ຂ່າວຕ່າງປະເທດລາຍງານ ໃນວັນທີ 9 ກັນຍາ ຜ່ານມາວ່າ: ອະໂກດ້າ (Agoda) ເປີດເຜີຍຜົນການສຳຫຼວດຄວາມຄິດເຫັນຂອງຜູ້ໃຊ້ແພັລດຟອມກ່ຽວກັບຈຸດໝາຍປາຍທາງທີ່ຢາກກັບໄປອີກ (Return Visitor Ranking) ຜົນປະກົດວ່າ: ຍີ່ປຸ່ນ,ສ ເກົາຫຼີໃຕ້ ແລະໄທ ແມ່ນຈຸດໝາຍປາຍທາງທີ່ນັກທ່ອງທ່ຽວຕ້ອງການກັບໄປທ່ຽວອີກຫຼາຍທີ່ສຸດ.
ຜົນການສຳຫຼວດດັ່ງກ່າວລະບຸວ່າ: ນັກທ່ອງທ່ຽວ 75% ກັບໄປທ່ຽວຄືນອີກຫາກເຄີຍໄປແລ້ວມັກ,ໂດຍຫຼາຍກວ່າເຄິ່ງໜຶ່ງຂອງນັກທ່ອງທ່ຽວທີ່ໄປທ່ຽວບ່ອນເກົ່າອີກ 1-3 ຄັ້ງໃນຮອບ 10 ປີທີ່ຜ່ານມາ, ຂະນະທີ່ນັກທ່ອງທ່ຽວ 23% ກັບໄປທ່ຽວອີກຢ່າງນ້ອຍ 10 ຄັ້ງໃນໄລຍະເວລາດຽວກັນ.
ສໍາລັບປັດໄຈທີ່ເຮັດໃຫ້ນັກທ່ອງທ່ຽວຕ້ອງການກັບໄປທ່ຽວອີກນັ້ນ27% ແມ່ນການພະຈົນໄພ ເປັນຈຸດປະສົງຫຼັກ, ຂະນະທີ່26% ເລືອກໄປທ່ຽວເພາະອາຫານແຊບ ແລະ 23% ຕ້ອງການພົບປະຄອບຄົວ/ເພື່ອນຝູງ.
ຂະນະດຽວກັນ, ປັດໄຈທີ່ເຮັດໃຫ້ນັກທ່ອງທ່ຽວຕ້ອງການກັບໄປທ່ຽວຍີ່ປຸ່ນ,ສ ເກົາຫຼີ ແລະໄທອີກນັ້ນ ເກືອບເຄິ່ງໜຶ່ງເປັນເພາະ ຄວາມສະດວກສະບາຍໃນການເດີນທາງ (44%),ຕາມມາດ້ວຍອາຫານທ້ອງຖິ່ນ (42%), ທີ່ຕັ້ງສະດວກ (30%), ຄວາມປອດໄພ ແລະ ຄວາມສະອາດ (26%), ສຸດທ້າຍແມ່ນຄວາມຄຸ້ມຄ່າ ແລະ ປະສົບປະກສານທີ່ດີໃນຄັ້ງກ່ອນ (25%).
ຍິ່ງໄປກວ່ານັ້ນ, ເມື່ອເຈາະຈົງນັກທ່ອງທ່ຽວຊາວອາຊີ ພົບວ່າ: ຍີ່ປຸ່ນ, ໄທ ແລະ ຫວຽດນາມ ແມ່ນຈຸດໝາຍປາຍທາງທີ່ນັກທ່ອງທ່ຽວຊາວອາຊີຢາກກັບໄປທ່ຽວອີກຫຼາຍທີ່ສຸດ ໂດຍຄວາມສະດວກສະບາຍໃນການເດີນທາງຄືເຫດຜົນອັນໜຶ່ງ.