ເພື່ອຊຸກຍູ້ຕິດຕາມການກໍ່ສ້າງພື້ນຖານໂຄງລ່າງ ໃຫ້ເປັນໄປຕາມແຜນການທີ່ໄດ້ກໍານົດໄວ້ ເພື່ອອຳນວຍຄວາມສະດວກ ແລະ ປະກອບສ່ວນເຂົ້າໃນການພັດທະນາຊີວິດການເປັນຢູ່ຂອງພໍ່ແມ່ປະຊາຊົນ ກໍຄືເສດຖະກິດແຂວງບໍລິຄຳໄຊ, ໃນວັນທີ 6 ພະຈິກ ນີ້ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມຄະນະ ໄດ້ລົງຊຸກຍູ້ຕິຕາມ ການກໍ່ສ້າງພື້ນຖານໂຄງລ່າງ ຢູ່ເມືອງໄຊຈໍາພອນ, ໂດຍມີ ທ່ານ ໂກ່ ໄຊສົມບັດ ເຈົ້າເມືອງໄຊຈຳພອນ, ບັນດາພະແນກການ ແລະ ພາກສ່ວນກ່ຽວຂ້ອງຂັ້ນແຂວງ, ຂັ້ນເມືອງ ຮ່ວມພາທາງ.
ພາກສ່ວນກ່ຽວຂ້ອງໄດ້ລາຍງານໂດຍຫຍໍ້ວ່າ: ໂຄງການກໍ່ສ້າງຂົວເບຕົງອັດແຮງຫ້ວຍເລົາ ມີຄວາມກວ້າງ 9 ແມັດ ແລະ ຍາວ 50 ແມັດ ມູນຄ່າການກໍ່ສ້າງ 12 ຕື້ກວ່າກີບ ແລະ ໄດ້ເລີ່ມລົງມືຈັດຕັ້ງປະຕິບັດແຕ່ກາງເດືອນມິຖຸນາ 2023 ປັດຈຸບັນມີຄວາມຄືບໜ້າແລ້ວ 16,29%. ຈາກນັ້ນ, ທ່ານເຈົ້າແຂວງບໍລິຄຳໄຊ ພ້ອມຄະນະ ຍັງໄດ້ສືບຕໍ່ລົງໄປກວດກາຕິດຕາມເບິ່ງໂຄງການກໍ່ສ້າງຂົວອູ່ຂ້າມນໍ້າຮຸງ ຢູ່ບ້ານສົບຂອນ ຊຶ່ງຂົວອູ່ດັ່ງກ່າວມີຄວາມຍາວ 70 ແມັດ ແລະ ກວ້າງ 1,5 ແມັດ, ມູນຄ່າການກໍ່ສ້າງ 345 ລ້ານກວ່າກີບ, ເລີ່ມຈັດຕັ້ງປະຕິບັດແຕ່ວັນທີ 16 ຕຸລາ 2023 ປັດຈຸບັນສໍາເລັດແລ້ວ 11,5% ແລະ ຄາດວ່າຈະກໍ່ສ້າງສຳເລັດໃນທ້າຍເດືອນພະຈິກ 2023 ນີ້. ສືບຕໍ່ລົງຕິດຕາມໂຄງການກໍ່ສ້າງເສັ້ນທາງຍົກລະດັບປູຢາງ 2 ຊັ້ນ ຫຼັກ 5 ຫາ ນໍ້າອ້ອນ ໃນໄລຍະທາງ 60 ກວ່າກິໂລແມັດ ມູນຄ່າການກໍ່ສ້າງ 472 ຕື້ກວ່າກີບ, ປັດຈຸບັນປະຕິບັດໄດ້ແລ້ວ 17,68% ແລະ ໂຄງການກໍ່ສ້າງລະບົບນໍ້າປະປາ ເທດສະບານນໍ້າອ້ອນ ເມືອງໄຊຈໍາພອນ ມູນຄ່າການກໍ່ສ້າງ 11 ຕື້ກວ່າກີບ ຮອດປັດຈຸບັນປະຕິບັດໄດ້ແລ້ວ 59,18%.
ຕໍ່ກັບການກໍ່ສ້າງພື້ນຖານໂຄງລ່າງ ທ່ານເຈົ້າແຂວງ ໄດ້ຮຽກຮ້ອງໃຫ້ການນໍາຂອງເມືອງ, ພະແນກການ ແລະ ພາກສ່ວນກ່ຽວຂ້ອງ ເອົາໃຈໃສໃນການຊຸກຍູ້ບັນດາໂຄງການຕ່າງໆ ໃຫ້ໄດ້ຮັບການຈັດຕັ້ງປະຕິບັດຕາມແຜນການທີ່ວາງໄວ້, ປະສານສົມທົບຊຶ່ງກັນ ແລະ ກັນ ໃນການລົງຕິດຕາມກວດກາ ດ້ານເຕັກນິກວິຊາການໃນການກໍ່ສ້າງ ເພື່ອຮັບປະກັນມາດຕະຖານ ແລະ ຄຸນນະພາບຂອງແຕ່ລະໂຄງການ ແນໃສ່ປັບປຸງຊີວິດການເປັນຢູ່ຂອງພໍ່ແມ່ປະຊາຊົນໃຫ້ດີຂຶ້ນ, ສາມາດສັນຈອນໄປມາໄດ້ຢ່າງເປັນປົກກະຕິ, ອຳນວຍຄວາມສະດວກ ໃນການຈໍລະຈອນສິນຄ້າຂອງປະຊາຊົນທ້ອງຖິ່ນ ກໍຄືຜົນຜະລິດການປູກ-ການລຽ້ງອອກສູ່ຕ່າງເມືອງ, ຕ່າງແຂວງ ແລະ ອອກໄປສູ່ຕ່າງປະເທດ ຊຶ່ງຈະປະກອບສ່ວນອັນສຳຄັນເຂົ້າໃນການພັດທະນາຊີວິດການເປັນຢູ່ຂອງພໍ່ແມ່ປະຊາຊົນ, ເສດຖະກິດຂອງເມືອງ ກໍຄືເສດຖະກິດຂອງແຂວງບໍລິຄຳໄຊ.
ໃນໂອກາດດັ່ງກ່າວທ່ານເຈົ້າແຂວງ ຍັງໄດ້ໄປຢ້ຽມຊົມ ເຮືອນຂອງ ທ່ານ ສີສົມພອນ ລໍວັນໄຊ ອະດີດກົມການເມືອງຮຸ່ນທຳອີດ ທີ່ບ້ານໂພນງາມ ທີ່ທາງເມືອງມີແຜນປັບປຸງ ແລະ ພັດທະນາ ສ້າງເປັນສວນສາທາລະນະ ຂອງທ່ານ ສົມພອນ ລໍວັນໄຊ ຢູ່ເມືອງໄຊຈໍາພອນ ໃຫ້ກາຍເປັນແຫຼ່ງທ່ອງທ່ຽວ ທັງເປັນບ່ອນສຶກສາຮຽນຮູ້ທາງປະຫວັດສາດ ຕິດພັນກັບການສ້າງອາຊີບໃຫ້ພໍ່ແມ່ປະຊາຊົນ ເພື່ອແນໃສ່ດຶງດູດການທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ຫຼາຍຂຶ້ນ.
ຂ່າວ-ພາບ: ສີປະເສີດ
ພາກສ່ວນກ່ຽວຂ້ອງໄດ້ລາຍງານໂດຍຫຍໍ້ວ່າ: ໂຄງການກໍ່ສ້າງຂົວເບຕົງອັດແຮງຫ້ວຍເລົາ ມີຄວາມກວ້າງ 9 ແມັດ ແລະ ຍາວ 50 ແມັດ ມູນຄ່າການກໍ່ສ້າງ 12 ຕື້ກວ່າກີບ ແລະ ໄດ້ເລີ່ມລົງມືຈັດຕັ້ງປະຕິບັດແຕ່ກາງເດືອນມິຖຸນາ 2023 ປັດຈຸບັນມີຄວາມຄືບໜ້າແລ້ວ 16,29%. ຈາກນັ້ນ, ທ່ານເຈົ້າແຂວງບໍລິຄຳໄຊ ພ້ອມຄະນະ ຍັງໄດ້ສືບຕໍ່ລົງໄປກວດກາຕິດຕາມເບິ່ງໂຄງການກໍ່ສ້າງຂົວອູ່ຂ້າມນໍ້າຮຸງ ຢູ່ບ້ານສົບຂອນ ຊຶ່ງຂົວອູ່ດັ່ງກ່າວມີຄວາມຍາວ 70 ແມັດ ແລະ ກວ້າງ 1,5 ແມັດ, ມູນຄ່າການກໍ່ສ້າງ 345 ລ້ານກວ່າກີບ, ເລີ່ມຈັດຕັ້ງປະຕິບັດແຕ່ວັນທີ 16 ຕຸລາ 2023 ປັດຈຸບັນສໍາເລັດແລ້ວ 11,5% ແລະ ຄາດວ່າຈະກໍ່ສ້າງສຳເລັດໃນທ້າຍເດືອນພະຈິກ 2023 ນີ້. ສືບຕໍ່ລົງຕິດຕາມໂຄງການກໍ່ສ້າງເສັ້ນທາງຍົກລະດັບປູຢາງ 2 ຊັ້ນ ຫຼັກ 5 ຫາ ນໍ້າອ້ອນ ໃນໄລຍະທາງ 60 ກວ່າກິໂລແມັດ ມູນຄ່າການກໍ່ສ້າງ 472 ຕື້ກວ່າກີບ, ປັດຈຸບັນປະຕິບັດໄດ້ແລ້ວ 17,68% ແລະ ໂຄງການກໍ່ສ້າງລະບົບນໍ້າປະປາ ເທດສະບານນໍ້າອ້ອນ ເມືອງໄຊຈໍາພອນ ມູນຄ່າການກໍ່ສ້າງ 11 ຕື້ກວ່າກີບ ຮອດປັດຈຸບັນປະຕິບັດໄດ້ແລ້ວ 59,18%.
ຕໍ່ກັບການກໍ່ສ້າງພື້ນຖານໂຄງລ່າງ ທ່ານເຈົ້າແຂວງ ໄດ້ຮຽກຮ້ອງໃຫ້ການນໍາຂອງເມືອງ, ພະແນກການ ແລະ ພາກສ່ວນກ່ຽວຂ້ອງ ເອົາໃຈໃສໃນການຊຸກຍູ້ບັນດາໂຄງການຕ່າງໆ ໃຫ້ໄດ້ຮັບການຈັດຕັ້ງປະຕິບັດຕາມແຜນການທີ່ວາງໄວ້, ປະສານສົມທົບຊຶ່ງກັນ ແລະ ກັນ ໃນການລົງຕິດຕາມກວດກາ ດ້ານເຕັກນິກວິຊາການໃນການກໍ່ສ້າງ ເພື່ອຮັບປະກັນມາດຕະຖານ ແລະ ຄຸນນະພາບຂອງແຕ່ລະໂຄງການ ແນໃສ່ປັບປຸງຊີວິດການເປັນຢູ່ຂອງພໍ່ແມ່ປະຊາຊົນໃຫ້ດີຂຶ້ນ, ສາມາດສັນຈອນໄປມາໄດ້ຢ່າງເປັນປົກກະຕິ, ອຳນວຍຄວາມສະດວກ ໃນການຈໍລະຈອນສິນຄ້າຂອງປະຊາຊົນທ້ອງຖິ່ນ ກໍຄືຜົນຜະລິດການປູກ-ການລຽ້ງອອກສູ່ຕ່າງເມືອງ, ຕ່າງແຂວງ ແລະ ອອກໄປສູ່ຕ່າງປະເທດ ຊຶ່ງຈະປະກອບສ່ວນອັນສຳຄັນເຂົ້າໃນການພັດທະນາຊີວິດການເປັນຢູ່ຂອງພໍ່ແມ່ປະຊາຊົນ, ເສດຖະກິດຂອງເມືອງ ກໍຄືເສດຖະກິດຂອງແຂວງບໍລິຄຳໄຊ.
ໃນໂອກາດດັ່ງກ່າວທ່ານເຈົ້າແຂວງ ຍັງໄດ້ໄປຢ້ຽມຊົມ ເຮືອນຂອງ ທ່ານ ສີສົມພອນ ລໍວັນໄຊ ອະດີດກົມການເມືອງຮຸ່ນທຳອີດ ທີ່ບ້ານໂພນງາມ ທີ່ທາງເມືອງມີແຜນປັບປຸງ ແລະ ພັດທະນາ ສ້າງເປັນສວນສາທາລະນະ ຂອງທ່ານ ສົມພອນ ລໍວັນໄຊ ຢູ່ເມືອງໄຊຈໍາພອນ ໃຫ້ກາຍເປັນແຫຼ່ງທ່ອງທ່ຽວ ທັງເປັນບ່ອນສຶກສາຮຽນຮູ້ທາງປະຫວັດສາດ ຕິດພັນກັບການສ້າງອາຊີບໃຫ້ພໍ່ແມ່ປະຊາຊົນ ເພື່ອແນໃສ່ດຶງດູດການທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ຫຼາຍຂຶ້ນ.
ຂ່າວ-ພາບ: ສີປະເສີດ
