ຂ່າວຕ່າງປະເທດລາຍງານ ໃນວັນທີ 2 ກັນຍາ ຜ່ານມາ, ທ່ານ ໂມຮຳເໝັດ ຊາອິດ ລັດຖະມົນຕີ ກະຊວງເສດຖະກິດ ແລະການຄ້າ ຂອງ ມານດິວ (Maldives)ເປີດເຜີຍວ່າ:ລັດຖະບານມານດິວໄດ້ຍື່ນຂໍ້ສະເໜີເພື່ອນຳ PayPal ຊຶ່ງເປັນລະບົບຊຳລະເງິນອອນລາຍ ທີ່ນຳໃຊ້ກັນຢ່າງແຜ່ຫຼາຍໃນຫຼາຍປະເທດ ເຂົ້າມາໃຊ້ງານໃນມານດິວ.

ທ່ານ ຊາອິດ ລະບຸວ່າ: ປັດຈຸບັນຜູ້ໃຊ້PayPal ໃນມານດິວ ສາມາດໂອນເງິນ ແຕ່ບໍ່ສາມາດຮັບເງິນຜ່ານແພລັດຟອມນີ້ໄດ້ ລັດຖະບານຈຶ່ງສະເໜີໄປຍັງ PayPal Holdings ແລ້ວ ເມື່ອບໍ່ດົນມານີ້ ແລະ ມີທ່າອ່ຽງທີ່ດີທີ່ຈະບັນລຸຂໍ້ຕົກລົງກັບ PayPalໃນໄວໆນີ້.

ໃນເດືອນສິງຫາ ຜ່ານມາ, ທ່ານ ຊາອິດໄດ້ປຶກສາຫາລືກັບຕົວແທນຈາກPayPal Holdin ເພື່ອຈັດການກັບຄວາມທ້າທາຍໃນການເປີດໃຫ້ບໍລິການPayPalໃນມັນດິວ.