ວິທະຍຸກະຈາຍສຽງຫວຽດນາມລາຍງານວ່າ: ຫວ່າງບໍ່ດົນມານີ້ຢູ່ນະຄອນຫຼວງຮ່າໂນ້ຍ, ກອງປະຊຸມຄັ້ງທີ 10 ຄະນະບໍລິຫານງານສູນກາງພັກຊຸດທີ XIII ໄດ້ປິດລົງພາຍຫຼັງເຮັດວຽກມາເປັນເວລາ 3 ວັນ (ແຕ່ວັນທີ 18 – 20 ກັນຍາ 2024).
ຂ່າວລະບຸວ່າ: ທ່ານ ໂຕເລິມ ເລຂາທິການໃຫຍ່ປະທານປະເທດ ຫວຽດນາມ ກ່າວຄຳເຫັນປິດກອງປະຊຸມວ່າ: ກອງປະຊຸມມີຄວາມເປັນເອກະພາບສູງກ່ຽວກັບຄວາມຮັບຮູ້, ຄວາມຕັດສິນໃຈປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກຢ່າງມີໄຊ. ສູນກາງໄດ້ຕົກລົງເປັນເອກະພາບໂດຍກຳນົດການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ແມ່ນເປົ້າໝາຍສູງສຸດຂອງທົ່ວພັກ, ທົ່ວປວງຊົນ, ທົ່ວກອງທັບໃນປີ 2025. ສູນກາງມີຄວາມຕົກລົງເຫັນດີເປັນຢ່າງສູງຕໍ່ທິດທາງ, ໜ້າທີ່ພັດທະນາເສດຖະກິດ - ສັງຄົມ ຮອດປີ 2025, ກ່ຽວກັບສະພາບການ, ທັດສະນະພັດທະນາ, ເປົ້າໝາຍ, ຄາດໝາຍ, ໜ້າທີ່ ນັບທັງວິທີການແກ້ໄຂຕົ້ນຕໍ. ຫວຽດນາມ ສູ້ຊົນບັນລຸ ແລະ ລື່ນກາຍເກືອບທຸກຄາດໝາຍຫຼັກໆໃນໄລຍະ 2021 – 2025 ໂດຍກອງປະຊຸມໃຫຍ່ຄັ້ງທີ XIII ໄດ້ວາງອອກ.
ສູນກາງຮຽກຮ້ອງໃຫ້ທັງລະບົບການເມືອງ, ກ່ອນອື່ນໝົດແມ່ນລັດຖະບານ, ຜູ້ນຳໜ້າບັນດາຄະນະ, ກະຊວງ, ຂະແໜງການ, ທ້ອງຖິ່ນ ຕ້ອງມີຄວາມຕັດສິນໃຈປະຕິບັດແທ້ໆ, ມີມາດຕະການຢ່າງຂ້ຽວຂາດ, ຂາດຂັ້ນ, ເພີ່ມລະດັບຄວາມໄວ ເພື່ອບັນລຸໄດ້ບັນດາຄາດໝາຍທີ່ໄດ້ວາງອອກ, ໂດຍສະເພາະແມ່ນ ຄາດໝາຍ GDP ແລະ ສືບຕໍ່ສ້າງບາດກ້າວຫັນປ່ຽນຢ່າງແຮງໃນຊຸມປີຕໍ່ໄປ. ຕ້ອງເອົາໃຈໃສ່ເປັນພິເສດເຖິງບັນດາມາດຕະການບຸລິມະສິດ ເພື່ອຮັບປະກັນການເຕີບໂຕຂອງພື້ນຖານເສດຖະກິດ ໄປຄຽງຄູ່ກັບການປົກປັກຮັກສາສິ່ງແວດລ້ອມ, ການຊ່ວຍເຫຼືອສັງຄົມ, ເບິ່ງແຍງດູແລຊີວິດການເປັນຢູ່ຂອງປະຊາຊົນໃຫ້ເປັນຢ່າງດີທີ່ສຸດ, ຮັບປະກັນຄວາມໝັ້ນຄົງດ້ານປ້ອງກັນຊາດ, ປ້ອງກັນຄວາມສະຫງົບ, ຍົກສູງປະສິດທິຜົນຂອງວຽກງານການຕ່າງປະເທດ ແລະ ຍົກສູງທີ່ຕັ້ງບົດບາດ ແລະ ການປະກອບສ່ວນຂອງ ຫວຽດນາມ ເຂົ້າໃນການສ້າງສັນຕິພາບ, ສະຖຽນລະພາບພັດທະນາຂອງພາກພື້ນ ແລະ ໃນໂລກ ຢ່າງບໍ່ຢຸດຢັ້ງ.
ກ່ຽວກັບເອກະສານຍື່ນສະເໜີຕໍ່ກອງປະຊຸມໃຫຍ່ຄັ້ງທີ XIV ຂອງພັກ, ທ່ານ ໂຕເລິມ ຊີ້ແຈ້ງວ່າ: ສູນກາງຕົກລົງເປັນເອກະພາບກຳນົດ 5 ໝວດບັນຫາໃຫຍ່ ເພື່ອສືບຕໍ່ປັບປຸງເອກະສານໃຫ້ສົມບູນແບບ. ໃນນັ້ນ, ກ່ຽວກັບການບຸກທະລຸຍຸດທະສາດ, ທ່ານໄດ້ເນັ້ນໜັກວ່າ: ສູນກາງໄດ້ເປັນເອກະພາບກັນກຳນົດວ່າ ຕ້ອງບຸກທະລຸຢ່າງແຂງແຮງກວ່າເກົ່າກ່ຽວກັບລະບົບລະບຽບການພັດທະນາ, ແກ້ໄຂຈຸດອຸດຕັນ, ຮົ້ວກີດຂວາງ, ຖືປະຊາຊົນ, ວິສາຫະກິດເປັນໃຈກາງ, ລະດົມທຸກແຫຼ່ງກຳລັງທັງພາຍໃນ ແລະ ພາຍນອກ, ແຫຼ່ງກຳລັງໃນໝູ່ປະຊາຊົນ, ພັດທະນາວິທະຍາສາດ ແລະ ເຕັກໂນໂລຊີຢ່າງຄົບຊຸດ, ລຸລ່ວງ, ທັງໝົດເພື່ອການພັດທະນາເສດຖະກິດ - ວັດທະນະທຳ - ສັງຄົມຂອງປະເທດຊາດ ແລະ ພັດທະນາຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນ; ປ່ຽນແປງໃໝ່ວຽກງານການຈັດຕັ້ງພະນັກງານ; ສ້າງໂຄງປະກອບພື້ນຖານໂຄງລ່າງເສດຖະກິດ-ສັງຄົມ ໃຫ້ບຸກທະລຸ ແລະ ຄົບຊຸດ ແມ່ນບຸລິມະສິດສູງສຸດ.
ກ່ຽວກັບທິດທາງ, ມາດຕະການຍຸດທະສາດ, ມີ 8 ບັນຫາ, ໃນນັ້ນ: ສຸມໃສ່ການສ້າງຮູບແບບສັງຄົມນິຍົມ ຫວຽດນາມ, ຈຸດສຸມແມ່ນສ້າງຄົນສັງຄົມນິຍົມ, ສ້າງພື້ນຖານກໍ່ສ້າງສັງຄົມນິຍົມ ຊຶ່ງໃນໂຄງການການເມືອງຂອງພັກ ໄດ້ກຳນົດ; ຢຶດໝັ້ນກັບທັດສະນະຖືການພັດທະນາເສດຖະກິດ - ສັງຄົມ ແລະ ປົກປັກຮັກສາສິ່ງແວດລ້ອມເປັນໃຈກາງ, ຍູ້ແຮງ 3 ບຸກທະລຸຍຸດທະສາດ, ກໍ່ສ້າງພັກ ເປັນແກ່ນສານ, ການພັດທະນາວັດທະນະທຳແມ່ນພື້ນຖານ, ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ ແລະ ຍູ້ແຮງການພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນ ແມ່ນວຽກງານສຳຄັນ ແລະ ດຳເນີນເປັນປະຈຳ.
ຂ່າວລະບຸວ່າ: ທ່ານ ໂຕເລິມ ເລຂາທິການໃຫຍ່ປະທານປະເທດ ຫວຽດນາມ ກ່າວຄຳເຫັນປິດກອງປະຊຸມວ່າ: ກອງປະຊຸມມີຄວາມເປັນເອກະພາບສູງກ່ຽວກັບຄວາມຮັບຮູ້, ຄວາມຕັດສິນໃຈປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກຢ່າງມີໄຊ. ສູນກາງໄດ້ຕົກລົງເປັນເອກະພາບໂດຍກຳນົດການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ແມ່ນເປົ້າໝາຍສູງສຸດຂອງທົ່ວພັກ, ທົ່ວປວງຊົນ, ທົ່ວກອງທັບໃນປີ 2025. ສູນກາງມີຄວາມຕົກລົງເຫັນດີເປັນຢ່າງສູງຕໍ່ທິດທາງ, ໜ້າທີ່ພັດທະນາເສດຖະກິດ - ສັງຄົມ ຮອດປີ 2025, ກ່ຽວກັບສະພາບການ, ທັດສະນະພັດທະນາ, ເປົ້າໝາຍ, ຄາດໝາຍ, ໜ້າທີ່ ນັບທັງວິທີການແກ້ໄຂຕົ້ນຕໍ. ຫວຽດນາມ ສູ້ຊົນບັນລຸ ແລະ ລື່ນກາຍເກືອບທຸກຄາດໝາຍຫຼັກໆໃນໄລຍະ 2021 – 2025 ໂດຍກອງປະຊຸມໃຫຍ່ຄັ້ງທີ XIII ໄດ້ວາງອອກ.
ສູນກາງຮຽກຮ້ອງໃຫ້ທັງລະບົບການເມືອງ, ກ່ອນອື່ນໝົດແມ່ນລັດຖະບານ, ຜູ້ນຳໜ້າບັນດາຄະນະ, ກະຊວງ, ຂະແໜງການ, ທ້ອງຖິ່ນ ຕ້ອງມີຄວາມຕັດສິນໃຈປະຕິບັດແທ້ໆ, ມີມາດຕະການຢ່າງຂ້ຽວຂາດ, ຂາດຂັ້ນ, ເພີ່ມລະດັບຄວາມໄວ ເພື່ອບັນລຸໄດ້ບັນດາຄາດໝາຍທີ່ໄດ້ວາງອອກ, ໂດຍສະເພາະແມ່ນ ຄາດໝາຍ GDP ແລະ ສືບຕໍ່ສ້າງບາດກ້າວຫັນປ່ຽນຢ່າງແຮງໃນຊຸມປີຕໍ່ໄປ. ຕ້ອງເອົາໃຈໃສ່ເປັນພິເສດເຖິງບັນດາມາດຕະການບຸລິມະສິດ ເພື່ອຮັບປະກັນການເຕີບໂຕຂອງພື້ນຖານເສດຖະກິດ ໄປຄຽງຄູ່ກັບການປົກປັກຮັກສາສິ່ງແວດລ້ອມ, ການຊ່ວຍເຫຼືອສັງຄົມ, ເບິ່ງແຍງດູແລຊີວິດການເປັນຢູ່ຂອງປະຊາຊົນໃຫ້ເປັນຢ່າງດີທີ່ສຸດ, ຮັບປະກັນຄວາມໝັ້ນຄົງດ້ານປ້ອງກັນຊາດ, ປ້ອງກັນຄວາມສະຫງົບ, ຍົກສູງປະສິດທິຜົນຂອງວຽກງານການຕ່າງປະເທດ ແລະ ຍົກສູງທີ່ຕັ້ງບົດບາດ ແລະ ການປະກອບສ່ວນຂອງ ຫວຽດນາມ ເຂົ້າໃນການສ້າງສັນຕິພາບ, ສະຖຽນລະພາບພັດທະນາຂອງພາກພື້ນ ແລະ ໃນໂລກ ຢ່າງບໍ່ຢຸດຢັ້ງ.
ກ່ຽວກັບເອກະສານຍື່ນສະເໜີຕໍ່ກອງປະຊຸມໃຫຍ່ຄັ້ງທີ XIV ຂອງພັກ, ທ່ານ ໂຕເລິມ ຊີ້ແຈ້ງວ່າ: ສູນກາງຕົກລົງເປັນເອກະພາບກຳນົດ 5 ໝວດບັນຫາໃຫຍ່ ເພື່ອສືບຕໍ່ປັບປຸງເອກະສານໃຫ້ສົມບູນແບບ. ໃນນັ້ນ, ກ່ຽວກັບການບຸກທະລຸຍຸດທະສາດ, ທ່ານໄດ້ເນັ້ນໜັກວ່າ: ສູນກາງໄດ້ເປັນເອກະພາບກັນກຳນົດວ່າ ຕ້ອງບຸກທະລຸຢ່າງແຂງແຮງກວ່າເກົ່າກ່ຽວກັບລະບົບລະບຽບການພັດທະນາ, ແກ້ໄຂຈຸດອຸດຕັນ, ຮົ້ວກີດຂວາງ, ຖືປະຊາຊົນ, ວິສາຫະກິດເປັນໃຈກາງ, ລະດົມທຸກແຫຼ່ງກຳລັງທັງພາຍໃນ ແລະ ພາຍນອກ, ແຫຼ່ງກຳລັງໃນໝູ່ປະຊາຊົນ, ພັດທະນາວິທະຍາສາດ ແລະ ເຕັກໂນໂລຊີຢ່າງຄົບຊຸດ, ລຸລ່ວງ, ທັງໝົດເພື່ອການພັດທະນາເສດຖະກິດ - ວັດທະນະທຳ - ສັງຄົມຂອງປະເທດຊາດ ແລະ ພັດທະນາຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນ; ປ່ຽນແປງໃໝ່ວຽກງານການຈັດຕັ້ງພະນັກງານ; ສ້າງໂຄງປະກອບພື້ນຖານໂຄງລ່າງເສດຖະກິດ-ສັງຄົມ ໃຫ້ບຸກທະລຸ ແລະ ຄົບຊຸດ ແມ່ນບຸລິມະສິດສູງສຸດ.
ກ່ຽວກັບທິດທາງ, ມາດຕະການຍຸດທະສາດ, ມີ 8 ບັນຫາ, ໃນນັ້ນ: ສຸມໃສ່ການສ້າງຮູບແບບສັງຄົມນິຍົມ ຫວຽດນາມ, ຈຸດສຸມແມ່ນສ້າງຄົນສັງຄົມນິຍົມ, ສ້າງພື້ນຖານກໍ່ສ້າງສັງຄົມນິຍົມ ຊຶ່ງໃນໂຄງການການເມືອງຂອງພັກ ໄດ້ກຳນົດ; ຢຶດໝັ້ນກັບທັດສະນະຖືການພັດທະນາເສດຖະກິດ - ສັງຄົມ ແລະ ປົກປັກຮັກສາສິ່ງແວດລ້ອມເປັນໃຈກາງ, ຍູ້ແຮງ 3 ບຸກທະລຸຍຸດທະສາດ, ກໍ່ສ້າງພັກ ເປັນແກ່ນສານ, ການພັດທະນາວັດທະນະທຳແມ່ນພື້ນຖານ, ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ ແລະ ຍູ້ແຮງການພົວພັນຕ່າງປະເທດ ແລະ ເຊື່ອມໂຍງເຂົ້າກັບສາກົນ ແມ່ນວຽກງານສຳຄັນ ແລະ ດຳເນີນເປັນປະຈຳ.
