ໃນວັນທີ  7 ຕຸລາຜ່ານມາ ທ່ານ  ພັທ ຈັນໄຊ  ໄຊສົມເພັດ ຮອງຫົວໜ້າກົມເສນາຮັກ ກົມໃຫຍ່ພາລະທິການກະຊວງປ້ອງກັນຄວາມສະຫງົບ (ປກສ) ໄດ້ໃຫ້ສຳພາດວ່າ:  ໃນໂອກາດທີ່ ສປປ ລາວໄດ້ຮັບກຽດເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ  44 ແລະ 45 ນີ້, ທິມງານແພດໝໍຈາກ ໂຮງໝໍ 5 ເມສາ ກະຊວງ ປກສ ມີຄວາມພ້ອມ 100% ເພື່ອຮັບໃຊ້ກອງປະຊຸມສຸດຍອດອາຊຽນ ຊຶ່ງໄດ້ກະກຽມດ້ານບຸກຄະລາກອນການແພດ, ລົດຮັບ-ສົ່ງຄົນເຈັບ ແລະ ຢາປົວພະຍາດ ເພື່ອຕິດຕາມຮັກສາສຸຂະພາບຂອງອ້າຍນ້ອງກຳລັງ ປກສ ທີ່ປະຈຳການຢູ່ຕາມຈຸດຕ່າງໆໃຫ້ມີສຸຂະພາບແຂງແຮງ ນອກຈາກເຄື່ອນໄຫວກວດສຸຂະພາບໃຫ້ກຳລັງເຈົ້າໜ້າທີ່ແລ້ວ ຍັງແຈກຢາຍຢາປິ່ນປົວສຸຂະພາບ ເພື່ອຮັບປະກັນໃຫ້ອ້າຍ-ນ້ອງມີສຸຂະພາບແຂງແຮງ ກຽມພ້ອມປະຕິບັດໜ້າທີ່ຮັບໃຊ້ກອງປະຊຸມຢ່າງມີຜົນສຳເລັດ.

ສຳລັບທີມແພດໝໍ ແມ່ນໄດ້ແບ່ງອອກເປັນ 3 ຈຸ ຕິດຕາມປະຈຳການຕະຫຼອດ 24 ຊົ່ວໂມງ ເພື່ອລາດຕະເວນຕິດຕາມສຸຂະພາບໃຫ້ກຳລັງອ້າຍ-ນ້ອງ ທີ່ປະຕິບັດໜ້າທີ່ປ້ອງກັນຢູ່ແຕ່ລະຈຸດ.

ຂ່າວ-ພາບ: ບຸນພະຈັນ