ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ລະດັບການເຕີບໂຕຂອງເສດຖະກິດຫວຽດນາມ ປີ 2025ຄາດວ່າຈະສູງກວ່າປີ2024, ຍ້ອນການຟື້ນຟູໃນການເຄື່ອນໄຫວສົ່ງອອກ,ສິນຄ້າປະເພດປະດິດສ້າງ, ປຸງແຕ່ງ, ການທ່ອງທ່ຽວ, ການບໍລິໂພກແລະການລົງທຶນ, ຕາມບົດລາຍງານໃໝ່ຂອງທະນາຄານໂລກ (WB) ທີ່ໄດ້ປະກາດເມື່ອບໍ່ດົນມານີ້ຢູ່ຮ່າໂນ້ຍ. ເສດຖະກິດຫວຽດນາມຄາດວ່າຈະບັນລຸລະດັບເຕີບ​ໂຕ6,1%ໃນປີ2024 ແລະ6,5%ໃນປີ2025 ແລະ2026, ສູງກວ່າເມື່ອທຽບໃສ່ກັບລະດັບ5%ຂອງປີ2023.

ຂ່າວລະບຸວ່າ: ບົດລາຍງານສະແດງໃຫ້ເຫັນຄວາມສາມາດໃນການຮັບມືຂອງເສດຖະກິດຫວຽດນາມໃນສະພາບການສິ່ງທ້າທາຍທີ່ນັບມື້ນັບເພີ່ມຂຶ້ນໃນທົ່ວໂລກ. ດ້ວຍຫົວຂໍ້:“ບືນຕົວຂຶ້ນສູ່ລະດັບສູງໃໝ່ໃນຕະຫຼາດທຶນຮອນ”, ບົດລາຍງານໄດ້ຮັບຮູ້ພື້ນຖານເສດຖະກິດຍັງບໍ່ທັນກັບຄືນສູ່ລະດັບການເຕີບໂຕຄືໃນໄລຍະກ່ອນເກີດພະຍາດໂຄວິດ - 19. ດັ່ງນັ້ນຕ້ອງຍູ້ແຮງການລົງທຶນສາທາລະນະເພື່ອກະຕຸກຊຸກຍູ້ໃນໄລຍະສັ້ນ, ທັງປະກອບສ່ວນແກ້ໄຂບັນດາບັນຫາຂາດເຂີນພື້ນຖານໂຄງລ່າງ - ພິເສດແມ່ນໃນຂົງເຂດພະລັງງານ, ຄົມມະນາຄົມແລະ ຂົນສົ່ງ (logistics). ໄປຄຽງຄູ່ກັນນັ້ນ, ບົດລາຍງານກໍຖືວ່າຕ້ອງຕິດຕາມຄຸນນະພາບຊັບສິນຂອງບັນດາທະນາຄານຢ່າງໃກ້ຊິດຍ້ອນໜິ້ເສຍພວມມີທ່າອ່ຽງເພີ່ມຂຶ້ນ.