ຂ່າວສານຊີອາໄອລາຍງານໃນວັນທີ 13 ກັນຍານີ້,  ກະຊວງການຄ້າຈີນໄດ້ລາຍງານໃນວັນທີ 12 ກັນຍາ ຜ່ານມາ ວ່າ: ກະຊວງການຄ້າໄດ້ຕັ້ງໜ້າຊຸກຍູ້ໃຫ້ເຊັນສັນຍາໂຄງຮ່າງເພື່ອຂະຫຍາຍການພົວພັນຄູ່ຮ່ວມເສດຖະກິດກັບປະເທດອາຟຣິກາ. ໃນໄລຍະຈັດກອງປະຊຸມສຸດຍອດເວທີປຶກສາຫາລືການຮ່ວມມືຈີນ-ອາຟຣິກາຢູ່ປັກກິ່ງ, ຈີນໄດ້ກ້າວເຖິງຂັ້ນຕົກລົງເປັນເອກະພາບກັນກັບ 22 ປະເທດອາຟຣິກາກ່ຽວກັບການເຊັນສັນຍາໂຄງຮ່າງ ທັງໄດ້ລົງລາຍເຊັນ.
ຂ່າວລະບຸວ່າ: ສັນຍາໂຄງຮ່າງໄດ້ສ້າງພື້ນຖານໃຫ້ແກ່ການຈັດການພົບປະເຈລະຈາສອງຝ່າຍໂດຍປິ່ນອ້ອມຫົວຂໍ້ດ້ານການຄ້າແລະການລົງທຶນເປັນຕົ້ນ, ທັງໄດ້ສະໜອງການຄ້ຳປະກັນດ້ານລະບຽບການທີ່ຍາວນານ, ໝັ້ນທ່ຽງແລະຄາດຄະເນໄດ້ໃຫ້ແກ່ການຮ່ວມມືທາງເສດຖະກິດການຄ້າລະຫວ່າງຈີນ-ອາຟຣິກາ. ຈີນຈະສືບຕໍ່ເພີ່ມທະວີການແລກປ່ຽນກັບປະເທດອາຟຣິກາທີ່ມີເຈດຈຳນົງ, ຈັດຕັ້ງປະຕິບັດຜົນງານຂອງກອງປະຊຸມສຸດຍອດ, ເປີດກວ້າງການເປີດປະຕູສູ່ພາຍນອກດ້ວຍໂຕເອງ, ພະຍາຍາມເຮັດໃຫ້ສັນຍາແລະຜົນງານທີ່ຕາມມາສາມາດສ້າງຜົນປະໂຫຍດໃຫ້ແກ່ວິສາຫະກິດແລະປະຊາຊົນສອງຝ່າຍໂດຍໄວເທົ່າທີ່ຈະໄວໄດ້.