ເນືອງໃນໂອກາດວັນຄົນພິການແຫ່ງຊາດຄົບຮອບ 10 ປີ (ວັນທີ 3 ທັນວາ 2014- 3 ທັນວາ 2024) ແລະ ວັນສາກົນຜູ້ອາຍຸສູງຄົບຮອບ 25 ປີ (ວັນທີ 1 ຕຸລາ 1999-1 ຕຸລາ 2024), ທ່ານ ທອງຈັນ ມະນີໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ ໄດ້ເຄື່ອນໄຫວພົບປະໂອ້ລົມພະນັກງານອາດີດການນຳຂອງແຂວງ, ອາດີດການນຳຂອງເມືອງ, ພະນັກງານອາວຸໂສບຳນານ, ພະນັກງານຫຼັກແຫຼ່ງເມືອງ, ຜູ້ອາຍຸສູງ, ພະນັກງານ-ລັດຖະກອນຂອງເມືອງຫ້ວຍຊາຍແຂວງບໍ່ແກ້ວ ຢູ່ສູນຝຶກອົບຮົມຂອງເມືອງຫ້ວຍຊາຍ ໃນວັນທີ 3 ຕຸລາ ນີ້.
ທ່ານ ສີສຸພັນ ສີລິວົງ ປະທານສະມາຄົມກອງທຶນຮ່ວມໃຈຜູ້ອາສູງເມືອງຫ້ວຍຊາຍ ໄດ້ລາຍງານຫຍໍ້ການຈັດຕັ້ງເຄື່ອນໄຫວຂອງສະມາຄົມ ມິຖຸນາ 2021 ປ່ຽນຊື່ຈາກ ສະມາຄົມຜູ້ສູງອາຍຸ ແລະ ບໍານານ ມາເປັນ ຄະນະຮັບຜິດຊອບກອງທຶນຮ່ວມໃຈຜູ້ອາຍຸສູງ ເພື່ອຮັບຜິດຊອບເຄື່ອນໄຫວເຕົ້າໂຮມຄວາມສາມັກຄີຢູ່ຂອບເຂດເມືອງຫ້ວຍຊາຍ. ສະມາຄົມກອງທຶນຮ່ວມໃຈຜູ້ອາຍຸສູງປະກອບມີ ຄະນະປະທານ 5 ທ່ານ, ມີ 4 ໜ່ວຍງານຊ່ວຍວຽກ. ກອງທຶນມີສະມາຊິກທັງໝົດ 240 ທ່ານ ຍິງ 104 ທ່ານ, ແບ່ງເປັນ 13 ໜ່ວຍ. ຕະຫຼອດໄລຍະຜ່ານມາຄະນະປະທານ ໄດ້ເອົາໃຈໃສ່ໂຄສະນາເຜີຍແຜ່ກົດລະບຽບຂອງກອງທຶນໃຫ້ສະມາຊິກ, ພາກສ່ວນການຈັດຕັ້ງຕ່າງໆໃນສັງຄົມ ໃຫ້ມີຄວາມຕື່ນຕົວປະກອບສ່ວນສະໜັບສະໜູນທຶນຊ່ວຍເຫຼືອການເຄື່ອນໄຫວຂອງກອງທຶນຢ່າງເປັນປົກກະຕິ, ເຕົ້າໂຮມຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນໃນເວລາເຈັບເປັນ ຫຼື ເສຍຊີວິດ. ປັດຈຸບັນ ມີເງິນກອງທຶນທັງໝົດ 130 ລ້ານກວ່າກີບ.
ໂອກາດນີ້, ທ່ານ ເຈົ້າແຂວງບໍ່ແກ້ວ ໄດ້ນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມເປັນຫ່ວງເປັນໄຍ ແລະ ອວຍພອນໄຊອັນປະເສີດ ຈາກຄະນະພັກ, ອົງການປົກຄອງແຂວງ ກໍຄືໃນນາມສ່ວນຕົວ ໄປຍັງຄົນພິການ, ຜູ້ສູງອາຍຸ ຕະຫຼອດເຖິງພະນັກງານອາວຸໂສ ບຳນານ, ຜູ້ຊົງຄຸນວຸດທິ ທີ່ດຳລົງຊີວິດຢູ່ໃນຂອບເຂດທົ່ວເມືອງຫ້ວຍຊາຍ ແລະ ຍົກສູງຕໍ່ຜົນງານແຫ່ງການຊີ້ນຳໆພາສ້າງສາພັດທະນາ ເມືອງຫ້ວຍຊາຍ ຕະຫຼອດໄລຍະເວລາຫຼາຍສິບປີຂອງພະນັກງານອາດີດການນຳຂອງແຂວງ, ເມືອງ, ພະນັກງານຫຼັກແຫຼ່ງ, ອາວຸໂສບຳນານທຸກຂັ້ນ ພ້ອມທັງ ຮຽກຮ້ອງໃຫ້ສືບຕໍ່ເປັນທີ່ປຶກສາໃຫ້ແກ່ຄະນະພັກ, ອົງການປົກຄອງແຂວງ, ເມືອງເປັນສຳຄັນ ຕິດພັນ ກັບການຊ່ວຍເຫຼືອວຽກງານສຶກສາອົບຮົມພະນັກງານຮຸ່ນສືບທອດ ຕະຫຼອດຮອດປະຊາຊົນບັນດາເຜົ່າ ໃຫ້ມີແນວຄິດຫຼັກໝັ່ນດ້ານການເມືອງໜັກແໜ້ນ ເຊື່ອຕໍ່ການນຳພາຂອງພັກ ເປັນເຈົ້າປະກອບສ່ວນເຂົາໃນການພັດທະນາເສດຖະກິດ-ສັງຄົມ ເສີມຂະຫຍາຍມູນເຊື້ອການປະຕິວັດ ຄວາມສາມັກປອງດອງ ຄວາມເສຍສະຫຼະເພື່ອຊາດເພື່ອປະຊາຊົນຢ່າງຕັ້ງໜ້າ. ໃນໂກາດນີ້, ທ່ານເຈົ້າແຂວງໄດ້ມອບເງິນສົມທົບກອງທຶນຮ່ວມໃຈຜູ້ອາຍຸສູງ 5 ລ້ານກີບ, ບໍລິສັດອາຕົງການຄ້າ, ບໍລິສັດມັງກອນການຄ້າຈຳກັດ ມອບເງິນສົມທົບອີກບໍລິສັດລະ 3 ລ້ານກີບ, ສະພາການຄ້າແຂວງມອບຊຸດກິລາຈໍານວນ 20 ຊຸດ, ຮັບໂດຍທ່ານ ສີສຸພັນ ສີລິວົງ ປະທານສະມາຄົມກອງທຶນຮ່ວມໃຈຜູ້ອາສູງເມືອງຫ້ວຍຊາຍ
(ຂ່າວ: ທອງເພັດ ບົວສະຫວັນ)
ທ່ານ ສີສຸພັນ ສີລິວົງ ປະທານສະມາຄົມກອງທຶນຮ່ວມໃຈຜູ້ອາສູງເມືອງຫ້ວຍຊາຍ ໄດ້ລາຍງານຫຍໍ້ການຈັດຕັ້ງເຄື່ອນໄຫວຂອງສະມາຄົມ ມິຖຸນາ 2021 ປ່ຽນຊື່ຈາກ ສະມາຄົມຜູ້ສູງອາຍຸ ແລະ ບໍານານ ມາເປັນ ຄະນະຮັບຜິດຊອບກອງທຶນຮ່ວມໃຈຜູ້ອາຍຸສູງ ເພື່ອຮັບຜິດຊອບເຄື່ອນໄຫວເຕົ້າໂຮມຄວາມສາມັກຄີຢູ່ຂອບເຂດເມືອງຫ້ວຍຊາຍ. ສະມາຄົມກອງທຶນຮ່ວມໃຈຜູ້ອາຍຸສູງປະກອບມີ ຄະນະປະທານ 5 ທ່ານ, ມີ 4 ໜ່ວຍງານຊ່ວຍວຽກ. ກອງທຶນມີສະມາຊິກທັງໝົດ 240 ທ່ານ ຍິງ 104 ທ່ານ, ແບ່ງເປັນ 13 ໜ່ວຍ. ຕະຫຼອດໄລຍະຜ່ານມາຄະນະປະທານ ໄດ້ເອົາໃຈໃສ່ໂຄສະນາເຜີຍແຜ່ກົດລະບຽບຂອງກອງທຶນໃຫ້ສະມາຊິກ, ພາກສ່ວນການຈັດຕັ້ງຕ່າງໆໃນສັງຄົມ ໃຫ້ມີຄວາມຕື່ນຕົວປະກອບສ່ວນສະໜັບສະໜູນທຶນຊ່ວຍເຫຼືອການເຄື່ອນໄຫວຂອງກອງທຶນຢ່າງເປັນປົກກະຕິ, ເຕົ້າໂຮມຄວາມສາມັກຄີ, ຊ່ວຍເຫຼືອເຊິ່ງກັນ ແລະ ກັນໃນເວລາເຈັບເປັນ ຫຼື ເສຍຊີວິດ. ປັດຈຸບັນ ມີເງິນກອງທຶນທັງໝົດ 130 ລ້ານກວ່າກີບ.
ໂອກາດນີ້, ທ່ານ ເຈົ້າແຂວງບໍ່ແກ້ວ ໄດ້ນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມເປັນຫ່ວງເປັນໄຍ ແລະ ອວຍພອນໄຊອັນປະເສີດ ຈາກຄະນະພັກ, ອົງການປົກຄອງແຂວງ ກໍຄືໃນນາມສ່ວນຕົວ ໄປຍັງຄົນພິການ, ຜູ້ສູງອາຍຸ ຕະຫຼອດເຖິງພະນັກງານອາວຸໂສ ບຳນານ, ຜູ້ຊົງຄຸນວຸດທິ ທີ່ດຳລົງຊີວິດຢູ່ໃນຂອບເຂດທົ່ວເມືອງຫ້ວຍຊາຍ ແລະ ຍົກສູງຕໍ່ຜົນງານແຫ່ງການຊີ້ນຳໆພາສ້າງສາພັດທະນາ ເມືອງຫ້ວຍຊາຍ ຕະຫຼອດໄລຍະເວລາຫຼາຍສິບປີຂອງພະນັກງານອາດີດການນຳຂອງແຂວງ, ເມືອງ, ພະນັກງານຫຼັກແຫຼ່ງ, ອາວຸໂສບຳນານທຸກຂັ້ນ ພ້ອມທັງ ຮຽກຮ້ອງໃຫ້ສືບຕໍ່ເປັນທີ່ປຶກສາໃຫ້ແກ່ຄະນະພັກ, ອົງການປົກຄອງແຂວງ, ເມືອງເປັນສຳຄັນ ຕິດພັນ ກັບການຊ່ວຍເຫຼືອວຽກງານສຶກສາອົບຮົມພະນັກງານຮຸ່ນສືບທອດ ຕະຫຼອດຮອດປະຊາຊົນບັນດາເຜົ່າ ໃຫ້ມີແນວຄິດຫຼັກໝັ່ນດ້ານການເມືອງໜັກແໜ້ນ ເຊື່ອຕໍ່ການນຳພາຂອງພັກ ເປັນເຈົ້າປະກອບສ່ວນເຂົາໃນການພັດທະນາເສດຖະກິດ-ສັງຄົມ ເສີມຂະຫຍາຍມູນເຊື້ອການປະຕິວັດ ຄວາມສາມັກປອງດອງ ຄວາມເສຍສະຫຼະເພື່ອຊາດເພື່ອປະຊາຊົນຢ່າງຕັ້ງໜ້າ. ໃນໂກາດນີ້, ທ່ານເຈົ້າແຂວງໄດ້ມອບເງິນສົມທົບກອງທຶນຮ່ວມໃຈຜູ້ອາຍຸສູງ 5 ລ້ານກີບ, ບໍລິສັດອາຕົງການຄ້າ, ບໍລິສັດມັງກອນການຄ້າຈຳກັດ ມອບເງິນສົມທົບອີກບໍລິສັດລະ 3 ລ້ານກີບ, ສະພາການຄ້າແຂວງມອບຊຸດກິລາຈໍານວນ 20 ຊຸດ, ຮັບໂດຍທ່ານ ສີສຸພັນ ສີລິວົງ ປະທານສະມາຄົມກອງທຶນຮ່ວມໃຈຜູ້ອາສູງເມືອງຫ້ວຍຊາຍ
(ຂ່າວ: ທອງເພັດ ບົວສະຫວັນ)
