ຂ່າວຕ່າງປະເທດລາຍງານ ໃນທ້າຍອາທິດ ຜ່ານມາວ່າ: ສວນພຶກສາສາດແຫ່ງເມືອງຊິດນີ ປະເທດອົສຕຣາລີ ປະກາດແຜນການປະມູນເບ້ຍຕົ້ນໄມ້ຂອງອົສຕຣາລີທີ່ສ່ຽງສູນພັນຂັ້ນວິກິດ ແລະ ມີຄວາມເກົ່າແກ່ຫຼາຍກວ່າ 90 ລ້ານປີ ຈຳນວນ 6 ຕົ້ນ ເພື່ອສົ່ງເສີມການອະນຸລັກ.

ລາຍງານລະບຸວ່າ: ເບ້ຍຕົ້ນໄມ້ສົນ Wollemi ຈຳນວນ 6 ຕົ້ນ ຊຶ່ງແຕ່ລະຕົ້ນມີຄວາມແຕກຕ່າງກັນທາງພັນທຸກຳ ຈະຖືກນຳອອກມາປະມູນເນື່ອງໃນໂອກາດ ຄົບຮອບ 30 ປີ ຂອງການຄົ້ນພົບຕົ້ນໄມ້ສາຍພັນນີ້ ໂດຍນັບເປັນຄັ້ງທຳອິດທີ່ເປີດໃຫ້ສາທາລະນະຊົນປະມູນເບ້ຍຕົ້ນໄມ້ທີ່ມີຄວາມແຕກຕ່າງກັນທາງພັນທຸກຳແບບນີ້.

ອີກຢ່າງໜຶ່ງ, ຕົ້ນສົນ Wollemi ເປັນຕົ້ນໄມ້ສາຍພັນບູຮານທີ່ມີຄວາມເກົ່າແກ່ຫຼາຍກວ່າ 90 ລ້ານປີ ຈົນໄດ້ຮັບສົມຍານາມວ່າ: “ຕົ້ນໄມ້ໄດໂນເສົາ” ແລະ ເຄີຍເຊື່ອກັນວ່າສູນພັນໄປແລ້ວ ຕັ້ງແຕ່ປະມານ 2 ລ້ານປາຍປີກ່ອນ ຈົນກະທັງພົບເຫັນຕົ້ນສົນກໍໜຶ່ງໃນພື້ນທີ່ທາງຕາເວັນຕົກສ່ຽງເໜືອຂອງເມືອງຊິດນີ ໃນປີ 1994.