ດ້ວຍການເຕີບໂຕຢ່າງແຂງແຮງຂອງຂົງເຂດການຄ້າເອເລັກໂຕນິກ, ມີວິສາຫະກິດຫວຽດນາມ ຫຼາຍແຫ່ງພວມລົງທຶນເຂົ້າໃນການພັດທະນາບັນດາຊ່ອງທາງຂາຍເຄື່ອງແບບທາງໄກ. ນີ້ຖືວ່າແມ່ນເໝາະສົມກັບຄວາມນິຍົມ, ວິທີການສຳຜັດກັບລູກຄ້າຢ່າງມີປະສິດທິຜົນ ແລະ ໄວກວ່າ.

ບົດລາຍງານການຄ້າເອເລັກໂຕນິກ ຢູ່ພາກພື້ນອາຊີຕາເວັນອອກສ່ຽງໃຕ້ໂດຍອົງການ OpenGov Asiaປະກາດຫວ່າງມໍ່ໆມານີ້ ໄດ້ສະແດງໃຫ້ເຫັນວ່າ: ຫວຽດນາມ ພວມພົ້ນເດັ່ນຂຶ້ນແມ່ນຕະຫຼາດການຄ້າເອເລັກໂຕນິກພັດທະນາໄວທີ່ສຸດຢູ່ອາຊີຕາເວັນອອກສ່ຽງໃຕ້. ໃນ 4 ປີຜ່ານມາ, ຕະຫຼາດການຄ້າເອເລັກໂຕນິກ ຫວຽດນາມ ມີລະດັບການເຕີບໂຕປົກກະຕິ ຊຶ່ງໄລ່ສະເລ່ຍໃນແຕ່ລະປີຢູ່ລະດັບສູງທີ່ສຸດໃນໂລກ ແຕ່ 16 – 30%.

ທ່ານຫວໍຈີແທັງນັກຊ່ຽວຊານດ້ານເສດຖະກິດ ຖືວ່າ:ການພັດທະນາການຄ້າເອເລັກໂຕນິກ ມີຄວາມສາມາດບົ່ມຊ້ອນ ແລະ ແມ່ນໂອກາດທີ່ໃຫຍ່ຫຼວງທີ່ສຸດ. ບໍ່ແມ່ນບັງເອີນພວກເຮົາຖືການຫັນເປັນດີຈີຕອນ, ການພັດທະນາເສດຖະກິດດີຈີຕອນແມ່ນກາລະໂອກາດທີ່ດີສຳລັບຫວຽດນາມ ຊຶ່ງແມ່ນປະເທດມີການພັດທະນາທາງຫຼັງ ອາດຈະພັດທະນາເທົ່າທຽບກັນກັບຍຸກສະໄໝ, ກັບບັນດາປະເທດ. ອາດເວົ້າໄດ້ວ່າ ການຄ້າເອເລັກໂຕນິກແມ່ນພາກສ່ວນທີ່ສຳຄັນທີ່ສຸດຂອງພື້ນຖານເສດຖະກິດດີຈີຕອນ.