ຂ່າວຕ່າງປະເທດລາຍງານ ໃນວັນທີ 10 ພະຈິກ ຜ່ານມາ, ທະນາຄານ​ກາງຣັດ​ເຊຍ​ລາຍ​ງານ​ວ່າ:ມູນ​ຄ່າຄຳ​​ສຳຮອງ​ຂອງຣັດ​ເຊຍ​ໄດ້​ບັນລຸ​ເຖິງ 207 ຕື້​ໂດ​ລາ​ໃນ​ເດືອນ​ຕຸລາ ຜ່ານມາ.

ອັດຕາສ່ວນຂອງຄໍາໃນຄັງສໍາຮອງລະຫວ່າງປະເທດຂອງລັດເຊຍເພີ່ມຂຶ້ນເປັນ 32.9% ຈາກ 31.5% ໃນເດືອນກ່ອນ. ນັບເປັນ​ລະດັບ​ສູງ​ສຸດ​ຕັ້ງ​ແຕ່​ເດືອນ​ພະຈິກ 1999 ຊຶ່ງເປັນໄລຍະທີ່ຣັດເຊຍມີອັດຕາສ່ວນຄຳ​ໃນ​ຄັງ​ສຳຮອງ​ລະຫວ່າງປະເທດ 34%.

ສື່​ມວນ​ຊົນ​ຣັດ​ເຊຍ​ລາຍ​ງານ​ວ່າ:ອັດ​ຕາ​ສ່ວນ​​ສູງ​ສຸດ​ຂອງ​ຄຳແມ່ນ 56.9% ​ໃນ​ວັນ​ທີ 1 ມັງກອນ 1993, ​ໃນ​ຂະນະ​ທີ່ອັດຕາສ່ວນ​ຕ່ຳ​ສຸດ​ແມ່ນ 2,1% ​ໃນ​ເດືອນ​ມິຖຸນາ​ປີ 2007.

ຂໍ້ມູນຂອງທະນາຄານ​ກາງຣັດ​ເຊຍ ລະບຸວ່າ: ຄັງສໍາຮອງ ລະຫວ່າງປະເທດໄດ້ຫຼຸດລົງເຖິງ 631 ຕື້ໂດລາໃນເດືອນຕຸລາ ຜ່ານມາ ຊຶ່ງຫຼຸດລົງຈາກ 633 ຕື້ໂດລາໃນເດືອນກັນຍາປີນີ້.