ໂດຍ: ວັນເພັງ
ພັກ-ລັດຖະບານ ກໍຄືທະນາຄານແຫ່ງ ສປປ ລາວ (ທຫລ) ບໍ່ໄດ້ນິ້ງນອນໃຈ ຫາທຸກວິທີທາງໃນການແກ້ໄຂບັນຫາເຄັ່ງຮ້ອນໃນສັງຄົມໂດຍສະເພາະອັດຕາເງິນເຟີ້ທີ່ເພີ່ມສູງຂຶ້ນ ທັງຮັກສາສະຖຽນລະພາບເງິນຕາແຫ່ງຊາດ ເພື່ອບໍ່ໃຫ້ແຕະຕ້ອງເຖິງຊີວິດການເປັນຢູ່ຂອງປະຊາຊົນຊຶ່ງເຫັນວ່າອັດຕາເງິນເຟີ້ຄ່ອຍໆຫຼຸດລົງເມື່ອທຽບໃສ່ ປີ 2023 ຜ່ານມາ. ເຖິງແມ່ນວ່າໃນໄລຍະ 9 ເດືອນ ຕົ້ນປີ 2024 ອັດຕາເງິນເຟີ້ຍັງຢູ່ໃນລະດັບ 24.8%ແຕ່ກໍເພີ່ມຂຶ້ນໃນຈັງຫວະທີ່ຊ້າລົງ.
ທ່ານນາງ ວັດທະນາ ດາລາລອຍ ຮັກສາການຜູ້ວ່າການທຫລປະທານສະພາບໍລິຫານ ທຫລ ໄດ້ກ່າວໃນກອງປະຊຸມສະພາບໍລິຫານ ທຫລຄັ້ງທີ II ປະຈຳປີ 2024 ເມື່ອບໍ່ດົນມານີ້ວ່າ: ນັບຕັ້ງແຕ່ກອງປະຊຸມສະພາບໍລິຫານ ທຫລ ຄັ້ງທີ Iທີ່ຜ່ານມາ,ສະພາບເສດຖະກິດ-ການເງິນ ຂອງປະເທດເຮົາ ຍັງສືບຕໍ່ມີຄວາມທ້າທາຍຫຼາຍດ້ານ ໂດຍສະເພາະຄວາມຜັນຜວນຂອງຄ່າເງິນສະກຸນຫຼັກ ໃນຕະຫຼາດສາກົນ ເຖິງແມ່ນວ່າທະນາຄານກາງ ສອາເມຣິກາ (FED) ຈະມີການປັບຫຼຸດອັດຕາດອກເບ້ຍນະໂຍບາຍຈາກ 5.5% ມາເປັນ 5% ໃນເດືອນສິງຫາຜ່ານມາ ແຕ່ກໍຖືວ່າຍັງຢູ່ໃນລະດັບສູງ ຊຶ່ງກະທົບຕໍ່ຄ່າເງິນທ້ອງຖິ່ນຂອງບັນດາປະເທດຕ່າງໆ ເມື່ອທຽບກັບຄ່າເງິນໂດລາ ເຮັດໃຫ້ມີຄວາມຜັນຜວນ ແລະ ອ່ອນຄ່າ; ສະພາບຂໍ້ຂັດແຍ່ງດ້ານພູມສາດການເມືອງ ຂອງບັນດາປະເທດມະຫາອຳນາດ ທີ່ເຮັດໃຫ້ລາຄາສິນຄ້າໝວດສະບຽງອາຫານ ແລະໝວດພະລັງງານ ມີການເພີ່ມຂຶ້ນແບບກ້າວກະໂດດ ບວກກັບສະພາບເສດຖະກິດພາຍໃນປະເທດເຮົາ ທີ່ຍັງບໍ່ທັນເຂັ້ມແຂງຕ້ອງເພິ່ງພາການນຳເຂົ້າຈາກຕ່າງປະເທດເປັນຫຼັກ;ບັນຫາພັນທະຊຳລະໜີ້ສິນກັບຕ່າງປະເທດ ທີ່ຢູ່ໃນລະດັບສູງ, ໃນຂະນະທີ່ຄັງສຳຮອງເງິນຕາຕ່າງປະເທດມີຈຳກັດ; ການສະໜອງເງິນຕາຕ່າງປະເທດຂອງລະບົບທະນາຄານ ຍັງບໍ່ໄດ້ຕາມຄວາມຕ້ອງການຂອງສັງຄົມ ແລະ ອື່ນໆຊຶ່ງບັນຫາທ້າທາຍດັ່ງກ່າວນັ້ນ ໄດ້ກາຍເປັນຕ່ອງໂສ້ສ້າງແຮງກົດດັນຕໍ່ຄ່າຂອງເງິນກີບ ເຮັດໃຫ້ອ່ອນຄ່າລົງຢ່າງຕໍ່ເນື່ອງ ເມື່ອສົມທຽບກັບຄ່າເງິນສະກຸນຫຼັກແລະ ສົ່ງຜົນກະທົບເຮັດໃຫ້ອັດຕາເງິນເຟີ້ເພີ່ມສູງຂຶ້ນ ສະເລ່ຍ 9 ເດືອນຕົ້ນປີແມ່ນຢູ່ໃນລະດັບ 24.8%.
ທ່ານນາງ ວັດທະນາ ດາລາລອຍ ກ່າວຕື່ມວ່າ: ຕໍ່ກັບສະພາບການດັ່ງກ່າວ ທຫລ ໄດ້ສຸມທຸກກຳລັງແຮງເຂົ້າໃນການຄຸ້ມຄອງ ເພື່ອຮັກສາສະຖຽນລະພາບເງິນຕາແຫ່ງຊາດເປັນຕົ້ນໄດ້ທົບທວນ ດັດປັບຄົ້ນຄວ້າພັດທະນາເຄື່ອງມືນະໂຍບາຍເງິນຕາ ໃຫ້ມີປະສິດທິພາບຊີ້ນຳຕະຫຼາດໂດຍໄດ້ປັບຂຶ້ນອັດຕາດອກເບ້ຍພື້ນຖານ ຂອງ ທຫລ ສະກຸນເງິນກີບ ໄລຍະບໍ່ເກີນ 7ວັນ 3ຄັ້ງ, ໄດ້ສືບຕໍ່ປະຕິບັດນະໂຍບາຍອັດຕາແລກປ່ຽນຕາມກົນໄກຕະຫຼາດ ທີ່ມີການຄຸ້ມຄອງຂອງລັດໂດຍຮັກສາກອບການກໍານົດອັດຕາແລກປ່ຽນອ້າງອີງ ໃຫ້ແກ່ທະນາຄານທຸລະກິດປະຕິບັດທີ່ລະດັບ ±7.5%;ໄດ້ສຸມໃສ່ຜັນຂະຫຍາຍກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ, ສະບັບເລກທີ 15/ສພຊ,ລົງວັນທີ7 ກໍລະກົດ 2022 ແລະ ຄໍາສັ່ງເລກທີ 10/ນຍ, ລົງວັນທີ 14 ກໍລະກົດ 2023 ພ້ອມທັງໄດ້ສ້າງກົນໄກການປະສານງານຮ່ວມມືກັບຫຼາຍຂະແໜງການທີ່ກ່ຽວຂ້ອງ ເປັນຕົ້ນການດຳເນີນກອງປະຊຸມພົບປະສອງຝ່າຍຮ່ວມກັບກະຊວງປ້ອງກັນຄວາມສະຫງົບ;ກະຊວງການເງິນ; ກະຊວງອຸດສາຫະກຳ ແລະ ການຄ້າ ເພື່ອປຶກສາຫາລືວຽກງານທີ່ຕິດພັນກັບນະໂຍບາຍມະຫາພາກເສດຖະກິດ-ການເງິນ, ການຄ້າ, ການປະຕິບັດລະບຽບກົດໝາຍ ແລະ ແລກປ່ຽນຂໍ້ມູນຂ່າວສານທີ່ຈໍາເປັນໃນການປະສານສົມທົບ ແລະ ການຈັດຕັ້ງປະຕິບັດວຽກງານລະຫວ່າງຂະແໜງການໃຫ້ມີປະສິດທິພາບ.
ຈາກການຈັດຕັ້ງປະຕິບັດຄືດັ່ງກ່າວເຮັດໃຫ້ຜົນໄດ້ຮັບມີທ່າອ່ຽງຕັ້ງໜ້າດີຂຶ້ນເຊັ່ນ: ອັດຕາເງິນເຟີ້ຄ່ອຍໆປັບຕົວຫຼຸດລົງຄື:ໃນເດືອນກັນຍາ 2024 ຫຼຸດລົງມາຢູ່ໃນລະດັບ 21.7%ຈາກ 24.3% ໃນເດືອນສິງຫາ 2024; ອັດຕາແລກປ່ຽນເລີ່ມມີຄວາມສະຫງົບ ແລະ ເໜັງຕີງໃນທິດທາງທີ່ແຂງຄ່າຂຶ້ນ. ອັດຕາແລກປ່ຽນເດືອນກັນຍາ 2024 (ຂໍ້ມູນຮອດວັນທີ 20 ກັນຍາ 2024) ທຽບໃສ່ເດືອນສິງຫາ 2024 ເງິນກີບ/ໂດລາ ແຂງຄ່າ 0.16% (ຈາກ 22,136.40 ກີບ/ໂດລາ ເປັນ 22,100.00 ກີບ/ໂດລາ) ແລະ ກີບ/ບາດ ແຂງຄ່າ 0.35% (ຈາກ 683.43 ກີບ/ບາດ ເປັນ 681.08 ກີບ/ບາດ).ສ່ວນຕ່າງອັດຕາແລກປ່ຽນລະຫວ່າງທະນາຄານທຸລະກິດກັບຕະຫຼາດຢູ່ໃນລະດັບ 12.14% ສໍາລັບເງິນກີບ/ໂດລາ ແລະ ໃນລະດັບ 1.93% ສໍາລັບເງິນກີບ/ບາດ.ສັງລວມແລ້ວ, ເຖິງແມ່ນວ່າໃນ 9 ເດືອນຕົ້ນປີ 2024ເງິນກີບຍັງສືບຕໍ່ອ່ອນຄ່າແຕ່ເງິນກີບອ່ອນຄ່າໜ້ອຍກວ່າເມື່ອທຽບກັບປີ2023.
ທ່ານນາງ ວັດທະນາ ດາລາລອຍ ກ່າວຕື່ມວ່າ: ເຖິງວ່າມີຜົນໄດ້ຮັບທີ່ຕັ້ງໜ້າດີຂຶ້ນແຕ່ເຫັນວ່າຍັງບໍ່ທັນສາມາດແກ້ໄຂບັນຫາເຄັ່ງຮ້ອນທີ່ມີຢູ່ໃນປັດຈຸບັນໃຫ້ຂາດຕົວໝົດໄປໄດ້ ແລະ ຍັງບໍ່ທັນບັນລຸທຸກຄາດໝາຍເງິນຕາ ທີ່ສະພາແຫ່ງຊາດກຳນົດໄວ້.ສະນັ້ນ, ນັບແຕ່ນີ້ຮອດທ້າຍປີ2024,ຂະແໜງທະນາຄານຈະຕ້ອງສືບຕໍ່ສຸມໃສ່ການຈັດຕັ້ງປະຕິບັດໜ້າທີ່ການເມືອງຂອງຕົນແບບບຸກທະລຸຂຶ້ນກວ່າເກົ່າເພື່ອໃຫ້ບັນລຸບັນດາຄາດໝາຍຊີ້ວັດທີ່ສະພາແຫ່ງຊາດກຳນົດ. ໃນນີ້,ຈະຕ້ອງສືບຕໍ່ສຸມໃສ່ຈັດຕັ້ງປະຕິບັດບັນດາແຜນວຽກຈຸດສຸມທີ່ຖືກກຳນົດໄວ້ໃນວາລະແຫ່ງຊາດວ່າດ້ວຍແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນກໍຄືມະຕິຂອງຄະນະສະເພາະກິດ 19/ກມສພ ແລະ ມະຕິວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່.ຄຽງຄູ່ກັບການເອົາໃຈໃສ່ປັບປຸງລະບົບທະນາຄານ ແລະ ສະຖາບັນການເງິນທີ່ບໍ່ແມ່ນທະນາຄານໃຫ້ມີຄວາມໝັ້ນຄົງເຂັ້ມແຂງຂຶ້ນກວ່າເກົ່າ,ປັບປຸງລະບົບຊໍາລະໃຫ້ມີຄວາມທັນສະໄໝ ແລະ ລວມສູນຂຶ້ນ.ພ້ອມນີ້, ກໍຈະເອົາໃຈໃສ່ຈັດຕັ້ງປະຕິບັດແຜນນະໂຍບາຍເງິນຕາ ແລະ ແຜນງົບປະມານຂອງ ທຫລ ປະຈຳ 3 ເດືອນທ້າຍປີ 2024ຕາມທີ່ກອງປະຊຸມໄດ້ພິຈາລະນາຮັບຮອງດ້ວຍຄວາມເປັນເຈົ້າການ ແລະ ຮັບຜິດຊອບສູງ.
ຈາກການຈັດຕັ້ງປະຕິບັດບັນດາມາດຕະການຂອງ ທຫລຈະເຫັນໄດ້ວ່າອັດຕາເງິນເຟີ້ໄດ້ຫຼຸດລົງຫຼື ເພີ່ມຂຶ້ນໃນຈັງຫວະທີ່ຊ້າລົງເມື່ອທຽບກັບໄລຍະດຽວກັນຂອງປີຜ່ານມາ, ແຕ່ກໍຍັງຢູ່ໃນລະດັບສູງ, ໃນຂະນະທີ່ອັດຕາແລກປ່ຽນກໍເລີ່ມມີຄວາມສະຫງົບ ແລະ ເໜັງຕີງໃນທິດທາງທີ່ແຂງຄ່າຂຶ້ນ, ຫວັງຢ່າງຍິ່ງວ່າບັນຫາເຄັ່ງຮ້ອນຈະຄ່ອຍໆດີຂຶ້ນເທື່ອລະກ້າວ.
ພັກ-ລັດຖະບານ ກໍຄືທະນາຄານແຫ່ງ ສປປ ລາວ (ທຫລ) ບໍ່ໄດ້ນິ້ງນອນໃຈ ຫາທຸກວິທີທາງໃນການແກ້ໄຂບັນຫາເຄັ່ງຮ້ອນໃນສັງຄົມໂດຍສະເພາະອັດຕາເງິນເຟີ້ທີ່ເພີ່ມສູງຂຶ້ນ ທັງຮັກສາສະຖຽນລະພາບເງິນຕາແຫ່ງຊາດ ເພື່ອບໍ່ໃຫ້ແຕະຕ້ອງເຖິງຊີວິດການເປັນຢູ່ຂອງປະຊາຊົນຊຶ່ງເຫັນວ່າອັດຕາເງິນເຟີ້ຄ່ອຍໆຫຼຸດລົງເມື່ອທຽບໃສ່ ປີ 2023 ຜ່ານມາ. ເຖິງແມ່ນວ່າໃນໄລຍະ 9 ເດືອນ ຕົ້ນປີ 2024 ອັດຕາເງິນເຟີ້ຍັງຢູ່ໃນລະດັບ 24.8%ແຕ່ກໍເພີ່ມຂຶ້ນໃນຈັງຫວະທີ່ຊ້າລົງ.
ທ່ານນາງ ວັດທະນາ ດາລາລອຍ ຮັກສາການຜູ້ວ່າການທຫລປະທານສະພາບໍລິຫານ ທຫລ ໄດ້ກ່າວໃນກອງປະຊຸມສະພາບໍລິຫານ ທຫລຄັ້ງທີ II ປະຈຳປີ 2024 ເມື່ອບໍ່ດົນມານີ້ວ່າ: ນັບຕັ້ງແຕ່ກອງປະຊຸມສະພາບໍລິຫານ ທຫລ ຄັ້ງທີ Iທີ່ຜ່ານມາ,ສະພາບເສດຖະກິດ-ການເງິນ ຂອງປະເທດເຮົາ ຍັງສືບຕໍ່ມີຄວາມທ້າທາຍຫຼາຍດ້ານ ໂດຍສະເພາະຄວາມຜັນຜວນຂອງຄ່າເງິນສະກຸນຫຼັກ ໃນຕະຫຼາດສາກົນ ເຖິງແມ່ນວ່າທະນາຄານກາງ ສອາເມຣິກາ (FED) ຈະມີການປັບຫຼຸດອັດຕາດອກເບ້ຍນະໂຍບາຍຈາກ 5.5% ມາເປັນ 5% ໃນເດືອນສິງຫາຜ່ານມາ ແຕ່ກໍຖືວ່າຍັງຢູ່ໃນລະດັບສູງ ຊຶ່ງກະທົບຕໍ່ຄ່າເງິນທ້ອງຖິ່ນຂອງບັນດາປະເທດຕ່າງໆ ເມື່ອທຽບກັບຄ່າເງິນໂດລາ ເຮັດໃຫ້ມີຄວາມຜັນຜວນ ແລະ ອ່ອນຄ່າ; ສະພາບຂໍ້ຂັດແຍ່ງດ້ານພູມສາດການເມືອງ ຂອງບັນດາປະເທດມະຫາອຳນາດ ທີ່ເຮັດໃຫ້ລາຄາສິນຄ້າໝວດສະບຽງອາຫານ ແລະໝວດພະລັງງານ ມີການເພີ່ມຂຶ້ນແບບກ້າວກະໂດດ ບວກກັບສະພາບເສດຖະກິດພາຍໃນປະເທດເຮົາ ທີ່ຍັງບໍ່ທັນເຂັ້ມແຂງຕ້ອງເພິ່ງພາການນຳເຂົ້າຈາກຕ່າງປະເທດເປັນຫຼັກ;ບັນຫາພັນທະຊຳລະໜີ້ສິນກັບຕ່າງປະເທດ ທີ່ຢູ່ໃນລະດັບສູງ, ໃນຂະນະທີ່ຄັງສຳຮອງເງິນຕາຕ່າງປະເທດມີຈຳກັດ; ການສະໜອງເງິນຕາຕ່າງປະເທດຂອງລະບົບທະນາຄານ ຍັງບໍ່ໄດ້ຕາມຄວາມຕ້ອງການຂອງສັງຄົມ ແລະ ອື່ນໆຊຶ່ງບັນຫາທ້າທາຍດັ່ງກ່າວນັ້ນ ໄດ້ກາຍເປັນຕ່ອງໂສ້ສ້າງແຮງກົດດັນຕໍ່ຄ່າຂອງເງິນກີບ ເຮັດໃຫ້ອ່ອນຄ່າລົງຢ່າງຕໍ່ເນື່ອງ ເມື່ອສົມທຽບກັບຄ່າເງິນສະກຸນຫຼັກແລະ ສົ່ງຜົນກະທົບເຮັດໃຫ້ອັດຕາເງິນເຟີ້ເພີ່ມສູງຂຶ້ນ ສະເລ່ຍ 9 ເດືອນຕົ້ນປີແມ່ນຢູ່ໃນລະດັບ 24.8%.
ທ່ານນາງ ວັດທະນາ ດາລາລອຍ ກ່າວຕື່ມວ່າ: ຕໍ່ກັບສະພາບການດັ່ງກ່າວ ທຫລ ໄດ້ສຸມທຸກກຳລັງແຮງເຂົ້າໃນການຄຸ້ມຄອງ ເພື່ອຮັກສາສະຖຽນລະພາບເງິນຕາແຫ່ງຊາດເປັນຕົ້ນໄດ້ທົບທວນ ດັດປັບຄົ້ນຄວ້າພັດທະນາເຄື່ອງມືນະໂຍບາຍເງິນຕາ ໃຫ້ມີປະສິດທິພາບຊີ້ນຳຕະຫຼາດໂດຍໄດ້ປັບຂຶ້ນອັດຕາດອກເບ້ຍພື້ນຖານ ຂອງ ທຫລ ສະກຸນເງິນກີບ ໄລຍະບໍ່ເກີນ 7ວັນ 3ຄັ້ງ, ໄດ້ສືບຕໍ່ປະຕິບັດນະໂຍບາຍອັດຕາແລກປ່ຽນຕາມກົນໄກຕະຫຼາດ ທີ່ມີການຄຸ້ມຄອງຂອງລັດໂດຍຮັກສາກອບການກໍານົດອັດຕາແລກປ່ຽນອ້າງອີງ ໃຫ້ແກ່ທະນາຄານທຸລະກິດປະຕິບັດທີ່ລະດັບ ±7.5%;ໄດ້ສຸມໃສ່ຜັນຂະຫຍາຍກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ, ສະບັບເລກທີ 15/ສພຊ,ລົງວັນທີ7 ກໍລະກົດ 2022 ແລະ ຄໍາສັ່ງເລກທີ 10/ນຍ, ລົງວັນທີ 14 ກໍລະກົດ 2023 ພ້ອມທັງໄດ້ສ້າງກົນໄກການປະສານງານຮ່ວມມືກັບຫຼາຍຂະແໜງການທີ່ກ່ຽວຂ້ອງ ເປັນຕົ້ນການດຳເນີນກອງປະຊຸມພົບປະສອງຝ່າຍຮ່ວມກັບກະຊວງປ້ອງກັນຄວາມສະຫງົບ;ກະຊວງການເງິນ; ກະຊວງອຸດສາຫະກຳ ແລະ ການຄ້າ ເພື່ອປຶກສາຫາລືວຽກງານທີ່ຕິດພັນກັບນະໂຍບາຍມະຫາພາກເສດຖະກິດ-ການເງິນ, ການຄ້າ, ການປະຕິບັດລະບຽບກົດໝາຍ ແລະ ແລກປ່ຽນຂໍ້ມູນຂ່າວສານທີ່ຈໍາເປັນໃນການປະສານສົມທົບ ແລະ ການຈັດຕັ້ງປະຕິບັດວຽກງານລະຫວ່າງຂະແໜງການໃຫ້ມີປະສິດທິພາບ.
ຈາກການຈັດຕັ້ງປະຕິບັດຄືດັ່ງກ່າວເຮັດໃຫ້ຜົນໄດ້ຮັບມີທ່າອ່ຽງຕັ້ງໜ້າດີຂຶ້ນເຊັ່ນ: ອັດຕາເງິນເຟີ້ຄ່ອຍໆປັບຕົວຫຼຸດລົງຄື:ໃນເດືອນກັນຍາ 2024 ຫຼຸດລົງມາຢູ່ໃນລະດັບ 21.7%ຈາກ 24.3% ໃນເດືອນສິງຫາ 2024; ອັດຕາແລກປ່ຽນເລີ່ມມີຄວາມສະຫງົບ ແລະ ເໜັງຕີງໃນທິດທາງທີ່ແຂງຄ່າຂຶ້ນ. ອັດຕາແລກປ່ຽນເດືອນກັນຍາ 2024 (ຂໍ້ມູນຮອດວັນທີ 20 ກັນຍາ 2024) ທຽບໃສ່ເດືອນສິງຫາ 2024 ເງິນກີບ/ໂດລາ ແຂງຄ່າ 0.16% (ຈາກ 22,136.40 ກີບ/ໂດລາ ເປັນ 22,100.00 ກີບ/ໂດລາ) ແລະ ກີບ/ບາດ ແຂງຄ່າ 0.35% (ຈາກ 683.43 ກີບ/ບາດ ເປັນ 681.08 ກີບ/ບາດ).ສ່ວນຕ່າງອັດຕາແລກປ່ຽນລະຫວ່າງທະນາຄານທຸລະກິດກັບຕະຫຼາດຢູ່ໃນລະດັບ 12.14% ສໍາລັບເງິນກີບ/ໂດລາ ແລະ ໃນລະດັບ 1.93% ສໍາລັບເງິນກີບ/ບາດ.ສັງລວມແລ້ວ, ເຖິງແມ່ນວ່າໃນ 9 ເດືອນຕົ້ນປີ 2024ເງິນກີບຍັງສືບຕໍ່ອ່ອນຄ່າແຕ່ເງິນກີບອ່ອນຄ່າໜ້ອຍກວ່າເມື່ອທຽບກັບປີ2023.
ທ່ານນາງ ວັດທະນາ ດາລາລອຍ ກ່າວຕື່ມວ່າ: ເຖິງວ່າມີຜົນໄດ້ຮັບທີ່ຕັ້ງໜ້າດີຂຶ້ນແຕ່ເຫັນວ່າຍັງບໍ່ທັນສາມາດແກ້ໄຂບັນຫາເຄັ່ງຮ້ອນທີ່ມີຢູ່ໃນປັດຈຸບັນໃຫ້ຂາດຕົວໝົດໄປໄດ້ ແລະ ຍັງບໍ່ທັນບັນລຸທຸກຄາດໝາຍເງິນຕາ ທີ່ສະພາແຫ່ງຊາດກຳນົດໄວ້.ສະນັ້ນ, ນັບແຕ່ນີ້ຮອດທ້າຍປີ2024,ຂະແໜງທະນາຄານຈະຕ້ອງສືບຕໍ່ສຸມໃສ່ການຈັດຕັ້ງປະຕິບັດໜ້າທີ່ການເມືອງຂອງຕົນແບບບຸກທະລຸຂຶ້ນກວ່າເກົ່າເພື່ອໃຫ້ບັນລຸບັນດາຄາດໝາຍຊີ້ວັດທີ່ສະພາແຫ່ງຊາດກຳນົດ. ໃນນີ້,ຈະຕ້ອງສືບຕໍ່ສຸມໃສ່ຈັດຕັ້ງປະຕິບັດບັນດາແຜນວຽກຈຸດສຸມທີ່ຖືກກຳນົດໄວ້ໃນວາລະແຫ່ງຊາດວ່າດ້ວຍແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນກໍຄືມະຕິຂອງຄະນະສະເພາະກິດ 19/ກມສພ ແລະ ມະຕິວ່າດ້ວຍການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່.ຄຽງຄູ່ກັບການເອົາໃຈໃສ່ປັບປຸງລະບົບທະນາຄານ ແລະ ສະຖາບັນການເງິນທີ່ບໍ່ແມ່ນທະນາຄານໃຫ້ມີຄວາມໝັ້ນຄົງເຂັ້ມແຂງຂຶ້ນກວ່າເກົ່າ,ປັບປຸງລະບົບຊໍາລະໃຫ້ມີຄວາມທັນສະໄໝ ແລະ ລວມສູນຂຶ້ນ.ພ້ອມນີ້, ກໍຈະເອົາໃຈໃສ່ຈັດຕັ້ງປະຕິບັດແຜນນະໂຍບາຍເງິນຕາ ແລະ ແຜນງົບປະມານຂອງ ທຫລ ປະຈຳ 3 ເດືອນທ້າຍປີ 2024ຕາມທີ່ກອງປະຊຸມໄດ້ພິຈາລະນາຮັບຮອງດ້ວຍຄວາມເປັນເຈົ້າການ ແລະ ຮັບຜິດຊອບສູງ.
ຈາກການຈັດຕັ້ງປະຕິບັດບັນດາມາດຕະການຂອງ ທຫລຈະເຫັນໄດ້ວ່າອັດຕາເງິນເຟີ້ໄດ້ຫຼຸດລົງຫຼື ເພີ່ມຂຶ້ນໃນຈັງຫວະທີ່ຊ້າລົງເມື່ອທຽບກັບໄລຍະດຽວກັນຂອງປີຜ່ານມາ, ແຕ່ກໍຍັງຢູ່ໃນລະດັບສູງ, ໃນຂະນະທີ່ອັດຕາແລກປ່ຽນກໍເລີ່ມມີຄວາມສະຫງົບ ແລະ ເໜັງຕີງໃນທິດທາງທີ່ແຂງຄ່າຂຶ້ນ, ຫວັງຢ່າງຍິ່ງວ່າບັນຫາເຄັ່ງຮ້ອນຈະຄ່ອຍໆດີຂຶ້ນເທື່ອລະກ້າວ.
