ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດການເຂົ້າຮ່ວມກອງປະຊຸມສຸດຍອດ ອະນາຄົດ, ກອງປະຊຸມສະມັດຊາໃຫຍ່ ສປຊ ຊຸດທີ 79 ແລະ ເຮັດວຽກຢູ່ ອາເມຣິກາ, ໃນວັນທີ 25 ກັນຍາ ຜ່ານມາຕາມເວລາທ້ອງຖິ່ນ, ທ່ານ ໂຕເລິມ ເລຂາທິການໃຫຍ່ປະທານປະເທດ ຫວຽດນາມ ໄດ້ພົບປະກັບທ່ານ ໂຈໄບເດັ່ນ ປະທານາທິບໍດີ ອາເມຣິກາ.
ຂ່າວລະບຸວ່າ: ໃນການພົບປະ, ທ່ານ ໂຕເລິມ ຖືວ່າ ຫວຽດນາມ ແລະ ອາເມຣິກາ ມີວິໄສທັດລວມກ່ຽວກັບການສ້າງອະນາຄົດລວມທີ່ສວຍສົດງົດງາມກວ່າເກົ່າໃຫ້ມວນມະນຸດ ຈາກບົດຮຽນ, ປະສົບການນີ້, ນັ້ນແມ່ນຍົກສູງບົດບາດຂອງຈິດໃຈ, ເຄົາລົບ ແລະ ເຂົ້າໃຈຊຶ່ງກັນ ແລະ ກັນ. ໃນນັ້ນ, ເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນແມ່ນສຳຄັນທີ່ສຸດ.
ທ່ານ ໂຈໄບເດັ່ນ ຢັ້ງຢືນວ່າ: ລັດຖະບານ ອາເມຣິກາ ພ້ອມແລ້ວທີ່ຈະຊ່ວຍເຫຼືອ ຫວຽດນາມ ໃນການຟື້ນຟູຫຼັງພາຍຸ Yagi; ອາເມຣິກາ ສະໜັບສະໜູນການສ້າງປະເທດ ຫວຽດນາມ ເຂັ້ມແຂງ, ເອກະລາດ, ສ້າງຄວາມເຂັ້ມແຂງດ້ວຍຕົນເອງ ແລະ ວັດທະນາຖາວອນ ແລະ ຈະສືບຕໍ່ຊຸກຍູ້ການພົວພັນຄູ່ຮ່ວມມືລະຫວ່າງສອງປະເທດບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ລະບອບການເມືອງຂອງກັນ ແລະ ຮ່ວມມືກັນສ້າງອະນາຄົດ.
ການນຳສອງທ່ານເຫັນດີເພີ່ມທະວີການພົບປະ, ແລກປ່ຽນລະຫວ່າງທຸກຂັ້ນ, ເສີມຂະຫຍາຍກຳລັງບົ່ມຊ້ອນການຮ່ວມມືໃນຂົງເຂດບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃຫ້ຫຼາຍກວ່າເກົ່າອີກ, ສືບຕໍ່ຖືນີ້ແມ່ນຈຸດສຸມ ແລະ ແມ່ນຂອດບຸກທະລຸໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມຣິກາ. ສອງຝ່າຍ ສືບຕໍ່ເພີ່ມທະວີການຮ່ວມມືຢູ່ບັນດາເວທີປາໄສໃນລະດັບພາກພື້ນ ແລະ ສາກົນ.