ສູນຄົ້ນຄວ້າຈີນ ມະຫາວິທະຍາໄລແຫ່ງຊາດ (ມຊ) ໄດ້ຮັບການຊີ້ນໍາຈາກສຳນັກພິມຈໍາໜ່າຍພາສາຕ່າງປະເທດ ສປ ຈີນ ແລະ ໄດ້ຮັບການສະໜັບສະໜູນຈາກ ມຊ, ອົງການພິມຈຳໜ່າຍພາສາຕ່າງປະເທດ-ສູນເຜີຍແຜ່ຂໍ້ມູນຂ່າວສານອາຊີ-ປາຊີຟິກ, ອົງການພິມຈໍາໜ່າຍພາສາຕ່າງປະເທດ-ສໍານັກພິມພາສາຕ່າງປະເທດ, ຄັງປັນຍາແຫ່ງອາຊີ-ປາຊີຟິກໄດ້ຈັດກອງປະຊຸມສົນທະນາຂອງຊາວໜຸ່ມລາວ-ຈີນ ໃນຫົວຂໍ້:ສົ່ງເສີມຄວາມເຂັ້ມແຂງໃຫ້ຊາວໜຸ່ມໄດ້ແລກປ່ຽນຄວາມຄິດເຫັນ ເພື່ອສ້າງອະນາຄົດທີ່ເປັນມິດຕະພາບຕໍ່ກັນ ແລະ ພິທີມອບ-ຮັບປຶ້ມສີຈິ້ນຜິງ ຫຼຸດພົ້ນອອກຈາກຄວາມທຸກຍາກສະບັບພາສາລາວ ໃຫ້ສູນຄົ້ນຄ້ວາຈີນ, ສະຖາບັນຂົງຈື ມຊ ຂຶ້ນໃນວັນທີ 4 ກັນຍານີ້ ທີ່ ມຊ ໃຫ້ກຽດກ່າວມອບໂດຍທ່ານ ຕູ້ຈ້ານຢວນ (Du Zhanyuan) ຫົວໜ້າສໍານັກງານສື່ສານຕ່າງປະເທດ ສປ ຈີນ (CICG) (ປະທານກຸ່ມການສື່ສານສາກົນຈີນ) ແລະ ເປັນກຽດກ່າວຮັບໂດຍທ່ານ ເດຊານຸລາດ ແສນດວງເດດ ວ່າການແທນອະທິການບໍດີ ມຊມີທ່ານ ສິດທິໄຊ ໄຊຍະວົງ ຜູ້ອໍານວຍການສູນຄົ້ນຄວ້າຈີນ, ຜູ້ຕາງໜ້າສະຖາບັນຂົງຈື ມຊ, ໂດຍມີທ່ານ ຮູຄ່າຍໝິນ (Hu Kaimin) ຜູ້ອຳນວຍການສຳນັກພິມ ແລະ ຈຳໜ່າຍພາສາຕ່າງປະເທດຈີນ (ຫົວໜ້າສໍານັກພິມພາສາຕ່າງປະເທດ ສປ ຈີນ), ທ່ານເສີນເຫວີນເກີ່ (Chen Wenge) ຫົວໜ້າຫ້ອງການສູນເຜີຍແຜ່ຂໍ້ມູນຂ່າວສານອາຊີ-ປາຊີຟິກ, ມີຄູ-ອາຈານ, ນັກສຶກສາພ້ອມດ້ວຍພາກສ່ວນກ່ຽວຂ້ອງທັງສອງຝ່າຍລາວ-ຈີນເຂົ້າຮ່ວມເປັນສັກຂີພິຍານ. ປື້ມທີ່ນໍາມາມອບໃນຄັ້ງນີ້ມີຈຳນວນທັງໝົດ 1.000 ເຫຼັ້ມ (ຫົວ).
ທ່ານ ສິດທິໄຊ ໄຊຍະວົງ ກ່າວວ່າ: ໃນຊຸມປີຜ່ານມາ, ມຊໄດ້ມີການພົວພັນກັບຝ່າຍຈີນຕະຫຼອດ. ສູນຄົ້ນຄວ້າຈີນໃນ ມຊ ເປັນອົງການທີ່ສໍາຄັນຂອງປະເທດລາວໃນວຽກງານສຶກສາຄົ້ນຄວ້າສະພາບບັນຫາກ່ຽວກັບປະເທດຈີນ ຊຶ່ງຜົນງານ ແລະ ກິດຈະກຳຕ່າງໆຂອງສູນດັ່ງກ່າວມີບົດບາດອັນສໍາຄັນໃນການຊຸກຍູ້ສົ່ງເສີມມິດຕະພາບລາວ-ຈີນ. ໃນວັນທີ 6 ພະຈິກ 2023, ສະຖານທູດຈີນປະຈຳ ລາວ ແລະ ສໍານັກງານສື່ສານຕ່າງປະເທດ ສປ ຈີນ ເປັນພາກສ່ວນຊີ້ນໍາສູນເຜີຍແຜ່ອາຊີ-ປາຊີຟິກຂອງສຳນັກງານສື່ສານຕ່າງປະເທດ ສປ ຈີນ, ສູນຄົ້ນຄວ້າ “ໜຶ່ງແລວທາງໜຶ່ງເສັ້ນທາງ”ລາວ-ຈີນ, ມຊ, ສະພາການຄ້າຊາວຈີນຕ່າງດ້າວຂອງລາວໄດ້ຮ່ວມກັນຈັດເວທີປາໄສພາຍໃຕ້ຫົວຂໍ້ “ໜຶ່ງແລວທາງໜຶ່ງເສັ້ນທາງເຊື່ອມຈອດກັນ ແລະ ສ້າງຄູ່ຮ່ວມຊາຕາກໍາດຽວລາວ-ຈີນ”, ເວທີປາໄສ ດັ່ງກ່າວໄດ້ປະສົບຜົນສໍາເລັດຢ່າງຈົບງາມ ແລະ ຫວັງວ່າປະເທດລາວກັບປະເທດຈີນຈະຈັດກິດຈະກຳແບບນີ້ຂຶ້ນເລື້ອຍໆເພື່ອສ້າງໂອກາດ ໃຫ້ຊາວໜຸ່ມທັງສອງປະເທດໄດ້ພົວພັນກັນ.
ປີ 2010, ສະຖາບັນຂົງຈືໄດ້ຖືກສ້າງຕັ້ງຂຶ້ນພາຍໃຕ້ການສະໜັບສະໜູນຂອງຝ່າຍຈີນໃນ 14 ປີຜ່ານມາສະຖາບັນຂົງຈືໄດ້ຮັບສອນນັກຮຽນຄົນລາວປະມານ 40.000 ຄົນ. ປັດຈຸບັນນັກຮຽນດັ່ງກ່າວໄດ້ປະກອບວຽກງານຕ່າງໆໃນປະເທດລາວ. ໃນນັ້ນ, ໄດ້ເປັນພະນັກງານຂອງໂຄງການລົດໄຟລາວ-ຈີນ ແລະ ໂຄງການທາງດ່ວນນະຄອນຫຼວງວຽງຈັນ-ວັງວຽງ. ຊາວໜຸ່ມທັງສອງປະເທດໄດ້ເຂົ້າຮ່ວມກິດຈະກຳພົບປະໂອ້ລົມ, ແລກປ່ຽນວັດທະນະທຳ, ງານແຂ່ງຂັນກິລາ ແລະ ອື່ນໆ, ເປັນກຳລັງແຮງໃນການພັດທະນາມິດຕະພາບ ແລະ ວັດທະນະທຳລາວ-ຈີນ.
ທ່ານ ສິດທິໄຊ ໄຊຍະວົງ ຍັງໄດ້ຕາງໜ້າໃຫ້ຄູ-ອາຈານ ແລະ ນັກສຶກສາຂອງ ມຊ ສະແດງຄວາມຂອບໃຈ ແລະ ຄວາມເຄົາລົບນັບຖືມາຍັງຝ່າຍຈີນ. ສໍານັກງານພາສາຕ່າງປະເທດຈີນ ໄດ້ມອບປຶ້ມຄໍາແນະນໍາຂອງທ່ານ ສີຈິ້ນຜິງໃນວຽກງານຊ່ວຍເຫຼືອຄວາມທຸກຍາກລຶບລ້າງຄວາມທຸກຍາກ ເສັ້ນ ທາງແນວຄິດໃໝ່ໃນການພັດທະນາ ແລະ ອື່ນໆ ຊຶ່ງຈະເປັນການປະກອບສ່ວນອັນສໍາຄັນຂອງຊາວໜຸ່ມລາວໄດ້ເຂົ້າໃຈນໍ້າໃຈຂອງກອງປະຊຸມຄົບຄະນະຄັ້ງທີ 3 ຂອງຄະນະບໍລິຫານງານສູນກາງພັກກອມມູນິດຈີນສະໄໝທີ XX ແລະ ເປັນຂໍ້ມູນຄົ້ນຄວ້າ ໃຫ້ເຂົ້າໃຈຢ່າງເລິກເຊິ່ງກ່ຽວກັບແນວຄິດຂອງທ່ານ ສີຈິ້ນຜິງ ວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນສະໄໝໃໝ່ ແລະ ໃຫ້ຊາວໜຸ່ມລາວສາມາດເຂົ້າໃຈວັດທະນະທຳ, ສະພາບຕົວຈິງຂອງປະເທດຈີນ ແລະ ຫວັງວ່າພິທີມອບ-ຮັບປຶ້ມຄັ້ງນີ້, ຈະເປັນໂອກາດທີ່ດີ, ສ້າງສາຍພົວພັນການຮ່ວມມືນໍາສໍານັກງານພາສາຕ່າງປະເທດໃຫ້ແໜ້ນແພ້ນ ແລະ ເລິກເຊິ່ງ, ຊຸກຍູ້ການກໍ່ສ້າງສູນຫໍສະໝຸດລາວ-ຈີນ, ສົ່ງເສີມວຽກງານກິດຈະກຳການແລກປ່ຽນຄວາມຄິດເຫັນຂອງຊາວໜຸ່ມທັງສອງປະເທດ, ເປັນການປະກອບສ່ວນອັນສໍາຄັນໃນການພັດທະນາຄູ່ຮ່ວມຊາຕາກໍາດຽວກັນລາວ-ຈີນ ແລະ ສະແດງຄວາມຂອບໃຈຢ່າງຈິງໃຈມາຍັງທ່ານ ຕູ້ ຈ້ານຢວນ ທີ່ໄດ້ໃຫ້ການສະໜັບສະໜູນຕໍ່ ມຊ ເຊື່ອໝັ້ນວ່າປຶ້ມດັ່ງກ່າວຈະກາຍເປັນຂົວຕໍ່ຂອງການສື່ສານລະຫວ່າງລາວ-ຈີນ, ເປັນກຳລັງແຮງໃນວຽກງານສ້າງຄູ່ຮ່ວມຊາຕາກໍາດຽວລາວ-ຈີນ ແລະ ຂໍໃຫ້ທັງສອງຝ່າຍໄດ້ຈັບມືນໍາກັນພະຍາຍາມຊຸກຍູ້ວຽກງານສ້າງຄູ່ຮ່ວມຊາຕາກໍາດຽວລາວ-ຈີນ ເພື່ອການພັດທະນາຄວາມຈະເລີນ ແລະ ຄວາມຜາສຸກຂອງປະຊາຊົນທັງສອງປະເທດ.
ໃນວາລະກອງປະຊຸມສົນທະນາຂອງຊາວໜຸ່ມລາວ-ຈີນ ໂດຍຜູ້ດໍາເນີນລາຍການມີທ່ານ ຮູຄ່າຍໝິນ, ທ່ານ ຫຼີ່ ຈຽນໝິນ (Li Jianmin) ຜູ້ອໍານວຍການສະຖາບັນຂົງຈື, ມີຕົວແທນນັກສຶກສາລາວ 2 ຄົນ, ຕົວແທນນັກສຶກສາຈີນ 1 ຄົນ.
(ຂ່າວ-ພາບ: ວັນເພັງ+ພູວັນ)
ທ່ານ ສິດທິໄຊ ໄຊຍະວົງ ກ່າວວ່າ: ໃນຊຸມປີຜ່ານມາ, ມຊໄດ້ມີການພົວພັນກັບຝ່າຍຈີນຕະຫຼອດ. ສູນຄົ້ນຄວ້າຈີນໃນ ມຊ ເປັນອົງການທີ່ສໍາຄັນຂອງປະເທດລາວໃນວຽກງານສຶກສາຄົ້ນຄວ້າສະພາບບັນຫາກ່ຽວກັບປະເທດຈີນ ຊຶ່ງຜົນງານ ແລະ ກິດຈະກຳຕ່າງໆຂອງສູນດັ່ງກ່າວມີບົດບາດອັນສໍາຄັນໃນການຊຸກຍູ້ສົ່ງເສີມມິດຕະພາບລາວ-ຈີນ. ໃນວັນທີ 6 ພະຈິກ 2023, ສະຖານທູດຈີນປະຈຳ ລາວ ແລະ ສໍານັກງານສື່ສານຕ່າງປະເທດ ສປ ຈີນ ເປັນພາກສ່ວນຊີ້ນໍາສູນເຜີຍແຜ່ອາຊີ-ປາຊີຟິກຂອງສຳນັກງານສື່ສານຕ່າງປະເທດ ສປ ຈີນ, ສູນຄົ້ນຄວ້າ “ໜຶ່ງແລວທາງໜຶ່ງເສັ້ນທາງ”ລາວ-ຈີນ, ມຊ, ສະພາການຄ້າຊາວຈີນຕ່າງດ້າວຂອງລາວໄດ້ຮ່ວມກັນຈັດເວທີປາໄສພາຍໃຕ້ຫົວຂໍ້ “ໜຶ່ງແລວທາງໜຶ່ງເສັ້ນທາງເຊື່ອມຈອດກັນ ແລະ ສ້າງຄູ່ຮ່ວມຊາຕາກໍາດຽວລາວ-ຈີນ”, ເວທີປາໄສ ດັ່ງກ່າວໄດ້ປະສົບຜົນສໍາເລັດຢ່າງຈົບງາມ ແລະ ຫວັງວ່າປະເທດລາວກັບປະເທດຈີນຈະຈັດກິດຈະກຳແບບນີ້ຂຶ້ນເລື້ອຍໆເພື່ອສ້າງໂອກາດ ໃຫ້ຊາວໜຸ່ມທັງສອງປະເທດໄດ້ພົວພັນກັນ.
ປີ 2010, ສະຖາບັນຂົງຈືໄດ້ຖືກສ້າງຕັ້ງຂຶ້ນພາຍໃຕ້ການສະໜັບສະໜູນຂອງຝ່າຍຈີນໃນ 14 ປີຜ່ານມາສະຖາບັນຂົງຈືໄດ້ຮັບສອນນັກຮຽນຄົນລາວປະມານ 40.000 ຄົນ. ປັດຈຸບັນນັກຮຽນດັ່ງກ່າວໄດ້ປະກອບວຽກງານຕ່າງໆໃນປະເທດລາວ. ໃນນັ້ນ, ໄດ້ເປັນພະນັກງານຂອງໂຄງການລົດໄຟລາວ-ຈີນ ແລະ ໂຄງການທາງດ່ວນນະຄອນຫຼວງວຽງຈັນ-ວັງວຽງ. ຊາວໜຸ່ມທັງສອງປະເທດໄດ້ເຂົ້າຮ່ວມກິດຈະກຳພົບປະໂອ້ລົມ, ແລກປ່ຽນວັດທະນະທຳ, ງານແຂ່ງຂັນກິລາ ແລະ ອື່ນໆ, ເປັນກຳລັງແຮງໃນການພັດທະນາມິດຕະພາບ ແລະ ວັດທະນະທຳລາວ-ຈີນ.
ທ່ານ ສິດທິໄຊ ໄຊຍະວົງ ຍັງໄດ້ຕາງໜ້າໃຫ້ຄູ-ອາຈານ ແລະ ນັກສຶກສາຂອງ ມຊ ສະແດງຄວາມຂອບໃຈ ແລະ ຄວາມເຄົາລົບນັບຖືມາຍັງຝ່າຍຈີນ. ສໍານັກງານພາສາຕ່າງປະເທດຈີນ ໄດ້ມອບປຶ້ມຄໍາແນະນໍາຂອງທ່ານ ສີຈິ້ນຜິງໃນວຽກງານຊ່ວຍເຫຼືອຄວາມທຸກຍາກລຶບລ້າງຄວາມທຸກຍາກ ເສັ້ນ ທາງແນວຄິດໃໝ່ໃນການພັດທະນາ ແລະ ອື່ນໆ ຊຶ່ງຈະເປັນການປະກອບສ່ວນອັນສໍາຄັນຂອງຊາວໜຸ່ມລາວໄດ້ເຂົ້າໃຈນໍ້າໃຈຂອງກອງປະຊຸມຄົບຄະນະຄັ້ງທີ 3 ຂອງຄະນະບໍລິຫານງານສູນກາງພັກກອມມູນິດຈີນສະໄໝທີ XX ແລະ ເປັນຂໍ້ມູນຄົ້ນຄວ້າ ໃຫ້ເຂົ້າໃຈຢ່າງເລິກເຊິ່ງກ່ຽວກັບແນວຄິດຂອງທ່ານ ສີຈິ້ນຜິງ ວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນສະໄໝໃໝ່ ແລະ ໃຫ້ຊາວໜຸ່ມລາວສາມາດເຂົ້າໃຈວັດທະນະທຳ, ສະພາບຕົວຈິງຂອງປະເທດຈີນ ແລະ ຫວັງວ່າພິທີມອບ-ຮັບປຶ້ມຄັ້ງນີ້, ຈະເປັນໂອກາດທີ່ດີ, ສ້າງສາຍພົວພັນການຮ່ວມມືນໍາສໍານັກງານພາສາຕ່າງປະເທດໃຫ້ແໜ້ນແພ້ນ ແລະ ເລິກເຊິ່ງ, ຊຸກຍູ້ການກໍ່ສ້າງສູນຫໍສະໝຸດລາວ-ຈີນ, ສົ່ງເສີມວຽກງານກິດຈະກຳການແລກປ່ຽນຄວາມຄິດເຫັນຂອງຊາວໜຸ່ມທັງສອງປະເທດ, ເປັນການປະກອບສ່ວນອັນສໍາຄັນໃນການພັດທະນາຄູ່ຮ່ວມຊາຕາກໍາດຽວກັນລາວ-ຈີນ ແລະ ສະແດງຄວາມຂອບໃຈຢ່າງຈິງໃຈມາຍັງທ່ານ ຕູ້ ຈ້ານຢວນ ທີ່ໄດ້ໃຫ້ການສະໜັບສະໜູນຕໍ່ ມຊ ເຊື່ອໝັ້ນວ່າປຶ້ມດັ່ງກ່າວຈະກາຍເປັນຂົວຕໍ່ຂອງການສື່ສານລະຫວ່າງລາວ-ຈີນ, ເປັນກຳລັງແຮງໃນວຽກງານສ້າງຄູ່ຮ່ວມຊາຕາກໍາດຽວລາວ-ຈີນ ແລະ ຂໍໃຫ້ທັງສອງຝ່າຍໄດ້ຈັບມືນໍາກັນພະຍາຍາມຊຸກຍູ້ວຽກງານສ້າງຄູ່ຮ່ວມຊາຕາກໍາດຽວລາວ-ຈີນ ເພື່ອການພັດທະນາຄວາມຈະເລີນ ແລະ ຄວາມຜາສຸກຂອງປະຊາຊົນທັງສອງປະເທດ.
ໃນວາລະກອງປະຊຸມສົນທະນາຂອງຊາວໜຸ່ມລາວ-ຈີນ ໂດຍຜູ້ດໍາເນີນລາຍການມີທ່ານ ຮູຄ່າຍໝິນ, ທ່ານ ຫຼີ່ ຈຽນໝິນ (Li Jianmin) ຜູ້ອໍານວຍການສະຖາບັນຂົງຈື, ມີຕົວແທນນັກສຶກສາລາວ 2 ຄົນ, ຕົວແທນນັກສຶກສາຈີນ 1 ຄົນ.
(ຂ່າວ-ພາບ: ວັນເພັງ+ພູວັນ)
