ຂ່າວສານຫວຽດນາມລາຍງານວ່າ: ໃນວັນທີ 28 ສິງຫາ ຜ່ານມາ, ອົງການຊັບສິນທາງປັນຍາໂລກ (WIPO) ໄດ້ເຜີຍແຜ່ເອກະສານສະບັບໃໝ່ກ່ຽວກັບດັດຊະນີນະວັດຕະກຳໂລກ (GII) ຊຶ່ງໄດ້ປະເມີນສອງນະຄອນຄື: ໂຕກຽວ ແລະ ໂຢໂກຮາມາ ຂອງຍີ່ປຸ່ນ ເປັນເມືອງແຖວໜ້າດ້ານວິທະຍາສາດ ແລະ ເຕັກໂນໂລຊີ ໃຫຍ່ທີ່ສຸດ​ຂອງ​ໂລກໃນ​​ປີ 2024.

ຂ່າວລະບຸວ່າ: ບົດ​ລາຍ​ງານ​ຂອງ WIPO ຍັງ​ສະ​ແດງ​ໃຫ້​ເຫັນ​ວ່າ, ສອງເມືອງ​ຂອງ​ຈີນ​ຄື: ຮົງກົງ ແລະກວາງໂຈ ​ເປັນ​ອັນ​ດັບ​ທີ 2, ໃນຂະນະ​ທີ່ ​ປັກ​ກິ່ງ ​ໄດ້​ລື່ນ​ກາຍ ນະຄອນຫຼວງເຊອູນ ສ ເກົາຫຼີ ຂຶ້ນ​ເປັນ​ອັນ​ດັບ​ທີ 3.

WIPO ອົງການຂອງສະຫະປະຊາຊາດຮັບຜິດຊອບສິດທິບັດ ແລະ ນະວັດຕະກໍາ ໃຫ້ຮູ້ວ່າ: ຈີນ ເປັນຜູ້ນຳໜ້າທີ່ມີກຸ່ມວິທະຍາສາດ ແລະ ເຕັກໂນໂລຊີ 26 ກຸ່ມ ໃນ 100 ອັນດັບ ຊຶ່ງຫຼາຍທີ່ສຸດເປັນປີທີສອງຕິດຕໍ່ກັນ, ຖັດມາແມ່ນ ອາເມຣິກາ ມີ 20 ກຸ່ມ.

ບົດລາຍງານສະບັບໃໝ່ຂອງ WIPO ຍັງເຜີຍແຜ່ການຈັດອັນດັບປະຈໍາປີຂອງ 100 ກຸ່ມວິທະຍາສາດ ແລະເຕັກໂນໂລຊີທີ່ນໍາໃຊ້ຂໍ້ມູນຄໍາຮ້ອງສະໝັກສິດທິບັດ ແລະ ສິ່ງພິມວິທະຍາສາດ ເພື່ອກໍານົດກິດຈະກໍາວິທະຍາສາດແລະເຕັກໂນໂລຊີ ຂອງບໍລິສັດຊັ້ນນໍາຂອງໂລກ.

2 ກຸ່ມອັນດັບຕົ້ນໆລວມກັນກວມເອົາເກືອບ 20% ຂອງການຍື່ນຂໍສິດທິບັດໃນທົ່ວໂລກ, ນໍາໂດຍບໍລິສັດ Mitsubishi Electric ຂອງຍີ່ປຸ່ນ ແລະ ບໍລິສັດໂທລະຄົມຍັກໃຫຍ່ Huawei ຂອງຈີນ.