ໂດຍ: ຄ. ຄຳປະສິດ
ການພັດທະນາຊັບພະຍາກອນມະນຸດ ຖືເປັນວຽກງານໜຶ່ງທີ່ສຳຄັນ ຕໍ່ການພັດທະນາເສດຖະກິດ-ສັງຄົມຂອງປະເທດ, ເນື່ອງຈາກວ່າ ບຸກຄະລາກອນ ກໍຄື ພະນັກງານ ເປັນສິ່ງຕັດສິນຜົນໄດ້ ຜົນເສຍ ຫຼື ຜົນສຳເລັດ ຫຼື ຫຼົ້ມເຫຼວຂອງວຽກງານນັ້ນໆ.
ສຳລັບ ສປປ ລາວ ເຮົາ ນອກຈາກຈະສ້າງ ແລະ ພັດທະນາຊັບພະຍາກອນມະນຸດຢູ່ພາຍໃນປະເທດແລ້ວ, ຍັງໄດ້ສົ່ງນັກຮຽນ-ນັກສຶກສາ, ຕະຫຼອດຮອດພະນັກງານ, ທະຫານ, ຕຳຫຼວດ ໄປສຶກສາຮ່ຳຮຽນຢູ່ຕ່າງປະເທດ ເພື່ອນຳເອົາຄວາມຮູ້ທີ່ໄດ້ຮຽນມານຳມາປະຍຸກໃຊ້ເຂົ້າໃນວຽກງານຂອງຕົນ ທັງຢູ່ໃນພາກລັດ ແລະ ເອກະຊົນ, ໃນນັ້ນ ສສ ຫວຽດນາມ ຖືວ່າຢູ່ໃນອັນດັບຕົ້ນໆທີ່ກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ແກ່ ສປປ ລາວ ເປັນຈຳນວນຫຼວງຫຼາຍ ໃນແຕ່ລະປີ.
ປັດຈຸບັນ, ຫວຽດນາມ ໄດ້ໃຫ້ທຶນການສຶກສາແກ່ລາວ ຫຼາຍກວ່າ 1.000 ທຶນ/ປີ ແລະ ມາຮອດປັດຈຸບັນ ມີນັກສຶກສາລາວ ຫຼາຍກວ່າ 14.000 ຄົນ ພວມສຶກສາຮໍ່າຮຽນ ຢູ່ໃນສະຖາບັນການສຶກສາ ຂອງຫວຽດນາມ ຫຼາຍກວ່າ 170 ແຫ່ງ.
ນອກຈາກນີ້ ສສ ຫວຽດນາມ ຍັງໄດ້ຊ່ວຍກໍ່ສ້າງ ສະຖານການສຶກສາ ໃຫ້ແກ່ ສປປ ລາວ ຫຼາຍແຫ່ງ ຊຶ່ງຂໍ້ມູນຂອງຄະນະກຳມະການຮ່ວມມືລາວ-ຫວຽດນາມໃນປີ 2023 ໃຫ້ຮູ້ວ່າ: ສສຫວຽດນາມໄດ້ຊ່ວຍເຫຼືອກໍ່ສ້າງສະຖານການສຶກສາແກ່ ສປປລາວຫຼາຍໂຄງການແລະມີຫຼາຍໂຄງການໄດ້ສໍາເລັດແລະ ຖືກນໍາໃຊ້ຢ່າງມີປະສິດທິຜົນ ເຊັ່ນ: ໂຄງການໂຮງຮຽນມັດທະຍົມວິຊາຊີບຕົວແບບມິດຕະພາບ ລາວ-ຫວຽດນາມ ຢູ່ ແຂວງຄໍາມ່ວນ, ໂຄງການໂຮງຮຽນທະຫານນາຍສິບ ຢູ່ ແຂວງໄຊສົມບູນ, ໂຄງການຍົກລະດັບ, ໂຄງການກໍ່ສ້າງໂຮງຮຽນມັດທະຍົມສົມບູນ ເມືອງບຸນເໜືອ ແຂວງຜົ້ງສາລີ ແລະຍັງມີອີກຫຼາຍໂຄງການທີ່ຫວຽດນາມຊ່ວຍເຫຼືອການພັດທະນາຊັບພະຍາກອນມະນຸດແກ່ ສປປລາວ.
ນອກຈາກນີ້ ຫວຽດນາມ ຍັງຊ່ວຍຝຶກອົບຮົມ ໃຫ້ແກ່ພະນັກງານ-ລັດຖະກອນ ຂອງ ສປປ ລາວ ທັງໄລຍະສັ້ນ, ໄລຍະຍາວ ກວມເອົາທຸກຂະແໜງການ ຕັ້ງແຕ່ສູນກາງຮອດທ້ອງຖິ່ນ ຊຶ່ງຂໍ້ມູນທີ່ກ່າວມາຂ້າງເທິງນັ້ນ ໄດ້ຊີ້ໃຫ້ເຫັນວ່າ ສສ ຫວຽດນາມ ໄດ້ຊ່ວຍກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ແກ່ ສປປ ລາວ ເປັນຈຳນວນຫຼວງຫຼາຍ ໃນແຕ່ລະປີ.
ການພັດທະນາຊັບພະຍາກອນມະນຸດ ຖືເປັນວຽກງານໜຶ່ງທີ່ສຳຄັນ ຕໍ່ການພັດທະນາເສດຖະກິດ-ສັງຄົມຂອງປະເທດ, ເນື່ອງຈາກວ່າ ບຸກຄະລາກອນ ກໍຄື ພະນັກງານ ເປັນສິ່ງຕັດສິນຜົນໄດ້ ຜົນເສຍ ຫຼື ຜົນສຳເລັດ ຫຼື ຫຼົ້ມເຫຼວຂອງວຽກງານນັ້ນໆ.
ສຳລັບ ສປປ ລາວ ເຮົາ ນອກຈາກຈະສ້າງ ແລະ ພັດທະນາຊັບພະຍາກອນມະນຸດຢູ່ພາຍໃນປະເທດແລ້ວ, ຍັງໄດ້ສົ່ງນັກຮຽນ-ນັກສຶກສາ, ຕະຫຼອດຮອດພະນັກງານ, ທະຫານ, ຕຳຫຼວດ ໄປສຶກສາຮ່ຳຮຽນຢູ່ຕ່າງປະເທດ ເພື່ອນຳເອົາຄວາມຮູ້ທີ່ໄດ້ຮຽນມານຳມາປະຍຸກໃຊ້ເຂົ້າໃນວຽກງານຂອງຕົນ ທັງຢູ່ໃນພາກລັດ ແລະ ເອກະຊົນ, ໃນນັ້ນ ສສ ຫວຽດນາມ ຖືວ່າຢູ່ໃນອັນດັບຕົ້ນໆທີ່ກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ແກ່ ສປປ ລາວ ເປັນຈຳນວນຫຼວງຫຼາຍ ໃນແຕ່ລະປີ.
ປັດຈຸບັນ, ຫວຽດນາມ ໄດ້ໃຫ້ທຶນການສຶກສາແກ່ລາວ ຫຼາຍກວ່າ 1.000 ທຶນ/ປີ ແລະ ມາຮອດປັດຈຸບັນ ມີນັກສຶກສາລາວ ຫຼາຍກວ່າ 14.000 ຄົນ ພວມສຶກສາຮໍ່າຮຽນ ຢູ່ໃນສະຖາບັນການສຶກສາ ຂອງຫວຽດນາມ ຫຼາຍກວ່າ 170 ແຫ່ງ.
ນອກຈາກນີ້ ສສ ຫວຽດນາມ ຍັງໄດ້ຊ່ວຍກໍ່ສ້າງ ສະຖານການສຶກສາ ໃຫ້ແກ່ ສປປ ລາວ ຫຼາຍແຫ່ງ ຊຶ່ງຂໍ້ມູນຂອງຄະນະກຳມະການຮ່ວມມືລາວ-ຫວຽດນາມໃນປີ 2023 ໃຫ້ຮູ້ວ່າ: ສສຫວຽດນາມໄດ້ຊ່ວຍເຫຼືອກໍ່ສ້າງສະຖານການສຶກສາແກ່ ສປປລາວຫຼາຍໂຄງການແລະມີຫຼາຍໂຄງການໄດ້ສໍາເລັດແລະ ຖືກນໍາໃຊ້ຢ່າງມີປະສິດທິຜົນ ເຊັ່ນ: ໂຄງການໂຮງຮຽນມັດທະຍົມວິຊາຊີບຕົວແບບມິດຕະພາບ ລາວ-ຫວຽດນາມ ຢູ່ ແຂວງຄໍາມ່ວນ, ໂຄງການໂຮງຮຽນທະຫານນາຍສິບ ຢູ່ ແຂວງໄຊສົມບູນ, ໂຄງການຍົກລະດັບ, ໂຄງການກໍ່ສ້າງໂຮງຮຽນມັດທະຍົມສົມບູນ ເມືອງບຸນເໜືອ ແຂວງຜົ້ງສາລີ ແລະຍັງມີອີກຫຼາຍໂຄງການທີ່ຫວຽດນາມຊ່ວຍເຫຼືອການພັດທະນາຊັບພະຍາກອນມະນຸດແກ່ ສປປລາວ.
ນອກຈາກນີ້ ຫວຽດນາມ ຍັງຊ່ວຍຝຶກອົບຮົມ ໃຫ້ແກ່ພະນັກງານ-ລັດຖະກອນ ຂອງ ສປປ ລາວ ທັງໄລຍະສັ້ນ, ໄລຍະຍາວ ກວມເອົາທຸກຂະແໜງການ ຕັ້ງແຕ່ສູນກາງຮອດທ້ອງຖິ່ນ ຊຶ່ງຂໍ້ມູນທີ່ກ່າວມາຂ້າງເທິງນັ້ນ ໄດ້ຊີ້ໃຫ້ເຫັນວ່າ ສສ ຫວຽດນາມ ໄດ້ຊ່ວຍກໍ່ສ້າງ ແລະ ພັດທະນາຊັບພະຍາກອນມະນຸດໃຫ້ແກ່ ສປປ ລາວ ເປັນຈຳນວນຫຼວງຫຼາຍ ໃນແຕ່ລະປີ.
