ທ່ານ ພັນໂທ ສັງຄົມ ພົມມະລາດຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ (ນວ)ໄດ້ໃຫ້ສໍາພາດຕໍ່ສື່ມວນຊົນໃນວັນທີ 3 ຕຸລາຜ່ານມາວ່າ: ມາຮອດປັດຈຸບັນເຈົ້າໜ້າທີ່ຕໍາຫຼວດຈະລາຈອນ ນວ ມີຄວາມພ້ອມອໍານວຍຄວາມສະດວກໃນການສັນຈອນຕາມທ້ອງຖະໜົນໃນໄລຍະສປປ ລາວ ເປັນເຈົ້າພາບຈັດກອງປະຊຸມສຸດຍອດອາຊຽນຄັ້ງທີ 44, 45 ແລະ ບັນດາກອງປະຊຸມສຸດຍອດອາຊຽນອື່ນໆ ໂດຍຈະນໍາໃຊ້ກໍາລັງ 700 ກວ່າຄົນ.
ໃນນີ້, ໄດ້ກໍານົດຈຸດຕ່າງໆລວມມີ 200 ກວ່າຈຸດ ເພື່ອນໍາກໍາລັງໄປປະຈໍາການຊຶ່ງມີທັງໝົດ 700 ກວ່າຄົນເພື່ອອໍານວຍຄວາມສະດວກໃຫ້ຂະບວນຂອງບັນດາການນໍາ ກໍຄືແຂກທີ່ຈະເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 44, 45 ແລະ ບັນດາກອງປະຊຸມປິ່ນອ້ອມລວມເຖິງການສັນຈອນໄປ-ມາຂອງບັນດາພາຫະນະຕາມເສັ້ນທາງສາຍຫຼັກ ແລະ ທາງຮ່ອມຕ່າງໆມີທັງເຂດວົງໃນ-ວົງນອກ ແລະ ເຂດຮອບນອກລວມເຖິງບັນດາປ້ອມເຂົ້າ-ອອກເມືອງທີ່ຕິດກັບບັນດາແຂວງອ້ອມຂ້າງ ແລະ ອື່ນໆເພື່ອໃຫ້ມີຄວາມສະດວກ ແລະ ເປັນລະບຽບຮ້ອຍດີ.ເພື່ອເຮັດໃຫ້ການກະກຽມວຽກງານຕ່າງໆມີຄວາມພ້ອມ ແລະ ລົງຕົວທີ່ດີ, ໄລຍະຜ່ານມາ ນອກຈາກໄດ້ກະກຽມເຈົ້າໜ້າທີ່ຕໍາຫຼວດຈະລາຈອນ, ພາຫະນະ ແລະ ອຸປະກອນຮັບໃຊ້ທີ່ຈໍາເປັນໃຫ້ພຽງພໍ ຍັງໄດ້ມີການຝຶກຊ້ອມໜ້າວຽກຕ່າງໆຢ່າງຕໍ່ເນື່ອງ ເຊັ່ນ: ການແກ້ໄຂບັນຫາອຸບັດເຫດຢູ່ຕາມເສັ້ນທາງແບບສຸກເສີນ, ການຄຸ້ມຄອງການສັນຈອນ, ການເປີດທາງ, ການຄຸມຂະບວນແຫ່ ແລະ ອື່ນໆ ມາຮອດປັດຈຸບັນການກະກຽມວຽກງານຕ່າງໆຂອງເຈົ້າໜ້າທີ່ຕໍາຫຼວດຈະລາຈອນ ນວ ເພື່ອຮັບໃຊ້ກອງປະຊຸມສຸດຍອດອາຊຽນຄັ້ງນີ້ແມ່ນມີຄວາມພ້ອມ 100%.ຮຽກຮ້ອງໃຫ້ຜູ້ໃຊ້ລົດໃຊ້ຖະໜົນໃນໄລຍະກອງປະຊຸມດັ່ງກ່າວ ຈົ່ງເອົາໃຈໃສ່ປະຕິບັດຕາມແຈ້ງການຂອງພະແນກໂຍທາທິການ ແລະ ຂົນສົ່ງ ນວ ທີ່ໄດ້ປະກາດອອກໄປລວມເຖິງປະຕິບັດຕາມຄໍາແນະນຳຂອງເຈົ້າໜ້າທີ່ກ່ຽວຂ້ອງທີ່ປະຈໍາຢູ່ຕາມແຕ່ລະເສັ້ນທາງຢ່າງເຂັ້ມງວດ ເພື່ອຮັບປະກັນໃຫ້ການສັນຈອນໄປ-ມາ ມີຄວາມສະດວກສະບາຍ ແລະ ຮັບປະກັນບໍ່ໃຫ້ມີອຸບັດເຫດເກີດຂຶ້ນ.
ຂ່າວ: ວສລ
ໃນນີ້, ໄດ້ກໍານົດຈຸດຕ່າງໆລວມມີ 200 ກວ່າຈຸດ ເພື່ອນໍາກໍາລັງໄປປະຈໍາການຊຶ່ງມີທັງໝົດ 700 ກວ່າຄົນເພື່ອອໍານວຍຄວາມສະດວກໃຫ້ຂະບວນຂອງບັນດາການນໍາ ກໍຄືແຂກທີ່ຈະເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 44, 45 ແລະ ບັນດາກອງປະຊຸມປິ່ນອ້ອມລວມເຖິງການສັນຈອນໄປ-ມາຂອງບັນດາພາຫະນະຕາມເສັ້ນທາງສາຍຫຼັກ ແລະ ທາງຮ່ອມຕ່າງໆມີທັງເຂດວົງໃນ-ວົງນອກ ແລະ ເຂດຮອບນອກລວມເຖິງບັນດາປ້ອມເຂົ້າ-ອອກເມືອງທີ່ຕິດກັບບັນດາແຂວງອ້ອມຂ້າງ ແລະ ອື່ນໆເພື່ອໃຫ້ມີຄວາມສະດວກ ແລະ ເປັນລະບຽບຮ້ອຍດີ.ເພື່ອເຮັດໃຫ້ການກະກຽມວຽກງານຕ່າງໆມີຄວາມພ້ອມ ແລະ ລົງຕົວທີ່ດີ, ໄລຍະຜ່ານມາ ນອກຈາກໄດ້ກະກຽມເຈົ້າໜ້າທີ່ຕໍາຫຼວດຈະລາຈອນ, ພາຫະນະ ແລະ ອຸປະກອນຮັບໃຊ້ທີ່ຈໍາເປັນໃຫ້ພຽງພໍ ຍັງໄດ້ມີການຝຶກຊ້ອມໜ້າວຽກຕ່າງໆຢ່າງຕໍ່ເນື່ອງ ເຊັ່ນ: ການແກ້ໄຂບັນຫາອຸບັດເຫດຢູ່ຕາມເສັ້ນທາງແບບສຸກເສີນ, ການຄຸ້ມຄອງການສັນຈອນ, ການເປີດທາງ, ການຄຸມຂະບວນແຫ່ ແລະ ອື່ນໆ ມາຮອດປັດຈຸບັນການກະກຽມວຽກງານຕ່າງໆຂອງເຈົ້າໜ້າທີ່ຕໍາຫຼວດຈະລາຈອນ ນວ ເພື່ອຮັບໃຊ້ກອງປະຊຸມສຸດຍອດອາຊຽນຄັ້ງນີ້ແມ່ນມີຄວາມພ້ອມ 100%.ຮຽກຮ້ອງໃຫ້ຜູ້ໃຊ້ລົດໃຊ້ຖະໜົນໃນໄລຍະກອງປະຊຸມດັ່ງກ່າວ ຈົ່ງເອົາໃຈໃສ່ປະຕິບັດຕາມແຈ້ງການຂອງພະແນກໂຍທາທິການ ແລະ ຂົນສົ່ງ ນວ ທີ່ໄດ້ປະກາດອອກໄປລວມເຖິງປະຕິບັດຕາມຄໍາແນະນຳຂອງເຈົ້າໜ້າທີ່ກ່ຽວຂ້ອງທີ່ປະຈໍາຢູ່ຕາມແຕ່ລະເສັ້ນທາງຢ່າງເຂັ້ມງວດ ເພື່ອຮັບປະກັນໃຫ້ການສັນຈອນໄປ-ມາ ມີຄວາມສະດວກສະບາຍ ແລະ ຮັບປະກັນບໍ່ໃຫ້ມີອຸບັດເຫດເກີດຂຶ້ນ.
ຂ່າວ: ວສລ
