ອີງຕາມການເຊື້ອເຊີນຂອງອົງການໄອຍະການສູງສຸດແຫ່ງສະຫະພັນຣັດເຊຍ,ໃນລະຫວ່າງວັນທີ 1-6 ກັນຍາ 2024 ຄະນະຜູ້ແທນຂັ້ນສູງອົງການໄອຍະການປະຊາຊົນ ແຫ່ງ ສປປ ລາວ, ໄດ້ເດີນທາງໄປຢ້ຽມຢາມ ແລະ ເຮັດວຽກຢ່າງເປັນທາງການ ຢູ່ ສະຫະພັນຣັດເຊຍ ຊຶ່ງໃນວັນທີ 4 ກັນຍາ ນີ້ ຄະນະຜູ້ແທນຂັ້ນສູງ ອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ຊຶ່ງນໍາໂດຍ ທ່ານ ໄຊຊະນະ ໂຄດພູທອນ ກໍາມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ພົບປະກັບ ທ່ານ ອິກໍ ວິກໂຕໂຣວິດ ຄຣາສນອບຫົວໜ້າອົງການໄອຍະການສູງສຸດ ແຫ່ງ ສະຫະພັນຣັດເຊຍ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມ.
ໃນວາລະດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ສະແດງຄວາມຂອບໃຈ ທີ່ໄດ້ຮັບການເຊື້ອເຊີນ ແລະ ການຕ້ອນຮັບອັນອົບອຸ່ນ ເປັນກັນເອງຂອງຄະນະນໍາອົງການໄອຍະການສູງສຸດ ແຫ່ງ ສະຫະພັນລັດເຊຍ ພ້ອມທັງໄດ້ຕີລາຄາສູງ ຕໍ່ການຮ່ວມມືຂອງສອງປະເທດ ທີ່ໄດ້ມີການແລກປ່ຽນຄະນະຜູ້ແທນຂັ້ນສູງ ແລະ ວິຊາການກັນເລື້ອຍໆ ເພື່ອເສີມຂະຫຍາຍສາຍພົວພັນມິດຕະພາບ ທີ່ເປັນຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ສອງຊາດ ລາວ-ຣັດເຊຍ ແລະ ເພື່ອຮັດແໜ້ນຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ເວົ້າລວມ, ເວົ້າສະເພາະ ກໍຄືສອງອົງການໄອຍະການລາວ-ຣັດເຊຍ ໃຫ້ເລິກເຊິ່ງກວ່າເກົ່າ ຊຶ່ງພ້ອມດຽວກັນນັ້ນທັງສອງຝ່າຍກໍໄດ້ຮ່ວມກັນລົງນາມບົດບັນທຶກການຮ່ວມມືສອງຝາຍຂອງສອງອົງການໄອຍະການລາວ-ຣັດເຊຍ,ນອກຈາກນີ້,ທ່ານ ໄຊຊະນະ ໂຄດພູທອນກໍຍັງແຈ້ງສະພາບການພັດທະນາພາຍໃນປະເທດໃຫ້ ທ່ານ ອິກໍ ວິກໂຕໂຣວິດ ຄຣາສນອບຊາບ ຊຶ່ງກໍມີຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ. ໃນປັດຈຸບັນ ລັດຖະບານ ແລະ ສະພາແຫ່ງຊາດ ແມ່ນສຸມໃສ່ປັບປຸງລັດຖະທໍາມະນູນ ເພື່ອໃຫ້ສອດຄ່ອງກັບສະພາບການພັດທະນາ ແລະ ປັດຈຸບັນ ອົງການໄອຍະການປະຊາຊົນສູງສຸດ ກໍໄດ້ຮັບມອບໝາຍຈາກສະພາແຫ່ງຊາດ ໃຫ້ສຸມໃສ່ປັບປຸງ, ສ້າງໃໝ່ ບັນດາກົດໝາຍຈໍານວນໜຶ່ງເຊັ່ນ: ກົດໝາຍວ່າດ້ວຍ ພະນັກງານໄອຍະການປະຊາຊົນ, ກົດໝາຍວ່າດ້ວຍ ການດໍາເນີນຄະດີອາຍາ, ປັບປຸງລັດຖະບັນຍັດວ່າດ້ວຍ ການອະໄພຍະໂທດ ແລະ ສ້າງນິຕິກໍາລຸ່ມກົດໝາຍຈໍານວນໜຶ່ງ.
ການຢ້ຽມຢາມ ແລະ ພົບປະຂອງຄະນະຜູ້ແທນໃນຄັ້ງນີ້ ໄດ້ເປັນພື້ນຖານສໍາຄັນທີ່ເຮັດໃຫ້ວຽກງານໄອຍະການຂອງສອງປະເທດ ໄດ້ຮັບການພັັດທະນາ, ຍົກສູງບົດບາດຄວາມສັກສິດຂອງກົດໝາຍ ໃນການຄຸ້ມຄອງລັດຄຸ້ມຄອງສັງຄົມຂອງສອງປະເທດ ພ້ອມນັ້ນ ສອງຝ່າຍຍັງໄດ້ຕົກລົງ ແລະ ສະໜັບສະໜູນ ຕໍ່ກັບຂໍ້ສະເໜີການຮ່ວມມືວຽກງານໄອຍະການໃນຕໍ່ໜ້າເຊັ່ນ: ໜຶ່ງ.ເພີ່ມທະວີແລກປ່ຽນຢ້ຽມຢາມຄະນະຜູ້ແທນຂັ້ນສູງ ຊຶ່ງກັນ ແລະ ກັນ; ສອງ.ແລກປ່ຽນຄະນະຜູ້ແທນທາງດ້ານວິຊາການ ເພື່ອຖອດຖອນບົດຮຽນໃນວຽກງານການຕ້ານອາຊະຍາກໍາຂ້າມຊາດທີ່ມີການຈັດຕັ້ງ, ຮ່ວມມືທາງອາຍາ, ສົ່ງຜູ້ຮ້າຍຂ້າມແດນ ແລະ ວຽກງານອື່ນໆ ໂດຍຜ່ານຮູບແບບການຝຶກອົບຮົມ, ສໍາມະນາໃນຫົວຂໍ້ສະເພາະ ແລະ ການຝຶກອົບຮົມພະນັກງານໄອຍະການລາວ ຢູ່ຣັດເຊຍ; ສາມ.ແລກປ່ຽນຂໍ້ມູນຂ່າວສານ ແລະ ສະໜອງຂໍ້ມູນກ່ຽວກັບກົດໝາຍ, ນິຕິກຳ ແລະ ວາລະສານ ທີ່ຕິດພັນ ກັບວຽກງານໄອຍະການ ເພື່ອເປັນພື້ນຖານໃຫ້ແກ່ການຮ່ວມມື; ການຄົ້ນຄວ້າ ແລະ ນໍາໃຊ້ເຂົ້າໃນການປະຕິບັດໜ້າທີ່ວິຊາສະເພາະ ໂດຍຜ່ານສະຖາບັນຄົ້ນຄວ້າ ແລະ ຝຶກອົບຮົມໄອຍະການຂອງສອງປະເທດ.
(ຂ່າວ-ພາບ: ອອປສ)
ໃນວາລະດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ສະແດງຄວາມຂອບໃຈ ທີ່ໄດ້ຮັບການເຊື້ອເຊີນ ແລະ ການຕ້ອນຮັບອັນອົບອຸ່ນ ເປັນກັນເອງຂອງຄະນະນໍາອົງການໄອຍະການສູງສຸດ ແຫ່ງ ສະຫະພັນລັດເຊຍ ພ້ອມທັງໄດ້ຕີລາຄາສູງ ຕໍ່ການຮ່ວມມືຂອງສອງປະເທດ ທີ່ໄດ້ມີການແລກປ່ຽນຄະນະຜູ້ແທນຂັ້ນສູງ ແລະ ວິຊາການກັນເລື້ອຍໆ ເພື່ອເສີມຂະຫຍາຍສາຍພົວພັນມິດຕະພາບ ທີ່ເປັນຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ສອງຊາດ ລາວ-ຣັດເຊຍ ແລະ ເພື່ອຮັດແໜ້ນຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ເວົ້າລວມ, ເວົ້າສະເພາະ ກໍຄືສອງອົງການໄອຍະການລາວ-ຣັດເຊຍ ໃຫ້ເລິກເຊິ່ງກວ່າເກົ່າ ຊຶ່ງພ້ອມດຽວກັນນັ້ນທັງສອງຝ່າຍກໍໄດ້ຮ່ວມກັນລົງນາມບົດບັນທຶກການຮ່ວມມືສອງຝາຍຂອງສອງອົງການໄອຍະການລາວ-ຣັດເຊຍ,ນອກຈາກນີ້,ທ່ານ ໄຊຊະນະ ໂຄດພູທອນກໍຍັງແຈ້ງສະພາບການພັດທະນາພາຍໃນປະເທດໃຫ້ ທ່ານ ອິກໍ ວິກໂຕໂຣວິດ ຄຣາສນອບຊາບ ຊຶ່ງກໍມີຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ. ໃນປັດຈຸບັນ ລັດຖະບານ ແລະ ສະພາແຫ່ງຊາດ ແມ່ນສຸມໃສ່ປັບປຸງລັດຖະທໍາມະນູນ ເພື່ອໃຫ້ສອດຄ່ອງກັບສະພາບການພັດທະນາ ແລະ ປັດຈຸບັນ ອົງການໄອຍະການປະຊາຊົນສູງສຸດ ກໍໄດ້ຮັບມອບໝາຍຈາກສະພາແຫ່ງຊາດ ໃຫ້ສຸມໃສ່ປັບປຸງ, ສ້າງໃໝ່ ບັນດາກົດໝາຍຈໍານວນໜຶ່ງເຊັ່ນ: ກົດໝາຍວ່າດ້ວຍ ພະນັກງານໄອຍະການປະຊາຊົນ, ກົດໝາຍວ່າດ້ວຍ ການດໍາເນີນຄະດີອາຍາ, ປັບປຸງລັດຖະບັນຍັດວ່າດ້ວຍ ການອະໄພຍະໂທດ ແລະ ສ້າງນິຕິກໍາລຸ່ມກົດໝາຍຈໍານວນໜຶ່ງ.
ການຢ້ຽມຢາມ ແລະ ພົບປະຂອງຄະນະຜູ້ແທນໃນຄັ້ງນີ້ ໄດ້ເປັນພື້ນຖານສໍາຄັນທີ່ເຮັດໃຫ້ວຽກງານໄອຍະການຂອງສອງປະເທດ ໄດ້ຮັບການພັັດທະນາ, ຍົກສູງບົດບາດຄວາມສັກສິດຂອງກົດໝາຍ ໃນການຄຸ້ມຄອງລັດຄຸ້ມຄອງສັງຄົມຂອງສອງປະເທດ ພ້ອມນັ້ນ ສອງຝ່າຍຍັງໄດ້ຕົກລົງ ແລະ ສະໜັບສະໜູນ ຕໍ່ກັບຂໍ້ສະເໜີການຮ່ວມມືວຽກງານໄອຍະການໃນຕໍ່ໜ້າເຊັ່ນ: ໜຶ່ງ.ເພີ່ມທະວີແລກປ່ຽນຢ້ຽມຢາມຄະນະຜູ້ແທນຂັ້ນສູງ ຊຶ່ງກັນ ແລະ ກັນ; ສອງ.ແລກປ່ຽນຄະນະຜູ້ແທນທາງດ້ານວິຊາການ ເພື່ອຖອດຖອນບົດຮຽນໃນວຽກງານການຕ້ານອາຊະຍາກໍາຂ້າມຊາດທີ່ມີການຈັດຕັ້ງ, ຮ່ວມມືທາງອາຍາ, ສົ່ງຜູ້ຮ້າຍຂ້າມແດນ ແລະ ວຽກງານອື່ນໆ ໂດຍຜ່ານຮູບແບບການຝຶກອົບຮົມ, ສໍາມະນາໃນຫົວຂໍ້ສະເພາະ ແລະ ການຝຶກອົບຮົມພະນັກງານໄອຍະການລາວ ຢູ່ຣັດເຊຍ; ສາມ.ແລກປ່ຽນຂໍ້ມູນຂ່າວສານ ແລະ ສະໜອງຂໍ້ມູນກ່ຽວກັບກົດໝາຍ, ນິຕິກຳ ແລະ ວາລະສານ ທີ່ຕິດພັນ ກັບວຽກງານໄອຍະການ ເພື່ອເປັນພື້ນຖານໃຫ້ແກ່ການຮ່ວມມື; ການຄົ້ນຄວ້າ ແລະ ນໍາໃຊ້ເຂົ້າໃນການປະຕິບັດໜ້າທີ່ວິຊາສະເພາະ ໂດຍຜ່ານສະຖາບັນຄົ້ນຄວ້າ ແລະ ຝຶກອົບຮົມໄອຍະການຂອງສອງປະເທດ.
(ຂ່າວ-ພາບ: ອອປສ)
