ບັນດາສາຂາທະນາຄານ, ສະຖາບັນການເງິນ ທັງພາກລັດ ແລະ ເອກະຊົນທົ່ວແຂວງເຊກອງຈັດກິດຈະກໍາແຂ່ງຂັນກິລາບານເຕາະຊາຍ ແລະ ກິລາເປຕັງຍິງມິດຕະພາບ ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງທະນາຄານແຫ່ງ ສປປ ລາວ ຄົບຮອບ 56 ປີ (7 ຕຸລາ 1968-7 ຕຸລາ 2024) ຂຶ້ນເມື່ອວັນທີ 6 ຕຸລາ ຜ່ານມາ, ທີ່ເດີ່ນກິລາສາຍທາງຫຼວງ ເມືອງລະມາມ ແຂວງເຊກອງ ໂດຍມີທ່ານ ຕຸລາ ວົງໜໍ່ແກ້ວ ເລຂາຄະນະພັກຮາກຖານ ສາຂາທະນາຄານແຂວງເຊກອງ ຫົວໜ້າທະນາຄານການຄ້າຕ່າງປະເທດລາວມະຫາຊົນສາຂາ ແຂວງເຊກອງ, ມີບັນດາຫົວໜ້າ-ຮອງຫົວໜ້າສາຂາທະນາຄານ ແລະ ສະຖາບັນການເງິນ ທົ່ວແຂວງເຊກອງເຂົ້າຮ່ວມ.
ຜົນການແຂ່ງຂັນກິລາບານເຕາະຊາຍ ອັນດັບທີ 1 ແມ່ນທະນາຄານການຄ້າຕ່າງປະເທດລາວມະຫາຊົນ; ອັນດັບ 2 ທິມຮ່ວມ (ທະນາຄານຮ່ວມພັດທະນາ, ທະນາຄານເອຊີລີດ້າ, ທະນາຄານພົງສະຫວັນ, ສະຖາບັນການເງິນຈຸລະພາກເຊກອງ ແລະ ສະຖາບັນການເງິນຈຸລະພາກຈໍາປາສັກ); ອັນດັບທີ 3 ທະນາຄານພັດທະນາລາວ ແລະ ທະນາຄານສົ່ງເສີມກະສິກໍາ+ທະນາຄານນະໂຍບາຍ. ກິລາເປຕັງຍິງ ອັນດັບທີ 1 ແມ່ນທະນາຄານສົ່ງເສີມກະສິກໍາ+ທະນາຄານນະໂຍບາຍ; ອັນດັບທີ 2 ທິມຮ່ວມ (ທະນາຄານຮ່ວມພັດທະນາ, ທະນາຄານເອຊີລີດ້າ, ທະນາຄານພົງສະຫວັນ, ສະຖາບັນການເງິນຈຸລະພາກເຊກອງ ແລະ ສະຖາບັນການເງິນຈຸລະພາກຈໍາປາສັກ); ອັນດັບທີ 3 ທະນາຄານການຄ້າຕ່າງປະເທດລາວມະຫາຊົນ ແລະ ທະນາຄານພັດທະນາລາວ.
(ຂ່າວ: ສັນຍາ)