ໂດຍ: ກອງຄຳ
ພະທາດສີໂຄດຕະບອງ ນອນຢູ່ໃນແຂວງຄຳມ່ວນ, ຕັ້ງຢູ່ແຄມແມ່ນໍ້າຂອງ ຫ່າງຈາກຕົວເມືອງທ່າແຂກ ອອກໄປທາງທິດໃຕ້ປະມານ 6 ກິໂລແມັດ, ລັກສະນະຂອງພະທາດແມ່ນກໍ່ດ້ວຍດິນຈີ່, ທາປູນ, ຖານເປັນຮູບສີ່ຫຼ່ຽມຫັກມຸມ, ຍອດແຫຼມ, ສ່ວນເທິງຂອງພະທາດມີລັກສະນະເປັນສີ່ຫຼ່ຽມແບບດວງປີ. ໂຄງສ້າງຢູ່ໃນສະໄໝດຽວກັນກັບພະທາດພະນົມ (ປະເທດໄທ), ພະທາດອີງຮັງ (ແຂວງສະຫວັນນະເຂດ), ພະທາດບັງພວນ, ພະທາດຫຼວງວຽງຈັນ ຊຶ່ງເປັນສະກຸນຊ່າງສີລະປະກໍ່ສ້າງຂອງລາວລ້ານຊ້າງ, ຖານແຕ່ລະດ້ານຍາວ 14,33 ຊມ, ສູງ 28-29 ຊມ, ຍອດປະດັບດ້ວຍເສດຕະສັດ 7 ຊັ້ນ, ໃນແກນເປັນເຫຼັກ, ເສດຕະສັດເຮັດດ້ວຍເງິນ ແລະ ຄໍາ, ປາຍເສດຕະສັດມີໂຄມແກ້ວ, ສະເພາະເສດຕະສັດສູງ 2 ແມັດ, ບໍລິເວນຕີນພະທາດກວ້າງດ້ານລະ 25 ແມັດ, ສູງ 30 ແມັດ, ມີພະທາດນ້ອຍຂອງພະອໍລະຫັນທັງຫ້າຕັ້ງຢູ່ທາງດ້ານຕາເວັນຕົກ 3 ໜ່ວຍ ແລະ ຕາເວັນອອກ 2 ໜ່ວຍ (ປັດຈຸບັນເພໝົດແລ້ວ).
ພະທາດສີໂຄດຕະບອງ ສ້າງຂຶ້ນໃນສະໄໝອານາຈັກສີໂຄດຕະບອງ (ສະຕະວັດທີ 6-8), ເປັນບ່ອນເກັບມ້ຽນອັດຖິຂອງພະພຸດທະເຈົ້າ. ພະເຈົ້າຊີວິດໂພທິສາລາດ ຊຶ່ງເປັນກະສັດລາວອົງໜຶ່ງໃນສະໄໝນັ້ນ ໄດ້ທຳການປະຕິສັງຂອນພະທາດນີ້ ແລະ ຕິດຮູບດອກບົວໃສ່ຈອມທາດ ໃນສະຕະວັດທີ 16, ຕໍ່ມາພະເຈົ້າໄຊຍະເສດຖາທິລາດ ກໍໄດ້ປະຕິຮູບຊົງທາດ ໃຫ້ເປັນຮູບທີ່ເຫັນໃນປັດຈຸບັນ, ສ່ວນອື່ນໆແມ່ນສ້າງຂຶ້ນໃນຊຸມປີ 1950 ແລະ ປີ 1970 ກໍໄດ້ມີການກໍ່ສ້າງເພີ່ມເຕີມ, ປີ 2009 ພັກ ແລະ ລັດຖະບານ ກໍຄືປະຊາຊົນຊາວແຂວງຄຳມ່ວນ ໄດ້ທຳການຫຼໍ່ຮູບປັ້ນພະຍາສີໂຄດຕະບອງ ເພື່ອປະດິດສະຖານໄວ້ຢູ່ບໍລິເວນເດີ່ນພະທາດ ພ້ອມປັບປຸງ ແລະ ຕົບແຕ່ງເດີ່ນໃຫ້ມີຄວາມຈົບງາມຂຶ້ນຕື່ມເປັນແຕ່ລະໄລຍະ.
ນອກຈາກນັ້ນ, ຍັງມີຮູບປັ້ນຂອງພະຍາສີໂຄດຕະບອງ ຢືນຢ່າງສະຫງ່າລາສີ. ຄຳວ່າ ສີໂຄດຕະບອງ ມີຄວາມໝາຍມາຈາກພາສາບາລີວ່າ: ເມືອງທີ່ມີຄວາມສວຍງາມ ແລະ ຈະເລີນຮຸ່ງເຮືອງໄປດ້ວຍສິນທຳ. ດ້ວຍເຫດນັ້ນ ຮູບປັ້ນຂອງພະຍາສີໂຄດຕະບອງ ຈຶ່ງປຽບ ເໝືອນທວນໄຟເຍືອງທາງໃຫ້ແສງສະຫວ່າງແກ່ຄົນຮຸ້ນຕໍ່ໄປ ແລະ ກໍເປັນສູນລວມແຫ່ງຈິດໃຈຂອງຊາວແຂວງຄໍາມ່ວນ ມາຈົນເທົ່າທຸກວັນນີ້.
ພະທາດສີໂຄດຕະບອງ ນອນຢູ່ໃນແຂວງຄຳມ່ວນ, ຕັ້ງຢູ່ແຄມແມ່ນໍ້າຂອງ ຫ່າງຈາກຕົວເມືອງທ່າແຂກ ອອກໄປທາງທິດໃຕ້ປະມານ 6 ກິໂລແມັດ, ລັກສະນະຂອງພະທາດແມ່ນກໍ່ດ້ວຍດິນຈີ່, ທາປູນ, ຖານເປັນຮູບສີ່ຫຼ່ຽມຫັກມຸມ, ຍອດແຫຼມ, ສ່ວນເທິງຂອງພະທາດມີລັກສະນະເປັນສີ່ຫຼ່ຽມແບບດວງປີ. ໂຄງສ້າງຢູ່ໃນສະໄໝດຽວກັນກັບພະທາດພະນົມ (ປະເທດໄທ), ພະທາດອີງຮັງ (ແຂວງສະຫວັນນະເຂດ), ພະທາດບັງພວນ, ພະທາດຫຼວງວຽງຈັນ ຊຶ່ງເປັນສະກຸນຊ່າງສີລະປະກໍ່ສ້າງຂອງລາວລ້ານຊ້າງ, ຖານແຕ່ລະດ້ານຍາວ 14,33 ຊມ, ສູງ 28-29 ຊມ, ຍອດປະດັບດ້ວຍເສດຕະສັດ 7 ຊັ້ນ, ໃນແກນເປັນເຫຼັກ, ເສດຕະສັດເຮັດດ້ວຍເງິນ ແລະ ຄໍາ, ປາຍເສດຕະສັດມີໂຄມແກ້ວ, ສະເພາະເສດຕະສັດສູງ 2 ແມັດ, ບໍລິເວນຕີນພະທາດກວ້າງດ້ານລະ 25 ແມັດ, ສູງ 30 ແມັດ, ມີພະທາດນ້ອຍຂອງພະອໍລະຫັນທັງຫ້າຕັ້ງຢູ່ທາງດ້ານຕາເວັນຕົກ 3 ໜ່ວຍ ແລະ ຕາເວັນອອກ 2 ໜ່ວຍ (ປັດຈຸບັນເພໝົດແລ້ວ).
ພະທາດສີໂຄດຕະບອງ ສ້າງຂຶ້ນໃນສະໄໝອານາຈັກສີໂຄດຕະບອງ (ສະຕະວັດທີ 6-8), ເປັນບ່ອນເກັບມ້ຽນອັດຖິຂອງພະພຸດທະເຈົ້າ. ພະເຈົ້າຊີວິດໂພທິສາລາດ ຊຶ່ງເປັນກະສັດລາວອົງໜຶ່ງໃນສະໄໝນັ້ນ ໄດ້ທຳການປະຕິສັງຂອນພະທາດນີ້ ແລະ ຕິດຮູບດອກບົວໃສ່ຈອມທາດ ໃນສະຕະວັດທີ 16, ຕໍ່ມາພະເຈົ້າໄຊຍະເສດຖາທິລາດ ກໍໄດ້ປະຕິຮູບຊົງທາດ ໃຫ້ເປັນຮູບທີ່ເຫັນໃນປັດຈຸບັນ, ສ່ວນອື່ນໆແມ່ນສ້າງຂຶ້ນໃນຊຸມປີ 1950 ແລະ ປີ 1970 ກໍໄດ້ມີການກໍ່ສ້າງເພີ່ມເຕີມ, ປີ 2009 ພັກ ແລະ ລັດຖະບານ ກໍຄືປະຊາຊົນຊາວແຂວງຄຳມ່ວນ ໄດ້ທຳການຫຼໍ່ຮູບປັ້ນພະຍາສີໂຄດຕະບອງ ເພື່ອປະດິດສະຖານໄວ້ຢູ່ບໍລິເວນເດີ່ນພະທາດ ພ້ອມປັບປຸງ ແລະ ຕົບແຕ່ງເດີ່ນໃຫ້ມີຄວາມຈົບງາມຂຶ້ນຕື່ມເປັນແຕ່ລະໄລຍະ.
ນອກຈາກນັ້ນ, ຍັງມີຮູບປັ້ນຂອງພະຍາສີໂຄດຕະບອງ ຢືນຢ່າງສະຫງ່າລາສີ. ຄຳວ່າ ສີໂຄດຕະບອງ ມີຄວາມໝາຍມາຈາກພາສາບາລີວ່າ: ເມືອງທີ່ມີຄວາມສວຍງາມ ແລະ ຈະເລີນຮຸ່ງເຮືອງໄປດ້ວຍສິນທຳ. ດ້ວຍເຫດນັ້ນ ຮູບປັ້ນຂອງພະຍາສີໂຄດຕະບອງ ຈຶ່ງປຽບ ເໝືອນທວນໄຟເຍືອງທາງໃຫ້ແສງສະຫວ່າງແກ່ຄົນຮຸ້ນຕໍ່ໄປ ແລະ ກໍເປັນສູນລວມແຫ່ງຈິດໃຈຂອງຊາວແຂວງຄໍາມ່ວນ ມາຈົນເທົ່າທຸກວັນນີ້.
