ວັນທີ 19 ກັນຍາຜ່ານມານີ້, ທີ່ສະພາປະຊາຊົນແຂວງ ສາລະວັນ, ທ່ານ ສີເຮັງ ຫອມສົມບັດ ຮອງເລຂາພັກແຂວງ ປະທານຄະນະປະຈໍາສະພາປະຊາຊົນແຂວງ, ມີບັນດາທ່ານ ຄະນະປະຈໍາສະພາປະຊາຊົນແຂວງ, ສະມາຊິກສະພາປະຊາຊົນແຂວງ, ຕະຫຼອດຮອດພະນັກງານພາຍໃນສະພາປະຊາຊົນແຂວງ ໄດ້ພ້ອມໃຈສົມທົບທຶນ  ແລະ ປຸກລະດົມການປະກອບສ່ວນຂອງສັງຄົມ ລວມຈໍານວນເງິນ 32,500,000 ກີບ, ໂອນມອບໃຫ້ສະພາປະຊາຊົນແຂວງ ຫຼວງນໍ້າທາ (ໃນນາມແຂວງແຮກສ່ຽວ) ຊ່ວຍເຫຼືອພໍ່ແມ່ປະຊາຊົນຊາວແຂວງ ຫຼວງນໍ້າທາ ທີ່ໄດ້ຮັບຜົນກະທົບຈາກໄພພິບັດທາງທໍາມະຊາດ ນໍ້າຖ້ວມຢ່າງຮ້າຍແຮງ ຈາກພາຍຸໄຕ້ຝຸ່ນຢາກີ ໃນຄັ້ງວັນທີ 10 ກັນຍາ ທີ່ຜ່ານມາ, ເງິນຈໍານວນດັ່ງກ່າວເປັນອີກໜຶ່ງກໍາລັງແຮງໃນການສະໜັບສະໜູນ, ຊ່ວຍເຫຼືອ, ຟື້ນຟູສະພາບແວດລ້ອມ ແລະ ຊີວິດການເປັນຢູ່ພໍ່ແມ່ປະຊາຊົນຊາວແຂວງ ຫຼວງນໍ້າທາ  ໃຫ້ກັບຄືນສູ່ສະພາບປົກກະຕິໂດຍໄວ;
(ພາບ-ຂ່າວ: ດີລໍາພົນ ພົມມະຈັນ)