາວ ໂດຍຕິດພັນກັບ 3 ຍອດຍິ່ງ (ຍອດຍິ່ງທາງດ້ານວັດທະນະທໍາ, ທຳມະຊາດ ແລະ ປະຫວັດສາດ) ໃນນັ້ນມີ 1 ກິດຈະກໍາລະດັບຊາດຄື: ບຸນນະມັດສະການພະທາດສີໂຄດຕະບອງ (ຍອດຍິ່ງທາງດ້ານວັດທະນະທຳ) ແລະ 2 ກິດຈະກໍາລະດັບແຂວງຄື: ກິດຈະກໍາທ່ອງທ່ຽວເດີລຸບ (ຍອດຍິ່ງດ້ານທໍາມະຊາດ) ແລະ ກິດຈະກຳງານບຸນຫໍຈາລຶກປະຫວັດສາດບັ້ນຮົບປ້ອງກັນຕົວເມືອງທ່າແຂກ 21 ມີນາ (ຍອດຍິ່ງດ້ານປະຫວັດສາດ).
ໂອກາດນີ້, ທ່ານ ພັອ ຄຳສິງ ນົນທະສອນ ໄດ້ຮຽກຮ້ອງມາຍັງການຈັດຕັ້ງ, ປະຊາຊົນ ແລະ ທຸກພາກ ສ່ວນໃນສັງຄົມທີ່ມາທ່ຽວໃນງານເປີດປີທ່ອງທ່ຽວລາວ 2024 ທີ່ແຂວງຄໍາມ່ວນ ຕິດພັນກັບງານບຸນຕ່າງໆ ຈົ່ງພ້ອມກັນເອົາໃຈໃສ່ເຮັດວຽກງານປ້ອງກັນຄວາມສະຫງົບຮອບດ້ານທົ່ວປວງຊົນ, ມີສະຕິລະວັງຕົວ ປະກອບສ່ວນເປັນຫູເປັນຕາໃນການຕິດຕາມກຸ່ມຄົນທີ່ບໍ່ຫວັງດີ ຖ້າພົບເຫັນແມ່ນໃຫ້ຮີບຮ້ອນລາຍງານຕໍ່ເຈົ້າໜ້າທີ່ ເພື່ອຕ້ານ, ສະກັດກັ້ນໄດ້ທັນເວລາ ແນໃສ່ດຶງດູດນັກທ່ອງທ່ຽວໃຫ້ເຂົ້າມາທ່ອງທ່ຽວແຂວງຄຳມ່ວນໃຫ້ບັນລຸ ແລະ ລື່ນຄາດ ໝາຍທີ່ວາງໄວ້.
ຂ່າວ-ພາບ: ກອງຄຳ
ນອກຈາກວຽກງານດັ່ງກ່າວນີ້, ຄະນະພັກ, ຄະນະບັນຊາ ປກສ ແຂວງ ໄດ້ສົມທົບກັບກຳລັງປ້ອງກັນຊາດ ຕະຫຼອດເຖິງກຳລັງທ້ອງຖິ່ນ ປກສ ບ້ານ, ກອງຫຼອນບ້ານ, ອຳນາດການປົກຄອງບ້ານ ແລະ ປະຊາຊົນ ໄດ້ມີແຜນສືບຕໍ່ເຮັດວຽກງານປ້ອງກັນຄວາມສະຫງົບໃນ 3 ກິດຈະກໍາໃຫຍ່ຂອງແຂວງ ເພື່ອຕ້ອນຮັບປີທ່ອງທ່ຽວລາວ ໂດຍຕິດພັນກັບ 3 ຍອດຍິ່ງ (ຍອດຍິ່ງທາງດ້ານວັດທະນະທໍາ, ທຳມະຊາດ ແລະ ປະຫວັດສາດ) ໃນນັ້ນມີ 1 ກິດຈະກໍາລະດັບຊາດຄື: ບຸນນະມັດສະການພະທາດສີໂຄດຕະບອງ (ຍອດຍິ່ງທາງດ້ານວັດທະນະທຳ) ແລະ 2 ກິດຈະກໍາລະດັບແຂວງຄື: ກິດຈະກໍາທ່ອງທ່ຽວເດີລຸບ (ຍອດຍິ່ງດ້ານທໍາມະຊາດ) ແລະ ກິດຈະກຳງານບຸນຫໍຈາລຶກປະຫວັດສາດບັ້ນຮົບປ້ອງກັນຕົວເມືອງທ່າແຂກ 21 ມີນາ (ຍອດຍິ່ງດ້ານປະຫວັດສາດ).
ໂອກາດນີ້, ທ່ານ ພັອ ຄຳສິງ ນົນທະສອນ ໄດ້ຮຽກຮ້ອງມາຍັງການຈັດຕັ້ງ, ປະຊາຊົນ ແລະ ທຸກພາກ ສ່ວນໃນສັງຄົມທີ່ມາທ່ຽວໃນງານເປີດປີທ່ອງທ່ຽວລາວ 2024 ທີ່ແຂວງຄໍາມ່ວນ ຕິດພັນກັບງານບຸນຕ່າງໆ ຈົ່ງພ້ອມກັນເອົາໃຈໃສ່ເຮັດວຽກງານປ້ອງກັນຄວາມສະຫງົບຮອບດ້ານທົ່ວປວງຊົນ, ມີສະຕິລະວັງຕົວ ປະກອບສ່ວນເປັນຫູເປັນຕາໃນການຕິດຕາມກຸ່ມຄົນທີ່ບໍ່ຫວັງດີ ຖ້າພົບເຫັນແມ່ນໃຫ້ຮີບຮ້ອນລາຍງານຕໍ່ເຈົ້າໜ້າທີ່ ເພື່ອຕ້ານ, ສະກັດກັ້ນໄດ້ທັນເວລາ ແນໃສ່ດຶງດູດນັກທ່ອງທ່ຽວໃຫ້ເຂົ້າມາທ່ອງທ່ຽວແຂວງຄຳມ່ວນໃຫ້ບັນລຸ ແລະ ລື່ນຄາດ ໝາຍທີ່ວາງໄວ້.
ຂ່າວ-ພາບ: ກອງຄຳ
