​ຂ່າວສານ​ຊີ​ອາ​ໄອ​ ລາຍງານໃນວັນທີ 28 ສິງຫາ ຜ່ານມາວ່າ:ກອງປະຊຸມຄວາມສິວິໄລດ້ານອິນເຕີເນັດຈີນ2024ພາຍໃຕ້ຫົວຂໍ້ “ເຊີດຊູຈິດໃຈຍຸກສະໄໝເພື່ອຮ່ວມກັນສ້າງຄວາມສິວິໄລດ້ານອິນເຕີເນັດ”ໄດ້ຈັດຂຶ້ນຢູ່ນະຄອນເສີງຕູ່ແຂວງເສສວນຈີນ.

ບັນດາແຂກທີ່ເຂົ້າຮ່ວມກອງປະຊຸມໄດ້ກ່າວຢືນຢັນວ່າ: ຄວນຢຶດໝັ້ນຖືເອົາແນວຄິດສີຈິ້ນຜິງດ້ານວັດທະນະທຳ ແລະ ແນວຄິດສຳຄັນຂອງທ່ານສີຈິ້ນຜິງກ່ຽວກັບການສ້າງສາປະເທດເຂັ້ມແຂງດ້ານອິນເຕີເນັດນັ້ນເປັນທິດຊີ້ນຳ, ກຳແໜ້ນທິດທາງທີ່ຖືກຕ້ອງແຫ່ງການສ້າງຄວາມສິວິໄລດ້ານອິນເຕີເນັດ, ພັດທະນາວັດທະນະທຳອິນເຕີເນັດທີ່ຕັ້ງໜ້າ ແລະ ປອດໃສຢ່າງບໍ່ຢຸດຢັ້ງ, ບູລະນະກົນໄກວຽກງານສ້າງຄວາມສິວິໄລດ້ານອິນເຕີເນັດໃຫ້ສົມບູນ, ຊຸກຍູ້ການສ້າງສະພາບການໃໝ່ແຫ່ງການສ້າງຄວາມສີວິໄລດ້ານອິນເຕີເນັດໃນຍຸກໃໝ່ຢ່າງບໍ່ຢຸດຢັ້ງ.