ຄະນະບໍລິຫານງານ ຊາວໜຸ່ມປະຊາຊົນ ປະຕິວັດລາວ ກະຊວງພະລັງງານ ແລະ ບໍ່ແຮ່ (ພບ) ໄດ້ຈັດພິທີສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2024, ພິທີມອບທຸງໄຊນຳໜ້າ ຂະບວນການຊາວໜຸ່ມ 4 ບຸກ ຂອງຄຊປປລ ພບ, ມອບຫຼຽນຊາວໜຸ່ມຕະລຸມບອນ ແລະ ຫຼຽນກາລະນຶກ 65 ປີວັນສ້າງຕັ້ງ ຄະນະຊາວໜຸ່ມ ປະຊາຊົນປະຕິວັດລາວໃນວັນທີ 4 ຕຸລາ ຜ່ານມານີ້ ທີ່ຫ້ອງປະຊຸມໃຫຍ່ລັດວິສາຫະກິດໄຟຟ້າລາວ.
ເປັນກຽດເຂົ້າຮ່ວມໃນພິທີ ໂດຍທ່ານ ໂພໄຊ ໄຊຍະສອນ ກຳມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ມອນໄຊ ລາວມົວຊົ່ງ ກຳມະການສຳຮອງສູນກາງພັກ ເລຂາຄະນະພັກ ເລຂາຄະນະບໍລິກຫານງານສູນກາງ ຊປປລ, ທ່ານ ຈັນທະເລດ ວໍລະບຸດ ຄະນະພັກກະຊວງ ຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພບ, ພ້ອມດ້ວຍແຂກຖືກເຊີນເຂົ້າຮ່ວມ.
ໃນພິທີ, ທ່ານ ຈັນທະເລດ ວໍລະບຸດ ຂຶ້ນລາຍງານການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໄລຍະ 3 ປີ ແຕ່ປີ 2021-2023 ຂອງ ຄຊປປລ ພບ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຂາດຕົກບົກຜ່ອງ ບົດຮຽນທີ່ຖອດຖອນໄດ້ ແລະ ທິດທາງໃນຕໍ່ໜ້າ. ຄະນະບໍລິຫານງານຊປປລກະຊວງພະລັງງານແລະບໍ່ແຮ່ມີຄວາມເຂັ້ມແຂງດ້ານການນຳພາ, ຈັດຕັ້ງປະຕິບັດວຽກງານວິຊາສະເພາະ ກໍຄືວຽກງານອົງການຈັດຕັ້ງຊາວໜຸ່ມ; ຢຶດໝັ້ນຕໍ່ການນຳພາຂອງພັກຕິດພັນກັບການຄຸ້ມຄອງລັດແຫ່ງກົດໝາຍ;ມີຄວາມສາມັກຄີ, ຫ້າວຫັນໃນການຈັດຕັ້ງປະຕິບັດວຽກງານ ແລະ ການເຄື່ອນໄຫວວຽກງານຕ່າງໆຕາມພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບຂອງຕົນ, ບົນພື້ນຖານການມອບໝາຍຂອງສູນກາງ ຊປປລ ກໍຄືຂອງຄະນະພັກກະຊວງພະລັງງານ ແລະ ບໍ່ແຮ່ ເປັນຕົ້ນແມ່ນວຽກງານປ້ອງກັນຄວາມສະຫງົບ, ວຽກງານວິຊາສະເພາະ, ວຽກງານອົງການຈັດຕັ້ງມະຫາຊົນ ແລະ ວຽກງານສ້າງຂະບວນການໃນວັນສຳຄັນຕ່າງໆຂອງຊາດຢ່າງມີຂະບວນຟົດຟື້ນ,ຕໍ່ເນື່ອງທັງສ້າງໄດ້ຄວາມສາມັກຄີຮັກແພງ, ສ້າງໄດ້ສະຕິຮັກຊາດ, ຕໍ່ການຈັດຕັ້ງ, ເປັນເຈົ້າຕົນເອງໃນການຈັດຕັ້ງປະຕິບັດລະບຽບກົດໝາຍຂອງລັດເວົ້າລວມ, ເວົ້າສະເພາະແມ່ນລະບຽບກົດໝາຍຂອງອົງການຈັດຕັ້ງຊາວໜຸ່ມວາງອອກຢ່າງມີປະສິດທິຜົນ.
ຜ່ານການຈັດຕັ້ງປະຕິບັດແລະການປະເມີນກວດກາ 4 ບຸກໃນປີ 2021-2023ຜ່ານມາ, ຄະນະຊາວໜຸ່ມປະຊາຊົນປະຕິວັດລາວກະຊວງພະລັງງານ ແລະ ບໍ່ແຮ່ ໄດ້ສ້າງເງື່ອນໄຂໃຫ້ສະມາຊິກຊາວໜຸ່ມໃນຄວາມຮັບຜິດຊອບຂອງຕົນໄດ້ໄປຍົກລະດັບທິດສະດີ-ການເມືອງ, ຍົກລະດັບຄວາມຮູ້ດ້ານວິຊາສະເພາະ, ພາສາຕ່າງປະເທດແລະຄວາມຮູ້ດ້ານອື່ນໆເປັນຕົ້ນ:ຍົກລະດັບດ້ານທິດສະດີ-ການເມືອງ ຢູ່ພາຍໃນປະເທດ ທີ່ສມປຊ ແລະ ຕ່າງປະເທດທີ່ປະເທດສປ ຈີນ ແລະ ສສຫວຽດນາມ;ຍົກລະດັບໄລຍະສັ້ນ ແລະ ກາງ ຄືການເຂົ້າຮ່ວມຝຶກອົບຮົມ, ທັດສະນສຶກສາ ພາຍໃນ ແລະ ຕ່າງປະເທດ ກ່ຽວກັບວຽກງານກ່ຽວຂອງກັບຂະແໜງການເປັນຕົ້ນແມ່ນຫົວຂໍ້ ທີ່ກ່ຽວຂອງກັບຂະແໜງການພະລັງງານ ແລະ ບໍ່ແຮ່ ແລະ ຫົວຂໍ້ ທີ່ຕິດພັນກັບວຽກງານບໍລິຫານຄຸ້ມຄອງຫ້ອງການ, ການເງິນ-ການບັນຊີ, ພິທີການ, ວຽກງານຈັດຕັ້ງ-ພະນັກງານ, ວຽກງານກວດກາ,ວຽກງານແຜນການ ແລະ ຮ່ວມມືສາກົນ,ວຽກງານພະລັງງານ ແລະ ທໍລະນີສາດ-ແຮ່ທາດ ແລະ ບໍ່ແຮ່,ໄດ້ເອົາໃຈໃສ່ສືບຕໍ່ປັບປຸງ, ກໍ່ສ້າງການຈັດຕັ້ງຂັ້ນຂອງບັນດາຄຊປປລຮາກຖານແລະໜ່ວຍຮາກຖານອ້ອມຂ້າງກະຊວງ;ປັບປຸງຄະນະບໍລິຫານງານ ແລະ ກົງຈັກຊ່ວຍວຽກ ກໍຄື ຫ້ອງການ ຄຊປປລ ແລະ ໜ່ວຍງານຮັບຜິດຊອບວຽກງານຕ່າງໆ.ຄະນະບໍລິຫານງານ ຊປປລ, ພ້ອມດ້ວຍສະມາຊິກຊາວໜຸມ ທຸກສະຫາຍໄດ້ມີອາຊີບ ແລະ ວຽກເຮັດງານທໍາທີ່ແນ່ນອນ ຊຶ່ງຢູ່ໃນການຈັດຕັ້ງພັກ-ລັດ ແລະ ບໍລິສັດ, ມີບັນດາສະມາຊິກ ຊາວໜຸ່ມຈໍານວນຫຼາຍ ນອກຈາກນັ້ນຍັງໄດ້ເອົາໃຈໃສ່ວຽກງານຂະບວນການ ແລະ ຊ່ວຍເຫຼືອສັງຄົມ.ຜ່ານການເຄື່ອນໄຫວຢ່າງຫ້າວຫັນ ແລະ ດ້ວຍຄວາມຮັບຜິດຊອບສູງຂອງ ພະນັກງານ, ລັດຖະກອນ ໃນຖັນແຖວຊາວໜຸ່ມ ຍັງໄດ້ເກີດມີຊາວໜຸ່ມຕົວແບບຈຳນວນ 11 ສະຫາຍໃນຂະບວນການຕ່າງໆ.
ອັນເດັ່ນກວ່າໝູ່ແມ່ນສະໜັບສະໜູນອຸປະກອນໄຟຟ້າແສງຕາເວັນໃຫ້ທະຫານເຂດຊາຍແດນທຸລະກັນດານທີ່ຕາຂ່າຍໄຟຟ້າບໍ່ສາມາດສະໜອງໄດ້; ໂຄງການສະໜັບສະໜູນວຽກງານກໍ່ສ້າງຮາກຖານການເມືອງຂອງສູນກາງຊາວໜຸ່ມປະຊາຊົນປະຕິວັດລາວ; ວຽກງານບັນເທົ່າທຸກ;ການເສຍເງິນບໍາລຸງ ແມ່ນໜ້າທີ່ຂອງຊາວໜຸ່ມໝົດທຸກສະຫາຍ ແລະ ໄດ້ສົ່ງເງິນສະຕິໃຫ້ສູນກາງຊາວໜຸ່ມຕາມລະບຽບທີ່ກໍານົດໄວ້ ເຫັນວ່າສາມາດຈັດຕັ້ງປະຕິບັດໄດ້ 100%;ມາຮອດທ້າຍປີ 2023ນີ້, ຄຊປປລ ກະຊວງພບ ມີກອງທຶນພັດທະນາຊາວໜຸ່ມຂອງຕົນຈຳນວນ 55,605,500 ກີບ;ບັນດາຄຊປປລ ຮາກຖານ ແລະໜ່ວຍ ຊປປລ ຮາກຖານ ໄດ້ຮັບການຢັ້ງຢືນ 4 ບຸກ ແລະ ຮັບທຸງໄຊນໍາໜ້າ.
ໃນພິທີທີ່ມີກຽດດັ່ງກ່າວ ບັນດາຜູ້ເຂົ້າຮ່ວມຍັງໄດ້ຮັບຟັງຄໍາໂອ້ລົມ ຂອງທ່ານ ໂພໄຊ ໄຊຍະສອນ ອີກດ້ວຍ.
(ຂ່າວ: ແສງຈັນ)
ເປັນກຽດເຂົ້າຮ່ວມໃນພິທີ ໂດຍທ່ານ ໂພໄຊ ໄຊຍະສອນ ກຳມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ມອນໄຊ ລາວມົວຊົ່ງ ກຳມະການສຳຮອງສູນກາງພັກ ເລຂາຄະນະພັກ ເລຂາຄະນະບໍລິກຫານງານສູນກາງ ຊປປລ, ທ່ານ ຈັນທະເລດ ວໍລະບຸດ ຄະນະພັກກະຊວງ ຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພບ, ພ້ອມດ້ວຍແຂກຖືກເຊີນເຂົ້າຮ່ວມ.
ໃນພິທີ, ທ່ານ ຈັນທະເລດ ວໍລະບຸດ ຂຶ້ນລາຍງານການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໄລຍະ 3 ປີ ແຕ່ປີ 2021-2023 ຂອງ ຄຊປປລ ພບ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຂາດຕົກບົກຜ່ອງ ບົດຮຽນທີ່ຖອດຖອນໄດ້ ແລະ ທິດທາງໃນຕໍ່ໜ້າ. ຄະນະບໍລິຫານງານຊປປລກະຊວງພະລັງງານແລະບໍ່ແຮ່ມີຄວາມເຂັ້ມແຂງດ້ານການນຳພາ, ຈັດຕັ້ງປະຕິບັດວຽກງານວິຊາສະເພາະ ກໍຄືວຽກງານອົງການຈັດຕັ້ງຊາວໜຸ່ມ; ຢຶດໝັ້ນຕໍ່ການນຳພາຂອງພັກຕິດພັນກັບການຄຸ້ມຄອງລັດແຫ່ງກົດໝາຍ;ມີຄວາມສາມັກຄີ, ຫ້າວຫັນໃນການຈັດຕັ້ງປະຕິບັດວຽກງານ ແລະ ການເຄື່ອນໄຫວວຽກງານຕ່າງໆຕາມພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບຂອງຕົນ, ບົນພື້ນຖານການມອບໝາຍຂອງສູນກາງ ຊປປລ ກໍຄືຂອງຄະນະພັກກະຊວງພະລັງງານ ແລະ ບໍ່ແຮ່ ເປັນຕົ້ນແມ່ນວຽກງານປ້ອງກັນຄວາມສະຫງົບ, ວຽກງານວິຊາສະເພາະ, ວຽກງານອົງການຈັດຕັ້ງມະຫາຊົນ ແລະ ວຽກງານສ້າງຂະບວນການໃນວັນສຳຄັນຕ່າງໆຂອງຊາດຢ່າງມີຂະບວນຟົດຟື້ນ,ຕໍ່ເນື່ອງທັງສ້າງໄດ້ຄວາມສາມັກຄີຮັກແພງ, ສ້າງໄດ້ສະຕິຮັກຊາດ, ຕໍ່ການຈັດຕັ້ງ, ເປັນເຈົ້າຕົນເອງໃນການຈັດຕັ້ງປະຕິບັດລະບຽບກົດໝາຍຂອງລັດເວົ້າລວມ, ເວົ້າສະເພາະແມ່ນລະບຽບກົດໝາຍຂອງອົງການຈັດຕັ້ງຊາວໜຸ່ມວາງອອກຢ່າງມີປະສິດທິຜົນ.
ຜ່ານການຈັດຕັ້ງປະຕິບັດແລະການປະເມີນກວດກາ 4 ບຸກໃນປີ 2021-2023ຜ່ານມາ, ຄະນະຊາວໜຸ່ມປະຊາຊົນປະຕິວັດລາວກະຊວງພະລັງງານ ແລະ ບໍ່ແຮ່ ໄດ້ສ້າງເງື່ອນໄຂໃຫ້ສະມາຊິກຊາວໜຸ່ມໃນຄວາມຮັບຜິດຊອບຂອງຕົນໄດ້ໄປຍົກລະດັບທິດສະດີ-ການເມືອງ, ຍົກລະດັບຄວາມຮູ້ດ້ານວິຊາສະເພາະ, ພາສາຕ່າງປະເທດແລະຄວາມຮູ້ດ້ານອື່ນໆເປັນຕົ້ນ:ຍົກລະດັບດ້ານທິດສະດີ-ການເມືອງ ຢູ່ພາຍໃນປະເທດ ທີ່ສມປຊ ແລະ ຕ່າງປະເທດທີ່ປະເທດສປ ຈີນ ແລະ ສສຫວຽດນາມ;ຍົກລະດັບໄລຍະສັ້ນ ແລະ ກາງ ຄືການເຂົ້າຮ່ວມຝຶກອົບຮົມ, ທັດສະນສຶກສາ ພາຍໃນ ແລະ ຕ່າງປະເທດ ກ່ຽວກັບວຽກງານກ່ຽວຂອງກັບຂະແໜງການເປັນຕົ້ນແມ່ນຫົວຂໍ້ ທີ່ກ່ຽວຂອງກັບຂະແໜງການພະລັງງານ ແລະ ບໍ່ແຮ່ ແລະ ຫົວຂໍ້ ທີ່ຕິດພັນກັບວຽກງານບໍລິຫານຄຸ້ມຄອງຫ້ອງການ, ການເງິນ-ການບັນຊີ, ພິທີການ, ວຽກງານຈັດຕັ້ງ-ພະນັກງານ, ວຽກງານກວດກາ,ວຽກງານແຜນການ ແລະ ຮ່ວມມືສາກົນ,ວຽກງານພະລັງງານ ແລະ ທໍລະນີສາດ-ແຮ່ທາດ ແລະ ບໍ່ແຮ່,ໄດ້ເອົາໃຈໃສ່ສືບຕໍ່ປັບປຸງ, ກໍ່ສ້າງການຈັດຕັ້ງຂັ້ນຂອງບັນດາຄຊປປລຮາກຖານແລະໜ່ວຍຮາກຖານອ້ອມຂ້າງກະຊວງ;ປັບປຸງຄະນະບໍລິຫານງານ ແລະ ກົງຈັກຊ່ວຍວຽກ ກໍຄື ຫ້ອງການ ຄຊປປລ ແລະ ໜ່ວຍງານຮັບຜິດຊອບວຽກງານຕ່າງໆ.ຄະນະບໍລິຫານງານ ຊປປລ, ພ້ອມດ້ວຍສະມາຊິກຊາວໜຸມ ທຸກສະຫາຍໄດ້ມີອາຊີບ ແລະ ວຽກເຮັດງານທໍາທີ່ແນ່ນອນ ຊຶ່ງຢູ່ໃນການຈັດຕັ້ງພັກ-ລັດ ແລະ ບໍລິສັດ, ມີບັນດາສະມາຊິກ ຊາວໜຸ່ມຈໍານວນຫຼາຍ ນອກຈາກນັ້ນຍັງໄດ້ເອົາໃຈໃສ່ວຽກງານຂະບວນການ ແລະ ຊ່ວຍເຫຼືອສັງຄົມ.ຜ່ານການເຄື່ອນໄຫວຢ່າງຫ້າວຫັນ ແລະ ດ້ວຍຄວາມຮັບຜິດຊອບສູງຂອງ ພະນັກງານ, ລັດຖະກອນ ໃນຖັນແຖວຊາວໜຸ່ມ ຍັງໄດ້ເກີດມີຊາວໜຸ່ມຕົວແບບຈຳນວນ 11 ສະຫາຍໃນຂະບວນການຕ່າງໆ.
ອັນເດັ່ນກວ່າໝູ່ແມ່ນສະໜັບສະໜູນອຸປະກອນໄຟຟ້າແສງຕາເວັນໃຫ້ທະຫານເຂດຊາຍແດນທຸລະກັນດານທີ່ຕາຂ່າຍໄຟຟ້າບໍ່ສາມາດສະໜອງໄດ້; ໂຄງການສະໜັບສະໜູນວຽກງານກໍ່ສ້າງຮາກຖານການເມືອງຂອງສູນກາງຊາວໜຸ່ມປະຊາຊົນປະຕິວັດລາວ; ວຽກງານບັນເທົ່າທຸກ;ການເສຍເງິນບໍາລຸງ ແມ່ນໜ້າທີ່ຂອງຊາວໜຸ່ມໝົດທຸກສະຫາຍ ແລະ ໄດ້ສົ່ງເງິນສະຕິໃຫ້ສູນກາງຊາວໜຸ່ມຕາມລະບຽບທີ່ກໍານົດໄວ້ ເຫັນວ່າສາມາດຈັດຕັ້ງປະຕິບັດໄດ້ 100%;ມາຮອດທ້າຍປີ 2023ນີ້, ຄຊປປລ ກະຊວງພບ ມີກອງທຶນພັດທະນາຊາວໜຸ່ມຂອງຕົນຈຳນວນ 55,605,500 ກີບ;ບັນດາຄຊປປລ ຮາກຖານ ແລະໜ່ວຍ ຊປປລ ຮາກຖານ ໄດ້ຮັບການຢັ້ງຢືນ 4 ບຸກ ແລະ ຮັບທຸງໄຊນໍາໜ້າ.
ໃນພິທີທີ່ມີກຽດດັ່ງກ່າວ ບັນດາຜູ້ເຂົ້າຮ່ວມຍັງໄດ້ຮັບຟັງຄໍາໂອ້ລົມ ຂອງທ່ານ ໂພໄຊ ໄຊຍະສອນ ອີກດ້ວຍ.
(ຂ່າວ: ແສງຈັນ)
