ການນຳແຂວງຊຽງຂວາງນຳໂດຍສະຫາຍບຸນຈັນສີວົງພັນກຳມະການສູນກາງພັກເລຂາພັກແຂວງເຈົ້າແຂວງຊຽງຂວາງພ້ອມຄະນະໄດ້ເຂົ້າວາງພວງມາລາໄວ້ອາໄລຕໍ່ການຈາກໄປຢ່າງບໍ່ມີວັນກັບຄືນມາຂອງທ່ານຫງວຽນຝູຈ້ອງເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມເມື່ອວັນທີ 26 ກໍລະກົດຜ່ານມາຢູ່ກອງຂຸດຄົ້ນຮ່າງອັດຖິທະຫານອາສາສະໝັກແລະຊ່ຽວຊານຫວຽດນາມປະຈຳແຂວງຊຽງຂວາງ.

ໃນໂອກາດອັນໂສກເສົ້າເສຍດາຍນີ້Fສະຫາຍບຸນຈັນສີວົງພັນໄດ້ຕາງໜ້າການນຳແຂວງກໍຄືປະຊາຊົນຊາວຊຽງຂວາງໄດ້ຂຽນປຶ້ມໄວ້ອາໄລສະແດງຄວາມໂສກເສົ້າເສຍໃຈຢ່າງສຸດຊຶ້ງສຸດທີ່ແສນເຈັບປວດໂສກເສົ້າເສຍດາຍຫາສິ່ງໃດປຽບບໍ່ໄດ້ຕໍ່ການຈາກໄປຂອງສະຫາຍຫງວຽນຝູຈ້ອງເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ,ຄະນະພັກອົງການປົກຄອງແຂວງແລະປະຊາຊົນຊາວຊຽງຂວາງມີຄວາມຊາບຊຶ້ງຕໍ່ຜົນງານອັນໃຫຍ່ຫຼວງລ້ຳຄ່າຂອງສະຫາຍຫງວຽນຝູຈ້ອງທີ່ໄດ້ຊີ້ນຳ-ນຳພາຢ່າງອາດຫານກ້າແກ່ນພິກໄຫວເດັດຂາດຕໍ່ພາລະກິດປົດປ່ອຍແລະທ້ອນໂຮມປະເທດຊາດຫວຽດນາມ, ພາລະກິດປົກປັກຮັກສາ,ສ້າງສາແລະພັດທະນາປະເທດຊາດຫວຽດນາມ, ຂໍຈົດຈຳບຸນຄຸນການປະກອບສ່ວນອັນໃຫຍ່ຫຼວງລ້ຳຄ່າຂອງສະຫາຍຕໍ່ການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ຄວາມສາມັກຕີພິເສດ, ການຮ່ວມມືຮອບດ້ານຂອງສອງພັກສອງລັດແລະປະຊາຊົນສອງຊາດລາວ-ຫວຽດນາມ,ຫວຽດນາມ-ລາວຕະຫຼອດໄປເພື່ອເປັນແວ່ນແຍງໃນການສືບຕໍ່ປົກປັກຮັກສາແລະສ້າງສາພັດທະນາປະເທດຊາດໃຫ້ເຂັ້ມແຂງຈະເລີນຮຸ່ງເຮືອງໄປຄຽງຄູ່ກັບການສືບຕໍ່ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ຄວາມສາມັກຕີພິເສດການຮ່ວມມືຮອບດ້ານລະຫວ່າງສອງຊາດລາວ-ຫວຽດນາມ,ຫວຽດນາມ-ລາວໃຫ້ໝັ້ນຄົງຂະໜົງແກ່ນຕະຫຼອດກາລະນານ.

ຂ່າວ: ບຸນມີແສງທຸມມີ