ຕາມສຳນັກຂ່າວສານຫວຽດນາມ ປະຈຳອາຊີຕາເວັນອອກສ່ຽງໃຕ້ ລາຍງານວ່າ: ວັນທີ 28 ກໍລະກົດ ຜ່ານມາໜ່ວຍຍາມຊາຍຝັ່ງຟີລິບປິນປະກາດໃຫ້ຮູ້ວ່າ:ກຳປັ່ນບັນທຸກນ້ຳມັນລຳໜຶ່ງໄດ້ຈົມລົງນອກຝັ່ງທະເລເມືອງມາຣີເວສແຂວງບາຕາອານ, ທາງພາກຕາເວັນຕົກຂອງນະຄອນຫຼວງມະນີລາ.
ຂ່າວລະບຸວ່າ: ໂຄສົກທະຫານຊາຍຝັ່ງຟີລິບປິນ, ພົນເຮືອເອກ ອາມານໂດ ບາລິໂລ ໃຫ້ຮູ້ວ່າ:ກຳປັ່ນບັນທຸກນ້ຳມັນ MTKR Jason Bradley ໄດ້ຈົມລົງໃນເວລາ 17:00 ໂມງຂອງວັນທີ 27 ກໍລະກົດ ຜ່ານມາ (ຕາມເວລາທ້ອງຖິ່ນ).ເຮືອປ້ອງກັນຊາຍຝັ່ງທະເລ 3 ລຳໄດ້ໄປຮອດບ່ອນເກີດອຸບັດເຫດແລະພົບກຳປັ່ນທີ່ຈົມແລ້ວ.ທີມງານຄົ້ນຄວ້າໄດ້ຢືນຢັນວ່າມີການຮົ່ວໄຫຼຂອງນ້ໍາມັນຢູ່ໃນພື້ນທີ່ນີ້ແລະກໍາລັງປະຕິບັດເກັບກູ້ນ້ໍາມັນຄືນເພື່ອບໍ່ໃຫ້ຄາບນ້ໍາມັນແຜ່ລາມອອກໄປ. ການປະຕິບັດງານກູ້ໄພຄາດວ່າຈະໃຊ້ເວລາ 1-2 ອາທິດ.
ທ່ານ ອາມານໂດ ບາລິໂລ ຍັງປະກາດວ່າ:ທາງການຟີລິບປິນ ຕ້ອງເລື່ອນເວລາການເກັບກູ້ນໍ້າມັນຈາກເຮືອກຳປັ່ນບັນທຸກ MT Terra Nova ທີ່ຈົມລົງໄປກ່ອນໜ້ານີ້ໃນອ່າວມານີລາ ໂດຍມີຄວາມກັງວົນວ່າຈະເກີດໄພພິບັດທາງສິ່ງແວດລ້ອມເພີ່ມຂຶ້ນ ເມື່ອມີນ້ຳມັນຮົ່ວໄຫຼເຂົ້າຝັ່ງ.ການດູດນ້ຳມັນເຊື້ອໄຟອຸດສາຫະກຳ 1,4 ລ້ານລິດຈາກຫ້ອງໂດຍສານຂອງເຮືອກຳປັ່ນ MT Terra Nova ຈະຖືກເລື່ອນໄປຈົນຮອດວັນທີ 30 ກໍລະກົດ ນີ້ ເພື່ອໃຫ້ບັນດານັກດຳນ້ຳສາມາດປິດວາວທີ່ຮົ່ວໄດ້ກ່ອນ 9 ຈຸດ.ເຖິງວ່າສະພາບອາກາດຈະບໍ່ດີກໍຕາມ, ແຕ່ບັນດານັກດຳນ້ຳກຳລັງພະຍາຍາມປິດວາວເຫຼົ່ານັ້ນໃນວັນທີ 29 ກໍລະກົດ ເພື່ອປ້ອງກັນການຮົ່ວໄຫຼຂອງນ້ຳມັນຕື່ມອີກ. ອຸບັັດເຫດ 2 ຄັ້ງນີ້ເຮັດໃຫ້ຟີລິບປິນ ປະເຊີນກັບຄວາມສ່ຽງຕໍ່ການຮົ່ວໄຫຼຂອງນ້ຳມັນທີ່ຮ້າຍແຮງທີ່ສຸດເທົ່າທີ່ເຄີຍມີມາ.
ເຮືອກຳປັ່ນຫຼົ້ມໄດ້ເກີດຂຶ້ນທ່າມກາງຝົນຕົກໜັກພາຍໃຕ້ອິດທິພົນຂອງພາຍຸໄຕ້ຝຸ່ນເກມິ(Gaemi)ບວກກັບລົມມໍລະສຸມທີ່ພັດເຂົ້ານະຄອນຫຼວງມະນີລາ ແລະເຂດອ້ອມຂ້າງ.
ໜ່ວຍຍາມຝັ່ງໄດ້ເຕືອນວ່າ: ຖ້ານ້ຳມັນທັງໝົດໄຫຼຮົ່ວອອກ ຈະເຮັດໃຫ້ເກີດໄພພິບັດທາງສິ່ງແວດລ້ອມ.ອົງການດັ່ງກ່າວຍັງໄດ້ຮຽກຮ້ອງໃຫ້ຊາວປະມົງຢຸດການຫາປາຊົ່ວຄາວໃນອ່າວມະນິລາເພື່ອຫຼີກເວັ້ນການບໍລິໂພກປາທີ່ປົນເປື້ອນ.
ຂ່າວລະບຸວ່າ: ໂຄສົກທະຫານຊາຍຝັ່ງຟີລິບປິນ, ພົນເຮືອເອກ ອາມານໂດ ບາລິໂລ ໃຫ້ຮູ້ວ່າ:ກຳປັ່ນບັນທຸກນ້ຳມັນ MTKR Jason Bradley ໄດ້ຈົມລົງໃນເວລາ 17:00 ໂມງຂອງວັນທີ 27 ກໍລະກົດ ຜ່ານມາ (ຕາມເວລາທ້ອງຖິ່ນ).ເຮືອປ້ອງກັນຊາຍຝັ່ງທະເລ 3 ລຳໄດ້ໄປຮອດບ່ອນເກີດອຸບັດເຫດແລະພົບກຳປັ່ນທີ່ຈົມແລ້ວ.ທີມງານຄົ້ນຄວ້າໄດ້ຢືນຢັນວ່າມີການຮົ່ວໄຫຼຂອງນ້ໍາມັນຢູ່ໃນພື້ນທີ່ນີ້ແລະກໍາລັງປະຕິບັດເກັບກູ້ນ້ໍາມັນຄືນເພື່ອບໍ່ໃຫ້ຄາບນ້ໍາມັນແຜ່ລາມອອກໄປ. ການປະຕິບັດງານກູ້ໄພຄາດວ່າຈະໃຊ້ເວລາ 1-2 ອາທິດ.
ທ່ານ ອາມານໂດ ບາລິໂລ ຍັງປະກາດວ່າ:ທາງການຟີລິບປິນ ຕ້ອງເລື່ອນເວລາການເກັບກູ້ນໍ້າມັນຈາກເຮືອກຳປັ່ນບັນທຸກ MT Terra Nova ທີ່ຈົມລົງໄປກ່ອນໜ້ານີ້ໃນອ່າວມານີລາ ໂດຍມີຄວາມກັງວົນວ່າຈະເກີດໄພພິບັດທາງສິ່ງແວດລ້ອມເພີ່ມຂຶ້ນ ເມື່ອມີນ້ຳມັນຮົ່ວໄຫຼເຂົ້າຝັ່ງ.ການດູດນ້ຳມັນເຊື້ອໄຟອຸດສາຫະກຳ 1,4 ລ້ານລິດຈາກຫ້ອງໂດຍສານຂອງເຮືອກຳປັ່ນ MT Terra Nova ຈະຖືກເລື່ອນໄປຈົນຮອດວັນທີ 30 ກໍລະກົດ ນີ້ ເພື່ອໃຫ້ບັນດານັກດຳນ້ຳສາມາດປິດວາວທີ່ຮົ່ວໄດ້ກ່ອນ 9 ຈຸດ.ເຖິງວ່າສະພາບອາກາດຈະບໍ່ດີກໍຕາມ, ແຕ່ບັນດານັກດຳນ້ຳກຳລັງພະຍາຍາມປິດວາວເຫຼົ່ານັ້ນໃນວັນທີ 29 ກໍລະກົດ ເພື່ອປ້ອງກັນການຮົ່ວໄຫຼຂອງນ້ຳມັນຕື່ມອີກ. ອຸບັັດເຫດ 2 ຄັ້ງນີ້ເຮັດໃຫ້ຟີລິບປິນ ປະເຊີນກັບຄວາມສ່ຽງຕໍ່ການຮົ່ວໄຫຼຂອງນ້ຳມັນທີ່ຮ້າຍແຮງທີ່ສຸດເທົ່າທີ່ເຄີຍມີມາ.
ເຮືອກຳປັ່ນຫຼົ້ມໄດ້ເກີດຂຶ້ນທ່າມກາງຝົນຕົກໜັກພາຍໃຕ້ອິດທິພົນຂອງພາຍຸໄຕ້ຝຸ່ນເກມິ(Gaemi)ບວກກັບລົມມໍລະສຸມທີ່ພັດເຂົ້ານະຄອນຫຼວງມະນີລາ ແລະເຂດອ້ອມຂ້າງ.
ໜ່ວຍຍາມຝັ່ງໄດ້ເຕືອນວ່າ: ຖ້ານ້ຳມັນທັງໝົດໄຫຼຮົ່ວອອກ ຈະເຮັດໃຫ້ເກີດໄພພິບັດທາງສິ່ງແວດລ້ອມ.ອົງການດັ່ງກ່າວຍັງໄດ້ຮຽກຮ້ອງໃຫ້ຊາວປະມົງຢຸດການຫາປາຊົ່ວຄາວໃນອ່າວມະນິລາເພື່ອຫຼີກເວັ້ນການບໍລິໂພກປາທີ່ປົນເປື້ອນ.
