ລັດຖະບານ ແຫ່ງ ສປປ ລາວ ແລະ ອົງການອຸຍນີເຊັບ ໄດ້ສົ່ງມອບອຸປະກອນດ້ານນໍ້າ, ສຸຂາພິບານ ແລະ ສຸຂະອະນາໄມ ໄປຊ່ວຍເຫຼືອເບື້ອງຕົ້ນໃຫ້ຊຸມຊົນທີ່ໄດ້ຮັບຜົນກະທົບຈາກໄພນ້ຳຖ້ວມທົ່ວ 486 ບ້ານ ໃນ 8 ແຂວງ ຂອງ ສປປ ລາວ ເພື່ອຮັບປະກັນການເຂົ້າເຖິງນໍ້າທີ່ປອດໄພ ແລະ ສຸຂະອະນາໄມຂອງຄອບຄົວທີ່ໄດ້ຮັບຜົນກະທົບ. ເຄື່ອງອຸປະກອນທີ່ໄດ້ສົ່ງມອບນັ້ນ ປະກອບມີ: ຢາເມັດຄະລໍລີນສຳລັບຂ້າເຊື້ອໃນນ້ຳດື່ມ 1.100.000 ເມັດ, ຄຸໃສ່ນ້ຳຫຼາຍກວ່າ 250 ໜ່ວຍ, ສະບູ 4.000 ກ້ອນ, ຕຸກໃສ່ນ້ຳດື່ມ 250 ຕຸກ, ຖັງນ້ຳສຳລັບຢາຍນ້ຳດື່ມ 5 ຖັງ, ຜ້າອະນາໄມຜູ້ຍິງ 200 ແພັກ, ໂອຢາງ 400 ໜ່ວຍ ເເລະ ຜ້າບັດ 5 ຜືນ.
ໃນທ້າຍອາທິດຜ່ານມາ, ໄດ້ມີການຈັດສົ່ງອຸປະກອນດ້ານນໍ້າ, ສຸຂາພິບານ ແລະ ສຸຂະອະນາໄມ ໃຫ້ແກ່ຊຸມຊົນໃນເຂດເມືອງທີ່ໄດ້ຮັບຜົນກະທົບຈາກໄພນ້ຳຖ້ວມທີ່ ນະຄອນຫຼວງວຽງຈັນ. ນອກຈາກນັ້ນ, ໃນອາທິດກ່ອນໜ້ານີ້ ກໍຍັງໄດ້ມີການຈັດສົ່ງ ອຸປະກອນຊ່ວຍເຫຼືອຂັ້ນເບື້ອງຕົ້ນ ໄປໃຫ້ແຂວງຫຼວງນໍ້າທາ ອີກເຊັ່ນດຽວກັນ. ການຊ່ວຍເຫຼືອເຫຼົ່ານີ້ເເມ່ນເພື່ອແນໃສ່ການຫຼຸດຜ່ອນຄວາມສ່ຽງຕໍ່ພະຍາດຕິດຕໍ່ທາງນ້ຳ ເຊັ່ນ: ພະຍາດຖອກທ້ອງ ແລະ ໂຣກອະຫິວາ ຊຶ່ງເປັນຄວາມສ່ຽງທີ່ສາມາດເພີ່ມຂຶ້ນໄດ້ ພາຍຫຼັງເກີດເຫດໄພພິບັດນໍ້າຖ້ວມ.
ທ່ານ ບິລາລ ດູຣານີ ຜູ້ຕາງໜ້າ ອົງການອຸຍນີເຊັບ ປະຈຳ ສປປ ລາວ ກໍໄດ້ຍົກໃຫ້ເຫັນເຖິງຄວາມສຳຄັນໃນການສະໜອງອຸປະກອນຊ່ວຍເຫຼືອເຫຼົ່ານີ້: “ອົງການອຸຍນີເຊັບ ພວກເຮົາມີຄວາມພາກພູມໃຈ ທີ່ໄດ້ຊ່ວຍສະໜັບສະໜູນແກ່ ລັດຖະບານ ແຫ່ງ ສປປ ລາວ ໃນໄລຍະທີ່ຫຍຸ້ງຍາກນີ້. ພວກເຮົາຍັງຄົງສືບຕໍ່ເຮັດວຽກຢ່າງໃກ້ຊິດ ແລະ ຮ່ວມມືກັບທຸກພາກສ່ວນ ເພື່ອຊ່ວຍເຫຼືອຄອບຄົວທີ່ໄດ້ຮັບຜົນກະທົບ, ໂດຍສະເພາະແລ້ວແມ່ນເດັກນ້ອຍ. ການເຂົ້າເຖິງນ້ຳສະອາດ ແລະ ສຸຂະອະນາໄມນັ້ນ ແມ່ນມາດຕະການປ້ອງກັນພື້ນຖານທີ່ສຳຄັນຫຼາຍໃນເຫດສຸກເສີນນີ້, ກໍເພື່ອຫຼຸດຜ່ອນຄວາມສ່ຽງຕໍ່ການລະບາດຂອງພະຍາດ, ໂດຍສະເພາະໃນບັນດາເດັກນ້ອຍ.”
ໃນເຫດການສຸກເສີນ, ການເຂົ້າເຖິງນໍ້າສະອາດ ແລະ ສຸຂາພິບານ ແມ່ນສຳຄັນທີ່ສຸດ ເພື່ອຫຼຸດຜ່ອນຄວາມສ່ຽງຕໍ່ການລະບາດຂອງພະຍາດ. ເດັກນ້ອຍ ແມ່ນມີຄວາມສ່ຽງສູງເປັນພິເສດຕໍ່ພະຍາດເຫຼົ່ານີ້ ເນື່ອງຈາກການພັດທະນາລະບົບພູມຕ້ານທານຂອງພວກເຂົາຍັງບໍ່ເຕັມທີ່ເທື່ອ ເຮັດໃຫ້ພວກເຂົາຕ້ອງເພິ່ງພາອາໄສຜູ້ອື່ນສຳລັບການດູແລ. ດັ່ງນັ້ນ, ການສະໜອງນ້ຳສະອາດ, ສະບູ ແລະ ອຸປະກອນດ້ານ ນໍ້າ, ສຸຂາພິບານ ແລະ ສຸຂະອານາໄມອື່ນໆ ແມ່ນມີຄວາມສຳຄັນຕໍ່ການຮັບປະກັນສຸຂະພາບ ແລະ ຄວາມປອດໄພຂອງພວກເຂົາ.
ໃນທ້າຍອາທິດຜ່ານມາ, ໄດ້ມີການຈັດສົ່ງອຸປະກອນດ້ານນໍ້າ, ສຸຂາພິບານ ແລະ ສຸຂະອະນາໄມ ໃຫ້ແກ່ຊຸມຊົນໃນເຂດເມືອງທີ່ໄດ້ຮັບຜົນກະທົບຈາກໄພນ້ຳຖ້ວມທີ່ ນະຄອນຫຼວງວຽງຈັນ. ນອກຈາກນັ້ນ, ໃນອາທິດກ່ອນໜ້ານີ້ ກໍຍັງໄດ້ມີການຈັດສົ່ງ ອຸປະກອນຊ່ວຍເຫຼືອຂັ້ນເບື້ອງຕົ້ນ ໄປໃຫ້ແຂວງຫຼວງນໍ້າທາ ອີກເຊັ່ນດຽວກັນ. ການຊ່ວຍເຫຼືອເຫຼົ່ານີ້ເເມ່ນເພື່ອແນໃສ່ການຫຼຸດຜ່ອນຄວາມສ່ຽງຕໍ່ພະຍາດຕິດຕໍ່ທາງນ້ຳ ເຊັ່ນ: ພະຍາດຖອກທ້ອງ ແລະ ໂຣກອະຫິວາ ຊຶ່ງເປັນຄວາມສ່ຽງທີ່ສາມາດເພີ່ມຂຶ້ນໄດ້ ພາຍຫຼັງເກີດເຫດໄພພິບັດນໍ້າຖ້ວມ.
ທ່ານ ບິລາລ ດູຣານີ ຜູ້ຕາງໜ້າ ອົງການອຸຍນີເຊັບ ປະຈຳ ສປປ ລາວ ກໍໄດ້ຍົກໃຫ້ເຫັນເຖິງຄວາມສຳຄັນໃນການສະໜອງອຸປະກອນຊ່ວຍເຫຼືອເຫຼົ່ານີ້: “ອົງການອຸຍນີເຊັບ ພວກເຮົາມີຄວາມພາກພູມໃຈ ທີ່ໄດ້ຊ່ວຍສະໜັບສະໜູນແກ່ ລັດຖະບານ ແຫ່ງ ສປປ ລາວ ໃນໄລຍະທີ່ຫຍຸ້ງຍາກນີ້. ພວກເຮົາຍັງຄົງສືບຕໍ່ເຮັດວຽກຢ່າງໃກ້ຊິດ ແລະ ຮ່ວມມືກັບທຸກພາກສ່ວນ ເພື່ອຊ່ວຍເຫຼືອຄອບຄົວທີ່ໄດ້ຮັບຜົນກະທົບ, ໂດຍສະເພາະແລ້ວແມ່ນເດັກນ້ອຍ. ການເຂົ້າເຖິງນ້ຳສະອາດ ແລະ ສຸຂະອະນາໄມນັ້ນ ແມ່ນມາດຕະການປ້ອງກັນພື້ນຖານທີ່ສຳຄັນຫຼາຍໃນເຫດສຸກເສີນນີ້, ກໍເພື່ອຫຼຸດຜ່ອນຄວາມສ່ຽງຕໍ່ການລະບາດຂອງພະຍາດ, ໂດຍສະເພາະໃນບັນດາເດັກນ້ອຍ.”
ໃນເຫດການສຸກເສີນ, ການເຂົ້າເຖິງນໍ້າສະອາດ ແລະ ສຸຂາພິບານ ແມ່ນສຳຄັນທີ່ສຸດ ເພື່ອຫຼຸດຜ່ອນຄວາມສ່ຽງຕໍ່ການລະບາດຂອງພະຍາດ. ເດັກນ້ອຍ ແມ່ນມີຄວາມສ່ຽງສູງເປັນພິເສດຕໍ່ພະຍາດເຫຼົ່ານີ້ ເນື່ອງຈາກການພັດທະນາລະບົບພູມຕ້ານທານຂອງພວກເຂົາຍັງບໍ່ເຕັມທີ່ເທື່ອ ເຮັດໃຫ້ພວກເຂົາຕ້ອງເພິ່ງພາອາໄສຜູ້ອື່ນສຳລັບການດູແລ. ດັ່ງນັ້ນ, ການສະໜອງນ້ຳສະອາດ, ສະບູ ແລະ ອຸປະກອນດ້ານ ນໍ້າ, ສຸຂາພິບານ ແລະ ສຸຂະອານາໄມອື່ນໆ ແມ່ນມີຄວາມສຳຄັນຕໍ່ການຮັບປະກັນສຸຂະພາບ ແລະ ຄວາມປອດໄພຂອງພວກເຂົາ.
ທ່ານ ພົມປະເສີດ ໄຊຍະແສງ ຫົວໜ້າກົມອະນາໄມ ແລະ ສົ່ງເສີມສຸຂະພາບ ຂອງ ກະຊວງສາທາລະນະສຸກ, ກໍໄດ້ເນັ້ນໜັກເຖິງຄວາມສຳຄັນ ແລະ ປະຕິບັດການຢ່າງວ່ອງໄວໃນເຫດການສຸກເສີນຄັ້ງນີ້ ແລະ ໄດ້ກ່າວວ່າ: “ບຸລິມະສິດຂອງພວກເຮົາ ແມ່ນການປົກປ້ອງສຸຂະພາບຂອງຊຸມຊົນ, ໂດຍສະເພາະແມ່ນເດັກນ້ອຍ ຊຶ່ງເປັນກຸ່ມທີ່ມີຄວາມສ່ຽງທີ່ສຸດ ໃນເວລາເກີດໄພນ້ຳຖ້ວມ. ການຊ່ວຍເຫຼືອທີ່ທັນເວລາຈາກ ອົງການອຸຍນີເຊັບ ແລະ ຄູ່ຮ່ວມພັດທະນາ ໄດ້ຊ່ວຍພວກເຮົາໃຫ້ສາມາດຕອບສະໜອງຊັບພະຍາກອນທີ່ຈຳເປັນ ເພື່ອປ້ອງກັນການແຜ່ລະບາດຂອງພະຍາດ ແລະ ປົກປ້ອງສະຫວັດດີການຂອງປະຊາຊົນລາວ”.
ຄອບຄົວທີ່ຢູ່ອາໄສຢູ່ໃນເຂດທີ່ໄດ້ຮັບຜົນກະທົບຈາກໄພນ້ຳຖ້ວມ ຄວນນຳໃຊ້ຢາເມັດຄະລໍລີນສຳ ລັບຂ້າເຊື້ອໃນນ້ຳດື່ມ ທີ່ໄດ້ຮັບ ເພື່ອເຮັດໃຫ້ນ້ຳດື່ມມີຄວາມສະອາດ ແລະ ຄວນລ້າງມືດ້ວຍສະບູເປັນປະຈຳ ເພື່ອປ້ອງກັນພະຍາດຕ່າງໆ. ການຮັບປະກັນໃຫ້ເດັກນ້ອຍສາມາດເຂົ້າເຖິງນ້ຳສະອາດ ແລະ ສະພາບແວດລ້ອມທີ່ປອດໄພ ແມ່ນກຸນແຈຫຼັກ ໃນການປົກປ້ອງສຸຂະພາບຂອງພວກເຂົາ ໃນຂະນະທີ່ຊຸມຊົນທີ່ໄດ້ຮັບຜົນກະທົບຄ່ອຍໆຟື້ນຕົວຈາກໄພນ້ຳຖ້ວມ.
ອົງການອຸຍນີເຊັບ ແລະ ຄູ່ຮ່ວມພັດທະນາ ຈະຍັງຄົງສືບຕໍ່ເຮັດວຽກຢ່າງໃກ້ຊິດກັບ ລັດຖະບານ ແຫ່ງ ສປປ ລາວ ເພື່ອຮັບປະກັນວ່າທຸກໆຊຸມຊົນທີ່ໄດ້ຮັບຜົນກະທົບຈາກເຫດການສຸກເສີນນີ້ ຈະສາມາດເຂົ້າເຖິງການບໍລິການດ້ານນໍ້າ, ສຸຂາພິບານ ແລະ ສຸຂະອະນາໄມ ໄດ້.
(ຂ່າວ: ອຸຍນີເຊັບ)
ຄອບຄົວທີ່ຢູ່ອາໄສຢູ່ໃນເຂດທີ່ໄດ້ຮັບຜົນກະທົບຈາກໄພນ້ຳຖ້ວມ ຄວນນຳໃຊ້ຢາເມັດຄະລໍລີນສຳ ລັບຂ້າເຊື້ອໃນນ້ຳດື່ມ ທີ່ໄດ້ຮັບ ເພື່ອເຮັດໃຫ້ນ້ຳດື່ມມີຄວາມສະອາດ ແລະ ຄວນລ້າງມືດ້ວຍສະບູເປັນປະຈຳ ເພື່ອປ້ອງກັນພະຍາດຕ່າງໆ. ການຮັບປະກັນໃຫ້ເດັກນ້ອຍສາມາດເຂົ້າເຖິງນ້ຳສະອາດ ແລະ ສະພາບແວດລ້ອມທີ່ປອດໄພ ແມ່ນກຸນແຈຫຼັກ ໃນການປົກປ້ອງສຸຂະພາບຂອງພວກເຂົາ ໃນຂະນະທີ່ຊຸມຊົນທີ່ໄດ້ຮັບຜົນກະທົບຄ່ອຍໆຟື້ນຕົວຈາກໄພນ້ຳຖ້ວມ.
ອົງການອຸຍນີເຊັບ ແລະ ຄູ່ຮ່ວມພັດທະນາ ຈະຍັງຄົງສືບຕໍ່ເຮັດວຽກຢ່າງໃກ້ຊິດກັບ ລັດຖະບານ ແຫ່ງ ສປປ ລາວ ເພື່ອຮັບປະກັນວ່າທຸກໆຊຸມຊົນທີ່ໄດ້ຮັບຜົນກະທົບຈາກເຫດການສຸກເສີນນີ້ ຈະສາມາດເຂົ້າເຖິງການບໍລິການດ້ານນໍ້າ, ສຸຂາພິບານ ແລະ ສຸຂະອະນາໄມ ໄດ້.
(ຂ່າວ: ອຸຍນີເຊັບ)
