ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ (ນວ) ພ້ອມຄະນະລົງຕິດຕາມເບິ່ງສະພາບນໍ້າຖ້ວມຄອງລະບາຍນໍ້າອອກຈາກຕົວເມືອງໄຫຼລົງສູ່ແມ່ນໍ້າຂອງໃນວັນທີ 22 ກັນຍາຜ່ານມາ.
ການລົງຕິດຕາມເບິ່ງສະພາບນໍ້າຖ້ວມຄັ້ງນີ້ໄດ້ຂີ່ເຮືອເລາະເບິ່ງນໍ້າຖ້ວມສອງຟາກຄອງລາຍນໍ້າເລີ່ມຈາກຂົວບ້ານໄຮ່ຄຳໄປຫາຂົວບ້ານຈອມສີເມືອງໄຊເສດຖາ ແລະ ໄປສິ້ນສຸດຢູ່ບ້ານສ້າງຫົວບໍ່ ເມືອງໄຊທານີ ມີໄລຍະທາງ 10 ກວ່າໂລແມັດ,ຜ່ານການຂີ່ເລາະເບິ່ງສະພາບຕົວຈິງເຫັນວ່ານໍ້າຖ້ວມຫຼາຍສົມຄວນເນື່ອງຈາກ ນໍ້າທີ່ໄຫຼອອກຈາກຕົວເມືອງໄປຕາມຄອງແຕ່ບຶງທາດຫຼວງຫາຫ້ວຍໝາກຮຽວ ເມືອງປາກງື່ມ ບໍ່ສາມາດໄຫຼອອກລົງສູ່ນໍ້າຂອງໄດ້ ຍ້ອນລະດັບນໍ້າຂອງຂຶ້ນສູງກວ່າລະດັບນໍ້າທາງໃນຈຶ່ງຈຳເປັນຕ້ອງໄດ້ປິດປະຕູນໍ້າຫ້ວຍໝາກຮຽວ ຈຶ່ງເຮັດໃຫ້ລະດັບນໍ້າທາງໃນຍຶ່ງຂຶ້ນສູງນັບແຕ່ທ້າຍເດືອນສິງຫາ 2024 ເປັນຕົ້ນມາ ໂດຍລວມແລ້ວສະພາບນໍ້າໄດ້ຍຶ່ງຂຶ້ນຖ້ວມເຮືອນຊານບ້ານຊ່ອງ, ເນື້ອທີ່ທຳການຜະລິດກະສິກຳລວມທັງໜອງປາ, ຄອກສັດລ້ຽງ, ຄອງຊົນລະປະທານ ແລະ ອື່ນໆ ຂອງປະຊາຊົນທີ່ຢູ່ລຽບຕາມຄອງນໍ້າສອງຟາກບ້ານຈອມສີ, ນາໄຫ, ນາໂນ, ສ້າງຫົວບໍ່ ແລະ ບ້ານອື່ນໆ ກວມເອົາເມືອງໄຊເສດຖາ, ໄຊທານີ, ຫາດຊາຍຟອງ ແລະ ເມືອງປາກງື່ມ.
ປັດຈຸບັນນີ້, ລະດັບນໍ້າຍັງຂຶ້ນສູງຍ້ອນວ່າແຕ່ລະວັນມີຝົນຕົກເຮັດໃຫ້ປະລິມານນໍ້າຝົນທີ່ຕົກລົງໃສ່ອ່າງໂຕ່ງເຂດຕົວເມືອງເປັນຈຳນວນຫຼາຍເຖິງວ່າຜ່ານມາພາກສ່ວນກ່ຽວຂ້ອງໄດ້ໃຊ້ຈັກສູບນໍ້າທາງໃນອອກສູ່ນໍ້າຂອງຈຸດຫ້ວຍໝາກຮຽວກໍຕາມ ແຕ່ກໍແກ້ໄຂໄດ້ບາງສ່ວນເທົ່ານັ້ນຊຶ່ງຂະນະນີ້ ຍັງມີສະພາບນໍ້າຖ້ວມຫຼາຍຈຸດເປັນເວລາຫຼາຍວັນສ້າງຄວາມເສຍຫາຍໃຫ້ແກ່ຊັບສິນ, ເນື້ອທີ່ທຳການຜະລິດ ຂອງປະຊາຊົນ.
ໂອກາດນີ້ ທ່ານເຈົ້າຄອງ ນວ ໄດ້ນໍາເອົາເຄື່ອງອຸປະໂພກ- ບໍລິໂພກທີ່ຈຳເປັນຈຳນວນໜຶ່ງໄປມອບໃຫ້ອຳນາດການປົກຄອງບ້ານຈອມສີ, ນາໂນ ແລະ ນາໄຫ ເພື່ອໄປມອບຕໍ່ໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມເປັນການບັນເທົາທຸກແກ້ໄຂສຸກເສີນ ຊຶ່ງເຄື່ອງທີ່ນໍາໄປມອບໃຫ້ປະຊາຊົນຄັ້ງນີ້ ໄດ້ມາຈາກການປະກອບສ່ວນຂອງພາກສ່ວນຕ່າງໆທັງພາກລັດ, ຫົວໜ່ວຍທຸລະກິດ ແລະ ນິຕິບຸກຄົນທີ່ມາມອບໃຫ້ຫ້ອງວ່າການ ນວ.
ຂ່າວ:ວຽງຈັນໃໝ່
ການລົງຕິດຕາມເບິ່ງສະພາບນໍ້າຖ້ວມຄັ້ງນີ້ໄດ້ຂີ່ເຮືອເລາະເບິ່ງນໍ້າຖ້ວມສອງຟາກຄອງລາຍນໍ້າເລີ່ມຈາກຂົວບ້ານໄຮ່ຄຳໄປຫາຂົວບ້ານຈອມສີເມືອງໄຊເສດຖາ ແລະ ໄປສິ້ນສຸດຢູ່ບ້ານສ້າງຫົວບໍ່ ເມືອງໄຊທານີ ມີໄລຍະທາງ 10 ກວ່າໂລແມັດ,ຜ່ານການຂີ່ເລາະເບິ່ງສະພາບຕົວຈິງເຫັນວ່ານໍ້າຖ້ວມຫຼາຍສົມຄວນເນື່ອງຈາກ ນໍ້າທີ່ໄຫຼອອກຈາກຕົວເມືອງໄປຕາມຄອງແຕ່ບຶງທາດຫຼວງຫາຫ້ວຍໝາກຮຽວ ເມືອງປາກງື່ມ ບໍ່ສາມາດໄຫຼອອກລົງສູ່ນໍ້າຂອງໄດ້ ຍ້ອນລະດັບນໍ້າຂອງຂຶ້ນສູງກວ່າລະດັບນໍ້າທາງໃນຈຶ່ງຈຳເປັນຕ້ອງໄດ້ປິດປະຕູນໍ້າຫ້ວຍໝາກຮຽວ ຈຶ່ງເຮັດໃຫ້ລະດັບນໍ້າທາງໃນຍຶ່ງຂຶ້ນສູງນັບແຕ່ທ້າຍເດືອນສິງຫາ 2024 ເປັນຕົ້ນມາ ໂດຍລວມແລ້ວສະພາບນໍ້າໄດ້ຍຶ່ງຂຶ້ນຖ້ວມເຮືອນຊານບ້ານຊ່ອງ, ເນື້ອທີ່ທຳການຜະລິດກະສິກຳລວມທັງໜອງປາ, ຄອກສັດລ້ຽງ, ຄອງຊົນລະປະທານ ແລະ ອື່ນໆ ຂອງປະຊາຊົນທີ່ຢູ່ລຽບຕາມຄອງນໍ້າສອງຟາກບ້ານຈອມສີ, ນາໄຫ, ນາໂນ, ສ້າງຫົວບໍ່ ແລະ ບ້ານອື່ນໆ ກວມເອົາເມືອງໄຊເສດຖາ, ໄຊທານີ, ຫາດຊາຍຟອງ ແລະ ເມືອງປາກງື່ມ.
ປັດຈຸບັນນີ້, ລະດັບນໍ້າຍັງຂຶ້ນສູງຍ້ອນວ່າແຕ່ລະວັນມີຝົນຕົກເຮັດໃຫ້ປະລິມານນໍ້າຝົນທີ່ຕົກລົງໃສ່ອ່າງໂຕ່ງເຂດຕົວເມືອງເປັນຈຳນວນຫຼາຍເຖິງວ່າຜ່ານມາພາກສ່ວນກ່ຽວຂ້ອງໄດ້ໃຊ້ຈັກສູບນໍ້າທາງໃນອອກສູ່ນໍ້າຂອງຈຸດຫ້ວຍໝາກຮຽວກໍຕາມ ແຕ່ກໍແກ້ໄຂໄດ້ບາງສ່ວນເທົ່ານັ້ນຊຶ່ງຂະນະນີ້ ຍັງມີສະພາບນໍ້າຖ້ວມຫຼາຍຈຸດເປັນເວລາຫຼາຍວັນສ້າງຄວາມເສຍຫາຍໃຫ້ແກ່ຊັບສິນ, ເນື້ອທີ່ທຳການຜະລິດ ຂອງປະຊາຊົນ.
ໂອກາດນີ້ ທ່ານເຈົ້າຄອງ ນວ ໄດ້ນໍາເອົາເຄື່ອງອຸປະໂພກ- ບໍລິໂພກທີ່ຈຳເປັນຈຳນວນໜຶ່ງໄປມອບໃຫ້ອຳນາດການປົກຄອງບ້ານຈອມສີ, ນາໂນ ແລະ ນາໄຫ ເພື່ອໄປມອບຕໍ່ໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມເປັນການບັນເທົາທຸກແກ້ໄຂສຸກເສີນ ຊຶ່ງເຄື່ອງທີ່ນໍາໄປມອບໃຫ້ປະຊາຊົນຄັ້ງນີ້ ໄດ້ມາຈາກການປະກອບສ່ວນຂອງພາກສ່ວນຕ່າງໆທັງພາກລັດ, ຫົວໜ່ວຍທຸລະກິດ ແລະ ນິຕິບຸກຄົນທີ່ມາມອບໃຫ້ຫ້ອງວ່າການ ນວ.
ຂ່າວ:ວຽງຈັນໃໝ່
