ໃນວັນທີ 20 ສິງຫານີ້ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສ ເກົາຫຼີ ໄດ້ເປັນເຈົ້າພາບຮ່ວມຈັດກອງປະຊຸມເວທີພົບປະພາກທຸລະກິດແມ່ນໍ້າຂອງ-ສເກົາຫຼີ ຄັ້ງທີ 12ຂຶ້ນທີ່ນະຄອນຫຼວງວຽງຈັນ ພາຍໃຕ້ຫົວຂໍ້: “ການສ້າງຄວາມອາດສາມາດຂອງບັນດາຫົວໜ່ວຍວິສາຫະກິດຂະໜາດນ້ອຍ ແລະ ກາງ ເພື່ອສົ່ງເສີມການເຊື່ອມໂຍງໃນພາກພື້່ນແມ່ນ້ຳຂອງ - “Capacity Building of SMEs to Enhance Connectivity in the Mekong Region”,ໂດຍການເປັນປະທານຮ່ວມກ່າວເປີດກອງປະຊຸມຂອງ ທ່ານບຸນເຫຼືອພັນດານຸວົງຮອງລັດຖະມົນຕີກະຊວງການຕ່າງປະເທດແຫ່ງ ສປປ ລາວແລະທ່ານຊຸງ ບະຍອງ ວອນ (Chung Byung-won)ຮອງລັດຖະມົນຕີກະຊວງການຕ່າງປະເທດແຫ່ງ ສເກົາຫຼີ; ມີບັນດາຜູ້ຕາງໜ້າຈາກພາກລັດ ແລະ ພາກເອກະຊົນ ຈາກບັນດາປະເທດສະມາຊິກແມ່ນໍ້າຂອງ(ກຳປູເຈຍ, ລາວ, ມຽນມາ, ໄທ, ຫວຽດນາມ) ແລະ ສເກົາຫຼີ ເຂົ້າຮ່ວມ.
ຈຸດປະສົງຂອງກອງປະຊຸມເວທີພົບປະພາກທຸລະກິດແມ່ນໍ້າຂອງ-ສເກົາຫຼີ ຄັ້ງນີ້ ແມ່ນເພື່ອເປີດໂອກາດໃຫ້ພາກລັດ ແລະ ພາກເອກະຊົນ ຂອງບັນດາປະເທດແມ່ນໍ້າຂອງ-ສເກົາຫຼີ ໄດ້ພົບປະປຶກສາຫາລື, ແລກປ່ຽນບົດຮຽນ ແລະ ຂໍ້ມູນຂ່າວສານໃນການແກ້ໄຂຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆ ເພື່ອພັດທະນາຄວາມອາດສາມາດຂອງບັນດາວິສາຫະກິດຂະໜາດນ້ອຍ ແລະ ກາງ (SMEs)ກໍຄືພາກທຸລະກິດຈາກປະເທດສະມາຊິກແມ່ນ້ຳຂອງໃນການຂະຫຍາຍດ້ານການຕະຫຼາດ, ການເຊື່ອມໂຍງທາງດ້ານການຄ້າ ແລະ ສ້າງເຄື່ອຂ່າຍລະຫວ່າງພາກທຸລະກິດໃນພາກພື້ນແມ່ນໍ້າຂອງກັບສເກົາຫຼີ.ກອງປະຊຸມຄັ້ງນີ້ ໄດ້ແບ່ງວາລະປຶກສາຫາລືອອກເປັນ 2 ຫົວຂໍ້ສຳຄັນຄື:
1.ສະພາບການດໍາເນີນທຸລະກິດໃນປັດຈຸບັນຂອງວິສາຫະກິດຂະໜາດນ້ອຍແລະກາງໃນພາກພື້ນແມ່ນໍ້າຂອງແລະສເກົາຫຼີແລະທິດທາງໃນການເພີ່ມທະວີການເຊື່ອມຈອດ.
2.ສົ່ງເສີມຄວາມອາດສາມາດຂອງວິສາຫະກິດຂະໜາດນ້ອຍແລະກາງໂດຍຜ່ານກົນໄກການຮ່ວມມືແມ່ນໍ້າຂອງ-ສເກົາຫຼີ.
ຄ່ຽງຄູ່ກັບພາກປຶກສາຫາລືດ້ານວິຊາການ, ໃນຕອນບ່າຍຂອງວັນດຽວກັນ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ສ ເກົາຫຼີ ໄດ້ຮ່ວມກັນຈັດການພົບປະພາກທຸລະກິດ(1:1 Business Meeting)ເພື່ອເປີດໂອກາດໃຫ້ບັນດາພາກທຸລະກິດ ຈາກປະເທດສະມາຊິກແມ່ນ້ຳຂອງ ແລະ ສ ເກົາຫຼີ ໄດ້ຮ່ວມກັນຊອກຫາຊ່ອງທາງຮ່ວມທຸລະກິດ ໂດຍສະເພາະ ດ້ານການນຳເຂົ້າ ແລະ ສົ່ງອອກສິນຄ້າ ກໍຄື ການຂະຫຍາຍຕະຫຼາດໃນພາກພື້ນ. ໃນໂອກາດນີ້, ວັນທີ 21ສິງຫາ 2024, ບັນດາຜູ້ເຂົ້າຮ່ວມທັງໝົດຍັງຈະໄດ້ໄປຢ້ຽມຢາມບໍລິສັດວຽງຈັນໂລຈິດຊະຕິກທ່າບົກ-ທ່ານາແລ້ງ ແລະ ຢ້ຽມຊົມສະຖານທີ່ທ່ອງທ່ຽວຈຳນວນໜຶ່ງໃນນະຄອນຫຼວງວຽງຈັນຕື່ມອີກ.
ຂອບການຮ່ວມມືແມ່ນໍ້າຂອງ-ສເກົາຫຼີ ສ້າງຕັ້ງຂຶ້ນໃນປີ 2011 ໂດຍມີເປົ້າໝາຍເພື່ອຮັດແໜ້ນການຮ່ວມມືໃນການພັດທະນາດ້ານເສດຖະກິດ ແລະ ສັງຄົມ ລະຫວ່າງ ພາກພື້ນແມ່ນໍ້າຂອງ ແລະ ສ ເກົາຫຼີ, ໂດຍແນໃສ່ການຮ່ວມກັນສ້າງຄວາມຈະເລີນຮຸ່ງເຮືອງ ແລະ ຫຼຸດຜ່ອນຄວາມແຕກໂຕນກັນທາງດ້ານການພັດທະນາ ລະຫວ່າງບັນດາປະເທດແມ່ນໍ້າຂອງເພື່ອປະກອບສ່ວນເຂົ້າໃນການສ້າງປະຊາຄົມອາຊຽນ ບົນພື້ນຖານ 3 ເສົ້້າຄໍ້າ (ເພື່ອປະຊາຊົນ, ເພື່ອຄວາມຈະເລີນຮຸ່ງເຮືອງ ແເລະເພື່ອຄວາມສະຫງົບສຸກ) ແລະ 7 ຂົງເຂດບຸລິມະສິດ (ວັດທະນະທໍາ ແລະ ການທ່ອງທ່ຽວ;ການພັດທະນາຊັບພະຍາກອນມະນຸດ; ກະສິກໍາ ແລະ ພັດທະນາຊົນນະບົດ; ພັດທະນາພື້ນຖານໂຄງລ່າງ; ຂໍ້ມູນຂ່າວສານ ແລະ ເຕັກໂນໂລຊີ;ສິ່ງແວດລ້ອມແລະ ສິ່ງທ້າທາຍແບບໃໝ່).
(ຂ່າວ: ກະຊວງການຕ່າງປະເທດ, ພາບ: ສຸກສະຫວັນ)
ຈຸດປະສົງຂອງກອງປະຊຸມເວທີພົບປະພາກທຸລະກິດແມ່ນໍ້າຂອງ-ສເກົາຫຼີ ຄັ້ງນີ້ ແມ່ນເພື່ອເປີດໂອກາດໃຫ້ພາກລັດ ແລະ ພາກເອກະຊົນ ຂອງບັນດາປະເທດແມ່ນໍ້າຂອງ-ສເກົາຫຼີ ໄດ້ພົບປະປຶກສາຫາລື, ແລກປ່ຽນບົດຮຽນ ແລະ ຂໍ້ມູນຂ່າວສານໃນການແກ້ໄຂຂໍ້ຫຍຸ້ງຍາກ ແລະ ສິ່ງທ້າທາຍຕ່າງໆ ເພື່ອພັດທະນາຄວາມອາດສາມາດຂອງບັນດາວິສາຫະກິດຂະໜາດນ້ອຍ ແລະ ກາງ (SMEs)ກໍຄືພາກທຸລະກິດຈາກປະເທດສະມາຊິກແມ່ນ້ຳຂອງໃນການຂະຫຍາຍດ້ານການຕະຫຼາດ, ການເຊື່ອມໂຍງທາງດ້ານການຄ້າ ແລະ ສ້າງເຄື່ອຂ່າຍລະຫວ່າງພາກທຸລະກິດໃນພາກພື້ນແມ່ນໍ້າຂອງກັບສເກົາຫຼີ.ກອງປະຊຸມຄັ້ງນີ້ ໄດ້ແບ່ງວາລະປຶກສາຫາລືອອກເປັນ 2 ຫົວຂໍ້ສຳຄັນຄື:
1.ສະພາບການດໍາເນີນທຸລະກິດໃນປັດຈຸບັນຂອງວິສາຫະກິດຂະໜາດນ້ອຍແລະກາງໃນພາກພື້ນແມ່ນໍ້າຂອງແລະສເກົາຫຼີແລະທິດທາງໃນການເພີ່ມທະວີການເຊື່ອມຈອດ.
2.ສົ່ງເສີມຄວາມອາດສາມາດຂອງວິສາຫະກິດຂະໜາດນ້ອຍແລະກາງໂດຍຜ່ານກົນໄກການຮ່ວມມືແມ່ນໍ້າຂອງ-ສເກົາຫຼີ.
ຄ່ຽງຄູ່ກັບພາກປຶກສາຫາລືດ້ານວິຊາການ, ໃນຕອນບ່າຍຂອງວັນດຽວກັນ ສະພາການຄ້າ ແລະ ອຸດສາຫະກຳ ແຫ່ງຊາດລາວ ແລະ ສ ເກົາຫຼີ ໄດ້ຮ່ວມກັນຈັດການພົບປະພາກທຸລະກິດ(1:1 Business Meeting)ເພື່ອເປີດໂອກາດໃຫ້ບັນດາພາກທຸລະກິດ ຈາກປະເທດສະມາຊິກແມ່ນ້ຳຂອງ ແລະ ສ ເກົາຫຼີ ໄດ້ຮ່ວມກັນຊອກຫາຊ່ອງທາງຮ່ວມທຸລະກິດ ໂດຍສະເພາະ ດ້ານການນຳເຂົ້າ ແລະ ສົ່ງອອກສິນຄ້າ ກໍຄື ການຂະຫຍາຍຕະຫຼາດໃນພາກພື້ນ. ໃນໂອກາດນີ້, ວັນທີ 21ສິງຫາ 2024, ບັນດາຜູ້ເຂົ້າຮ່ວມທັງໝົດຍັງຈະໄດ້ໄປຢ້ຽມຢາມບໍລິສັດວຽງຈັນໂລຈິດຊະຕິກທ່າບົກ-ທ່ານາແລ້ງ ແລະ ຢ້ຽມຊົມສະຖານທີ່ທ່ອງທ່ຽວຈຳນວນໜຶ່ງໃນນະຄອນຫຼວງວຽງຈັນຕື່ມອີກ.
ຂອບການຮ່ວມມືແມ່ນໍ້າຂອງ-ສເກົາຫຼີ ສ້າງຕັ້ງຂຶ້ນໃນປີ 2011 ໂດຍມີເປົ້າໝາຍເພື່ອຮັດແໜ້ນການຮ່ວມມືໃນການພັດທະນາດ້ານເສດຖະກິດ ແລະ ສັງຄົມ ລະຫວ່າງ ພາກພື້ນແມ່ນໍ້າຂອງ ແລະ ສ ເກົາຫຼີ, ໂດຍແນໃສ່ການຮ່ວມກັນສ້າງຄວາມຈະເລີນຮຸ່ງເຮືອງ ແລະ ຫຼຸດຜ່ອນຄວາມແຕກໂຕນກັນທາງດ້ານການພັດທະນາ ລະຫວ່າງບັນດາປະເທດແມ່ນໍ້າຂອງເພື່ອປະກອບສ່ວນເຂົ້າໃນການສ້າງປະຊາຄົມອາຊຽນ ບົນພື້ນຖານ 3 ເສົ້້າຄໍ້າ (ເພື່ອປະຊາຊົນ, ເພື່ອຄວາມຈະເລີນຮຸ່ງເຮືອງ ແເລະເພື່ອຄວາມສະຫງົບສຸກ) ແລະ 7 ຂົງເຂດບຸລິມະສິດ (ວັດທະນະທໍາ ແລະ ການທ່ອງທ່ຽວ;ການພັດທະນາຊັບພະຍາກອນມະນຸດ; ກະສິກໍາ ແລະ ພັດທະນາຊົນນະບົດ; ພັດທະນາພື້ນຖານໂຄງລ່າງ; ຂໍ້ມູນຂ່າວສານ ແລະ ເຕັກໂນໂລຊີ;ສິ່ງແວດລ້ອມແລະ ສິ່ງທ້າທາຍແບບໃໝ່).
(ຂ່າວ: ກະຊວງການຕ່າງປະເທດ, ພາບ: ສຸກສະຫວັນ)
