ຂ່າວສານຫວຽດນາມລາຍງານວ່າ: ບັນດາຕະຫຼາດຮຸ້ນຂອງ ເອີຣົບ ໄດ້ເພີ່ມຂຶ້ນໃນຮອບການຊື້-ຂາຍ ໃນວັນທີ 12 ກັນຍາ ຜ່ານມາ ເມື່ອທະນາຄານກາງເອີຣົບ (ECB) ປັບຫຼຸດອັດຕາດອກເບ້ຍເປັນຄັ້ງທີສອງໃນປີນີ້.

ຂ່າວລະບຸວ່າ: ໃນຂະນະທີ່ທະນາຄານກາງອາເມຣິກາ (Fed) ຄາດວ່າຈະຫຼຸດອັດຕາດອກເບ້ຍໃນອາທິດໜ້າ, ECB ໄດ້ຫຼຸດອັດຕາດອກເບ້ຍ 0,25% ຕາມການຄາດຄະເນໄວ້ໃນກອງປະຊຸມວັນທີ 12 ກັນຍາ ຜ່ານມາ. ນີ້​ແມ່ນ​ການ​ຫຼຸດ​ອັດຕາ​ດອກ​ເບ້ຍ​ທຽບ​ເທົ່າ​ກັບ​ການ​ຫຼຸດ​ລົງ​ໃນ​ເດືອນ​ມິຖຸນາ 2024, ​ເປັນ​ການ​ສິ້ນ​ສຸດ​ຮອບ​ວຽນ​ຂອງ​ການ​ຂຶ້ນ​ອັດຕາ​ດອກ​ເບ້ຍ​ທີ່​ໄດ້​ເລີ່​ມຂຶ້ນ​ໃນ​ກາງ​ປີ 2022 ​ເພື່ອ​ຄວບ​ຄຸມ​ລາຄາ​ຜູ້​ບໍລິ​ໂພ​ກທີ່​ເພີ່ມ​ຂຶ້ນ.

ດັດຊະນີ FTSE ໃນຕະຫຼາດຮຸ້ນລອນດອນ (ອັງກິດ) ເພີ່ມຂຶ້ນ 0,6% ເປັນ 8.240,97 ຈຸດ. ດັດຊະນີ CAC 40 ໃນຕະຫຼາດປາຣີ (ຝຣັ່ງ) ເພີ່ມຂຶ້ນ 0,5% ເປັນ 7.435,07 ຈຸດ, ດັດຊະນີ DAX 30 ໃນຕະຫຼາດ Frankfurt (ເຢຍລະມັນ) ເພີ່ມຂຶ້ນ 1% ເປັນ 18.518,39 ຈຸດ.