ໃນວັນທີ 20 ພະຈິກ ນີ້ທີ່ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ພິທີມອບ-ຮັບ ທຸງໄຊນໍາໜ້າຂະບວນການຂໍ້ແຂ່ງຂັນ 4 ບຸກ ຄະນະຊາວໜຸ່ມປະຊາຊົນປະຕິວັດລາວ ສໍານັກສູນກາງຊາວໜຸ່ມປະຊາຊົນປະຕິວັດລາວ, ເຂົ້າຮ່ວມເປັນປະທານໂດຍ ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກເລຂາຄະນະບໍລິຫານງານ ສຊປລ, ສະຫາຍ ທອງຈັນ ພູມີພັນ ຮອງເລຂາຄະນະບໍລິຫານງານ ສຊປລຜູ້ຊີ້ນໍາອົງການຈັດຕັ້ງມະຫານຊົນ ສຊປລ, ສະຫາຍ ນາງ ປານີ ກິນດາວົງ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ສໍານັກ ສຊປລ, ອົງການຈັດຕັ້ງ ແມ່ຍິງ-ກໍາມະບານ ສຊປລ. ມີ ສະຫາຍ ຮອງເລຂາຄະນະບໍລິຫານງານ ສຊປລ, ສະຫາຍ ເລຂາໜ່ວຍພັກບັນດາກົມອ້ອມຂ້າງ, ຕະຫຼອດຮອດສະມາຊິກຊາວໜຸ່ມປະຊາຊົນປະຕິວັດລາວ ສໍານັກສູນກາງຊາວໜຸ່ມປະຊາຊົນປະຕິວັດລາວເຂົ້າຮ່ວມພ້ອມພຽງ.

ໃນພິທີ, ສະຫາຍ ບຸນຍຸງ ເພັດມີໄຊ ຮອງເລຂາຄະນະຊາວໜຸ່ມປະຊາຊົນປະຕິວັດລາວ ສໍານັກສູນກາງຊາວໜຸ່ມປະຊາຊົນປະຕິວັດລາວ ຕາງໜ້າໃຫ້ ຄຊປປລ ສໍານັກ ສຊປລ ຂຶ້ນຜ່ານບົດສະຫຼຸບປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງ ຄຊປປລ ສໍານັກ ສຊປລ ປະຈໍາປີ 2023 ແລະ ທິດທາງແຜນການປະຈໍາປີ 2024; ຄຊປປລ ສໍານັກ ສຊປລ ແມ່ນການຈັດຕັ້ງຊາວໜຸ່ມ ທີ່ມີທີ່ຕັ້ງຂຶ້ນກັບ ສຊປລ, ເຄື່ອນໄຫວພາຍໃຕ້ການນໍາພາ-ຊີ້ນໍາໂດຍກົງ ແລະ ຮອບດ້ານ ຂອງຄະນະບໍລິຫານງານພັກ ສຊປລ, ໃນປີ 2023 ມີໜ່ວຍຮາກຖານຊາວໜຸ່ມຂຶ້ນກັບ ຄຊປປລ ສຳນັກ ສຊປລ ທັງໝົດ 11 ໜ່ວຍ, ມີກອງອາສາສະໝັກຊາວໜຸ່ມຕະລຸມບອນ 1 ກອງ, ມີຄະນະບໍລິຫານງານຊາວໜຸ່ມທັງໝົດ 13 ສະຫາຍຍິງ 5 ສະຫາຍ, ຄະນະປະຈໍາ 5 ສະຫາຍຍິງ 2 ສະຫາຍ, ມີສະມາຊິກຊາວໜຸ່ມທັງໝົດ 215 ສະຫາຍຍິງ 102 ສະຫາຍ. ຜ່ານການຈັດຕັ້ງປະຕິບັດ ແລະ ປະເມີນກວດກາ 4 ບຸກ ໃນປີ 2023 ຜ່ານມາ ຄຊປປລ ສໍານັກ ສຊປລ ໄດ້ເປີດຂະບວນການຂໍ້ແຂ່ງຂັນ 4 ບຸກ, 10

ໜ່ວຍ, ສາມາດປະກາດຮັບຮອງເປັນໜ່ວຍ 4 ບຸກ ໄດ້ເທົ່າກັບ 90.90% ຂອງບັນດາໜ່ວຍຮາກຖານທັງໝົດ, ສ່ວນບົດຮຽນທີ່ຖອດຖອນໄດ້ ຄຊປປລ ສໍານັກ ສຊປລ ໄດ້ເພີ່ມທະວີການຍາດແຍ່ງຂໍທິດຊີ້ນໍາ, ຄໍາຄິດຄໍາເຫັນຈາກຄະນະພັກ ຜູ້ຊີ້ນໍາອົງການຈັດຕັ້ງມະຫາຊົນ ຢ່າງເປັນປະຈໍາ, ສຸມໃສ່ປັບປຸງແບບແຜນວິທີເຮັດວຽກ ແລະ ກົນໄກການປະສານງານຂອງຄະນະຊາວໜຸ່ມແຕ່ລະໜ່ວຍຢ່າງຄ່ອງແຄ້ວ ທັນຕາມກໍານົດເວລາ, ເອົາໃຈໃສ່ປັບປຸງລະບົບການຈັດຕັ້ງໃຫ້ໜັກແໜ້ນເຂັ້ມແຂງ,ດໍາເນີນຊີວິດການເມືອງພາຍໃນໜ່ວຍຢ່າງປົກກະຕິ, ຍົກລະດັບຄວາມຮູ້,ຄວາມສາມາດ,ປະສົບການຂອງສະມາຊິກຊາວໜຸ່ມ ແລະ ກໍ່ສ້າງພະນັກງານສືບທອດປ່ຽນແທນຢ່າງເປັນລະບົບຕໍ່ເນື່ອງ; ຕີລາຄາແຕ່ລະດ້ານສາມາດປະຕິບັດໄດ້ຄື:ບຸກດ້ານແນວຄິດ ຕີລາຄາໄດ້ 98%,ບຸກດ້ານການຝຶກຝົນ-ຫຼໍ່ຫຼອມຮໍ່າຮຽນ ຕີລາຄາໄດ້ 97%, ບຸກດ້ານວຽກງານການຈັດຕັ້ງ ຕີລາຄາໄດ້ 97%,ບຸກດ້ານວິຊາຊີບ-ສ້າງວຽກເຮັດງານທໍາ ຕີລາຄາໄດ້ 98% ຊຶ່ງສາມາດຈັດຢູ່ໃນປະເພດແຂງ.

(ຂ່າວ:ສຊປລ)