ຂ່າວຕ່າງປະເທດລາຍງານ ໃນວັນທີ 27 ສິງຫາ ຜ່ານມາ,ຫ້ອງການ​ສະ​ຖິ​ຕິແຫ່ງຊາດ ສ ​ເກົາ​ຫຼີ​ ເປີດ​ເຜີຍ​ໃຫ້​ຮູ້​ວ່າ: ​ເນື້ອທີ່​ປູກ​ເຂົ້າ​ຂອງ​ ສ ເກົາ​ຫຼີ​ ຫຼຸດລົງເປັນ​ສະຖິຕິຕໍ່າສຸດໃນປີນີ້ ​ໃນທ່າມກາງ​ການບໍລິໂພກພາຍໃນປະເທດທີ່ຫຼຸດລົງຢ່າງຕໍ່ເນື່ອງ, ໂດຍເນື້ອທີ່ປູກເຂົ້າຂອງ ສ ເກົາຫຼີ ໃນປີ 2024 ລວມມີ 697.714 ເຮັກຕາ ຫຼຸດລົງ 1,5% ເມື່ອທຽບກັບປີກ່ອນ.

ຫ້ອງການສະຖິຕິແຫ່ງຊາດ ສ ເກົາຫຼີ ລະບຸວ່າ: ໃນປີ 2004 ເນື້ອທີ່ປູກເຂົ້າຂອງ ສ ເກົາຫຼີ ລວມມີ 1 ລ້ານເຮັກຕາ ກ່ອນຈະຫຼຸດລົງເຫຼືອ 815.506 ເຮັກຕາ ໃນປີ 2014 ແລະ ຫຼຸດລົງຕໍ່າກວ່າ 700.000 ເຮັກຕາ ເປັນຄັ້ງທຳອິດໃນປີນີ້ ແລະ ເຂົ້າຍັງເປັນອາຫານຫຼັກຂອງ ສ ເກົາຫຼີ ແຕ່ການບໍລິໂພກກັບຫຼຸດລົງ ເນື່ອງຈາກພຶດຕິກຳການກິນທີ່ປ່ຽນແປງໄປ.

ນອກຈາກນີ້, ເນື່ອງຈາກຕົ້ນທຶນການຜະລິດເພີ່ມສູງຂຶ້ນ ເຮັດໃຫ້ເນື້ອທີ່ປູກໝາກເຜັດ ຂອງ ສ ເກົາຫຼີ ຫຼຸດລົງ 2,6% ໃນໄລຍະປີທີ່ຜ່ານມາ ເຫຼືອ 26.436 ເຮັກຕາໃນປີ 2024.