ຂ່າວຕ່າງປະເທດລາຍງານ ຫວ່າງມໍ່ໆມານີ້, ກະ​ຊວງ​ກະ​ສິ​ກຳ, ປ່າ​ໄມ້ ແລະ ການ​ປະ​ມົງ​ຂອງ​ກຳ​ປູ​ເຈຍ ໄດ້​ປະ​ກາດ​ວ່າ: ກຳປູເຈຍໄດ້ຂຶ້ນທະບຽນລູກປາໂລມາອິຣະວະດີ​ແມ່​ນ້ຳ​ຂອງເກີດໃໝ່9 ໂຕ ແລະມີລູກໂລມາອິຣະວະດີຕາຍ 3 ໂຕ​ໃນ​ປີ 2024.

ທີມນັກຄົ້ນຄວ້າຈາກອົງການການປະມົງ ແລະອົງການກອງທຶນສັດປ່າໂລກ (WWF) ໄດ້ເຫັນລູກປາໂລມາອີຣະວາດີເກີດໃໝ່ໂຕລ້າສຸດ ບໍລິເວນພື້ນທີ່ປາໂລມາກຳປີ ຢູ່ເມືອງຈິດບຸຣີ ແຂວງກະແຈະ ນັບ​ເປັນ​ລູກປາ​ໂລມາ​ອິ​ຣະ​ວາ​ດີ​ໂຕ​ທີ 9 ທີ່​ໄດ້​ຮັບ​ການ​ຂຶ້ນ​ທະບຽນ​ໃນ​ປີ 2024. ໂດຍ​ເຈົ້າ​ໜ້າ​ທີ່​ໄດ້​ພົບ​ເຫັນ​ລູກ​ປາໂລມາໂຕນີ້ກຳລັງ​ລອຍ​ຢູ່​ໃກ້​ກັບ​ປາ​ໂລມາ​ອີ​ຣະວະ​ດີຄູ່ໜຶ່ງ​ໂຕ.

ປາໂລມາອິຣະວາດີ ໄດ້ຖືກຈັດເປັນສັດໃກ້ສູນພັນຂັ້ນວິກິດໃນບັນຊີແດງຂອງອົງການສາກົນເພື່ອການອະນຸລັກທໍາມະຊາດ (IUCN) ນັບຕັ້ງແຕ່ປີ 2004 ແລະ ຄາດຄະເນວ່າມີປະຊາກອນຂອງປາໂລມາອີຣາວະດີ ປະມານ 105 ໂຕອາໄສຢູ່ລຽບຕາມແມ່ນ້ໍາຫຼັກໄລຍະທາງ180 ກິໂລແມັດ ຂອງແມ່ນ້ຳຂອງທີ່ໄຫຼຜ່ານແຂວງສະຕຣືງເຕຣງ ແລະ ກຣະແຈະ ທາງພາກຕາເວັນອອກສ່ຽງເໜືອ ຂອງກຳປູເຈຍ.