ວັນທີ 8 ຕຸລາຜ່ານມາ, ອົງການແຄນາໆຊາດ ປະຈໍາ ສປປ ລາວ ຮ່ວມກັບ ສະຫະພັນແມ່ຍິງແຂວງຫຼວງນ້ຳທາ ໄດ້ມອບເຄື່ອງຊ່ວຍເຫຼືອໃຫ້ຜູ້ປະສົບໄພນໍ້າຖ້ວມຢູ່ບ້ານປ່າສັກ ຊຶ່ງມີ 79 ຄົວເຮືຶອນ ທີ່ໄດ້ຮັບຜົນກະທົບຈາກໄພນໍ້າຖ້ວມໃນຄັ້ງນີ້.

ເຄື່ອງທີ່ນຳມາມອບປະກອບມີ: ເຄື່ອງນຸງຫົ່ມ, ເຄື່ອງອຸປະໂພກ-ບໍລິໂພກ ເປັນຕົ້ນແມ່ນ: ເຂົ້າສານ, ຢາ ແລະ ເຄື່ອງໃຊ້ໃນຄົວເຮືອນ ລວມມູນຄ່າທັງໝົດ 75 ພັນໂດລາສະຫະລັດ ໂດຍໄດ້ຮັບການສະໜັບສະໜູນຈາກມູນນິທິ ໂຄຄາ ໂຄລາ. ມອບໂດຍທ່ານ ນາງ ບົວວັນ ພົມມະລິດ ປະທານສະຫະພັນແມ່ຍິງແຂວງ ແລະ ຜູ້ຕາງໜ້າອົງການແຄ ນາໆຊາດ ປະຈຳ ສປປ ລາວ ພ້ອມດ້ວຍຄະນະ.

(ຂ່າວ: ມຸນຕີ)