ໂດຍ: ກອງຄຳ
ທ່າຝຣັ່ງວັງສີຄາມ ແມ່ນວັງນໍ້າໜຶ່ງຂອງສາຍນໍ້າໂດນ ຊຶ່ງນອນຢູ່ໃນເຂດບ້ານສອງຄອນ ກັບ ບ້ານທອກ, ຫ່າງຈາກຕົວເມືອງທ່າແຂກ ແຂວງຄຳມ່ວນ ປະມານ 18 ກິໂລ ແມັດ, ທ່າຝຣັ່ງແມ່ນເອີ້ນຕາມຊາວບ້ານມາແຕ່ສະໄໝຝຣັ່ງມາປົກຄອງລາວ ເພາະວັງນໍ້ານີ້ ຄົນຝຣັ່ງມັກພາຄອບຄົວໄປພັກຜ່ອນ ແລະ ອາບນໍ້າ, ມັນເປັນວັງນໍ້າເລິກ, ບາງບ່ອນກໍມີກ້ອນຫີນພົ້ນຂຶ້ນຈາກໜ້ານໍ້າທີ່ມີສີຟ້າໃສໃຫ້ພວກເຮົາໄດ້ເຫັນ, ໃນເວລາທີ່ກຳລັງມຸ່ງໜ້າໄປສູ່ວັງນໍ້າແຫ່ງນີ້ ຖ້າເຮົາເງີຍໜ້າຂຶ້ນໃນທ່າປົກກະຕິ ຈະແນມເຫັນພູ 3 ໜ່ວຍ, ສອງໜ່ວຍຈະຢູ່ດ້ານຂ້າງ ແລະ ອີກໜຶ່ງໜ່ວຍຈະຢູ່ກາງ, ໜຶ່ງໃນພູສາມໜ່ວຍນີ້ມີໜ່ວຍໜຶ່ງຊື່ວ່າ: ພູມ່ວງ (ເວລາຍ່າງເຂົ້າບ້ານທອກ ຢູ່ຟາກນໍ້າເບື້ອງຊ້າຍ) ໃນສະໄໝກ່ອນອາເມຣິກາ ເຄີຍໃຊ້ເປັນປ້ອມສອດແນມການເຄື່ອນຍ້າຍກຳລັງຂອງກອງທັບປະຊາຊົນລາວ ໂດຍສະເພາະແລ້ວແມ່ນການເຄື່ອນທັບເຂົ້າເພື່ອປົດປ່ອຍຕົວເມືອງທ່າແຂກ, ພູໜ່ວຍນີ້ເມື່ອຂຶ້ນໄປແລ້ວຈະສາມາດແນມເຫັນຕົວເມືອງທ່າແຂກໄດ້ຢ່າງສະບາຍ (ໃຊ້ເວລາຍ່າງຂຶ້ນປົກກະຕິປະມານ 4ຊົ່ວໂມງ). ປັດຈຸບັນທ່າຝຣັ່ງໄດ້ກາຍເປັນສະຖານທີ່ສໍາລັບພັກຜ່ອນຢ່ອນໃຈ ແລະ ສ້າງກິດຈະກຳຕ່າງໆເຊັ່ນ: ກິນເຂົ້າປ່າ, ລອຍຫຼິ້ນນໍ້າ ຂອງປະຊາຊົນຊາວເມືອງທ່າແຂກ ໂດຍສະເພາະແມ່ນມື້ພັກເສົາ-ອາທິດ ແລະ ເທດສະການຕ່າງໆ, ທ່າຝຣັ່ງແຫ່ງນີ້ ແມ່ນໄດ້ຮັບການສຳປະທານເພື່ອພັດທະນາໂດຍແມ່ນ ບໍລິສັດ ເຄເຄ ພັດທະນາການທ່ອງທ່ຽວ ຈຳກັດ ພາຍຫຼັງທີ່ພັດທະນາແລ້ວ ໄດ້ເລີ່ມເປີດໃຫ້ບໍລິການຢ່າງເປັນທາງການໃນວັນທີ 18 ທັນວາ 2018 ຊຶ່ງໄດ້ຮັບຄວາມນິຍົມຊົມຊອບຈາກນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ແວະມາຢ້ຽມຢາມສະຖານທີ່ແຫ່ງນີ້ບໍ່ໄດ້ຂາດສາຍ ແລະ ເມື່ອບໍ່ດົນມານີ້ ບໍລິສັດ ເຄເຄ ພັດທະນາການທ່ອງທ່ຽວ ກໍໄດ້ເປີດແຫຼ່ງທ່ອງທ່ຽວຖໍ້າຊຽງລຽບ ຊຶ່ງຢູ່ໃກ້ກັບ ທ່າຝຣັ່ງ ວັງສີຄາມ ພຽງແຕ່ 1 ກິໂລແມັດ (ຢູ່ຝາກທາງເຂົ້າທ່າຝຣັ່ງ ເບື້ອງຂວາມື) ເໝາະສຳລັບນັກທ່ອງທ່ຽວສາຍລຸຍ ກັບກິດຈະກຳ Zipline ບໍ່ວ່າຈະເປັນການຍ່າງຂົວອູ່, ຂົວບັນໃດ, ຂົວຮູບໂຕ V, ການຖ່າຍຮູບຢູ່ຕາຂ່າຍແມງມູມ, ຂີ່ສາຍສະລິງ, ດື່ມກາເຟ ຢູ່ຮ້ານເທິງຕົ້ນໄມ້ ແລະ ອື່ນໆ.
ຂໍ້ມູນຈາກ: ຂະແໜງທ່ອງທ່ຽວ, ພະແນກ ຖວທ ແຂວງຄຳມ່ວນ
ທ່າຝຣັ່ງວັງສີຄາມ ແມ່ນວັງນໍ້າໜຶ່ງຂອງສາຍນໍ້າໂດນ ຊຶ່ງນອນຢູ່ໃນເຂດບ້ານສອງຄອນ ກັບ ບ້ານທອກ, ຫ່າງຈາກຕົວເມືອງທ່າແຂກ ແຂວງຄຳມ່ວນ ປະມານ 18 ກິໂລ ແມັດ, ທ່າຝຣັ່ງແມ່ນເອີ້ນຕາມຊາວບ້ານມາແຕ່ສະໄໝຝຣັ່ງມາປົກຄອງລາວ ເພາະວັງນໍ້ານີ້ ຄົນຝຣັ່ງມັກພາຄອບຄົວໄປພັກຜ່ອນ ແລະ ອາບນໍ້າ, ມັນເປັນວັງນໍ້າເລິກ, ບາງບ່ອນກໍມີກ້ອນຫີນພົ້ນຂຶ້ນຈາກໜ້ານໍ້າທີ່ມີສີຟ້າໃສໃຫ້ພວກເຮົາໄດ້ເຫັນ, ໃນເວລາທີ່ກຳລັງມຸ່ງໜ້າໄປສູ່ວັງນໍ້າແຫ່ງນີ້ ຖ້າເຮົາເງີຍໜ້າຂຶ້ນໃນທ່າປົກກະຕິ ຈະແນມເຫັນພູ 3 ໜ່ວຍ, ສອງໜ່ວຍຈະຢູ່ດ້ານຂ້າງ ແລະ ອີກໜຶ່ງໜ່ວຍຈະຢູ່ກາງ, ໜຶ່ງໃນພູສາມໜ່ວຍນີ້ມີໜ່ວຍໜຶ່ງຊື່ວ່າ: ພູມ່ວງ (ເວລາຍ່າງເຂົ້າບ້ານທອກ ຢູ່ຟາກນໍ້າເບື້ອງຊ້າຍ) ໃນສະໄໝກ່ອນອາເມຣິກາ ເຄີຍໃຊ້ເປັນປ້ອມສອດແນມການເຄື່ອນຍ້າຍກຳລັງຂອງກອງທັບປະຊາຊົນລາວ ໂດຍສະເພາະແລ້ວແມ່ນການເຄື່ອນທັບເຂົ້າເພື່ອປົດປ່ອຍຕົວເມືອງທ່າແຂກ, ພູໜ່ວຍນີ້ເມື່ອຂຶ້ນໄປແລ້ວຈະສາມາດແນມເຫັນຕົວເມືອງທ່າແຂກໄດ້ຢ່າງສະບາຍ (ໃຊ້ເວລາຍ່າງຂຶ້ນປົກກະຕິປະມານ 4ຊົ່ວໂມງ). ປັດຈຸບັນທ່າຝຣັ່ງໄດ້ກາຍເປັນສະຖານທີ່ສໍາລັບພັກຜ່ອນຢ່ອນໃຈ ແລະ ສ້າງກິດຈະກຳຕ່າງໆເຊັ່ນ: ກິນເຂົ້າປ່າ, ລອຍຫຼິ້ນນໍ້າ ຂອງປະຊາຊົນຊາວເມືອງທ່າແຂກ ໂດຍສະເພາະແມ່ນມື້ພັກເສົາ-ອາທິດ ແລະ ເທດສະການຕ່າງໆ, ທ່າຝຣັ່ງແຫ່ງນີ້ ແມ່ນໄດ້ຮັບການສຳປະທານເພື່ອພັດທະນາໂດຍແມ່ນ ບໍລິສັດ ເຄເຄ ພັດທະນາການທ່ອງທ່ຽວ ຈຳກັດ ພາຍຫຼັງທີ່ພັດທະນາແລ້ວ ໄດ້ເລີ່ມເປີດໃຫ້ບໍລິການຢ່າງເປັນທາງການໃນວັນທີ 18 ທັນວາ 2018 ຊຶ່ງໄດ້ຮັບຄວາມນິຍົມຊົມຊອບຈາກນັກທ່ອງທ່ຽວທັງພາຍໃນ ແລະ ຕ່າງປະເທດ ທີ່ແວະມາຢ້ຽມຢາມສະຖານທີ່ແຫ່ງນີ້ບໍ່ໄດ້ຂາດສາຍ ແລະ ເມື່ອບໍ່ດົນມານີ້ ບໍລິສັດ ເຄເຄ ພັດທະນາການທ່ອງທ່ຽວ ກໍໄດ້ເປີດແຫຼ່ງທ່ອງທ່ຽວຖໍ້າຊຽງລຽບ ຊຶ່ງຢູ່ໃກ້ກັບ ທ່າຝຣັ່ງ ວັງສີຄາມ ພຽງແຕ່ 1 ກິໂລແມັດ (ຢູ່ຝາກທາງເຂົ້າທ່າຝຣັ່ງ ເບື້ອງຂວາມື) ເໝາະສຳລັບນັກທ່ອງທ່ຽວສາຍລຸຍ ກັບກິດຈະກຳ Zipline ບໍ່ວ່າຈະເປັນການຍ່າງຂົວອູ່, ຂົວບັນໃດ, ຂົວຮູບໂຕ V, ການຖ່າຍຮູບຢູ່ຕາຂ່າຍແມງມູມ, ຂີ່ສາຍສະລິງ, ດື່ມກາເຟ ຢູ່ຮ້ານເທິງຕົ້ນໄມ້ ແລະ ອື່ນໆ.
ຂໍ້ມູນຈາກ: ຂະແໜງທ່ອງທ່ຽວ, ພະແນກ ຖວທ ແຂວງຄຳມ່ວນ
