ການກະກຽມ ເປີດປີທ່ອງທ່ຽວລາວ 2024 ທາງພະແນກ ຖວທ ແຂວງຄຳມ່ວນ ແມ່ນໄດ້ມີການກະກຽມຄວາມພ້ອມຮອບດ້ານ ໂດຍໄດ້ອອກຂໍ້ຕົກລົງແຕ່ງຕັ້ງຄະນະຊີ້ນຳຂັ້ນແຂວງ ແລະ ໄດ້ເປີດກອງປະຊຸມປຶກສາຫາລືກັບບັນດາອະນຸກຳມະການຕ່າງໆຂອງແຂວງ.
ທ່ານ ໄຊສົມບູນ ສຸວັນດາລາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ໄດ້ໃຫ້ລາຍລະອຽດກ່ຽວກັບການກະກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ໃຫ້ຮູ້ວ່າ: ສຳລັບແຂວງຄຳມ່ວນ ກ່ອນການເຂົ້າຮ່ວມກອງປະຊຸມຄະນະຮັບຜິດຊອບຈັດງານປີທ່ອງທ່ຽວລະດັບຊາດ ໃນຄັ້ງວັນທີ 22 ກັນຍາ ຜ່ານມາ ແຂວງຄຳມ່ວນແມ່ນໄດ້ກຳນົດເອົາ 13 ກິດຈະກຳ ຊຶ່ງເປັນກິດຈຳກຳທີ່ຕິດພັນກັບບຸນປະເພນີຂອງແຕ່ລະເມືອງ ພ້ອມທັງໄດ້ລາຍງານຫາກະຊວງ ຖວທ ແລ້ວທາງຄະນະຮັບຜິດຊອບຂອງກະຊວງ ໄດ້ກຳນົດໃຫ້ 2 ກິດຈະກຳ ຊຶ່ງມີລະດັບຊາດ ແລະ ລະດັບແຂວງຄື: ງານບຸນພະທາດສີໂຄດຕະບອງ ທ່ອງທ່ຽວທາງວັດທະນະທຳ (ລະດັບຊາດ) ແລະ ວົງຈອນເດີລຸບ ທ່ອງທ່ຽວທາງທຳມະຊາດ (ລະດັບແຂວງ). ແຕ່ທາງແຂວງໄດ້ສະເໜີຕື່ມ ອີກ 1 ກິດຈະກຳຄື: ທ່ອງທ່ຽວທາງດ້ານປະຫວັດສາດ ເຫດການບັ້ນຮົບປ້ອງກັນຕົວເມືອງທ່າແຂກ 21 ມີນາ.
1. ກິດຈະກຳເປີດປີທ່ອງທ່ຽວ (ງານບຸນພະທາດສີໂຄດຕະບອງ) ປະກອບມີ: ກິດຈະກຳແຫ່ຜາສາດເຜິ້ງ, ໃສ່ບາດອຸທິດແດ່ດວງວິຍານພຣະຍາສີໂຄດ, ໃສ່ບາດປະຈຳບຸນປະເພນີ, ວຽນທຽນ. ໃນງານມີພິທີເປີດວາງສະແດງ ແລະ ຈຳໜ່າຍສິນຄ້າ, ເທດສະການອາຫານລາວ, ການປະກວດອາພອນເຜົ່າ ແລະ ປະກວດນັກຮ້ອງສຽງດີ.
2. ກິດຈະກຳທ່ອງທ່ຽວເດີລຸບ (ທ່ອງທ່ຽວທຳມະຊາດ) ແມ່ນແຕ່ລະແຫຼ່ງທ່ອງທ່ຽວຕາມເສັ້ນທາງເດີລຸບ ຕ້ອງໃຫ້ມີກິດຈະກຳ ປະຈຳແຕ່ລະແຫຼ່ງທ່ອງທ່ຽວ. ໃນນັ້ນປະກອບມີແຫຼ່ງທ່ອງທ່ຽວຖ້ຳຊ້າງ, ຖ້ຳພະ-ໜອງປາຝາ, ທ່າຝຣັ່ງ, ຖ້ຳນາງແອ່ນ, ຂຸນນ້ຳຄຳດິບ, ວີວເທີນ, ທ່າລັ່ງ, ກອງລໍ ແລະ ພູຜາມ່ານ.
3. ກິດຈະກຳທ່ອງທ່ຽວ ດ້ານປະຫວັດສາດ ເປັນການຈາລຶກເຫດການບັ້ນຮົບປ້ອງກັນຕົວເມືອງທ່າແຂກ ເພື່ອໃຫ້ປະຊາຊົນ ແລະ ລູກຫຼານໄດ້ ສຶກສາຄົ້ນຄວ້າ ໃນນັ້ນປະກອບມີ: ກິດຈະກໍາວາງສະແດງຮູບພາບເຫດການປະຫວັດສາດ, ວາງສະແດງສິນຄ້າ, ເທດສະການອາຫານ, ການສະແດງດ້ານວັດທະນະທຳ, ຕັ້ງກອງບຸນອຸທິດສ່ວນກຸສົນໄປຫາຜູ້ທີ່ລ່ວງລັບໃນເຫດການ.
ນັ້ນແມ່ນ 3 ກິດຈຳກຳຫຼັກໃນປີທ່ອງທ່ຽວລາວ 2024 ທີ່ແຂວງຄຳມ່ວນ ໄດ້ມີການກະກຽມ ແຕ່ໃນ 13 ກິດຈະກຳຍ່ອຍນັ້ນກໍຈະໄດ້ຈັດຕັ້ງປະຕິບັດໄປພ້ອມໆກັນ ຕາມການຄົ້ນຄວ້າຕົກລົງຂອງຄະນະພະແນກ ຖວທ ແຂວງຄຳມ່ວນ ຊຶ່ງແຕ່ລະແຫຼ່ງທ່ອງທ່ຽວ ຕ້ອງໃຫ້ມີກິດຈະກຳປະຈຳແຫຼ່ງທ່ອງທ່ຽວ 1-2 ກິດຈະກຳເພື່ອດຶງດູດນັກທ່ອງທ່ຽວມາທ່ຽວສະຖານທີ່ດັ່ງກ່າວໃຫ້ຫຼາຍຂຶ້ນ.
ປັດຈຸບັນແຂວງຄຳມ່ວນ ມີແຫຼ່ງທ່ອງທ່ຽວທັງໝົດ 209 ແຫ່ງ, ໃນນັ້ນແຫຼ່ງທ່ອງທ່ຽວທາງທໍາມະຊາດ 145 ແຫ່ງ, ປະຫວັດສາດ 31 ແຫ່ງ ແລະ ວັດທະນະທຳ 33 ແຫ່ງ, ເປີດໃຊ້ບໍລິການແລ້ວຈຳນວນ 87 ແຫ່ງ ແລະ ມີເອກະຊົນສຳປະທານເພື່ອພັດທະນາແລ້ວ 8 ແຫ່ງ, ສະຖານທີ່ທ່ອງທ່ຽວໄດ້ຮັບການພັດທະນາແລ້ວ 23 ແຫ່ງ, ທົ່ວແຂວງມີໂຮງແຮມທັງໝົດ 26 ແຫ່ງ, ເຮືອນພັກ 93 ແຫ່ງ, ຣີສອດ 9 ແຫ່ງ, ຮ້ານອາຫານ 103 ແຫ່ງ, ຮ້ານກິນດື່ມ-ບັນເທິງ 63 ແຫ່ງ,
ໃນໄລຍະ 2 ປີເຄິ່ງຜ່ານມານີ້ ມີນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາແຂວງຄໍາມ່ວນທັງໝົດ 565.911 ຄົນ ຍິງ 264.268 ຄົນ. ໃນນັ້ນເປັນນັກທ່ອງທ່ຽວຕ່າງປະເທດ 138.541 ຄົນ, ນັກທ່ອງທ່ຽວພາຍໃນ 427.370 ຄົນ, ສາມາດສ້າງລາຍຮັບໄດ້ທັງໝົດ 320 ຕື້ກວ່າກີບ ແລະ ຄາດຄະເນ 3 ເດືອນທ້າຍປີນີ້ ຈະມີນັກທ່ອງທ່ຽວເຂົ້າມາແຂວງຄຳມ່ວນທັງໝົດ 93.135 ຄົນ ຍິງ 25.021 ຄົນ. ໃນນີ້ມີນັກທ່ອງທ່ຽວພາຍໃນ 30.143 ຄົນ ຍິງ15.012 ຄົນ, ນັກທ່ອງທ່ຽວຕ່າງປະເທດ 62.990 ຄົນ ຍິງ 17.185 ຄົນ ຈະສາມາດສ້າງລາຍຮັບໝູນວຽນໄດ້ 59 ຕື້ກວ່າກີບ ຊຶ່ງຕາມແຜນພັດທະນາ 5 ປີ ຂອງແຂວງແມ່ນ ໃຫ້ໄດ້ 2.500.000 ຄົນ ໂດຍສະເລ່ຍປີໜຶ່ງ 500.000 ຄົນ.
ເພື່ອກະກຽມໃສ່ປີທ່ອງທ່ຽວ 2024 ແລະ ເພື່ອຮອງຮັບໃຫ້ແກ່ນັກທ່ອງທ່ຽວ ທາງພະແນກ ຖວທ ແຂວງໄດ້ມອບໃຫ້ຂະແໜງທ່ອງທ່ຽວ ລົງໄປປະເມີນບັນດາຫົວໜ່ວຍທຸລະກິດການທ່ອງທ່ຽວ ພາຍໃນແຂວງ ເຊັ່ນ: ໂຮງແຮມ, ເຮືອນພັກ, ຮ້ານອາຫານ, ສະຖານບັນເທີງ ແລະ ສະຖານທີ່ທ່ອງທ່ຽວຕ່າງໆ ເພື່ອໃຫ້ໄດ້ມາດຕະຖານ ແລະ ມີຄວາມພ້ອມທຸກດ້ານໃນຂອດບໍລິການ.
ພິເສດ ໃນປີ 2024 ແຂວງຄຳມ່ວນຈະໄດ້ເປີດແຫຼ່ງທ່ອງທ່ຽວທາງທຳມະຊາດເພີ່ມອີກ 2 ແຫ່ງຄື: ແຫຼ່ງທ່ອງທ່ຽວຂຸນກອງແລງ ເມືອງຫີນບູນ ແລະ ຕາດຊຽງລື ເມືອງບົວລະພາ ຊຶ່ງຈະເປັນອີກໜຶ່ງທ່າແຮງທີ່ສຳຄັນ ໃນການດຶງດູດນັກທ່ອງທ່ຽວ ເຂົ້າມາທ່ຽວແຂວງຄຳມ່ວນຫຼາຍຂຶ້ນ.
ຂ່າວ: ພະແນກ ຖວທ ແຂວງຄຳມ່ວນ
ທ່ານ ໄຊສົມບູນ ສຸວັນດາລາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ໄດ້ໃຫ້ລາຍລະອຽດກ່ຽວກັບການກະກຽມຄວາມພ້ອມໃຫ້ແກ່ການເປີດປີທ່ອງທ່ຽວລາວ 2024 ໃຫ້ຮູ້ວ່າ: ສຳລັບແຂວງຄຳມ່ວນ ກ່ອນການເຂົ້າຮ່ວມກອງປະຊຸມຄະນະຮັບຜິດຊອບຈັດງານປີທ່ອງທ່ຽວລະດັບຊາດ ໃນຄັ້ງວັນທີ 22 ກັນຍາ ຜ່ານມາ ແຂວງຄຳມ່ວນແມ່ນໄດ້ກຳນົດເອົາ 13 ກິດຈະກຳ ຊຶ່ງເປັນກິດຈຳກຳທີ່ຕິດພັນກັບບຸນປະເພນີຂອງແຕ່ລະເມືອງ ພ້ອມທັງໄດ້ລາຍງານຫາກະຊວງ ຖວທ ແລ້ວທາງຄະນະຮັບຜິດຊອບຂອງກະຊວງ ໄດ້ກຳນົດໃຫ້ 2 ກິດຈະກຳ ຊຶ່ງມີລະດັບຊາດ ແລະ ລະດັບແຂວງຄື: ງານບຸນພະທາດສີໂຄດຕະບອງ ທ່ອງທ່ຽວທາງວັດທະນະທຳ (ລະດັບຊາດ) ແລະ ວົງຈອນເດີລຸບ ທ່ອງທ່ຽວທາງທຳມະຊາດ (ລະດັບແຂວງ). ແຕ່ທາງແຂວງໄດ້ສະເໜີຕື່ມ ອີກ 1 ກິດຈະກຳຄື: ທ່ອງທ່ຽວທາງດ້ານປະຫວັດສາດ ເຫດການບັ້ນຮົບປ້ອງກັນຕົວເມືອງທ່າແຂກ 21 ມີນາ.
1. ກິດຈະກຳເປີດປີທ່ອງທ່ຽວ (ງານບຸນພະທາດສີໂຄດຕະບອງ) ປະກອບມີ: ກິດຈະກຳແຫ່ຜາສາດເຜິ້ງ, ໃສ່ບາດອຸທິດແດ່ດວງວິຍານພຣະຍາສີໂຄດ, ໃສ່ບາດປະຈຳບຸນປະເພນີ, ວຽນທຽນ. ໃນງານມີພິທີເປີດວາງສະແດງ ແລະ ຈຳໜ່າຍສິນຄ້າ, ເທດສະການອາຫານລາວ, ການປະກວດອາພອນເຜົ່າ ແລະ ປະກວດນັກຮ້ອງສຽງດີ.
2. ກິດຈະກຳທ່ອງທ່ຽວເດີລຸບ (ທ່ອງທ່ຽວທຳມະຊາດ) ແມ່ນແຕ່ລະແຫຼ່ງທ່ອງທ່ຽວຕາມເສັ້ນທາງເດີລຸບ ຕ້ອງໃຫ້ມີກິດຈະກຳ ປະຈຳແຕ່ລະແຫຼ່ງທ່ອງທ່ຽວ. ໃນນັ້ນປະກອບມີແຫຼ່ງທ່ອງທ່ຽວຖ້ຳຊ້າງ, ຖ້ຳພະ-ໜອງປາຝາ, ທ່າຝຣັ່ງ, ຖ້ຳນາງແອ່ນ, ຂຸນນ້ຳຄຳດິບ, ວີວເທີນ, ທ່າລັ່ງ, ກອງລໍ ແລະ ພູຜາມ່ານ.
3. ກິດຈະກຳທ່ອງທ່ຽວ ດ້ານປະຫວັດສາດ ເປັນການຈາລຶກເຫດການບັ້ນຮົບປ້ອງກັນຕົວເມືອງທ່າແຂກ ເພື່ອໃຫ້ປະຊາຊົນ ແລະ ລູກຫຼານໄດ້ ສຶກສາຄົ້ນຄວ້າ ໃນນັ້ນປະກອບມີ: ກິດຈະກໍາວາງສະແດງຮູບພາບເຫດການປະຫວັດສາດ, ວາງສະແດງສິນຄ້າ, ເທດສະການອາຫານ, ການສະແດງດ້ານວັດທະນະທຳ, ຕັ້ງກອງບຸນອຸທິດສ່ວນກຸສົນໄປຫາຜູ້ທີ່ລ່ວງລັບໃນເຫດການ.
ນັ້ນແມ່ນ 3 ກິດຈຳກຳຫຼັກໃນປີທ່ອງທ່ຽວລາວ 2024 ທີ່ແຂວງຄຳມ່ວນ ໄດ້ມີການກະກຽມ ແຕ່ໃນ 13 ກິດຈະກຳຍ່ອຍນັ້ນກໍຈະໄດ້ຈັດຕັ້ງປະຕິບັດໄປພ້ອມໆກັນ ຕາມການຄົ້ນຄວ້າຕົກລົງຂອງຄະນະພະແນກ ຖວທ ແຂວງຄຳມ່ວນ ຊຶ່ງແຕ່ລະແຫຼ່ງທ່ອງທ່ຽວ ຕ້ອງໃຫ້ມີກິດຈະກຳປະຈຳແຫຼ່ງທ່ອງທ່ຽວ 1-2 ກິດຈະກຳເພື່ອດຶງດູດນັກທ່ອງທ່ຽວມາທ່ຽວສະຖານທີ່ດັ່ງກ່າວໃຫ້ຫຼາຍຂຶ້ນ.
ປັດຈຸບັນແຂວງຄຳມ່ວນ ມີແຫຼ່ງທ່ອງທ່ຽວທັງໝົດ 209 ແຫ່ງ, ໃນນັ້ນແຫຼ່ງທ່ອງທ່ຽວທາງທໍາມະຊາດ 145 ແຫ່ງ, ປະຫວັດສາດ 31 ແຫ່ງ ແລະ ວັດທະນະທຳ 33 ແຫ່ງ, ເປີດໃຊ້ບໍລິການແລ້ວຈຳນວນ 87 ແຫ່ງ ແລະ ມີເອກະຊົນສຳປະທານເພື່ອພັດທະນາແລ້ວ 8 ແຫ່ງ, ສະຖານທີ່ທ່ອງທ່ຽວໄດ້ຮັບການພັດທະນາແລ້ວ 23 ແຫ່ງ, ທົ່ວແຂວງມີໂຮງແຮມທັງໝົດ 26 ແຫ່ງ, ເຮືອນພັກ 93 ແຫ່ງ, ຣີສອດ 9 ແຫ່ງ, ຮ້ານອາຫານ 103 ແຫ່ງ, ຮ້ານກິນດື່ມ-ບັນເທິງ 63 ແຫ່ງ,
ໃນໄລຍະ 2 ປີເຄິ່ງຜ່ານມານີ້ ມີນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາແຂວງຄໍາມ່ວນທັງໝົດ 565.911 ຄົນ ຍິງ 264.268 ຄົນ. ໃນນັ້ນເປັນນັກທ່ອງທ່ຽວຕ່າງປະເທດ 138.541 ຄົນ, ນັກທ່ອງທ່ຽວພາຍໃນ 427.370 ຄົນ, ສາມາດສ້າງລາຍຮັບໄດ້ທັງໝົດ 320 ຕື້ກວ່າກີບ ແລະ ຄາດຄະເນ 3 ເດືອນທ້າຍປີນີ້ ຈະມີນັກທ່ອງທ່ຽວເຂົ້າມາແຂວງຄຳມ່ວນທັງໝົດ 93.135 ຄົນ ຍິງ 25.021 ຄົນ. ໃນນີ້ມີນັກທ່ອງທ່ຽວພາຍໃນ 30.143 ຄົນ ຍິງ15.012 ຄົນ, ນັກທ່ອງທ່ຽວຕ່າງປະເທດ 62.990 ຄົນ ຍິງ 17.185 ຄົນ ຈະສາມາດສ້າງລາຍຮັບໝູນວຽນໄດ້ 59 ຕື້ກວ່າກີບ ຊຶ່ງຕາມແຜນພັດທະນາ 5 ປີ ຂອງແຂວງແມ່ນ ໃຫ້ໄດ້ 2.500.000 ຄົນ ໂດຍສະເລ່ຍປີໜຶ່ງ 500.000 ຄົນ.
ເພື່ອກະກຽມໃສ່ປີທ່ອງທ່ຽວ 2024 ແລະ ເພື່ອຮອງຮັບໃຫ້ແກ່ນັກທ່ອງທ່ຽວ ທາງພະແນກ ຖວທ ແຂວງໄດ້ມອບໃຫ້ຂະແໜງທ່ອງທ່ຽວ ລົງໄປປະເມີນບັນດາຫົວໜ່ວຍທຸລະກິດການທ່ອງທ່ຽວ ພາຍໃນແຂວງ ເຊັ່ນ: ໂຮງແຮມ, ເຮືອນພັກ, ຮ້ານອາຫານ, ສະຖານບັນເທີງ ແລະ ສະຖານທີ່ທ່ອງທ່ຽວຕ່າງໆ ເພື່ອໃຫ້ໄດ້ມາດຕະຖານ ແລະ ມີຄວາມພ້ອມທຸກດ້ານໃນຂອດບໍລິການ.
ພິເສດ ໃນປີ 2024 ແຂວງຄຳມ່ວນຈະໄດ້ເປີດແຫຼ່ງທ່ອງທ່ຽວທາງທຳມະຊາດເພີ່ມອີກ 2 ແຫ່ງຄື: ແຫຼ່ງທ່ອງທ່ຽວຂຸນກອງແລງ ເມືອງຫີນບູນ ແລະ ຕາດຊຽງລື ເມືອງບົວລະພາ ຊຶ່ງຈະເປັນອີກໜຶ່ງທ່າແຮງທີ່ສຳຄັນ ໃນການດຶງດູດນັກທ່ອງທ່ຽວ ເຂົ້າມາທ່ຽວແຂວງຄຳມ່ວນຫຼາຍຂຶ້ນ.
ຂ່າວ: ພະແນກ ຖວທ ແຂວງຄຳມ່ວນ
